لقاء كارثي

نسمه….اااا طيب اا انت يعني مش عايز تنام جيت من شغلك ملحقتش ترتاح وجيت معايا ووو

نادر…..ملكيش دعوه بيا انا زي الفل هرتاح اما اعرف كنتي بتعيطي ليه و لا انتي ماحبه اصلا تحكيلي

نسمه….لا مش كده

نادر…..طيب قوليلي بقي نعيمه عملتلك ايه

نسمه….هو انا هقولك بس الاول في موضوع لازم تعرفوا

نادر….ماشي وانا سامعك

نسمه…ماشي بس كمان اوعدني متتكلمش معاها ولا تعرف بابا و ماما و لا كمان تزعل من اللي انت هتسمعوا

نادر…..انا لا هزعل ولا هنكلم مع حد انا اللي يهمني اعرف مالك يلا احكي

نسمه…..اااا ماشي هحكي اهو

كان باين عليها التوتر و الاحراج و الخوف في نفس الوقت من رد فعله و كانت عماله تلعب في صوبعها

نادر…..احكي يا نسمه انا سامعك

نسمه…اااا نادر انا يعني في حد في حياتي

بصلها ثواني من غير اي ريأكشن و سكت

نسمه…..اااا بس والله العظيم يا نادر حد محترم و كويس جدا و في كل الصفات الحلوه و انا مش عيزاك تزعل مني اااا انا والله يعني كنت هعرفك اكيد بس كنت مستنيه لما يحصل تطور اكتر او لما يبقي في حاجه تخليني اخد الخطوه دي انت عارف انا مش بخبي عليك حاجه انت بتثق فيا مش كده

نادر….بابتسامه هاديه طبطب علي ايدها اكيد بثق فيكي انا بس عايزك متبقيش متوتره و اهدي انا سامعك حصل امته و مين هو وليه الوقت جاي تقولي ادام مفيش تطور

نسمه…..مقصدتش يعني ان مفيش تطور انا اقصد ان الموضوع كله لسه في الاول خالص فاهمني

نادر…..طيب انا مش فاهم برضوا هو مبقتش موجود يعني عشان كده قررتي تحكي

نسمه….لا موجود انا بس زي ما قولتلك الموضوع لسه في البدايه خالص

نادر….ماشي بس انا حابب اسمعك اكتر يعني بما انك قررتي تحكي فا اكيد انا متحمس جدا اني اسمع

نسمه…..ماشي هقولك هو مبدأيا انت تعرفوا

نادر….بابستفهام انا اعرفوا مين

نسمه….ااا احممم سليم

نادر…..سليم مين ؟

نسمه….اخو عشري

نادر…..بصدمه وابتسامه بسيطه بجد

نسمه….اه بس كمان مش عيزاك تزعل منه انا عارفه انكم بقيتوا صحاب و السفريه قربتكم من بعض اكتر بس انت عارف يا نادر انه مش هياخد خطوة انه يقولك او يتكلم معاك الا لو عرفني اكتر اتعرف عليا حس انا موافقه او لا بس هو كويس والله واكيد مش قاصد انه يخبي عليك

نادر…..بابتسامه طيب وحصل امته ده