لقاء كارثي
لقاء كارثي
و بس نسمه قالتها مش هيحصل و مش هبعد عن سليم و مش انا اللي بتاعت مشاكل و طبعا كانت منهاره نعيمه قالتها قدامك يومين لو مبعدتيش عنه هقول لامك وابوكي و نادر طبعا هي كلمتني وهي منهاره و نزلت قابلتها وحكيتلي قولتلها قولي لنادر بينك وبينه عشان يبقي حد عارف و عشان كمان تشوفي رد فعله نفس رد فعل نعيمه ولا لا و بس لقتها بعتالي ڤويس شوفته لما صحيت قالت لنادر و هو اتبسط وقالها ملكيش دعوه بنعيمه و متقدرش تعمل حاجه و سيبهالي انا و طلب منها تقول لنوجا و بس كده
ليله…..ده كان امته يا تقي امبارح
تقي…اه امبارح ماهي قبل ما تجيلك راحت عندهم و اتغدت معاهم و طلعت من هناك عليكي و انا قابلت نسمه بعد ماهي نزلت
ليله….طيب وغير الحوار ده قالتلك ان كان في اي مشكله قبل كده
تقي…..لا مفيش خالص
ليله….طيب تمام روحي انتي الوقت وهبقي اكلمك بعدين
تقي……طيب ليله اوعي تعرفيها انها قالتلي هتقلب علي نسمه و مش بعيد تقول لامها وابوها بجد خليها الاول نسمه تقول
ليله….متقلقيش يا تقي مش هجيب سيرة الحوار اصلا
تقي…..ماشي يا مووزه يلا باي باي يا ايمي
ايمي…..باي يا صايعه انتي و صاحبتك
تقي….بضحك باي
ققلت ليله و بصت لايمي
ليله…..في حاجه غلط
ايمي….غلط ايه قولي عك هبل تخلف البت دي اتجننت ولا ايه ازاي اصلا تكسر اختها بالشكل ده
وهي مالها اصلا تحب سليم و لا غيره هتحكم عليها و مشاكل ايه مين فيهم اللي بتاعت مشاكل و مبتسكتش هي نسمه دي بتنطق انا طول عمري بقولها نسمه مش دي انتوا اتلغبطتوا فيها وخدتوا حد تاني لما اتولدت
ليله….نعيمه بدات تعك الدنيا بجد و بعدين المشكله مش في كده يعني هي جايه اصلا وهي عامله مشكله مع اختها وقبلها بيوم مع ايه وسلمي و نادين و ده معناه ان حوار انها مضايقه مع اهلها مش صح الحوار ده حصل بعد حوارها مع البنات دي
ايمي…المشكله مش في كده المشكله انها بتقولها قدامك يومين لو مبعدتيش عنه هقول لامك وابوكي واخوكي هي اتجننت بتهددها بدل ما تفرحلها يعني انا افتكر ان امنيه لما اتخطبت لعمرو كانت هتموت وتظبطني مع حسن اخو عمرو و تقولي والنبي عشان نبقي اتنين اخوات اتجوزوا اتنين اخوات بدل ما تفرح العبله خايفه من المشاكل و بعدين هما مش اخوات اصلا انا مبقتش فهماها
ليله….ايمي تفتكري جوازي بجد اللي عامل كده في نعيمه
