لقاء كارثي

نغم…..ايه هو ممكن تيجي هنا علي السرير بجد انا مضايقه وانتي نايمه هناك كده

ايه…انا كويسه متحمليش همي والله نايمه كويس يلا نامي بقي

نغم….طيب معلش ممكن اخر سؤال

ايه….بأبتسامه اسألي ياستي الف سؤال مش سؤال واحد

نغم….ممكن يعني تبقي تعرفي من تامر التليفون هيتصلح امته

ايه…..و مسألتيهوش ليه انهارده مكسوفه

نغم….لا مش كده بس يعني انا مشفتهوش اصلا من يوم جيت معاكم انا ببقي هنا في الاوضه و بصراحه لما بيجي بتحرج أسال بقول لو اتصلح كان جابه بس انا حابه اعرف حتي هيتصلح امته

ايه……و انتي مخرجتيش بره تقعدي معاهم

نغم…..لا احنا كنا قاعدين هنا مع بعض

ايه….اممم طيب خلاص بكره هسألوا بأذن الله و هرد عليكي بس هو اكيد قرب يعني

نغم…..ماشي ان شاء الله خير انا بس كل اللي هاممني انه يتصلح اصلا و كمان عشان امشي

ايه…..بقولك ايه شيلي حوار امشي ده من دماغك الوقت قونالك لما تقفي علي رجلك الاول و لما تتصلي علي بباكي

نغم….ماشي يا أيه يلا نامي

ايه….متأكده مفيش رغي تاني

نغم….بابتسامه لا خلاص تصبحي علي خير

ايه….وانتي من اهل الخير

……………..

عند عسال و نادين من بدايه ما مشيوا و هي ساكته طول الطريق

حتي لما وصلوا معلقتش علي طلوعه معاها لان هي كانت سمعاه اصلا و هو كان حابب يسيبها براحتها و ميتكلمش كتير دخلت غيرت و هو كمان.

خرجت نادين من الاوضه بعد ما غيرت كان قاعد علي كرسي البار و بيشرب سيجاره.

نادين….ميدو تحب تاكل ايه

عسال….لا يا حبيبي انا مش جعان انتي جعانه

نادين….لا خالص انا بسألك انت

عسال….لا لو عايز هقولك بس مش جعان والله قوليلي تحبي تتكلمي يعني نقعد شويه نتكلم

نادين….بأبتسامه هاديه معلش يا ميدو انا حاسه اني مصدعه اوي و محتاجه انام

عسال…..طيب يا روحي ارتاحي انام معاكي

ابتسمت بهدوء و ارتباك بسيط

نادين….ميدو مش عبزاك تزعل مني بس انا حاسه اني عايزه اكون لوحدي ممكن

بابتسامه هاديه هز راسه

عسال…ممكن يا روحي يلا ادخلي انا هشرب السجاره و هدخل انام بردوا

نادين….اوك تصبح علي خير

عسال….وانتي من اهل الخير يا تويتي

دخلت نادين وقفلت الباب و سابت النور زي ما هو مفتوح و طلعت علي السرير اتغطت و فضلت سرحانه و باصه علي الارض كانت مضايقه اوي و ملهاش نفس تتكلم و حاسه ان اليوم كان وحش اوي