لقاء كارثي

فضل…..صحيح كنت حابب أسالك سؤال

نعيمه….أسال

فضل……انتي في حد كان عندك هنا انهارده

نعيمه….حد مين؟

فضل….يعني اي حد بواب صنايعي اي حد كان بيعملك حاجه

نعيمه…..لا انا قومت نزلت لما صحيت و جيت عليكم و بعدين جيت علي هنا

فضل…طب ولما جيتي كان عندك حد

نعيمه…..حد مين يا فضل اللي كان عندي ؟

فضل….امممم ايه السجاير اللي في الطفايه دي و ليه ريحه البيت مليانه سجاير يا نعيمه؟

بصتلوا بتوتر و كان واضح اوي لفضل انها بتجهز كدبه

نعيمه…..ااا ده امبارح كان البواب بيعمل حاجه وووو كنت بديلوا شويه حجات ليه يعني

فضل…..امته ده

نعيمه….امبارح بقولك علي العصر كده

قرب فضل مسك الطفايه و بعدين بصلها

فضل…..البواب طلع شرب سجاير في شقتك و شرب سبع سجاير كمان اممممم هو مش انتي امبارح نزلتي
بعد ما فطرتي انتي ونادين روحتوا مع بعض المخزن و بعد كده روحتوا لمصطفي و طلعتوا عند سلامه و بعدين روحتوا لسلمي وايه عصر ايه بقي اللي جالك هنا البواب

نعيمه….اااا فضل انت شاكك فيا؟

فضل…..اه يا نعيمه شاكك فيكي

نعيمه….انت اكيد مجنون ايه جايبه راجل يعني

فضل…..لا يا نعيمه مقولتش كده بس لما شوفتك عند ليله شميت ريحه سجاير في شعرك بس كدبت نفسي و الوقت لما دخلت ريحة المعطر اللي انتي رشتيه مقدرتش تغطي علي ريحه السجاير اللي ماليه البيت من امته يا نعيمه هاااا من امته

نعيمه….اااا فضل انااا

فضل….شششششششش انا مش عايز اسمع ولا كلمه و لا هقول ولا كلمه بس احنا لينا كلام كتير و قاعده طويله مع بعض عشان نحط النقط علي الحروف من اول وجديد يا بنت الناس انا عارف ان الكلام الوقت مش وقته و هطلع جدع للاخر معاكي يانعيمه و بعدها نتكلم بس يكون في علمك مش هعديهالك

حط الطفايه بغضب علي البار و اداها ضهره وراح للباب رزعه وراه وخرج جسمها اتنفض من رزعه الباب و غمضت عينها ثواني و بعدين فتحت و بصت علي الباب بتوتر

…………….

في غرفه نسمه كانت قاعده علي السرير و ساكته خالص عماله تقلب في موبايلها سمعت خبط علي الباب

نسمه….ادخل

فتح نادر الباب و ابتسم ابتسامه هاديه وقرب منها و قعد جنيها علي حرف السرير

نادر…..ادينا رجعنا بعد ما وصلنا تقي و سيبتك براحتط لحد ما بابا و ماما ناموا زي ما طلبتي ممكن بقي اعرف مالك