لقاء كارثي
لقاء كارثي
قامت بهدوء و راحت ليله فتحت الشبابيك كلها
ايمي….افتحي افتحي اتخنقت انتي يابت نايمه بلبسك كده
نعيمه…راحت عليا نومه انتوا ايه اللي جابكم اصلا
ليله…خير مش بيتي ده زي ماهو بيتك
ايمي…يابت بدل ما تقولي نورتوا و قومي كده فوقي
قربت ليله وقعدت جنبهم
ليله…ايه المنظر ده و ايه الريحه دي خلاص بقيتي مدخنه يا ست نعيمه
نعيمه….ما تبطلي صداع الصبح دماغي هتتفرتك
ليله….لا فوقي كده عشان هتتفرتك اكتر مني
ايمي….انتي فيكي ايه يابت ايه المنظر ده بجد وايه السجاير اللي طالعه فيها دي
نعيمه….ااااه الحفله عليا صح
ليله….انتي لسه شوفتي حفله قومي يابت اغسلي وشك ده و تعالي
نعيمه…..ماشي تشربوا ايه
ايمي….لا نشرب ايه بقي ماشاء الله الكوبايات كلها زي الزفت روحي اغسلي وشك وتعالي
مشيت وسابتهم
ايمي…..هرومونات دي ولا اكتئاب
ليله….قامت و بقت تشيل في الكوبايات لا دي خياااااابه
شالت كل الكوبايات حطتهم في الحوض و جابت فوطه و معقم نضفت التربيزه و فضلت راحه جايه تظبط في البيت و تمسح بالفوطه و ايمي راحه جايه معاها تشيل الحاجه
ليله….روحي يا ايمي اقعدي
ايمي….خليني اشيل معاكي القرف ده
ليله….روحي انا هغسل بس القرف ده وجايه اطمن علي اوضتي بالمره حساها بقت مخزن
ايمي….بضحك قصدك مزبله
ظبطت بسرعه ليله المطبخ و نضفت الرخام من التراب و بعدين راحت بضت علي الاوضه كانت زي ماهي نضيفه قفلتها تاني و خرجت تظبط المكان
شويه وخرجت نعيمه لابسه بچامه غيرت و غسلت وشها
نعيمه…..عاملين ايه
ايمي….زي الفل يا اختي
ليله….هو في ايه يا نعيمه ايه المنظر اللي انتي قاعده فيه ده وايه كميه السجاير اللي في الطفايه دي
نعيمه….ليله انا مش قادره اتكلم والله
ليله….انتي تخرسي خالص انتي ليكي عين اصلا تنطقي بتتتت انتي جرالك ايه مالك كده مش مظبوطه ليه ايه اللي حاصل معاكي عشان توصلي لكده
ايمي….في ايه يا نعيمه مالك
نعيمه….انا بخير يا ايمي زي الفل
ايمي…كده وزي الفل
نعيمه…..مالي بس يا ايمي
ليله…لا بصي ما انا مش سايبه البيت و جايلي انهارده ناس عشان تقوليلي زي الفل انا جايه اعرف في ايه و ايه اللي هببتيه مع سلمي وايه ده
نعيمه…..ليله انا مش عايزه اتكلم في الحوار ده انا قفلتوا خلاص و مليش علاقه بيهم
