لقاء كارثي

ماريز …..صوابعك مش زي بعضها زي ما في الحلو في الوحش و ادينا بنتعلم و بناخد خبره و انا معاكي ولما موبايلك يتصلح خدي رقمي من سلمي او ايه و كلميني اي وقت وعلي فكره احنا بيتنا هنا جنبهم لما تقومي علي رجلك هخلي البنات يجيبوكي انا بحب الناس وبحب الرغي اوي يعني هتتسلي معايا متخافيش

نغم…بضحكه جميله هجيلك والله متقلقيش و بما اني عرفت ان حضرتك بتحبي الزرع اوعدك اول مرتب ليا هتكون زرعه هديه ليكي

ماريز…. بضحكه جميله لا كده هحبك اكتر بقي

ضحكت نغم و كانت مبسوطه و طاقة زوزو الحلوه غيرت نفسيتها 180 درجه

…………..

وصل فضل عند نعيمه وقف قدام الباب خبط.

نعيمه من اول ما وصلت كانت قاعده علي الكنبه بلبسها زي ما هي و عماله تشري في سجاير ساكته خالص و قافله موبايلها و قافله اغلب النور البيت اصلا كان بقاله يومين مش احسن حاجه التربيزه عليها كوبايات في تراب علي الاسقف بتاعت الترابيزات و البار بتاع المطبخ في حاله بسيطه من الفوضي الغير عاديه من بعد ما نادين مشيت و مقفله الشبابيك فا ريحة السجاير بدأت تطبع في المكان

كانت سانده راسها لوراء و عماله تنفخ في السجاير بهدوء و جوه عقاها في كركبه مش طبيعيه عماله تفتكر احداث اليوم من بدايته كلامها مع نسمه خناقتها مع صحابها كل حاجه مكانتش كويسه و فجاه سمعت صوت الباب قامت بسرعه و اول حد جه في بالها فضل لانها بعتتلوا رساله انها وصلت و قفلت بعدها الموبايل و عارفه انه ممكن يجيلها طفت السيجاره و جريت فتحت الشباك و رشت معطر و خدت الطفايه بسرعه حطتها في المطبخ و بعد كده راحت علي الباب

نعيمه….مين

فضل……انا افتحي

فتحت نعيمه بهدوء الباب و بصتلوا

فضل….ايه مش هتقوليلي ادخل

نعيمه….ادخل طبعاً

بعدت عن الباب و دخلت و هو قفا ودخل و كان شامم ريحه سجاير قويه بص علي البيت اول مره يشوف شكله كده و كان واثق ان كده في مشكله كبيره عند نعيمه

وسعت نعيمه من قدامه دخل قعد

نعيمه…..اعملك قهوه و لا تشرب ايه

فضل…..اقعدي اقعدي مش عايز اشرب حاجه

قعدت نعيمه بهدوء قدامه و بعدت عينها عنه

ولع سيجاره و ساب حاجته علي الكنبه و بعدين بصلها و بدأ يتكل بكل هدوء ونبره واطيه خالص

فضل……قافله موبالك ليه؟

نعيمه….انا بعتلك وانت رديت عليا

فضل….عارف بس اتصلت عشان اعرفك اني جاي لاقيته مقفول