لقاء كارثي

خرجت ليله راحت الدريسنج ثواني و بعدين قربت من السرير طلعت جنبه من غير ولا كلمه خدت منه الموبايل قفلتوا و فردت دراعه و نامت جوه حضنه بهدوء

ابتسم بحب ورفع كفه علي راسها وباسها من جبهتها

عشري…..ايه البلطجه دي مش تستأذني وانتي بتاخدي ايدي

ليله…..عايزه انام

عشري…..برضوا تستأذني

ليله…..بابتسامه هاديه بصتلوا ممكن

عشري…..يا باشا ده ايدي ورجلي وحضني و كل حاجه تحت امرك

ليله بابتسامه ضمتوا و فضلت تحرك راسها بهدوء زي القطه في حضنه

عشري…..القمر بتاعي مضايق صح

هزت راسها في حضنه بأه

عشري…..لا مينفعش القمر بتاعي يضايق ده انا أقوم اروح اقتل نعيمه و سلمي و ايه و نادين كمان عشان زعلوكي

ليله…. بابتسامه لا وانا هسكتلك يعني

عشري….بضحك الله مش زعلوكي يعني الحق عليا

ليله….اه الحق عليك اطلع منها بقي

عشري….تصدقي انا غلطان و ابعدي عن حضني بقي

ليله….لا

عشري….. بابتسامه تجنن سكت شويه ليله

ليله….نعم

عشري…..ممكن متضايقيش كده

اتنهدت ليله و قامت قعدت وبصتلوا

ليله….بس انا مضايقه بجد اول مره اشوفهم كده و اول مره ابقي واقفه وسطهم مش عارفه اقول كلمه يمكن لو كان ده حصل في بيت التجمع كنت طلعت عين اللي خلفهم

عشري….بضحكه جميله و مطلعتيش عين اللي خلفهم في بيت زايد ليه

ليله….بضحكه جميله مش عارفه قولتلك ان جو العروسه ده مش بتاعي مصدقتنيش معرفش حسيت يعني ان كلامي او خناقي معاهم هنا هيبقي حساس اكتر هناك مهما كان بيحصل مش بيزعلوا ولو اتخانقت اتعصب و دخلت حتي اوضتي و رزعت الباب في خلقتهم عادي ولا بيتأثروا بس حسيت هنا الوضع مختلف حساه بيتي حسيت اي كلمه او زعيق هتزعلهم بجد

عشري….بصحك نهارك مش فايت حساه بيتك انتي مش متأكده

ليله…..بص انا في ايه وهو في ايه مقصدش كده اقصد ان هنا حاسه انه بيتي اكتر بيت التجمع بحسه بيتنا كلنا مش هيضايقوا او يتحرجوا لو زعقت اتخانق بهدلتهم انت فاهم انا عايزه اقول ايه ولا لا في يومك اللي مش فايت انا

عشري…. بضحك رفع جسمه وقاملها شويه مسكها من رقبتها لا وحياة امك متزعقيش اه فاهم

ليله…بضحك انت بتزعق

عشري…..اه و عموما يعني فاهمك و فاهم تقصدي ايه كويس انتي شايفه ان الموضوع مختلف بعد الجواز في التجمع انتي ليله صاحبتهم وبس هنا انتي ليله صاحبتهم اللي اتجوزت و اي كلمه ممكن تتاخد بحساسيه لانهم في بيتك صح