لقاء كارثي

وعلي الساعه سبعه جاتلها تقي ونسمه و عدي و سليم كانوا معاهم
بيباركولهم كانوا مبسوطين و شويه و ليله خدتهم المطبخ معاها يساعدوها ويتكلموا شويه

ليله …نسمه انا عرفت اللي حصل بينك وبين نعيمه

بصت نسمه لتقي

تقي….ايه هي اللي سالتني وفكرتها اصلا تعرف

ليله….انا سالتها لان اختك مش مظبوطه و حصل مشكله بينها وبين البنات هنا عندي بس انا عايزه اقولك متزعليش منها و متاخديش منها موقف اختك نفسيا تعبانه مش قادره افهم من ايه بالظبط بس هي جواها مش احسن حاجه لكن هي ممانتش تقصد اي حاجه انتي عارفه انها بتحبك و هوفرحلك من قلبها

نسمه…..انا مش زعلانه منها يا ليله علي قد ما انا زعلانه اني كنت مستنيه فرحتها مش اكتر

ليله….وفرحتها بيكي مش محتاجه كلام دي ملهاش غيرك بس خليكي جنبها

نسمه…..مبتديش فرصه يا ليله وعمري ما حسيت انها محتجاني جنبها

ليله….معلش حاولي انتي و بعدين هو ده طبعها نعيمه ملهاش خلق لكن بتحبك صدقيني و بعدين يعني فات يومين تلاته من بعد اللي حصل بينكم راحت قالت لاي حد زي ما قالتلك مقالتش يعني كان مجرد كلام اهبل فهمتي متزعليش منها و صدقيني هي لما تهدأ هتعرف انها غلطت معاكي و هتراضيكي

نسمه…..ماشي يا ليله بس لازم تعرفي ان والله انا مش بتاعت مشاكل ولا عمري هكون سبب في خراب حياتها و بعدين يا ليله اشمعني انتي مضايقتيش كده لما عرفتي ان تقي مرتبطه بعدي

ليله….ولا هي زعلت صدقيني و اكيد انتي مش بتاعت مشاكل وهي عارفه ده كويس شيلي بقي كلامها من دماغك خالص و متزعليش منها

نسمه….خلاص مش زعلانه والله اصلا انا حسيت براحه كبيره لما عرفت نادر و عرفت ماما و حتي بابا قولتلوا و بصراحه في وقت كنت حاسه فيه ان ممكن بعملوا زي نعيمه بس نادر طمني و لما قولتلهم اتبسطوا اوي

ليله….طيب الحمد لله و هي كمان صدقيني مبسوطه والله هي بس مش مظبوطه نفسيتها مش احسن حاجه فهماني فا جات فيكي و جات في سلمي و ايه ونادين مش اكتر

نسمه….بابتسامه ماشي يا ستي و انا خلاص مش زعلانه

ليله….بضحك وانا كلاقت تلاته زي الرجاله لا هخلي يومك اسود انتي و الواطيه اللي جنبك دي و بس تجولي هنا هعمل فيها الكبيره و اطفشكم

نسمه…. بضحك مش مهم المهم نبقي معاكي

تقي…..ماقدرش يا قمر ده احنا هنخربها

ليله….بضحك تعالوا انتوا بس والواطيه اختك وهنبوظ الدنيا