لقاء كارثي

ليله….لا مش بمزاجك وايه ملكيش علاقه بيهم دي انتي هتخيبي يا نعيمه ااااايه فوقي دي سلمي وايه و نادين

نعيمه….انا مجتش جنب نادين نادين بره الحوار

ليله….ولما تسيبي الشغل وانتي عارفه انك بتوقعيها ولا تقوليلها متطلع معاكي و لما تسمعيها كلمتين ملهمش لاذمه عن ابوها وامها كده هي بره الحوا

نعيمه…..ليله انا مطلبتش من نادين فلوس انا قولتلها بس عشان اما ابقي بره الشغل او منزلش معاها تاني تبقي عارفه بس انا مطالبتهاش باي حاجه و قولتلها كمان حتي لو الفلوس معاكي خليهم مش عيزاهم و لما قولتلها تروح كنت عايزه ابقي لوحدي حوار سلمي وايه كان مضايقني و كلامي عن الوها وامها مكنتش قصدي انا كان قصدي ان كلنا عندنا مشاكل فا متكبروش الحوار بالله عليكم

ليله….لا يا نعيمه هو كبير و يا ستي خليني معاكي سيبك من حوار نادين انتي بقي شايفه ان حوار سلمي وايه عادي

نعيمه….ليله انا مبداتش هما اللي بدأوا و مينفعش انا اللي اطلع غلطانه

ايمي…..لا بصيلي بقي انتي حكيتي وهما حكوا

نعيمه….اه وصدقتوهم وكدبتوني صح

ايمي….هنكدبك ليه يا نعيمه و بعدين هما ليه هيكدبوا اصلا عايزينك تطاعي وحشه يعني

نعيمه….والله مش عارفه شكلها كده والدليل ان فضل جالي امبارح و جاي مشحون وانتوا كنان جايين مشحونين

ليله…بصي انا جايه وناويه اتكلم بهدوء هتخيبي انتي عارفه لو عقلي راح مني هتزعلي انا مبتشحنش يا نعيمه و خدي بالك من كلامك انا جايه هنا اعرف فيكي ايه عشان الاقي مبرر للي حصل مش جايه احسابك

ايمي….لا انا بقي جايه احاسبها عشان مهما حصل منهم حتي لو هما غلطوا الحوار ميوصلش لكده بينا يا نعيمه لا ينفع بينا بلوكات ولا قطيعه ولا اننا نشوف بعض و منسلمش علي بعض ولا انك تقوليلهم متشرفونيش دي كبيره وكبيره اوي

ليله….في ايه يا نعيمه ايه اللي حاصل لكل ده مالك مين مضايقك و موصلك للحاله دي

نعيمه حطت ايدها علي وشها و عيطت جامد

بصت ليله وايمي لبعض

ايمي…لا في حاجه و حاجه كبيره كمان

ليله….قربت منها ضمتها في ايه متقلقنيش عليكي مالك يا نعيمه والنبي

نعيمه….مفيش مخنوقه يا ليله مخنوقه اوي

ليله….طب من ايه يا قلبي قوليلي في ايه نعيمه فضل مضايقك عمل اي حاجه معاكي مش حلوه

نعيمه…لا خالص والله

ليله….طيب ابوكي وامك مزعلينك حصل منهم حاجه