لقاء كارثي

يعني اقصد فينا عيوب بنشد بنتعصب بنختلف لان كلنا عندنا طباع مختلفه نعيمه كمان زي ما انت قولت مختلفه عننا في جزئيه الكلام الدبش الردود التهور الانفعال هي بصراحه قدام ايمي و ليله بتبقي مختلفه يعني لو عملوا فيها ايه بتسكت مش بتتخانق مع نادين و بتتعامل معاها بطريقه حلوه نادين الكيوت بتاعتنا ومحدش فينا يقدر يزعلها عشان كده انا مصدومه بس من كلامها المرادي معاها و سلمي هاديه بطبيعتها و ذوق فا نعيمه بتحترم الجزء ده فيها وعمرهم ما حصل بينهم خلاف من النوع ده عشان كده برضوا انا مصدومه يمكن انا ونعيمه عشان مجانين شويه بنقفش مع بعض بس برضوا موصلتش لكده عمرها اه بتدينا كلام في وسط اي موقف يضايقنا بس بنعدي صراحتها دبش اوقات كتير مبتعرفش تجمل الكلام او تقولوا بطريقه شيك شويه تزعل وتفهم غلط ترزعنا عادي بلوكات بس احنا اتعودنا عليها زي ما بتقول صاحبك علي عيبه و هي جدعه مقدرش انكر ده وحنينه و بتفهم اوي في الواجب و بتحب مثلا لما حد يكون عنده مناسبه تفرحوا بجد فا ليها مميزات تخلينا ننسي ونعدي الدبش اللي بيحصل منها بس المرادي انا مصدومه فكره انها تعمل بلوك اه عصبتني بس قولت الصبح تفكه عادي زي ما بتعمل ديما كملت زعلها و دخلت مسلمتش عليا وانا ماده ايدي دي وجعتني بجد و ختمت بقي بكلامها و عصبيتها و اسائتها و انا تقول احنا منشرفهاش بجد وجعتني اوي يا سلامه اوي مش مصدقه كل اللي حصل

سلامه….انا عارف والله يا حبيبي و حقك طبعاً بس انتي اهو قولتي بنفسك ليها مواقف و ليها مميزات و قولتي ان في زعلها حتي لو عملت بلوك بتفكه فا اكيد نعيمه فيها حاجه

ايه….طيب فيها ايه احنا قريبين من بعض اوي ليه متحكيش لخد فينا حتي لو اختارت حد غيري انا وسلمي عادي كلنا بنروح للي بنرتاح معاه او اللي هنقدر نتكلم معاه في موقف معين محدش فينا هيزعل بس نعيمه متكلمتش و انا مش حاسه ان في مشكله مثلا حصلت لان احنا من بعد ما رجعنا من السفر تقريبا مكناش بنسيب بعض خالص

ولو عدي يوم او اتنين من غير ما نشوف بعض هي مكانتش لوحدها ليله كانت معاها نادين معاها في الشغل لو حصل حاجه كان حد فيهم قال انت فاهمني

سلامه…..فاهمك بس برضوا بلاش نستعجل الحكم عليها بصي يا ايه انا اتعلمت في الدنيا دي ان مفيش بني ادم بيتغير في يوم وليله الا لو كان عنده اسبابه