لقاء كارثي
لقاء كارثي
نعيمه….انا تمام يا ليله يعني ههدأ و هفكر بهدوء و انا بس محتاجه اقعد مع نفسي شويه
ايمي….بتنهيده ليله خلينا نمشي عشان متتاخريش علي جوزك و الناس اللي ريحالك
ليله…..ماشي بس انا مش عايزه اسيبها كده
ايمي….بصت لنعيمه لا خليها هي محتاجه تقعد مع نفسها محتاجه تفوق صح يا نعيمه
بصتلها نعيمه بهدوء و هي دموعها نازله و سكتت
ايمي….قامت وقفت يلا خلينا نمشي عشان چوي كمان لوحدها
قربت ليله من نعيمه و ضمتها اوي
ليله….هكلمك و عشان خاطري اهدي و مش عايزه اشوفك مضايقه بالشكل ده و فكري يا نعيمه فضل بيحبك اوي بجد بلاش تخلي الافكار دي تسيطر عليكي و بعدين يعني عايزه تسيبيني من غيرك ده انا مستنيه اليوم اللي تيجي فيه بفارغ الصبر يابت كل ده هبل في دماغك لما تحربي حضن فضل و انتوا في بيتكم كل ده هيتغير لما نبقي مع بعض و جنب بعض كله هيتغير
ابتسمت نعيمه بحزن فظيع و نزلت دموعها
ابتسمت ليله و مسحت دموعها
ليله…..هتبقي كويسه انا عارفه عشان انتي قويه حطي الهرومونات دي علي جنب يا هبله عشان انتي بتحبي شيخ العرب و بتموتي فيه كمان
ابتسمت نعيمه وهزت راسها بهدوء
ايمي….يلا
ليله….يلا نوني ماقفليش موبايلك تاني عشان خاطري ولو بتحبيني بجد بطلي سجاير عشان مش لايقه عليكي و مش حاجه حلوه تمسكي فيها انتي احسن من كده بكتير ماشي
نعيمه….حاضر يا ليله انا بحبك اوي
ابتسمت ليله بتأثر وضمتها اوي
ليله….وانا بحبك اكتر والله العظيم و مش عايزه اشوفك كده روقي عشان خاطري و لازم تعرفي اننا ملناش غير بعض اوعي تنسي سلمي وايه دول اخواتك يا هبله
ايمي….مش هما بس و اللي واقفه جنبك يا نعيمه العروسه اللي سابت بيتها و جوزها عشان تجيلك بلاش تزعليها و تبوظي فرحتها بانشغاهلها بيكي
ليله….لا تعمل اللي هي عيزاه المهم تبقي كويسه صح يا نوني
بعدت نعيمه عينها من عين ايمي و بصت لليله و هزت راسها
ليله….اياك تقفلي الموبايل لما اروح هطمن عليكي انا لتزم امشي عشان امك وابوكي و زوزو وحماده و حنون و حمودي كلهم جايين
نعيمه….لا روحي يا قلبي عشان تلحقي كمان تجهزي نفسك وانا كويسه والله متقلقيش عليا و انا هفوق بس شويه و هتصل علي سلمي وايه و نادين و هصالحهم
ايمي….مفتكرش بعد كلامك ده سلمي بالذات هتتصالح بسهوله بس بما انك غلطتي فا اتحملي و افضلي وراها لحد ما تروق يا نعيمه ماشي
