لقاء كارثي
لقاء كارثي
نعيمه…..مفيش يا فضل ولا اي حاجه جايز مضغوطه جايز تراكمات بس كمان انا مغلطتش و لو غلطتي هو خوفي عليهم فا خلاص لا هغلط ولا هخاف علي حد
فضل….ضغط و تراكمات من ايه ؟
في جديد حصل في حياتك انا اخر من يعلم بيه مثلا
نعيمه….هو الضغط و التراكمات يا فضل لازم تبقي حاجه جديده ما يمكن قديمه
فضل…..وايه القديم اللي في حياتك لسه مأثر عليكي لحد الوقت فهميني
ماهو اصل لو وجودي في حياتك مخلاكيش تنسي اي حاجه حصلت معاكي زماني يبقي ملهوش لازمه يا نعيمه و كمان ايه اصلا اللي كان في حياتك ده مخليكي طايحه في الكل
نعيمه….فضل انت عايز ايه بالظبط انا بجد مش فهماك
فضل….انا اللي مش فاهمك يا نعيمه و مش عرف اوصل للي في دماغك نعيمه انتي مش مبسوطه معايا
نعيمه…..فضل انت فيك انت كمان مش لاقكي حاجه تقولها هتطلع العيب فيك
فضل…..لا بس انا بجد يا نعيمه بحاول افهم في ايه في تحولات غريبه بتحصل فيكي و فجأه من غير مبرر حاسي انك متغيره بقالك فتره يعني مش عارف متغيره في برود في مشاعرك علي طول مودك مش حلو متعصبه هجوميه شويه
في حاجه مش صح بس مش قادر اوصلها ..
نعيمه…..فضل انا كويسه و مفيش اي حاجه فيا انا بس حاسه اني اعصابي تعبانه مش اكتر و بجد محتاجه افصل شويه
فضل….تفصلي ازاي
نعيمه….افصل يا فضل احاول اكون لوحدي شويه احاول اهدأ مش عايزه اتكلم كتير تعبانه يا فضل
فضل….وانتي شايفه ان احتياجك لكل ده عادي من غير سبب يعني محدش مزعلك محدش مضايقك محدش عمل معاكي حاجه لازم يكون في سبي
نعيمه….قولتلك يا فضل تراكمات و ضغوط جايز حجات قديمه جايز مواقف بسيطه فوق بعضها بس انا مش كويسه
فضل….طيب هو في مشاكل عندكم في البيت يعني حتي لو مش حابه تعرفيني علي الاقل قولي اه و انا هفهم وهسكت و هديكي عذر علي الاقل
معيمه….مفيش حاجه في البيت يا فضل هما بخير و كويسين
فضل….ماشي يا نعيمه انا هسيبك براحتك خالص و اكيد لما تهدي انتي عارفه اني موجود و هسمعك عموما سيبي موبايلك مفتوح عشان لو حبيت اكلمك و لو مش عايزه تردي علي اي حد مترديش بس خلي الموبايل مفتوح
نعيمه….ماشي
فضل…..انا هقوم الوقت محتاجه اي حاجه
نعيمه….لا شكراً
قام فضل خد حاجته و مشي كام خطوه و عينوا لمحت الطفايه علي البار وقف وبعدين بصلها
