لقاء كارثي

ايمي…..بابتسامه البلطجي طبعاً مش طايق نفسه عشان سيبتيه ونزلتي

ليله…..لا متقلقيش هو عارف اصلا اني بفرك من امبارح لو عليا كنت روحت لنعيمه بليل بس قولت خلي فضل و خليني انا الصبح

ايمي…..خدي بالك انا مش عايزه اتكلم اوي بس بصراحه نعيمه خاربه الدنيا ولا ايه

ليله…..انا مضايقه منها وفي نفس الوقت عشان مش فاهمه هي مالها مش عايزه اجي عليها بس انتي ملاحظه انها بقالها فتره مش هي نعيمه من قبل ما نسافر و حتي لما سافرنا متغيره

ايمي….سلمي انفجرت فيها كنت مرعوبه وهما عمالين يتكلموا و متعصبين كده سلمي تقول علي حوار حسان و هنا الوضع وقتها كان هيبقي زفت

ليله….لا سلمي عاقله انتي عارفه و بعدين هي عارفه انها لو عملت كده و اتصالحوا بعدين حسان هيفضل شايل منها

ايمي…..بقولك ايه انا جه في بالي نتصل علي نوجا او البت نسمه و نعرف منهم لو في حاجه

ليله…..وافرضي مفيش نعرفهم اللي حصل و ندخلهم في حوار زي ده بلاش نكبر المواضيع و بعدين مظنش يعني حصل حاجه بينهم يوم الفرح الكل كان طبيعي و مبسوطين وهي كانت طول الوقت مع امها و نجود و بيضحكوا و هي اصلا من قبل الفرح و هي مش طبيعيه

ايمي…..يمكن حصل حاجه بعد الفرح

ليله…..مظنش يا ايمي سلمي قالت ان اليوم ده هي جايه كويسه و نادين قالت راحوا لمصطفي و بعدين طلعوا علي سلامه يطمنوا عليه مكانش في حاجه

ايمي….معرفش انا حتي شكيت في فضل ان في بينهم مشكله بس فضل كان باين عليه انه عامل زي الاطرش في الزفه و كان مضايق

ليله….فضل كان مضايق لان اللي سمعوا منها واحنا معاها كان غير اللي سلمي قالتوا

ايمي….حقوا بصراحه دي مش اول مره نعيمه تخلي منظرواوزي الزفت بس هنقول ايه ربنا يهديها و تبطل جنان شويه و برضوا انا عند كلامي حاسه ان في حاجه في بيتهم لو يعني الحوار بره عن فضل

ليله….طيب واحنا هنروح بعيد ليه اتصل بالبت تقي هي و نسمه قريبن من بعض و مش بيخبوا عن بعض حاجه جايز تكون عارفه اي حاجه

ايمي…..وهي تقي تلاقيها صحيت الوقت

ليله….اه الساعه داخله علي واحده استني اكلمها

ايمي…افتحي الاسبيكر طيب

ليله….ماشي اتصلت ليله عليها رن شويه وبعدين ردت

تقي…..بضحكه جميله ده احلي صباح ده ولا ايه العروسه بنفسها بتكلمني

ليله…..بضحك هنبدأها بكش عالصبح