لقاء كارثي

تقي….. بابتسامه ان شاء الله و ربنا يريح بالها يارب

نسمه….يارب

………………

في منزل احمد

علي الساعه 12 وصل تامر و معاه الموبايل بتاع نغم..

تامر….سلام عليكم

احمد….عليكم السلام يا حبيبي

تامر…امال فين البنات

احمد….جوه مع نغم

تامر….طيب معلش تخبط عليهم وتخليهم يجوازانا جيبت موبايل نغم

احمد….اخيرا اتصلح؟

تامر….اه ده جنن اللي خلفونا الراجل جاب اخره كل ما يفتحوا يفتح ويفصل الحمد لله انه فتح بس يعني هي لازم بسرعه تنقل اي حاجه عليه لانه ممكن يفصل في اي وقت انا جاي و بحسس عليه

احمد….لا يبقي تنقل بسرعه في اي موبايل انا عندي موبايل قديم تاخده وتنقل عليه استني بس انادي عليهم

تامر….ماشي

قعد تامر يقلع الكوتش

احمد خبط علي الباب و فتح لما سمع سلمي بتقولوا ادخل

سلمي….تعالي يا حبيبي

احمد….لا تعالوا انتوا تامر بره وعايزك يا نغم صلح الموبايل

قامت نغم مره واحده بفرحه

نغم….ااااه بجد

احمد….براحه يابنتي عشان رجلك

سلمي….حد يقوم كده تعالي نشوفوا

خرجوا بسرعه ونغم كانت فرحانه اوي

سلمي…..تيمو وحشتني

تامر….وانتي كمان ايه يا يويو

ايه….الموبايل اتصلح بجد

تامر….اه والله امسكي يا نغم بس بابا هيديكي الوقت موبايل ولازم تنقلي عليه بسرعه كل حاجه لان الموبايل تعبنا جدا و غالبا هو زي ما بيقولوا كده متلصم يعني براحه عليه لحد ما تاخدي منه كل حاجه

نغم…..بجد شكرا انا مش عارفه اقولك ايه تعبتك معايا

تامر….لا خالص مفيش اي تعب

ايه….اتراحتي الوقت يا ست نغم كانت فتكره انه بايظ وبنضحك عليها

نغم…..بصراحه كنت خايفه يكون مش راضي يتصلح

تامر….لا خالص بس هو جاب شاشه و حصل مشاكل في البورده بتاعته و التاش معلق و بعد ما خلص كل ده بقي بفتح ويفصل عشان كده بقولك خدي من عليه كل حاجه و انقلي الارقام بسرعه احسن بعملها تاني

سلمي….المهم اعمليه وضع طيران احسن لما يتفتح يتصلوا بيكي

نغم….ماشي حاضر شكرا يا تامر بجد

تامر…..العفو علي ايه بس سلمي انا جعان اوي

سلمي…..ادخل يا حبيبي خد شاور وهجهزلك الاكل

تامر….ماشي يا قلبي بعد اذنكم ايه صحيح بدانا في المحل انهارده

ايه….بسعاده اه ما سلامه قالي بس هياخد وقت بقي

تامر…لا متقلقيش اربع ايام بالكتير و يبقي جاهز

ايه…..ماشي يا حبيبي ربنا معاك تاعبينك معانا يا تيمو