لقاء كارثي

ايمي….هو ايه اللي متعرفيش انتي بتستعبطي يابت ده فضل يا نعيمه امال فين الحب والكلام والهزار و العلاقه اللي بتطور بينكم دي نعيمه فضل بيجهز بيتكم و مش مقصر معاكي و كل الي بتطلبيه بيتنفذ

ليله….لحظه يا ايمي نعيمه لازم يكون في سبب يخليكي توصلي لحاله النفور دي ماهو لو هو معملش حاجه وده اللي واضح لينا كلنا لان فضل بجد بيحبك و زي ما ايمي بتقول هو مش مقصر يبقي العيب فين يا نعيمه ازاي بعد ما كنتي بتحبيه الوقت بتقولي معرفش

نعيمه…..انا مقولتش انه مقصر بالعكس فضل بيعمل كل حاجه تخليني مبسوطه بس انا قولتلك جايز العيب فيا مش عارفه حاسه اني مخنوقه مش حابه اتكلم حاسه ببرود في علاقتنا بخاف لما نقرب لاني حاسه لو الشعور ده فضل جوايا مش هنكمل حاسه اني مش هقدر

ايمي بصتلها و فضلت ساكته

ليله….طيب ما يمكن عمل معاكي نثلا موقف قفلك منه و لازم تتكلمي معاه او جايز صدقيني الجواز لما قرب وترك نعيمه انا لحد يوم الفرح كنت متوتره مقفوله اه بضحك ومبسوطه بس من جوايا خايفه بس كل ده راح بمجرد ما بقيت في حضن عشري نسيت كل التوتر والخوف والافكار الغريبه من المسؤوليه و الفشل و دي بتحصل لاي بنت عادي بس لو الموضوع معاكي كبير اكتر من اللازم تبقي محتاجه سيرابيثت اتكلمي و قولي كل اللي جواكي اكيد في حل

انما تفكري بالطريقه دي لا فضل بيحبك واوعي تظلميه امبارح كان مضايقه عشانك بجد

نعيمه…..انا محتاجه اخد وقت محتاجه افكر جوايا حجات مكركبه و مش فهماها و محبوسه جوه دايره ضلمه مش عارفه اخرج منها

ليله….بس الوقت بيجري يا نعيمه انتوا بعد العيد هتتجوزوا يعني قولي شهر ونص اتكلمي معاه لو في حاجه مضيقاكي منه مفيش قربي منه اخرجوا سوا شوفيه كتير غيروا مود و لازم ترجعي تنزلي الشغل لانك محتجاه يا نعيمه في الوقت ده بالذات صدقيني انتي بتسيبي الشغل في اكتر وقت محتجاه هو اللي هيشغلك طول ما انتي قاعده كده هتدخل جوه الدايره دي اكتر لازم تلهي نفسك و بعدين حوار السجاير ده انتي لو مفكره هيخرجك من اللي انتي فيه كان زماني انا كبرت دناغي من اي مشكله اتحطيت فيها بس السحاير مبتعملش حاجه و افرضي فضل عرف

نعيمه….عرف شاف السجاير امبارح و شم الريحه

ليله….نهارك اسود عمل ايه

نعيمه….كان متعصب شويه بس متكلمش معايا قالب نبقي نتكلم بعدي