لقاء كارثي
لقاء كارثي 48/49/50
لقاء كارثي
أميره أسامه
صاحبة البطل الواحد
البارت التاسع و الاربعون.
…………………….
في بيت اميمه و في وقت متأخر كان الكل متجمع اميمه و جوزها و وليد و الشباب كلهم عرفوا اللي حصل و عرفوا ان ليله مختفيه طبعاً لما اميمه عرفت انهم بيدورا عليها اتصلت علي قمر تسألها و طبعاً قمر مقدرتش تستني نزلت هي و سامح جوزها و ولادها نايمين علي نفسهم و راحوا علي هناك و هما كمان عرفوا اللي حصل.
عشري حكي كل حاجه و سكت متكلمش تاني و الحقيقه انه اتفاجئ برد فعل اخواتها اللي كان شايل همه.
الكل كان متفهم و محدش فيهم عاتب عشري.
البتات كلهم كانوا واقفين و مربعين ايدهم ايمي بس اللي قاعده
عشري….انا عارف اني غلطت و مستعد لأي عتاب منكم بس اتمني نأجل اي عتاب الوقت خالص لحد ما ليله تظهر يمكن انا مكنتش حابب اقلقكم بس كمان مكانش قدامي غيركم ادور عليها فيه غير هنا
اميمه….بهدوء و وجع ام هتموت علي بنتها لا حد هيعاتبك ولا يلومك يا عشري انا اكتر حد ممكن يقدر اللي عملتوا يمكن انا أوقات كتير بخبي عن ليله حجات عشان عارفه رد فعلها و لما تسألني اقولها محصلش و برجع افكر اني اقولها و بسرعه ارجع في كلامي تاني لاني عارفه انها هتاخد موقف مني اني كدبت عليها فا انا عذراك ليله في النقطه دي صعبه اوي انا عتابي الوحيد عليك انك من الاول معرفتهاش يعني انت كنت معجب بيها و حسيت ان هي كمان معجبه بيك كان لازم تصارحها قبل ما مشاعركم تتغير و تبقي حب
احمد….اميمه معاها حق عتابي انا كمان عليك انك مقولتش لان الموضوع مش كبير هي كمان كانت مخطوبه و عرفتك
عشري…..عارف ووانا غلطان و بعترف بس زي ما قولتلكم انا مخبتش اني كنت خاطب لو كنت خاطب قبل ليله و فسخت الخطوبه كنت عرفتها بس انا وقتها كنت بالفعل لسه خاطب مكنتش حابب اعرفها غير لما اسيبها.خوفت لما تعرف تبعد و تاخد جنب يمكن وقتها حسبتها غلط و فكرت بطريقه مش صح بس ده اللي حصل
قمر…..ليله الوقت وجعها الاكبر مش انك خبيت يا عشري و لا حتي ان الشباب داروا عليك ليله كرامتها هي اللي ناقحه عليها
وليد…..بصوا اللي حصل حصل و احنا مش هنفضل نقول لو وياريت و نقعد نندب و نشيل الراجل هم اكبر خلاص الموضوع اتعرف و ليله خدت موقف وهي الوقت مش موجوده و بيتهيألي اهم حاجه اننا نعرف هي فين ولو علي الزعل يا عشري اتأكد ان احنا التلاته مش زعلانين منك لان زي ما اميمه قالتلك كلنا حافظين ليله في موضوع الكدب ده و عارفين رد فعلها ليله دماغها نشفه و صعبه اوي و زعلها بيطول خد بالك ودي بقي اكتر حاجه هتتعبك في الموضوع ليله اللي بيكدب عليها بتخرجوا من حياتها يا عشري بس انا عارف ان اختي بتحبك و بتحبك اوي كمان و بيتهيألي انها تخرجك من حياتها صعبه اوي
عشري…..لو علي زعلها يطول تزعل و تاخد وقتها و انا بالي طويل معاها حقها و تعمل اللي يريحها بس انا عايز اطمن عليها و ده كل همي عايز اعرفها اني رديت كرامتها و عايزها تهدأ عشان اعرف افهمها
اميمه….مش هتهدأ الوقت يا عشري ليله الوقت عامله زي النار لو قربت منها هتحرقك
عشري….وانا راضي تحرقني بس متبعدش مينفعش اسيبها تهدأ لوحدها لان ليله لو هديت و قوت نفسها بنفسها مش هيبقالي مكان في حياتها هتفكر اني بتخلي عنها
قمر…..لا متقلقش بس اميمه معاها حق في الاول كده بلاش خليها تهدا حتي لو يومين تلاته اينعم هي مش هتهدا اوي بس يمكن تعرف وقتها تسمعك
سامح…..طيب الهم نلاقيها و نعرف هي فين حتي لو محدش هيقرب منها نبقي عارفين مكانها و متطمنين عليها
عشري….هو ده يا سامح انا بس عايز اعرف هي فين عايز عيني تكون عليها عايز اكون جنبها حتي لو من بعيد انا الوقت مبقاش في دماغي غير دهب اكتر مكان بتحبه و بترتاح و بتفصل فيه كنت اتمني تطلع هنا بس كده مفيش قدامي حل غير اني اسافر
وليد….هتسافر فين يا عشري هي دهب اوضه وصاله سيبها هي هترتاح يومين و ترجع ياما زعلت انا و هي كانت تاخد بعضها و تختفي شويه و تهدأ و ترجع تاني
عشري…..مقدرش اسيبها يا وليد ليله اتجرحت و اتوجعت واتصدمت و انا مش هرتاح حتي لو دقيقه من غير ما تحاول الاقيها مش هستني يوم واتنين و تلاته زي ما بتقول عشان ترجع هي زي ما وجعتها هلف الدنيا لحد ما الاقيها بس كمان قبل ما اسافر تفتكروا ان ليله ممكن تكون في مكان تاني يعني لما كانت بتزعل من اي حد فيكم و تختفي زي ما بتقول يا وليد كانت بتروح فين او بتقول كانت فين لما كانت بترجع
وليد….معرفش
اميمه….مكانتش بتقول يا عشري بس يمكن انا شاكه انها تكون في مكان تاني معرفش بس اهو تخمين
ايمي….طيب قولي يا اميمه يمكن تطلعي صح
اميمه….عسري قال ان اللي اسمها مريم دي اتكلمت عن امي و وجعت ليله فا يمكن ليله تكون دماغها ودتها في بيتنا القديم يمكن وجعها ساقها لهناك
ايمي….صح ممكن بردوا
وليد…..انا ممكن اروح اشوفها و اقولكم
عشري…..خليني اجي معاك طيب
وليد….لا هليك انت عشان لو مش هناك تشوف هتعمل ايه او هتروح فين هكلمك
رشيد….طيب غير المكان ده في مكان تاني يعني قرايب او حد بترتاح ليه مثلاً
اميمه….بهدوء قرايب مفيش اهل ابويا احنا من زمان مقاطعنهم و منعرفش حاجه عن بعض و امي كانت وحيده ملهاش اخوات و جدي و جدتي الله يرحمهم من زمان و الباقي قرابه بعيده يمكن انا الوحيده اللي كل فتره بسأل عنهم ليله متوعاش عليهم اصلاً ليله ملهاش غيرنا احنا و البنات بس يعني ممكن كمان زوزو و لا ايه يا ايمي
نعيمه….قولنا كده ايمي قالت مستحيل
اميمه….ليه دي بتحب امك اوي و كانت بتقولي ان اكتر بيت بترتاح فيه عندكم
ايمي….يا اميمه انا عارفه امي كويس رغايه و مبتسكتش لو ليله كانت راحتلها هتقول ما انتي عرفاها
رشيد….طيب وفيها ايه نروح و مش هنخسر اي حاجه يمكن المرادي زوزو متتكلمش
عشري….خلاص يبقي انت و ايمي روحوا شوفوها و وليد يروح يشوفها في شبرا و خليكم معايا علي تليفون انا هوصل لحد البيت اخد كام غيار عشان لو مش موجوده هطلع علي دهب.
نادين….عشري ااااا ليله قالتلي
سكتت ثواني و حست اني اللي هتقولوا مينفعش بتقال قدام اخواتها لانها متعرفش ليله حكيتلهم ولا لا
عشري….قولي يا نادين قالتلك ايه
نادين….ااااا لا مقالتش اااا مفيش انا بحاول افكر معاكم
عشري…..بنظره رجاء نادين لو عارفه حاجه قولي عشان خاطري و عسان خاطر ليله مش هقولها المرادي انك قولتي والله صدقيني
ايمي….انتي عارفه حاجه
نادين….لا والله ما اعرف يعني انا اقصد العين السخنه يا عشري ليله حبت المكان اوي و حكتلي انها كانت مبسوطه
وليد….ايه العين السخنه دي
عشري….اااا لا لا مستحيل العبن السخنه ده كامب بيتعمل كل فتره و رحلات سفاري مش مكان تقعد فيه
يمكن ليله كانت بتتكلم معايا من فتره بهزار عن اماكن روحناها و عجبتها و في وسط الهزار قالتلي اي وقت تزعلني دور عليا في الاماكن دي
اميمه…..طيب اهي قالتلك سرها ايه هي الاماكن دي يمكن تكون راحت فيها
عشري….مفيش مكان ينفع تروح فيه غير دهب لان مكان منهم كان كافيه في المقطم و التاني سفاري في العين السخنه
وليد….طيب وانت ليه مصمم انها سافرت ما يمكن تكون راحت تقعد في اي مكان تريح اعصابها حتي لو مش المقطم او السخنه يمكن راحت تقعد في اي حته و هترجع
نعيمه….ااااا لا يا وليد ليله سافرت
وليد….ايش عرفك؟
اميمه…. واخده حاجه من هدومها؟
نعيمه…..بصي انا معرفش لان دولابها مليان هدوم و مترتب زي ما هو بس و انا بدور عليها في البيت دخلت اوضتها كده و لحمت كذا حاجه مش في مكانها ليله واخده اللاب توب و واخده شنطه سفر و شاحن موبايلها مش موجود و اللاب توب والشاحن ليله مش بتاخدهم من البيت الا لو كانت مسافره او هتبات بره مثلاً
وطبعاً الشنطه مش موجوده هتروح فين بالشنطه الا لو كانت مسافره بس اللي هيجنني خدت الشنطه امته و نزلت بيها ازاي
اميمه….يمكن وانتي نايمه امبارح او يمكن هي خدت القرار بعد ما مريم مشيت من عندها
نادين….وممكن اما جيتي تاخديني يا نعيمه احنا رجعنا لقينا ليله مستنيه في العربيه جايز نزلت بعدك و حطتها بسرعه
ايمي…..طيب محستيش هي واخده حجات كتير من هدومها ولا لأ يعني اقصد ده هيعرفنا هي ناويه تختفي يومين تلانه تريح فيهم وترجع ولا هي عايزه تبعد فتره
نعيمه…..بصي انا بقولك اللاب توب و الشنطه و الشاحن هما اللي لفتوا نظري الشنطه ديماً في مكان معين اللاب توب ديماً عالكومدينو جنبها و الشاحن كمان مش بيتشال من الفيشه بس لكن لما اروح اكيد هشوف
عشري……يبقي كده ليله سافرت بس عشان نتأكد انا مش هتحرك من مكاني غير لما تكلمني يا وليد و انتي كمان يا ايمي
ايمي….تمام يا عشري
وليد….انا معاك بالتليفون متقلقش
قمر…..طيب ايمي انتي و جوزك ليه يا قلبي مش هتسافري انتي عارفه كويس ليله لو عرفت هتضايق منك و كمان هي لو زي ما بتقولوا سافرت يعني مش هتظهر غير بعد كام يوم تكوني رجعتي انتي
ايمي….بنظره حزن هروح اغير جو و اتفسح و اعمل شهر عسل و انا معرفش ليله فين ولا فيها ايه كل حاجه هتتأجل لحد ما ليله ترجع و اطمن عليها بنفسي يلا خلينا نقوم يا رشيد مش عايزين نضيع وقت
رشيد….تمام يلا احنا اسفين يا جماعه علي الازعاج ده و ان شاء الله هنلاقي ليله و نطمن عليها
احمد…متقولش كده يا رشيد ده بيتكم تنوروا اي وقت
وليد….طيب انا هنزل انا كمان اروح علي شبرا
اميمه….المفتاح معاك يا وليد
وليد….والله ما فاكر استني
طلع ميداليه مفاتيح كتير
وليد…اه اهو معايا
احمد…استناني يا وليد هاجي معاك
وليد…خليك انت يا احمد انا هروح و اطمنكم لا هاجي معاك يمكن نلاقيها و ليله بتسمع مني
اميمه…..اه خلي احمد معاك
وليد…طيب يلا
عشري….انا بعتذر للمره التانيه و بجد شكراً انكم كنتوا متفهمين و محدش فيكم زعل
اميمه….علي ايه يا عشري اطمن ليله هترجع
احمد….متقولش كده يا عشري احنا فاهمين كويس ان الموضوع كان سوء تفاهم
سامح…..عشري خد بالك من الطريق يعني لو محدش لقاها سوق علي مهلك انت في طريق سفر
احمد….اه يا عشري واحده واحده وروق كده و كل حاجه هتبقي زي الفل
عشري….خليها علي الله يلا يا جماعه انا معاكم بقي علي التليفون
سلموا عليهم و نزلوا كلهم و وليد استني احمد يغير الترنج و ينزل معاه.
………….
رشيد….عشري احنا هنروح الوقت لزوزو ولو وليد قالك لقاها طمنا
عشري….ماشي بس انتوا بردوا طمنوني اول ما توصلوا
ايمي…..عشري بقولك ايه لو نلقناش ليله و اضطريت انك تسافر ما تخليك للصبح يعني روح ارتاح ونام شويه عشان تقدر تسافر
رشيد….اه يا عشري ياريت الطريق طويل و اليوم كان صعب مش هتقدر
فضل….انا مش هسيبه هروح معاه
عشري….محدش هيجي و متقلقوش انا زي الفل و مش عايز انام لاني مش هقدر
ايمي….انا عارفه ان دماغك ناشه زيها و لو قولتلك من هنا لبكره مش هترضي المهم سوق بهدوء و علي مهلك.
عشري….بنبره وجع و حزن لازم ارجعها يا ايمي
ايمي…..بابتسامه حزن طبطبت علي كتفه هترجع يا عشري اسألني انا دي متقدرش تستغني عنك يا بلطجي
عشري….بابتسامه مكسوره و ضعيفه شكراً يا ايمي علي كل حاجه عملتبها معايا انا لو كان عندي اخت و الله العظيم ما كانت هتعمل معايا ربع اللي عملتيه انتي
ايمي….بطل هبل انا صحيح مستنيه ليله ترجع و تهدأ و تبقي في حضنك و هطلع عينك براحتي يعني ميغركش الجدعنه دي ده انا برقدلك و بعدين انت اخويا يا عشري
عشري….و انا راضي المهم شاورلها بعينه علي رشيد متزعليش من رشيد هو ملهوش ذنب
بصت ايمي بطرف عينها لرشيد و رجعت بصت لعشري
ايمي….اطمن مفيش زعل و متحملش هم اي حاجه
عشري….وعسان خاطري اخر طلب انا عارف ان البنات مضايقين و حقهم بس خليهم يخفوا علي الشباب انا مش عايز اي حد فيهم يزعل من التاني بسببي ارجوكي
ايمي…قولتلك متحملش هم اي حاجه خلاص انت مش واثق في قدراتي ولا ايه انا صحيح يعني اوزعه بس كلهم بيخافوا مني حتي البلطجيه بتاعتك ميغركش يعني فتحة الصدر بتاعتها انا بشخط فيها الشخطه بنطتتها
عشري….ابتسم ابتسامه هاديه يحقلك يا ايمي عشان انتي جدعه يلا اشوف وشكم علي خير..
رشيد….عشري و غلاوتنا عندك و غلاوة ليله يا اخي ما تقلقنا عليك و سوق علي مهلك
عشري…متخافش يا رشيد
سلموا الشباب عليه و راح علي العربيه.
فضل….عشري راجعلك استني هنمشي سوا
عشري….ماشي براحه عليها
بصلوا فضل بهدوء و هو باين علي ملامحه الضيق و هز راسه
قرب فضل من شباك العربيه عند نعيمه
فضل….عسال هيفصل وراكي لحد ما توصلي هيوصل نادين طمنيني لما توصلي
كانت بتسمعه وهي مش بصاله وسكتت
فضل…..انا بتكلم
بصتلوا بغضب وورجعت بصت قدامها
خبط علي الباب بهدوء و هو بيجز علي سنانه
فضل…..سمعاني صحححح
نعيمه…..ملكش دعوه بيا انا لا هكلمك ولا عيزاك تكلمني و تطمن عليا
فضل….نعيمه بلاش تعصبيني يا بت الناس انا مطول بالي عليكي
نعيمه…لا قصروا
فضل….بتنهيده اووووف الله يهديكي تكلميني لما توصلي
نعيمه….لا مش هكلمك
فضل…..طيب هنشوف رجع تاني قرب بسرعه من السباك و بصلها بغضب و دين الله يا نعيمه لو ما تصلتي عليا لا هخلي اليوم اسود عالكل انا ماسك نفسي عشان مزودهاش علي عشري
بصتلوا نعيمه و سكتت
فضل….يلااااا تروحي و تكلميني
دورت العربيه و اتحركت و الكل اتحرك وراء بعضه وراح ركب فضل و مشي وراء عشري.
……………
حسان وسلامه مشيوا وراء سلمي و ايه عشان يروحهم
و رشيد و ايمي راحوا لزوزو
و عسال خد نادين و مشيوا وراء نعيمه
بعد وقت بسيط و صل عسال تحت بيت ليله و نعيمه
نزلت نادين و راحت وقفت مع نعيمه بص عليهم عسال فتح الباب بهدوء و نزل بس مقربش اوي لانه مش حابب يدخل في صدام مع نعيمه
الحزن كان مسيطر بقوه علي البنات لدرجه واضحه اوي زعلهم علي اللي حصل كان اكيد بس حزنهم مكانش علي اللي حصل بس حزنهم ان ليله مش موجوده و كأن وجودها معاهم كان فارق جداً وهما مش حاسين كانوا تايهيين من غيرها جداً و حاسين باليتم و الوحده.
نادين…بنظره حزن نعيمه ما تيجي تباتي معايا متناميش لوحدك
نعيمه….بحزن مش هعرف يا نادين انا عايزه اطلع اشوف الاوضه عند ليله و اشوف خدت ايه تاني و عايزه كمان اخد شاور و كمان يمكن انزل تاني لسه مش عارفه
نادين….تنزلي تروحي فين؟
نعيمه….بحزن ادور عليها يا نادين هعمل ايه يعني
نادين….هتدوري عليها فين بس محدش فينا عارف هي فين
نعيمه….بدموع و خنقه معرفش يا نادين معرفش بس انا مش هقدر افضل مستنيه حد فيهم يلاقيها
نادين….بسرعه اتجمعت الدموع في عينها و ضمتها
نعيمه…..بدموع في حضن نادين مش هعرف اقعد من غيرها يا نادين
نادين فضلت تعيط و مش عارفه تقول ايه لان هي كمان حاسه بنفس المشاعر دي
قرب منهم عسال بهدوء و مفرقش معاه حد فيهم يطلع فيه او يتعصب بس دموعهم الاتنين وجعته
مد عسال كفه اول حاجه علي راسه نادين و بعدين حط ايده علي راسه نعيمه
عسال….نعيمه بطلي عياط هنلاقيها والله العظيم هترجع يا نوني هتروح فين يعني هتغيب شويه يومين تلاته اسبوع بس هنلاقيها و هنعرف مكانها و يمكن هي ترجع
بعدت نعيمه عن حضن نادين و بصت لميدو.
نعيمه…..ليله موجوعه يا ميدو و اكيد مش هترجع الوقت انا مضايقه عشان مش عارفه اعملها حاجه مضايقه عشان انا مش جنبها في الوقت ده
عسال…..حتي يا نعيمه لو كانت موجوده مكنتيش هتقدري تعمليلها حاجه الوجع بياخد وقت و هي محتاجه وقت عشان تفهم و تقتنع و ترتاح
نعيمه…..بس علي الاقل مكانش في واحده فينا هتسيبها يا ميدو كنا هنخلي بالنا منها
عسال….بس هي اختارت انها تكون لوحدها و المفروض انتي تبقي عرفتي طبع ليله اكتر مني ليله شخصيتها قويه و مش بتحب تبين ضعفها قدام اي حد لازم نحترم قراراها بس كمان محدش فينا هيسيبها
نعيمه…..بس انا مخنوقه اوي و مش عارفه ازاي اصلاً هقعد لوحدي من غيرها
عسال…..طيب ايه رأيك تروحي تقعدي مع نادين عشان ابقي متطمن عليكم انتوا الاتنين
نعيمه…..مش هعرف يا ميدو خايفه ترجع متلاقنيش و كمان عايزه اطلع ادور في اوضتها و اعرف خدت ايه
عسال….طيب خلاص تعالي انتي يا نودي اقعدي مع نعيمه و متسيبهاش لوحدها
نادين….بدموع انا خايفه ليله تيجي عندي و انا معرفش لان ليله لو رجعت في احتمال كبير تجيلي
عسال…..طيب و ايه المشكله علي الاقل باتي انهارده مع نوني عشان متبقاش لوحدها و بكره تروحي تشوفيها
نعيمه….خليها يا عسال يمكن فعلاً ليله ترجع اصلا ليله لو رجعت اول حد هتفكر تروح عنده نادين مستحيل تروح لايه وسلمي عشان باباهم و اكيد ايمي الوقت مع رشيد. وبردوا مش هترجع الببت لانها عارفه اني هفضل اتكلم معاها نادين الوحيده اللي هتسيبها براحتها و كمان انا هطلع اخد شاور و اغير و انزل تاني
عسال….تنزلي تروحي فين ؟
نعيمه….هدور عليها يا ميدو
عسال…..فين بس يا نوني هي تايهه ليله مشيت و عارفه هي راحه فين كويس يعني اكيد مش هتبقي في الشارع
نعيمه…بدموع و قلة حيله طيب اعمل ايه ازاي هسيبها كده
نادين….طيب خلاص اطلعي خدي شاور و انا كمان هروح اشوفها تاني يمكن رجعت و هجيلك ندور عليها مع بعض
عسال…..اسمعوني انتوا الاتنين مفيش واحده فيكم هتتحرك من البيت اولاً الوقت متاخر ثانياً انكم تدوروا عليها دي مش شغلتكم انتوا دي شغلتنا احنا فا ياريت تسمعوا الكلام عشان احنا نقدر نسيبكم و نبقي متطمنين عليكم و نعرف ندور عليها
نعيمه….مش هعرف يا ميدو والله
عسال….لا هتعرفي و هتسمعي الكلام و كفايه عند يا نعيمه احنا في وقت مش حلو كلنا اعصابنا مشدوده عشان خاطري لو انا غالي عندك اسمعي الكلام و اهدي و متضغطيش علي نفسك و لا علي فضل اقعدي في البيت و اطمني ليله هترجع و بعدين احنا هندور عليها بكره يا ستي الصبح اعملي اللي انتي عيزاه ماشي
بصتلوا و سكتت
عسال….ردي عليا يا نوني اتفقنا
نعيمه….حاضر
عسال…..متقوليش حاضر و تضحكي عليا انا مش عايز اقلق علي واحده فيكم كفايه يبقي مشغول علي ليله
نعيمه….حاضر والله خلاص
عسال….تمام و انا مصدقك يا نوني اطلعي بقي يلا ارتاحي و اي وقت تحتاجي حاجه انا موجود لان احتمال كبير فضل يروح مع عشري و انا كده كده هبقي معاكي انتي و نادين طول الوقت ماشي
نعيمه…..تمام يا ميدو
عسال…..شوفي كده الاوضه عندها و لو وصلتي لحاجه كلميني
نعيمه…..طيب تمام
عسال….يلا اطلعي
نادين….حضنتها بكره هجيلك
نعيمه….ماشي يا نودي سلام باي يا ميدو
عسال….باي يا نوني
راح ميدو فتح الباب لنادين و ركبها ووفضل واقق شويه و ولع سيجاره استني شويه و بص علي الشقه اول ما لقي النور فتح راح ركب و عرف انها طلعت.
كمل علي بيت نادين و بعدين ركن كانت عماله تعيط جنبه من اول ماركبت لحد ما وقف قدام البيت
بصلها ميدو و مد ايده عشان يمسح دموعها بعدت وشها بسرعه
غمض عينه بغضب داخلي
نزل بهدوء راح فتحلها الباب نزلت نادين و قبل ما تمشي مسك ايدها وقفها.
عسال…هنرجعها يا نادين بس عشان خاطري متعمليش فيا كده
نادين….بوجع انا اللي بعمل فيك يا ميدو طب و اللي انت عملته عادي
عسال…..ده صاحبي يا نادين
نادين…..عشان صاحبك توجع ليله مش كنت بتقول انك متقدرش تشوف اي بنت موجوعه او مظلومه و لا ده كان كلام يا ميدو
عسال….مش كلام يا نادين و انتي عارفه كويس انه مش كلام و مش هفضل كل شويه اقول اننا اتكلمنا مع عشري و نصحناه لان في النهايه اللي حصل حصل بس كمان بدأت احس ان عشري كان معاه حق يا نادين اللي كان خايف منه و عمال يأجل فيه حصل خسر ليله في لحظه اتوجع وهي اتوجعت خوفه علينا وعلي علاقتنا كان معاه حق فيه اديكي شايفه كلنا مش كويسين
في لحظه بقينا واقفين قصاد بعض وزفي بينا حاجز كأننا اغراب عن بعض
نادين…بدموع لان ولا واحده فينا تخيلت انكم تخبوا علينا و لا واحده فينا تخيلت انكم ممكن تشاركوا في وجع ليله
عسال….يا نادين محدش فينا قصد يوجع ليله كلكم عارفين ان ليله غاليه عندنا بس كمان عشري صاحبنا وغالي علينا و كان خايف يخسرها و احنا وقفنا معاه عشان علاقته بليله تكون قويه يمكن غلطنا بس نيتنا كانت كويسه نادين انا زعلت اوي من ليله انها خبت اللي حصل معاكي لما هادي دخل عليكي البيت زعلت منك لما خبيتي عليا بس كمان مقدرتش اجي عليكي اكتر لان اللي كان فيكي كان مخليني مش فارق معايا حاجه غير اني اطمن عليكي و بس
و كمان عذرت ليله لانها احترمت رغبتك و في نفس الوقت قولت لنفسي ليله عملت معاكي زي ما انا عملت مع عشري يعني مش من حقي ازعل منها
نادين….بس الموضوعين مختلفين
عسال….لا يا عمري مش مختلفين الاتنين زي بعض بالظبط بس عشان خاطري انا عايزك تهدي و تبطلي عياط ليله هترجع متقلقنيش عليكي و متعمليش اي تصرف من دماغك يا نادين عشان خاطري ممكن
نادين…..حاضر يا ميدو
عسال….يلا يا حبيبي اطلعي و ارتاحي و انا هكلمك لما اوصل و شوفيها لو لقتيها عرفيني
نادين….طيب باي
عسال…..باي يا عمري
طلعت تاني وفضل واقف شويه و بعدين اتصل عليها
عسال…..طلعتي يا ماما
نادين….طلعت خلاص
عسال….طيب قفلتي علي نفسك
نادين….ايوه بس ليله مش هنا يا ميدو
عسال…..هتيجي يا حبيبي هتيجي ان شاء الله يلا ارتاحي شويه و هكلمك تاني
نادين….تمام باي
عسال….باي يا حبيبي.
………….
وصل حسان و ركن عربيته هو وسلامه و نزلت سلمي و ايه من العربيه.
قفلت سلمي الباب و طلعت علي طول لا وقفت لحسان و لا اتكلمت مع اي حد ولا حتي استنت ايه.
وقفت ايه محروجه من حسان اللي كان باين من ملامحه انه شايط و فكه عمال يضغط عليه
بصتلهم مش عارفه تعمل ايه مش طيقاهم وفي نفس الوقت مش قادره تتكلم معاهم خايفه من رد فعل ايمي و جزء جواها بيقولها انهم مغلطوش .
قربت منهم بهدوء.
ايه….ااااا شكراً يا حسان
حسان…..العفو يا ايه يلا اطلعي الوقت اتأخر اوي
ايه….حاضر بصت لسلامه بطرف عينها وسكتت و بعدين خدت خطوه عشان تطلع
بصلها سلامه بنظره زعل و عتاب و متكلمش هز راسه بهدوء بمعني اطلعي مشيت من قدامهم و راحت لسلمي.
سلامه…..يلا
حسان….لحظه اكلم عمي اعتذر عن التأخير ده
سلامه….تمام
حسان…..الوووو
احمد…..ايوه يا حسان اخبارك يا حبيبي
حسان…..الحمد لله بخير البنات طالعين و بعتذر للتأخير
احمد…..مال صوتك انت كويس
حسان….احمممم انا تمام متقلقش
بص احمد علي الباب فتحت سلمي و كان باين علي وشها الزعل.
احمد….اهي سلمب جات اهي
سلمي…..ازيك يا بابا
احمد….بخير مالك نزلت دموع سلمي و هزت راسها و بعدين دخلت علي اوضتها بص لايه كانت نفس الملامح في ايه يا ايه اختك مالها و انتي مالك
ايه…مفيش يا بابا
احمد…..حسان في ايه صوتك مش حلو و سلمي معيطه هي و ايه في ايه يا ابني طمني
حسان…..متقلقش هما بخير بس يعني في موقف كده مش حلو حصل مع ليله و عشري اكيد مضايقين
احمد….انت فين يا حسان
حسان….انا تحت انا وسلامه و هنمشي خلاص
احمد….لا تمشي ايه اطلعوا شويه و عرفوني في ايه متسيبونيش كده
حسان….بتنهبده حاضر يا عمي سلام
احمد….سلام
حسان….تعالي نطلع
سلامه….ليه
حسان…..يلا سلامه خلينا نخلص من اليوم الزباله ده انا علي اخري
مشي وراه سلامه و طلعوا علي فوق.
………………
في منزل اهل ايمي.
ركن رشيد عربيته ونزلت ايمي و بعدين بصتلوا
ايمي….انت مش هتنزل
رشيد….لا ادخلي انتي عشان لو قاعدين براحتهم الوقت متأخر
ايمي….طيب تعالي جوه في الجنينه حتي
رشيد….حاضر
نزل رشيد و دحل معاها وقف علي جنب و هي راحت فتحت بالمفتاح و دخلت جوه كانوا قاعدين الاربعه و امنيه نايمه علي رجل محمد بيتفرجوا علي فيلم.
ايمي….بهدوء ابتسمت ابتيامه باينه انها حزينه مساء الخير
بصوا كلهم بخضه و بعدين صدمه
لان ده كان تالت يوم جوازها و ملامحها متبشرش باي خير
امنيه….بابتسامه ايمييييي
جريت عليها و حضنتها
محمود….يا عروسه و حشتيني
ايمي….بابتسامه وانت كمان يا حبيبي
ماريز….انتي ايه اللي جابك
ايمي….بنص ضحكه ايه مش عيزاني خلاص يا زوزو
محمد….بقلق في ايه يا ايمي انتي كويسه يا حبيتي جايه الوقت ليه و ليه لوحدك انتي زعلانه مع جوظك ولا ايه
ايمي….بابتيامه اهدي يا حبيبي مالك بس فيكوا ايه انتوا الاتنين انا زي الفل اهو و رشيد بره
ماريز….يا شيخه حرام عليكي و قعتي قلبي
محمد…..خوفتيني يا ايمي افتكرت حصل حاجه خدها في حضنه
ايمي….لا يا حبيبي احنا زي الفل رشيد بره تعالي
قربت منها ماريز و حضنتها
ماريز….بهمس مالك فيكي ايه انتي و رشيد متخانقين
ايمي….لا والله زي الفل تعالي يلا.
خرجوا بره و راحت ماريز سلمت علي رشيد و ضمته كان ابوها و اخواتها خرجوا قبلهم وسلموا عليه.
محمد….بابتسامه هي صحيح مفجأه حلوه بس ايمي وقعت قلبي فكرت في حاجه
رشيد…بابتسامه لا يا حبيبي احنا زي الفل
ايمي…..امنيه عايزه قهوه
امنيه…..بسعاده ماشي و انت يا رشيد
رشيد….زي ايمي
ماريز….قهوه ايه انتوا هتتعشوا الاول
رشيد….لا عشاء ايه احنا واكلين و كلوا تمام تعالي بس اقعدي
محمود….هو انتوا في حاجه ولا ايه شكلكم مش مظبوطين.
رشيد…يعني بصراحه احنا كنا جاين وفاكرين اننا هنلاقي ليله عندكم
بصوا لبعض كلهم بصدمه
ماريز….ليله ليه هي راحت فين.
محمد…مالها ليله يا رشيد
بدا رشيد يحكيلهم اللي حصل كله من البدايه خالص
بعد ما خلص رشيد كلام
ايمي كانت قاعده سانده راسها علي الحيطه اللي وراها في الجنينه منطقتش بولا كلمه الكل كان مصدوم و ساكت.
ماريز…..طيب هي الوقت فين؟
رشيد…محدش يعرف يا زوزو ادينا بندور عليها في اي مكان هي بترتاح فيه
محمد….بس عشري غلط يا رشيد
رشيد….عارف بس مكانش قاصد هو خاف انها توصل لكده
محمد….و اهي وصلت يا ابني لو كان قال من الاول مكنتش وصلت لكده خالص
ماريز…..احنا مش في لو كان. خلاص اللي حصل حصل المهم نطمن علي ليله لانها اكيد متدمره الوقت
امنيه….ايوه بس كمان لو كان قال في البدايه حتي لو ليله كانت خدت جنب و قالت انها مستحيل تقرب من راجل خاطب يمكن لو بعد كده اتقابلوا و عرفت انه ساب خطيبته كانت رجعت تاني يعني هو فعلاً حسبها غلط
رشيد….انتي صح يا امنيه بس تفكيرك غير تفكيري غير تفكير عشري هو بمجرد ما شاف ليله حطها في دماغه كان بيعمل كل حاجه عشان يحافظ عليها و علي الحاله الحلوه اللي كان عايشها معاها حتي لو كان مضطر انه يكدب
محمود….هو غلط و في نفس الوقت غلطه مش الذنب الكبير اوي لان غلطه كان خوف و كلنا بنغلط بس المشكله الاكبر في تقبل ليله للفكره نفسها
محمد….رشيد معاه حق اللي انا ممكن اشوفوا غلط مش شرط الناس تشوفوا بنفس نظرتي والعكس اللي انا بشوفوا صح ممكن الناس تشوفوا غلط الغلط و الصح نسبي عند كل البشر و ملهوش حسبه معينه
امنيه….بزعل بس حرام انا كنت بحبهم مع بعض اوي و هما حلوين جداً مع بعض و حبهم واضح حتي عشري رغم انه خبي عنها بس هو بيحبها.
ماريز…..هيرجعوا لبعض مش هتبقي اول ولا اخر مشكله و يمكن ليله طبعها صعب شويه بس لو حبت من قلبها هتسامح حتي لو كانت مبتقدرش تسامح في الكدب كل واحد فينا عنده شخص او اشخاص مهما غلطوا و غلطهم وجعنا بنحاول ندور جوانا علي حته تشفعلهم الغلط ده احنا اللي بنبقي بندور عشان نلاقي الحته دي
رشيد….بس انا خايف ليله متوافق و تدوس علي قلبها عشان تنتقم لكرامتها مقدرش الومها بس كمان عشري هيتعب اوي و انا مش عايزه يوصل للحاله دي
محمود….بابتسامه اطمن عشري دماغه انشف من ليله بمكن انا معرفتي بيه مش كبيره بس الكام مره اللي قعدنا فيهم و اتكلمنا و قربنا من بعض يأكدوا ان هو مش سهل يستسلم و يضحي بليله
رشيد…مش هيضحي و لا هيستسلم عشري خلاص عارف ان ليله ليه و بيتعامل علي الاساس ده انا كل اللي بفكر فيه ان ليله هي اللي ترفض
ماريز…..اطمن الست يا رشيد جايز يبقي عندها مبادئ كتير متقدرش تستغني عنها في حجات كتير جايز تدوس علي قلبها لو الموضوع مس قلبها بس كمان لما بتحب بتغفر
رشيد….المشكله ان مريم واضح انها ضغطت علي ليله اوي و جرحتها و جرحت كرامتها و خايف ان عشري اللي يشيل الليله
محمد….مواقفه معاها يا ابني هتغفرله و هتنسيها هتاخد وقتها بس لما تهدأ و تبدأ تفكر بالعقل هتحاول زي ما زوزو قالت تدور جوه قلبها علي الحته اللي تشفعلوا و يمكن ده درس كبير لعشري عشان ميغطش نفس الغلط و يمكن ربنا عمل كل ده مش عشان عشري ياخد درس لانه في كل الاحوال مش هيقدر يكرره ادام عرف رد فعل ليله في المواقف دي بس اللي اقصده ان حكمة ربنا اكبر بكتير من اللي بنفكر فيه جايز يكون كل ده حصل عشان عشري ميتدبسش في حاجه اكبر منه بكتير
ماريز…..صح في حكمة في الموضوع ديماً مش ديماً يا رشيد نظريتنا للامو بتبقي صح موضوع عشري و ليله ليه ابعاد اكبر بكتير من تفكيرهم و تفكيرنا عموما اللي حصل حصل و الحمد لله انها جات علي كده انا عارفه ان الموضوع هياخد وقت و بعدين هيرجعوا احسن من الاول سيبوها بس تاخد وقتها ليله جدعه و بنت حلال و انا مشوفتش في نضافه قلبها عملت مع بنتي كتير و معانا كلنا و اكيد ربنا هيجبر بخاطرها
محمد….صح ليله دي مفيش زيها بت جدعه و بميت راجل و بتصون العيش والملح و بتحب من قلبها و اللي تخلص في مشاعرها مع القريب والغريب صعب تقسي علي اللي بتحبه
رشيد…يارب يا حماده يارب يرجعوا تاني مع بعض و يطمنونا عليهم
امنيه….ايمي يا قلبي متزعليش والنبي هترجع و هتبقي كويسه
فضلت ايمي باصه للسماء و ساكته
رشيد….طيب ايمي خلينا نمشي و لا ايه
ايمي…بتنهيده يلا
ماريز….خليكم شويه طيب
رشيد…معلش يا زوزو اليوم كان طويل و مرهق جسدياً و نفسياً المهم لو يعني لو ليله جات مش هوصيكم لازم نعرف
ماريز….اكيد اطمن و انتي يا ايمي فكي يا حبيبتي شويه ليله جدعه و بميت راجل و ميتخافش عليها
ايمي….بنظره وجع اهي الكلمه دي بالذات اللي كرهتها في حياتها كلها
سابتهم ايمي و خرجت ركبت العربيه و هي مش طايقه نفسها
ماريز….خد بالك منها و معلش اتحملها ليله عندها حاجه كبيره اوي
رشيد….عارف يا زوزو اطمني هي في عيني
محمد…..علي مهلكم يا رشيد
رشيد…..حاضر و حقكم علينا جينا في وقت متأخر
محمد….ده بيتكم يا رشيد تيجو اي وقت متقولش كده يلا يا حبيبي خد مراتك و روح
رشيد….سلام عليكم
الجميع….عليكم السلام
خرج محمود معاه يوصلوا
محمود….رشيد انا معاكن اكيد اي حاجه تحتاجها كلمني
رشيد…اكيد يا حوده يلا تصبح علي خير
محمود….وانت من اهل الخير سلام يا ايمي
رفعت ايمي ايدها من غير ولا كلمه و قالتله باي طلع رشيد بالعربيه و حط الموبايل في الحامل و اتصل علي عشري و هو فاتح الاسبيكر.
عشري….ايوه يا رشيد
رشيد…ليله مش عند زوزو يا عشري
عشري…..ولا في بيت امها
رشيد…..وليد كلمك؟
عشري….اه كلمني هو واحمد البيت مضلم و طلعوا فوق مش موجوده ولا ليها اثر
رشيد….طيب خير واهدأ كده اكيد هنلاقيها انت فين الوقت؟
عشري…..انا في البيت هنزل الوقت هروح دهب
رشيد….طيب ما تخليها الصبح يا عشري و نام شويه عشان تقدر تسوق.
عشري….لا يا رشيد مش هقدر انام و ليله مش موجوده و لا عارف عنها حاجه هعملها ازاي دي
رشيد….طيب حتي سافر طيران بلاش سواقه متخليناش قلقانين عليك
عشري…..لسه هروح علي شرم انا محتاج عربيه معايا يارشيد عشان اعرف ادور عليها
رشيد…طيب علي مهلك عشان خاطر ليله
عشري…حاضر يا رشيد
رشيد….فضل جاي معاك
عشري….لا قولتلوا يفضل عشان يدور هنا و يبقي معاكم
رشيد….طيب انا معاك علي الموبايل ماشي طمني اول باول ورد متسبينش كده
عشري…..حاضر يا رشيد يلا سلام
رشيد….سلام
قفل رشيد وبص بطرف عينه علي ايمي كانت باصه من الشباك و مولعه سيجاره.
و متكلمش معاها سابها براحتها.
…………..
في منزل احمد عرف كل اللي حصل من الشباب سلمي و ايه كانوا ساكتين.
حسان…..بس هو ده كل اللي حصل و طبعاً احنا عمالين نلف عليها بس ملهاش اي اثر
احمد…..لا حول ولا قوة الا بالله خير ان شاء الله هي اكيد بس محتاجه تقعد مع نفسها شويه اكيد زعلانه من عشري انه خبي عليها بس الاكيد ان زعلها الاكبر انها معرفتش منه و ان البنت دي داست علي وجع ليله اوي المشكله هنا ان ليله ضعيفه اوي تجاه اي حاجه تخص والدتها
حسان….اكيد وحقها كل واحد فينا امه خط احمر
احمد….اكيد بس ليله زياده شويه لان الست دي تعبت في حياتها اوي و اتظلمت كتير بس كانت عامله زي ليله كده كرامتها فوق و حتي لو هي ضعيفه بتحاول تبان انها قويه ليله كانت بتعتبر نفسها مسؤوله عن امها رغم قوة امها بس ليله كانت ليله اب و ام و عيله طول الوقت كانت بتحاول تبقي في ضهرها علي حسب ما عرفت من ليله زمان يعني و ليله كمان عاشت حياه مش احسن حاجه
اينعم كانت قويه و بتتخطي كل حاجه بس طبعاً انها تبقي بنت و عايشه دور مش بتاعها مرهقه نفسياً
وجود الاب بيفرق كتير في حياة البنات عموماً يعني لو متوفي اهون من انه يبقي عايش و مش موجود وقتها بيبقي في عذر بس يبقي موجود و مكانه فاضي و مش بس مكانه فاضي لا ده سايب غيره يتحكم في حياته و يقويه و يعند والعند ده كافر خد بالك ابو ليله كان بيحب امها جداً وهي كمان كانت بتحبه بس الظروف حواليهم كانت صعبه والاتنين اعند من بعض
حسان….وليله خدت طبعهم
احمد….بس قلبها طيب اوي و غلبانه و حنينه و مخلصه
حسان….عارف والله و مضايق عشانها بجد
سلمي….بنظره غضب و ضيق بلاش كل شويه تقول مضايق عشانها عشان لو بجد انت فكرت فيها شويه وفي مشاعرها و في اللي ممكن بحصل لما تعرف متأخر مكنتش خبيت و قبلتها عليها
حسان….بنفاذ صبر تاني يا سلمي تاني انا مش فاهم انتي ليه عماله تعاتبي فيا يا سلمي افهمي ده صاحبي و طلب مني متكلمش اعمل ايه اقول انا لليله واخرب الدنيا و لا اسيبه هو يقولها بطريقته
سلمي…..وهو اللي قالها بطريقته يا حسان ولا ساب غيره يقولها و يجرحها و بعدين طلب منك متقولش لليله ليه مقولتليش
احمد….فرضنا انه قالك كنتي هتعملي ايه هتروحي تقولي لليله
سلمي…..اااااا معرفش بس اكيد كان هيبقي في حل
احمد….لو حسان او اي حد من الشباب كان شايف ان معرفتكم هتقدم حلول كانوا اقنعوا عشري و عشري بنفسه هو اللي قعد معاكم و وضحلكم و طلب منكم تلاقوا معاه حل و طريقه تتكلموا بيها مع ليله
سلمي…..حتي لو مكنتش هلاقي حل علي الاقل كان حكالي هو مش المفروض اننا واحد و مفيش بينا اسرار
احمد….اه بس بس الاسرار اللي تخصكم انتوا الاتنين مع بعض مش تخص اطراف غيركم زي ما بيبقي في اسرار بينك و بين صحابك و اخواتك هو كمان عنده اسرار مع صحابه مش لازم تعرفيها
سلمي….لا لازم اعرفها لان ليله تخصني و وجعها يوجعني بس هو اختار انه يكدب عليا زي ما عشري كدب علي ليله
احمد…..بنبره عاليه شويه سلمييييييي انا مقدر زعلك بس بلاش تحكمي علي اي حد وقت غضبك لا سلامه ليه علاقه و لا خسان و حتي عشري اه غلط بس مش الغلط الكبير اللي يدمر علاقه غلط هما الاتنين يتحاسبوا عليه مع بعض لما ليله تهدأ لكن انتوا مش طرف و مش مسموح انكم تدخلوا بينهم اصلاً ولو هتختاروا انكم تدخلوا يبقي بالخير مش اكتر و انتي وهي تطلعوا سلامه وحسان من كل ده هما معملوش اي حاجه هما سكتوا لان صاحبهم اللي طلب منهم كده سمعاني انتي وهي
ايه…..هو انا مالي انا الكل بيزعق فيا من الصبح ليه انا منطقتش اصلاً
احمد….انا بفهمك انتي كماااان عشان لو ناويه تشيلي سلامه ذنب مش ذنبه
ايه….يا بابا انا متكلمتش مع اي حد فيهم بس اكيد من حقي اضايق و ازعل عشان ليله
تامر….طيب وحدوا الله كده هو سوء تفاهم و اكيد هيتحل المهم الوقت ان ليله بس تبقي كويسه اللي بعد كده مش مهم يا ايه
ايه….بلمعه دموع في عينها ابوه بس انا منطقش يا تامر ايمي بتزعق عشانهم و بابا بيزعق عشانهم و انا الوحيده اللي منطقتش ولا لومت حد ولا حتي قولتلهم كلمه تضايقهم
تامر….بهدوء طيب بس انتي بتعيطي ليه اهدي مفيش حاجه
قامت ايه عشان تدخل اوضتها
احمد….ايه
وقفت ايه وبصتلوا
احمد….تعالي اقعدي
ايه…انا عايزه ادخل اوضتي
احمد….تعالي يا حبيبتي
قربت منه ايه و قعدت جنبه
احمد….انا مش بزعق يا ايه بس لما بيكون في موقف صعب لناس تعز علينا لازم نسيب علي جنب اي عتاب او لوم او زعل و نفكر بس في الناس اللي يعزوا علينا و نحاول نخرجهم من الموقف الصعب ده لا ينفع نزود المشكله ولا ينفع نحمل اكراف تانيه ذنب هما معملهوش
ايه…..بدموع وانا والله ما نطقت حتي اسالهم انا مضايقه عشان ليله بس مش فارق معايا اي حاجه تانيه لا زعلانه منهم ولا من عشري ولا اي حاجه انا بس خايفه علي ليله عشان هي لما بتضايق بتسوق بسرعه كمان في احتمال تكون سافرت يعني هتبقي علي طريق و هي لوحدها لا واكله ولا نايمه و كمان موجوعه عايزني يعني يعني ابقي عامله ازاي
احمد…بابتسامه تأثر طب خلاص بطلي عياط خدها في حضنه و سلامه كان باصصلها و هيتجنن عليها كان عامله زي الطفله و هي بتعيط
سلامه….عمي ايه مزعلتش اي حد فينا و حقيقي حتي متكلمتش مع عشري و اكيد حقها تزعل عشان ليله
حسان….ايه بطلي عياط احنا عارفين انك مضايقه بس عشان ليله
احمد…..قومي اغسلي وشك يلا
قامت ليله وسابتهم بص احمد علي سلمي كانت دموعها نازله علي عياط ايه و علي وجعها علي ليله و زعلها من الموقف كله و ساكته
احمد….سلمي مش عايز اللي حصل ده يوتر علاقتك بحسان حسان ملهوش ذنب لو اي حد من البنات واولهم ايه طلبت منك متقوليش حاجه لحسان انتي مش هتنطقي و وقتها سلامه مينفعش يلومك لانك حافظتي علي سرها هو وايه يتفاهموا يتخانقوا براحتهم لكن انتي مش هتبقي طرف و حسان نفس الموضوع فهمتي
سلمي….تمام يا بابا
احمد….وانت يا حسان متزعلش من سلمي معلش امسحها فيا انا و اعذرها ليله اختها زي ايه بالظبط و اكيد مضايقه عشانها
حسان….عارف و مقدر و مش زعلان
و ان شاء الله ليله هترجع و هب و عشري هيتصافوا و كل حاجه هتخلص
احمد….ان شاء الله ربنا يهديها و يريح قبلها
حسان….طيب احنا هنستأذن بقي لان الوقت اتأخر اوي
احمد….ماشي يا حسان
خرجت ايه من الحمام و وقفت ساكته بصلها سلامه بهدوء و منطقش
حسان….يلا سلام عليكم
احمد…تامر….. عليكم السلام
سلامه….يلا سلام
احمد….سلام يا حبيبي
نزلوا و بص احمد لسلمي بلوم
احمد….انتي ايه اللي جرالك بتقولي للراجل قدامنا انه كداب
سلمي…..طيب ودي مش الحقيقه مش كدب هو كمان
احمد….يا بنتي افهمي هما صحاب مع بعض و الصحاب بيخبوا علي بعض انتي و اختك نفسكم بينكم اسرار معرفش عنها حاجه لازم تفهمي ان كدبته متتخسبش كدبه لانه لو اتكلم ممكن يخسر صاحبه تخيلي راح قالك و انتب روحتي قولتي لليله و حصل نفس الموقف و سابوا بعض و قتها عشري هيلوم مين ماهو هيلوم صاحبه مش انتي و حسان ساعتها هيفقد ثقته فيكي و مش بعيد يحصل بينكم نفس اللي حصل بينكم يبقي ليه ندخل نفسنا في مشاكل احنا في غني عنها لما ممكن نحاول نركن كل ده علي جنب و نصلح بين ليله و عشري انا مش هقول الكلام ده تاني متزعليش حسان سمعتي
سلمي….حاضر يا بابا ممكن بقي ادخل اوضتي
احمد…..ادخلي
دخلت سلمي علي جوه بص احمد علي ايه بهدوء و قرب منها ضمها
احمد….حقك عليا متزعليش
ايه….بانهيار في خضن احمد ليله زعلانه اوي يا بابا اوووووي
احمد…..طب خلاص بس هتبقي كويسه والله
تامر…..يويو ايه العياط ده كله اهدي هتبقي كويسه والله اكيد عشري مش هيسيبها
احمد….بطلي عياط متوجعيش قلبي كفايه البت اللي محدش عارف هي فين دي اهدي عشان خاطري و هي يوم ولا اتنين و هترجع
تامر…..روحي يلا ارتاحي شويه
ايه….ماشي تصبحوا علي خير
احمد…وانتي من اهل الخير يا حبيبتي
……………….
فضل….عشان خاطري خليني اجي معاك
عشري…..فضل انا مش قادر اسمع ولا كلمه ولا حتي اناهد انا عايزك تكون هناك خليك جنب نعيمه و خليك عشان اتابعك يمكن ليله ترجع او يمكن البنات يفتكروا مكان تاني تكون فيه و عايزك تروح المقطم في اي وقت تبقي فاضي فيه يمكن تكون هناك
فضل……طيب انت هتطول
عشري….مش عارف انا لسه مشواري طويل اوي يا فضل مش همشي من دهب غير لو لقيتها
فضل….طب افرض ملقتهاش انا مس عارف ليه حاسس ان ليله هتبقي في مكام ميخطرش علي بال حد
عشري….بحزن هي قالتلي يا فضل لما ازعل منك هتلاقيني في اي مكان كنت فيه معاك
فضل…..بس يمكن كانت بتتكلم لو زعل عادي المرادي الزعل مش عادي يا عشري وانت عارف انا مش عايز احملك فوق طاقتك بس بتكلم معاك بصوت عالي بالمنطق كده لو هي عايزه تبعد و تختفي و مضايقه منك بالمنظر ده مستحيل تكون في مكان انت هتقدر تلاقيها فيه بسهوله
عشري…..والنبي يا فضل متصعبهاش عليا
فضل….والله ما بصعبها انا بفكر معاك مش اكتر خايف تروح المشوار ده علي الفاضي و تطلع هي هنا جنبنا في اي مكان ميخطرش علي بالنا
عشري…..و مع كل ده انا مضطر ادور عليها في كل حته لحد ما الاقيها
اتصلت نعيمه علي عشري في الوقت ده .
عشري….دي نعيمه
فضل…..رد يمكن ليله رجعت
رد عشري عليها بلهفه ايوه يا نعيمه
نعيمه….بدموع عشري انا دورت في حاجه ليله و ملاقتش الباسبور بتاعها
عشري…..يعني ايه ؟
نعيمه…معرفش هتاخد الباسبور تعمل بيه ايه الا لو كانت مسافره بره مصر
عشري…..طيب ما يمكن مسافره دهب زي ما قولنا و هتوصل علي مطار شرم
نعيمه….والله ما عارفه انا مش عارفه افكر عشري رجع ليله عشان خاطري
غمض عشري عينه بقوه و خد نفس طويل
عشري….طيب اهدي و بطلي عياط هترجع والله العظيم يا ليله هترجع بس انتي متأكده مش يمكن تكون حطاه في مكان تاني اصل عربيتها مش موجوده تحت البيت يعني لو مسافره هتسيبها وتاخد اوبر
نعيمه….معرفش يا عشري بس انا متأكده ان الباسبور مش موجود الخزنه بتاعتنا مشتركه و كان فيها الباسبورات بتاعتنا احنا الاتنين و ملاقتش بتاعها وهي مش بتحطه غير في الخزنه
عشري….طيب تمام يا نعيمه انا هروح دهب و هقلب عليها البلد ولو ملقتهاش هطلع دبي اكيد هتسافر هناك
نعيمه….و هتدور عليها فين هناك
عشري….معرفش يا نعيمه اكيد اكتر حد هيفيدنا في الموضوع ده نادين هي اللي كانت بتسافر معاها و عارفه هي ممكن تروح فين هناك هلاقيها يا نعيمه اطمني
نعيمه…..والنبي يا عشري طمني كل شويه
عشري….حاضر هطمنك و بطلي عياط يلا انا هقفل عشان لازم اتحرك
نعيمه….ماشي باي
عشري….سلام
فضل….خدت الباسبور
عشري….اه فضل انا لازم اتحرك مفيش وقت خليك متابعني عشان لو ملقتهاش هقولك تحجزلي علي دبي و خليك جنب نعيمه عشان خاطري
فضل….تمام يا عشر يلا خد بالك من نفسك لا إله إلا الله
عشري…..محمد رسول الله
حضنوا فضل و سلم عليه و بعدين مشي عشري.
راح فضل ركب عربيته و طلع بيها علي نعيمه.
…………….
في منزل نادين.
كل شويه تخرج البلكونه تبص منها و ترجع تاني تتصل عليها و تلاقيه مقفول مكانتش عارفه تبطل عياط
و لا عارفه تهدأ شويه عشان تفكر ليله ممكن تكون راحت فين
فتحت الواتس تبعتلها رساله و سجلتلها وهي بتعيط و منهاره
نادين….ليله انتي فين عشان خاطري ردي عليا و النبي يا ليله طمنيني
عليكي انا عارفه انك مضايقه وموجوعه بس والله العظيم انا من غيرك تايهه و زعلانه من نفسي اوي عشان مش عارفه افكر ممكن تكوني فين طب ارجعي و تعالي عندي والله العظيم و حياة غلاوتك عندي ما هقول لمخلوق بس والنبي ارجعيلي
يا ليله ده انتي اكتر حد عارف اني معرفش اعيش من غيرك ده انا في اصعب مشاكلي يا ليله بطمن بوجودك ارجعي والنبي و الله ما هعمل اي حاجه تزعجك مش هاجي جنبك خالص بس ارجعي انتي علي طول بتفكري فينا كلنا و احنا من غيرك ضايعين خالص ليله انا بعتبرك امي مش اختي و انا بقولك اني من غيرك بجد يتيمه و مليش حد ارجعي بقييييي والنبي.
قفلت الڤويس وانهارت من العياط و نامت علي سريرها و هي ضامه رجلها و ماسكه في ايدها الموبايل و جايبه صورتها و عماله تقلب في الصور .
………….
وصلت ايمي علي البيت هي و رشيد.
نزلت و وقفت لحد ما قرب فتحلها الباب دخل وقفل وراه و بعدين فتح الباب جوه و دخلوا
وقفت تقلع الچاكت كان داخل في شنطتخا و هي متعصبه و بتحاول تبان كويس قرب منها بسرعه من غير ولا كلمه شال الشنطه و سحب الچاكت قلعت الشوز و حطتها في الجزامه و دخلت علي جوه لحد ما هو يقلع
المكان اللي كانوا قاعدين فيه قبل ما يخرجوا طبعاً كان محتاج تنضيف كوبايات كتير شاي و قهوه وعصير وسجاير مطفيه و مناديل و اطباق فيها حلو و شيكولاته و المخدات واقعه علي بعض
دخلت بهدوء تدور علي حاجه تلبسها في رجلها مكانش فيه طلعت علي فوق في اوضتها عشان تغير و تنزل تظبط المكان
دخل رشيد بهدوء شغل الدفايات الجو كان برد اوي ساب موبايله علي جنب و مشنطه جلد صغيره فيها محفظته و بدأت ياخد الحاجه بهدوء من علي التربيزه و يحطها في المطبخ راح وجه كذا مره و لم الحاجه كلها من علي التربيزه و نضف الزجاج بتاع التربيزه وظبطها مكانها و عدل المخدات وشال المناديل اللي كانت واقعه و قفل الاضاءه و ساب نور هادي وبسيط
وبعدين شاف حجات علي السفره خدها هي كمان و ظبط السفره و فضل رايح جاي في الريسبشن يظبط و ينضف مكان ما الكل كان قاعد.
و بعدين رفع الاكمام بتاعت التيشرت و بدأ يغسل بهدوء في الكوبايات و الكاسات و الفناجين
نزلت ايمي في الوقت ده كانت لابسه بچامه ستان سوده وحمالات شكلها يجننننن بصت بهدوء لاقته واقف في المطبخ راحت علي بره لمحت المكان نضيف وخد كل حاجه من بره رجعت تاني و دخلت المطبخ.
ايمي….انا طلعت اغير عشان اعرف انضف أبعد و اطلع غير
رشيد…اااا لا لا سبيهم مش كتير انا هعملهم وبعدين هطلع
ايمي……رشيد ابعد من فضلك انا جيت خلاص خدت من ايده الكاس سابه بهدوء و بعد شويه عنها و وقفت هي تكمل
وقف يحاول يعمل اي حاجه جنبها يشيل الحلويات في الثلاجه و يرجع الشيكولاته مكانها و ينضف الرخامه و البار
سابته و مكانش عندها طاقه للمناهده معاه خالص.
بدأت تشيل الحاجه مكانها و تظبط كل حاجه و بعدين راحت تاخد منه اللي بيعملوا
ايمي….سيب يا رشيد و اطلع غير
رشيد….حاضر
ايمي….رشيد
رشيد….نعم
ايمي….مش هتاكل
رشيد….بابتسامه هاديه لو هتاكلي هاكل لو مش هتاكلي خلاص مش عايز
ايمي….رشيد انا مش جعانه اصلاً ملكش دعوه بيا
رشيد….ولا انا جعان انا طالع اخد شاور واغير
سابها وطلع وقفت ايمي و هي سانده علي البار و بعدين راحت تعمل قهوه مسكت في الرخامه و خدت نفس طويل و حست بخنقه فظيعه و نزلت دموعها من بدري بتحاول تقاوم بس مش قادره…
مسحت دموعها و خدت نفس طويل و فضل واقفه جنب القهوه و هي بتحاول تتصل بليله لكن زي ما هو الموبايل مغلق.
ولعت سيجاره و سندت ضهرها علي الرخامه و اول ما القهوه خلصت فضتها و خرجت راحت قعدت في نفس المكان اللي كانوا قاعدين فيه و سابت الاضاءه مقفوله
رجعت راسها لوراء و فضلت تشرب في السيجاره و بعدين مسكت موبايلها تاني و قررت تبعت ماسدچ للليله.
ايمي…..بتنهيده طويله و بنبره فيها وجع رغم ابتسامتها في الكلام
سبتيني انتي وخلعتي اختفيتي و مشيتي و بتريحي دماغك و سيباني انا شايله كل المشاكل لوحدي ماشي ياستي كله يهون عشان خاطر نصي التاني مع ان يعني زي ما انتي كنتي بتستقوي بيا انا كمان كنت بتستقوي بيكي يا لولي مكنتش بحمل هم البنات و مشاكلهم طول ما انتي جنبهم و الوقت جه الدور عليا سبتيني انا معاهم لوحدي و مش بس هما حتي الشباب شايله همهم من الغجر صحابك مطلعين عينهم
ليله عارفه انك مش في احسن حاله و عارفه كمان انك اختارتي تبعدي عشان تكوني احسن يمكن كان نفسي اكون جنبك بس انا عارفه انك هترجعي احسن من الاول اي قرار خدتيه حتي لو انتي شايفه انه قرار نهائي واثقه انك انك لما تقعدي و تهدي و تفكري هترجعي فيه اصل انا حفظاكي و عارفه كويس ان ليله لما بتحب بتسامح يمكن مبتحبيش تقولي انك مستعده تدي فرصه تانيه عشان اللي قدامك ميبقاش ضامن انك هتسامحي لو غلط بس كمان عارفه انك هتعملي كده.
ليله عشري غلط يا قلبي بس غلط عشان خاف يخسرك لما فهم طبعك مقدرش يواجهك زي ما هو غلط انتي كمان غلطتي لما حد بيحب حد اوي يا ليله و بيعرف ان في حاجه ممكن تزعل اللي قدامه مش خوفه انه يخسره او يزعله بيعمل حجات كتير يكدب يخبي يقول نص الحقيقه يألف حكايه تانيه اه هو كدب في النهايه بس كمان لما نعرف النوايا لازم نسامح و انتي واثقه في حب عشري ليكي وانا عارفه كويس انك واثقه في حبه عشري عامل زي المجنون من غيرك كملت بضحكه هاديه كنتي بتقولي انا شيطاني كافر يا ليله ده انتي طلع شيطانك ملاك بالنسبه لعشري البلطجي بتاعك شيطانه طلع ملهوش مله يا ليله..
انا لو قولتك عشري عمل ايه عشانك في مريم و اهلها مش بعيد تصعب عليكي و تزعلي منه اكتر يمكن انا مش قادره الوقت احكيلك كل حاجه
ولا قادره احكيلك مريم دي كانت عابزه تعمل ايه في عشري لان ده مش وقته بس انا عايزه اقولك حاجه مهمه يا ليله يمكن انا اضايقت لما كنتي بتحكي و رغم اني كنت متعاطفه شويه مع عشري لان غلطه قدامي كان ليه سبب بس كمان كنت مش طيقاه لكن صدقيني اللي حصل بعد ما عشري راح لمريم خلاني حمدت ربنا ان كل ده حصل لان لو ده محصلش عشري كان هيحصل معاه حجات وحشه اوي في حق اي راجل… عشري جاب حقك و حقه تالت ومتلت يا ليله عشري راجل و جدع و بيحبك اوي و لو سألتيني الوقت يا ليله هقولك ان حب عشري ليكي اقوي حب في الشباب كلهم خدي وقتك يا عمري بس عشان خاطري متطوليش و اسمعي صوت قلبك
خدت نفس طويل ليله انا محتجالك والله العظيم محتجالك اوي متعودتش انك تبعدي و مبقاش عارفه انتي فين انتي عرفاني كويس بعرف اتعامل و بعرف اكون قد المسؤوليه بس هقولك سر انا من غيرك حسيت بالضعف بحبك يا ليله
قفلت الڤويس و قامت بهدوء راحت قعدت بره قدام الشاشه بتاعت التلفزيون بس سابتها مقفوله ولعت سيجاره تانيه و قعدت سرحانه
نزل رشيد بهدوء .
رشيد….ايمي اعملك قهوه
ايمي….لا شربت
راح بهدوء خد كوبايه حط فيها مايه شرب و بعدين راح قعد جنبها علي حرف الكنبه شغل التلفزيون و كتم الصوت و فضل يقلب و هو مش مركز بيحاول يعمل اي حاجه و بعدين ساب الريموت علي التربيزه ولع سيجاره خد منها كام نفس و طفاها كان عمال يتحرك في مكانه و صوت نفسه باين عليه الخنقه كانت حاسه انه مضايق و في نفس الوقت
سايبها عشان زعلانه منه بس هي قلبها مكانش مطاوعها تزعلوا اكتر من كده كانت حاسه بحركاته و تصرفاته و حتي غضبه اللي بيحاول يخبيه انه طفل وهي امه
بصت بهدوء عليه و فضلت ساكته شيفاه جواه كلام كتير بس مش عارف يقول ايه بص بهدوء لقاها بصاله سكت و فضل باصصلها و من غير اي تردد نظرتها ليه شجعته انه يقرب منها و ينام في حضنها حط راسها علي دراعها و طلع جسمه علي باقي الكنبه و دفن وشه في صدرها من غير و لا اي كلمه.
ابتسمت ابتسامه بسيطه اوي و اول ما حس ان ايدها ضمته هو كمان لف ايده علي وسطها و ضمها اوي
رشيد….بهمس انا اسف
غمضت ايمي عينها و ضمت راسه اكتر و فصلت بهدوء تمشي ايديها علي شعره عشر دقايق بالظبط و كان رشيد نايم في حضنها نوم عميق
بصتلوا ايمي بحب و حطت كفها علي خده و بعدين باسته من قورته و فضلت قاعده سرحانه و بتلعب في شعره.
………………
سمعت نعيمه الباب بيخبط جريت بسرعه كانت معيطه و باين علي وشها و للحظه تخيلت انها ليله فتح الباب بسرعه واول ما شافته وقفت ساكته و منطقتش و بعدين بصتلوا وهي بتمسح دموعها بغضب.
نعيمه….انت ايه اللي جابك
فضل…..مكلمتنيش زي ما قولتلك و جيت عشانك
نعيمه… وانا قولتلك ملكش دعوه بيا و قولتلك مش طيقاك اقولك ايه تاني عشان تسيبني في حالي
دخلت وسابته واقف علي الباب و راحت وقفت قدام البلكونه وهي مقفوله
دخل فضل بهدوء و قفل وراه و راح قعد علي الكنبه
من غير ولا كلمه
حوالي ثلاث دقايق صمت رهيب هو ساكت وهي واقفه مدياله ضهرها و ساكته و دموعها نازله بصتلوا بغضب
نعيمه…..انا مقولتلكش تدخل علي فكره
بصلها فضل وسكت
نعيمه….خد بالك يا فضل و الله العظيم و الله العظيم لو ليله حصلها حاجه بسببكم انا مش هسكت..
فضل….بتنهيده و نفاذ صبر بس بيحاول يمسك نفسه هتبقي كويسه و عشري هيلاقيها و هترجع و هي و عشري هيبقوا تمام
نعيمه….عشري تاني هو انت فاكر انها هترجع و لو رجعت انا بقي هقولها لا مش انا لولع الدنيا انا هولع ليله اكتر من ناحيه عشري عشان هو السبب في كل ده
فضل…..نعيمه اقعدي و اهدي شويه عشان عايز اتكلم معاكي
نعيمه….مفيش بيني و بينك كلام
فضل…..نعيمه انا من الساعه اربعه و انا في الشارع من زايد للرحاب و من الرحاب لزايد و من زايد للتجمع و من التجمع لبيت اهل اميمه و من عندهم علي زايد و رجعت من زايد تاني علي التجمع عشان اجيلك عشان متحملتش اسمعك بتعيطي و انتي بتكلمي عشري
نعيمه….بوجع و دموع و بردوا غضب و انت مالك و مالي اصلاً انا مقولتلكش تيجي و لا قولتلك تحكيلي تفاصيل يومك انا مش عايزه اعرف عنك اي حاجه ولا طايقه ابص في وشك انت كداب و كدبت عليا و اكيد مخبي حاجه زي ما عشري عمل مع ليله و حتي لو مش مخبي كفايه انك خبيت عني حاجه زي دي كفايه ان انت كان ليك يد في اللي حصل لليله
قام فضل مره واحده بغضب
فضل…..نعيمه اسكتيييييي اسكتييييي انتي من الصبح مفصلتيش زعيق و عصبيه و اتهامات كفاااااايه مبتتعبيش عايزاني اعمل اييييييييه اروح امسك في عشري يا نعيمه عشان ترتاحي اروح اقوله انت السبب في اللي بيحصل بيني و بينك و بين الشباب و البنات اروح اقوله بسببك كل علاقتنا باظت و بتبوظ احمله فوق طاقته مش هقدر لان عشري اللي فيه مكفيه و زياده قوليلي هترتاحي لما اروح امسك فيه و اقوله كل ده بيحصل فينا بسببك بسبب اننا سمعنا كلامك اروح اقتله عشان ترتاحي و تبطلي تشوفبني عامل مصيبه ارحميني يا نعبمه شويه انا مس طااااااايق عشري و في نفس الوقت حاطت جزمه في بوئي لاني عارف هو بيمر بأيه شايف نفسي زبااااااله عشان وجعت ليله و انا مشوفتش منها اي حاجه وحشه و
هي اللي كانت سبب في ان انا وانتي نبقي مع بعض وقفت معايا و ساعدتني و سهلت عليا اي حاجه شوفتها صعبه بسسسسسس عشان اعملك مفجأه وافرحك و في المقابل انا مطلعتش جدع معاها لان مكانش ينفع اطلع جدع و محدش فيكم كان هيشوفنب جدع لو كنت روحت قولتلها كنت هخسر ابن خالي و اخويا وصاحبي كنت هبقي سبب في اللي هيحصل بينهم انا اللي فيا مكفيني ارجوكي كفايه
سكت فجأه وغمض عينه و مسك راسه بسرعه و جسمه راح لوراء من العصبيه
قربت منه نعيمه بسرعه و هي دموعها نازله.
نعيمه….فضللللللللل انت كويس
فضل ساكت ثواني و مغمض عينه بقوه الدنيا كانت بتلف بيه و راسه هتنفجر
نعيمه….فضل خلاص طيب انا هسكت والله اقعد هنا واهدأ فيك ايه طيب فتح عينك و رد عليا
فضل……انا كويس كويس
نعيمه…..طيب مالك حاسس بايه
فضل….متخافيش صداع بس ودوخه
نعيمه….طيب اعملك ايه
فضل….ولا حاجه انا بخير
سابته نعيمه وراحت بسرعه علي المطبخ حطتلوا مايه و جابتله مسكن
نعيمه….ده مسكن للصداع خده هتبقي كويس
فضل….لا لا انا ضغطي شكلوا وطي هاتب بس المايه
نعيمه….طيب اقعد شويه
شرب فضل خدت منه الكوبايه و بصتلوا
نعيمه….ايه لسه دايخ
فضل…..لا كويس متقلقيش
بصتلوا نعيمه بحزن و دموع
نعيمه…..ليله خدت الباسبور يا فضل و مشيت خاااالص
بصلها فضل بابتسامه حزينه وقرب منها خدها في حضنه وهي انهارت
فضل…..خلاص يا قلبي اهدي مش هترزح في حته والله عشري مش هيسيبها
نعيمه…..لما امها ماتت و اتوجعت مشيت من البلد كلها و ليله بتحب عشري اوي يا فضل مش هترجع الوقت خالص والله هتفضل بعييييد
فضل…..خلاااااااص خلاااص اهدي و حياتي عندك لا تهدي هترجع والله هترجع باس يا عمري
نعيمه…..والنبي رجعوها دي كام ساعه بس عملت فينا كلنا كده امال لو طولت شويه هيحصل فينا ايه و الله هموت يا فضل هموت و غصب عني انا اسفه بس والله انا مش بولع الدنيا بس انا عارفه ان ليله جرحها صعب يخف بسرعه
فضل…..بعدها عنه و هي بتعيط و مسك وشها بحب و هو بيمسح دموعها و باين عليه انه بجد تعبان و مخنوق و انا بوعدك ان المرادي مش هتبقي زي ما سافرت قبل كده والله العظيم و غلاوه نعيمه هترجع وفي اقرب وقت هتبقي وسطنا عشان خاطري متعيطيش واهدي وان شاء الله هنلاقيها بس اوعديني انتي اننا نحط ايدينا كلنا في ايد بعض و نصلح اللي اتكسر بينها وبين عشري اوعديني انك متزعليش حد منك انا عارف ان انتي قلبك ابيض وجميل
و مش قصدك لا تزعلي حد ولا تضايقي حد بس لازم يا عمري تتحكمي في غضبك لازم تختاري الوقت الصح اللي تغضبي و تثوري فيه نوني انا يصعب عليا اتعصب عليكي وانتي عارفه انا بحبك قد ايه بس كمان مش عايزك تطلعي غلطانه
قدام اي حد انا عايز نوني الجدعه القويه اللي مستعده تعمل اي حاجه عشان صحابها و ياستي ترجع ليله و اتجنني براحتك و انا مستعد اتحمل منك اي حاجه كمان بس مش وقته يا نعيمه
نعيمه….بدموع طيب انت وعدتني انكم هتلاقوها عشان خاطري خلوها ترجع و الله العظيم كلنا من غيرها وحشين و انا مقدرش اقعد من غيرها يمكن مكنتش طول الوقت انا وهي بنقعد مع بعض في البيت وكل واحده فينا بتبقي في اوضتها بس وجودها جنبي امان يا فضل بطمن طول ما هي جنبي ليله جدعه اوي يا فضل و وقفت جنبي و جنبنا كلنا في اوقات صعبه و انا مش متخيله انها تبقي في الحاله دي ومحدش فينا معاها
فضل…..بتأثر هترجع والله هترجع زي ما هي غاليه عندكم غاليه عندنا اوي و انا كمان مضايق و مفتقدها و حاسس انها خدت روحنا كلنا وهي ماشيه يمكن اوقات محدش بيحس بقيمه الشخص اوي غير لما بيختفي عنه اه كنت بحبها وبعتبرها اختي الجدعه و السند المجنونه اللي بتخلي يومنا حلو بس لما حسيت انها ممكن تغيب كتير اضايقت و متحملتش الفكره يعني ده شعورنا كلنا و اكيد احنا مش هنسيبها و هتلف الدنيا عليها و هنرجعها بس انتي اوعديني تعملي اللي قولتلك عليه
نعيمه….حاضر يا فضل
شدها تاني بهدوء و خدها في حضنه وبعدين بعدها تاني عنه
فضل…..هو انتي ممكن تبطلي عياط بقي و تروحي تغسلي وشك و اسببك عشان تنامي
نعيمه….معنديش نوم
فضل….بابتسامه ايه اتحسدتي ده انتي طمعتي في نوم البشر كلهم لوحدك
نعيمه….انام ازاي وانا مش مطمنه علي ليله
فضل…..يوصل بس عشري و نطمن عليها و بعدين مش يمكن هي مغفلانا كلنا و سايبانا نلف حوالين نفسنا و في الاخر نلاقيها داخله علينا يلا يا قلبي اغسلي وشك و تعالي
هزت راسها وراحت غسلت وشها و فضلت تعيط تاني و كل ما تغسل وشها دموعها تنزل اكتر شوبه وخرجت
فضل….بابتسامه هاديه بالذمه ده غسل وش بردوا مس قولنا نبطل عياط
نعيمه…..انا كويسه خلاص
فضل…..طيب اسيبك تنامي و لا افضل معاكي شويه
نعيمه….بدموع تاني معرفش معرفش
فضل…..طب بس بقي وحياتي تعالي اقعدي هنا
قعدها علي الكنبه و قعد جنبها و خدها في حضنه فضلت تعيط و دموعها تنزل علي هدومه و مناخيرها كانت سايبه خالص من كتر العياك
فضل….بابتسامه بقولك ايه بلاش قرف دموع ماشي انما القرف اللي في مناخيرك ده هقتلك
ابتسمت بوجع و قامت سحبت منديل و رجعت تاني في حضنه
فضل جنبها يمشي ايده علي راسها و ماسك كفها بايده التانيه نص ساعه بص بهدوء علي الساعه كانت خمسه
حس ان كفها سايب و عرف انها نامت قام بهدوء
فضل….نوني نوني حبيبيييي
فتحت عينها بهدوء
فضل…..الساعه خمسه يا قلبي انا لازم امشي يلا قومي نامي في اوضتك و تعالي اقفلي ورايا
نعيمه بهدوء قامت و هزت راسها
فضل…..نوني هتنامي ماشي
نعيمه….حاضر
فضل….يلا يا حبيبي خدي بالك من نفسك انا هبقي اجيلك تاني ماشي
نعيمه….حاضر سوق براحه
فضل….حاضر
نعيمه….لسه تعبان
فضل….لا انا كويس يلا باس راسها اقفلي ورايا علي طول
نعيمه…..فضل
فضل….نعم يا قلبي
نعيمه….متزعلش مني
فضل….مقدرش يا نوني ده انت البطل بتاعي
ضحكت ضحكه بسيطه و بعدين باس كفها ومشي وسابها وهي قفلت وراه وراحت خدت موبايلها ودخلت علي اوضه ليله.
اتصلت غليها كان مغلق بعتتلها رساله هي كمان و هي بتعيك
نعيمه…..بدموع ليله انتي فين طمنيني عليكي والنبي انا مش عارفه انام وعلي فكره بقي انا ناميه في اوضتك وعلي سريرك مش بتضايقي لما بقعد عليه و ابوظ الفرش طب انا هنام بقي عليه عشان تبقي تسبيني لوحدي كده و النبي ارجعي بقي .
قفلت الڤويس و فضلت تعيط لحد ما نامت.
و للحديث بقيه……
