لقاء كـ،ـ،ـارثي

الامن…..حضرتك تقصدي عن موضع الجو اللي اتقلب من فتره ده كنتوا هنا

عسال…..لا في دهب

الامن…..اه لا هنا بردوا الدنيا باظت بس الجو كويس و اصلا في جو وحش زي ده بتلاقي الحيوانات كلها مختفيه يعني وقت اللي حصل ده في بدايه الشتاء لا كنت تلاقي قطه ولا كلب بس الوقت الكلاب منتشره بشكل مريب يمكن هما في البدايه لنا بداوا يقفوا قدام ڤيلا قدام كده شويه قعدوا يعوا و بعدين ثبتوا لاول مره كده شكينا يكون في حاجه في الڤيلا يعني حد ميت حد مقتول بس مفيش الڤيلا فاضيه

ايه…..طيب يعني اسفه هو انتوا اتواصلتوا مع اي حد علي اساس تفهموا او تعرفوا ده حاصل في اي مكان تاني و لا هو هنا بس

الامن…..لا بيتواصلوا طبعاً انا سايبهم بيعملوا كام اتصال بس انا مش عارف الحاله دي موجوده في اي مكان تاني ولا لا بس هو لما تخرجوا علي البوابه بره تبصوا علي الطريق يعني ابعد مكان عينكم هتجيبوا هتلاقوا كلاب بين كل مجموعه و مجموعه كام متر

صوتت نسمه و كتمت بوئها بسرعه اول ما الكلاب فكت و فضلوا ينفضوا جسمهم مسكوا البنات في بعض و عسال مد دراعه قدامهم بسرعه

الامن…..اهدوا متخافوش هيمشوا الوقت

و فعلاً بعد ما نفضوا جسمهم ورجعوا لطبيعتهم جريوا وراء بعض

وهما فضلوا يبصوا علي الڤيلا اللي بعيد الكلاب هناك كمان فكت و جريت و اختفت

ايه…..بصدمه هو ايه ده ؟

الامن…..هما علي نفس الوضع ده من الفجر

امنيه…..ايوه دي ظاهره يعني ولا في حاجه بتحصل معاهم مش مفهومه

الامن…..والله ما حد يعرف بس اكيد هنفهم

تقي…..هما شكلهم كمان مش مؤذي يعني مقربوش مننا ولا حتي هوهو علينا

الامن….لا مفيش حد فيهم بيهاجم او ياذي بس معلش زيادة حرص خلينا نلزم اماكننا لحد ما نعرف السبب

عسال…..طيب ينفع رقم موبايلك عشان لو حصل اي حاجه

الامن…..اه طبعاً اتفضل سجلوا

نسمه…..طيب هما بيعملوا كده كل شويه و لا كل وقت طويل

الامن……يعني عملوا كده بعد الفجر و علي الساعه 8 او سبعه ونص و الوقت يعني نقول كل ساعتين مثلا او تلاته اتفضل كتبتلك الرقم

عسال……شكراً طيب معلش احنا ازعجناك و عطلناك

الامن…..لا خالص تحت امركم لو حصل اي حاجه بلوغني و انا هجيلكم فورا بس معلش ياريت متخرجوش تاني و ده عشان سلامتكم

عسال…..طيب تمام متقلقش شكراً لحضرتك

الامن…..العفو بعد اذنكم.

أتفضل.

امنيه…انا بردوا مفهمتش حاجه

تقي…..علي فكره انا قلبي اتقبض اوي و مش مرتاحه بجد

نسمه…..وانا كمان في حاجه تخوف في الموضوع بس ايه هي مش عارفه الكلاب منظرها غريب عينها متحجره و مش بيرمشوا حتي

عسال…..والله ما فاهم هاين عليا الوقت اتصل بصاحبي بس اكيد مصحيش

ايه…..عايز تطمن علي ارثر

عسال….عايز افهم يعني الموضوع ده في كل الكلاب و لا هنا بس و لا ايه ماهو لو في حاجه في الكلاب عموما و في كل مكان اكيد ارثر هيتأثر و ميلو وسلامه علي فكره

ايه…..صح طيب تعالوا هتصل علي بابا كده و هسألوا

عسال……زمانوا صحي

ايه…..اه صحي اكيد

تقي…..طيب بقولك ايه كأنك بتسالي عليهم عادي عشان ميقلقش

عسال…..اه بلاش تقوليوا اللي حصل عشان هيفضل قلقان

ايه…..هو احنا ليه مش صورناهم

امنيه….موابيلي جوه

تقي….وانا كمان عند البار

نسمه….وانا سيباه بردوا

عسال…..اكيد لو بتحصلهم الحاله دي كل ساعتين تلاته زي ما الامن قال هيرجعوا تاني نبقي نصورهم وقتها

دخلوا مع بعض علي جوه و قفل ميدو الباب وراحوا علي الڤيلا

مسكت ابه موبايلها واتصلت علي احمد.

احمد…..صباح الخير

ايه….صباح الخير يا بابا اخبارك ايه

احمد….زي الفل الحمد لله انتوا عاملين ايه

ايه…..بخير الحمد لله ميلو وسلامه عاملين ايه؟

احمد…..بخير كويسين لسه مفطرهم اول ما صحيت و بيلعبوا الوقت

ايه…ااا طيب حد فيهم تعبان او حاجه

احمد…..لا خالص كويسين هو يمكن سلامه اللي لسه مفرهد شويه لما ترجعي ان شاء الله نوديه للدكتور يطمن عليه

ايه…..طيب ماشي طيب مؤدبين ولا بيهوهو و عاملين ازعاج

احمد…..لا عادي بتاعهم متقلقيش مؤدبين

ايه….ااااطيب كويس

فضلت تتكلم معاه شويه و تطمنه عليهم و بعدين قفلت

عسال…..ايه عاديين صح

ايه……اه انا حتي سألته علي الهوهوه ده بمكن يقولي حاجه قالي كويسين و ساكتين العادي بتاعهم يعني

امنيه…..طيب يبقي كده مفيش اي حاجه بيتهيألي ممكن بس محمود يبقي يسأل صاحبه لما يصحي الكلب بتاع ايمي و رشيد معاهم وهو عنده كلاب تاني غيره يعني لو في حاجه هيلاحظ

عسال…..وانا شويه هتصل علي صاحبي بردوا بس هو يمكن لو ظاهره مثلا او في حاجه الكلاب دي حاسه بيها هتبقي في كلاب الشارع اكتر

ايه…..مش عارفه والله يا ميدو يمكن هنعرف اكيد

نسمه…..وقت ما حصل الجو اللي اتقلب ده كل الميديا كانت بتتكلم و كله مشير ڤيدوهات لمصايب حصلت في بيوتهم و عربياتهم يعني اقصد لو في حاجه انتشرت او حاجه غريبه حد لاحظها الكل هيتكلم عنها خلينا بقي نبقي نتابع كده و نشوف

امنيه…..ربنا يستر كويس ان ده حصل في اخر يوم لينا

ايه….بضحك نعيمه لو كانت هنا الوقت كانت زمانها فضحانا

نسمه….هي لما تعرف اصلا حتي لو مشافتش هتترعب و هتفضحنا

كملوا كلامهم و بعدين خرجوا تاني علي الجنينه كانت الساعه 11 وربع شويه و نزلت ريهام انضمت ليهم و بعدها نعيمه و حنان كانت معاهم

نسمه و تقي كانوا عمالين يشوطوا الكوره لبعض ايه قامت تلعب معاهم و عسال كمان لعب معاهم كانوا عاملين جوزحلو مع بعض الشباب بداوا يصحوا واحد واحد بس مكانوش لسه نزلوا.

صحيت نادين ظبطت نفسها و نزلت سمعت صوتهم بره عمالين يضحكوا و عسال معاهم خرجت بهدوء و ققت علي الباب من جوه شافته بيلعب معاهم بالكوره و مبسوطين حست للحظه بغيره غير مفهومه و هو عمال يلعب مع البنات كلهم

قربت بهدوء راحت علي حنان علي طول مكانش شايفها

نادين…..بهدوء و ابتسامه بسيطه صباح الخير

بصوا عليها كلهم

حنان…..صباح الفل يا قلبي

عسال…..اهلا الكسلانه صحيت صباح الخير قرب منها باسها من خدها بهدوء

نادين….صباح النور

صبحوا عليها البنات كلهم

ايه……تعالي العبي معانا يا هبله

نادين…..بابتسامه لا مش قادره لسه صاحيه

حنان….هقوم اجهزلك فطار

نادين….لا يا حبيبتي خليكي انا هعمل نسكافيه تشربي حاجه

حنان…..تسلم ايدك

سابتهم نادين و مشيت بهدوء علي المطبخ راحت تعمل نسكافيه و خدت كيس بسكوت وقفت عند البار من بره تبص عليه عمال يلعب و مبسوط و نسمه وتقي عمالين يجروا يحاولوا ياخدوا منه الكوره كانت مضايقه اوي و غيرانه

دخلت فضت النسكافيه و رجعت قعدت علي البار تاني تفطر بهدوء محبتش تخرج عشان ملامحها ميبانش عليها غيرتها مكانتش من البنات و لا حتي قلة ثقه في ميدو علي قد ما لعبوا معاهم و اندماجه

فكروها بموضوع السن شويه يعني نسمه وتقي اقرب لسنه و في العشرينات كلهم حتي لو فارق السن بينه و بينهم اكبر بس هي اضايقت
صوته كان واصلها

عسال…..بضحك لا خلاص كسبتكم اتعلموا الكوره و هبقي العب معاكم

فضلوا البنات يضحكوا و يتكلموا مركزتش نادين في كلامهم و فضلت باصه قدامها بتفطر و ساكته

دخل عسال علي جوه و قرب منها وهي قاعده باسها من خدها

عسال…..القمر بتاعي بيفطر لوحده ليه