لقاء كـ،ـ،ـارثي

في غرفه تقي و نسمه صحيت نسمه قلقت في البدايه من صوت الكلاب و بعدين مسكت الموبايل تقلب فيه شويه حست ان النوم طار فا قررت تقوم بما انه اخر يوم متضيعش الوقت في النوم قامت من علي السرير بصت علي تقي

نسمه…..تقي تقي

تقي…..همممم

نسمه…..بقولك ايه ما تصحي بقي انهارده اخر يوم هنفضل نايمين كده خلينا نصحي

تقي….هي الساعه كام

نسمه…..عشره و نص و بصراحه انا النوم طار من عيني

فتحت تقي عينها و مسحت علي وشها

تقي…..طيب ماشي هصحي ادخلي انتي التويلت علي بال ما افوق شويه

نسمه….ماشي يا قلبي

قامت نسمه خدت غيار و دخلت تاخد شاور دافي

قامت تقي سندت ضهرها علي السرير و فضلت تلعب شويه في الموبايل هي كمان و بعدين فتحت الواتس علي الشات بينها و بين عدي بعتتلوا رساله.

تقي…..صباح الخير يا صديقي العزيز انا صحيت و شويه و نازله ياريت نبطل كسل انهارده اخر يوم ابقي نام بليل في العربيه براحتك لما تصحي ابقي انزل بقي بااااي.

ابتسمت و سابت الموبايل و قامت من علي السرير رتبتوا و راحت براحه علي الحمام

تقي…..نسمه

نسمه….هاااا

تقي…..بقولك ايه اجهز الشنطه الوقت عشان ابقي مخلصه اللي ورايا و لا استني

نسمه…..اه عادي جهزيها انا هخرج اصلا اجهزها و اسيبها بس متنسيش تسيبي لبسك اللي هترجعي بيه علي جنب

تقي……اوك

سحبت الشنطه حطتها علي السرير و راحت علي الدولاب خدت طقم و سابته في الدولاب و خدت ترنج كده رياضي عشان تاخد شاور و تلبسوا

و بعدين بدأت تحط باقي حاجتها في الشنطه و فضلت تدور علي كل حاجتها عشان متنساش اي حاجه

خرجت نسمه و هي حاطه الفوطه علي راسها

نسمه…..ايه خلصتي؟

تقي….اه كده كله تمام بليل بس هبقي اقفل الشنطه عشان ابقي احط الميك اب و البرفيوم

نسمه….طيب تمام انا هظبط الشنطه الوقت ادخلي يلا خدي شاور

تقي….اوك

دخلت تقي و نشفت نسمه شعرها و بعدين بدات هي كمان تجهز شنطتها

و بعد ما خلصت لبست الاسدال و راحت تصلي بعد ما خلصت افتكرت ان في حجات محطتهاش كملت كل حاجه و بعدين خرجت تقي ظبطوا نفسهم و جهزوا.

نسمه…..يلا ننزل نفطر انا هموت علي نسكافيه

تقي…..ماشي يلا تيجي نصحي البنات و لا نسيبهم شويه

نسمه…..سيبيهم شويه شكلهم سهروا حبه كده و نصحيهم و بعدين يمكن حد صحي تحت خلينا ننزل نشوف

تقي…..طيب يلا.

نزلوا مع بعض لقوا ايه و حنان و عسال قاعدين علي كراسي البار و مخلصين فطار

تقي…..صباح الخير

نسمه….صباح الخير

الجميع…..صباح النور

ايه…..ايوووه الناس اللي صاحين و فايقين

تقي…..البت الرخمه دي اللي صحتني

نسمه…..قلقت و مش عارفه انام و بعدين ده اخر يوم هنقضيه كله في النوم

ايه…..انا كمان قلقت بس عشان نمت بدري

حنان…..تعالوا يا بنات اقعدوا و انا هجهزلكم الفطار

تقي….فطار ايه اللي تجهزيه يا ست الكل خليكي مرتاحه احنا هنتعامل

نسمه….خليكي يا حنون هنجهزوا احنا

حنان….طيب يا حبايبي

دخلوا البنات يجهزوا فطار سريع كده

ايه…..سمعتوا صوت الكلاب

نسمه….اه انا سمعتهم لما صحيت بس سكتوا صواهم فظيع بصراحه

تقي….انا مسمعتش حاجه بصراحه

عسال….نومك تقيل يا تقي

تقي….لا عادي والله يا ميدو ولا تقيل اوي و لا خفيف هو صوتهم عالي للدرجه ولا ايه

عسال…..عندنا في الاوضه من ضهر الڤيلا صوتهم كان عالي بصراحه

ايه…ميدو عشان نومه خفيف كمان

عسال…..اه صحيت بسببهم اصلاً مع ان الشباك مقفول

ايه…..بضحك انا و مبدو عندنا مهمه الوقت هنخرج بره و نكتشف صوتهم جاب منين

نسمه….بابتسامه الله مغامره طيب خدوني معاكم

ايه…..يلا خلصوا بس و تعالوا

حنان….بلاش يا بنات احسن يعضوا حد فيكم ووانت بتطاوعهم يا ميدو

عسال….بابتسامه هنبص من بعيد متخافيش

امنيه….صباح الخير

الجميع….صباح النور

ايه….بضحك اهلا بالصفرا

امنيه….يابت احترمي نفسك شويه

ايه…..ايه اللي صحاكي

امنيه…..معرفش قلقت معنديش نوم و نعيمه نايمه مقتوله قولت اسيبها مع الناس اللي بتتخانق معاهم

ايه…..بضحك ولا خوفتي منها

امنيه….بضحك هي مقتوله والله صحيت وخدت شاور و صليت و هي ولا هنا مش بتتقلب حتي

ايه…..اه نعيمه فظيعه تحسيها ميته

حنان…..بابتسامه بعد الشر يمكن سهرت

ايه…..لا هي كده عادي

تقي….تعالي يا موني يلا افطري معانا

امنيه….طيب هعمل نسكافيه و جايه.

خلصوا فطارهم بسرعه و سابوا النسكافيه يبرد شويه و راحوا مع ميدو و ايه و حنان قالتلهم هتدخل تجهز الشنطه.

مشيوا بهدوء بره لحد ما قربوا من الباب.

عسال….بابتسامه بقولك ايه ما بلاش جنان احسن يعضوا حد فينا صحيح

ايه….بضحك مش هنقرب اوي هنجري و بعدين احنا هنبص كده من بره بس

امنيه…..نهار اسود لو في حد مقتول في اي ڤيلا جنبنا و عشان كده عمالين يعملوا الصوت ده

عسال…..بضحك والله العظيم جات في دماغي

ايه…..بضحك طب ما ده حلو عشان نعيش مغامره

نسمه….اه انا بحب جو الاثاره ده

تقي….بضحك مغامره ايه و اثاره ايه هنروح في داهيه و هنلبسها

عسال…..بابتسامه ايه افتح ولا خلينا باحترامنا

ايه…..ياعم افتح هنبص بس كده من بعيد اخلص قبل اي حد من العاقلين يصحي و يقولنا لا

عسال…..طيب بصوا هخرج انا الاول كده ابص عشان لو واقفين تدخلوا بدل ما يبقي فيهم حد مصعور و لا حاجه

ايه…..ماشي

فتح ميدو الباب بهدوء خرج شويه بص شمال و يمين مكانش في اي كلب جنب الڤيلا

عسال…..مفيش حاجه امال ايه الصوت ده

خرجوا البنات بهدوء و بصوا و بعدين مشيوا كام متر كده بس لسه قريبين من الڤيلا

عسال….بقولكم ايه خليكم هنا لحظه انا هلف اشوف مكان ما كنت سامعهم

ايه……طيب براحه

عسال…..ماشي متقلقيش

اتحرك ميدو علي جنب الڤيلا من اليمين و بعدين دخل بهدوء عشان يشوف ضهر الڤيلا لمح حوالي خمس كلاب واقفين مش بيتحركوا خالص مقربين من بعض و ثابتين

رجع بهدوء تاني عند البنات

امنيه…..ايه لاقيت حاجه

عسال….بهدوء و هو مبتسم بقولكم ايه في كلاب وراء خمسه او سته تقريباً واقفين جنب بعض مش بيتحركوا خالص

امنيه…..يعني ايه مش بيتحركوا

عسال…..ثابتين والله ما بيتحركوا واقفين تحت الشبابيك بتاعت الغرف من وراء و مفيش حركه

ايه…..والنبي عايزه اشوف

عسال….لا بلاش جنان خليكي احسن يجروا وراكي

ايه….هشوفهم براحه متخافش

عسال….طب تعالي و براحه متعمليش صوت

نسمه…..بضحك و هي بتهمس يالهوي لا يكون في قتيل بجد

عسال…..يا ستي قتيل ايه مفيش حاجه هما واقفين بس

راحوا معاه من بعيد و لمحوا الكلاب

ايه….باستغراب هما واقفين كده ليه بجد

عسال….مش عارف

امنيه….وقفتهم غريبه اوي فعلاً كأنهم متحنطين

تقي…..ده حتي ديلهم مش بيتحرك هما ميتين ولا ايه

ايه….هيموتوا واقفين يعني انتي كمان

تقي…..يعني ده اللي استغربتيه من كلامي و مش مستغربه واقفتهم دي

ايه….بضحكه هاديه ايوه بس مش ميتين يعني و بعدين علي فكره يا ميدو انا لما صحيت علي الصوت مكانش صوا جاي من وراء الصوت كان قريب دول واقفين عند الڤيلا بتاعتكم الصوت اللي سمعتوا قريب مننا اكتر عند المبني التاني

عسال…..مش عارف تعالوا نشوف تاني بره

مشيوا بهدوء و رجعوا تاني جنب الباب و بعدين اتحركوا بصوا علي الجنب اليمين مكانش في حاجه

نسمه…..الحقوا الكلاب اللي هناك قدام الڤيلا دي

بصوا علي اقرب ڤيلا ليهم بس هي بعيد شويه لمحوا قدام الباب اكتر من عشر كلاب ضهرهم للڤيلا و نفس وضع الكلاب التانيه مش بيتحركوا خالص بشكل مريب

عسال…..هو في ايه ؟

ايه….مش عارفه ليه واقفين كده وليه مش بيتحركوا

امنيه…..بضحك بقولكم ايه انا خايفه
تحسيهم شايفين حاجه

تقي….بصت عكس الاتجاه علي الڤيلا اللي بعدهم من الناحيه التانيه العبببببب الحقوا الڤيلا اللي هناك خالص

ايه…..بضحك علي راي ايمي احيه

نسمه…..لا بجد في حاجه غريبه ليه واقفين قريبين من الڤلل كده و ليه باصين باتجاه البحر

ايه…..بضحك مش محتاجه ذكاء اكيد في عفاريت في الموضوع او يمكن البحر هيخرج علينا

نسمه…..ده بجد

امنيه….بحضك دي صدقت

ايه…..يابت اكيد مش بجد بس انا في حياتي مشوفتش المنظر ده يعني انا اتعاملت مع كلاب كتير و حتي كلاب الشارع اول مره اشوف المنظر ده

تقي…..بابتسامه ميدو انت ساكت ليه

عسال…..بضحك مش عارف في حاجه غريبه كأنهم تحت تاثير تونيم مغناطيسي يعني انا بربي كلب و بصراحه اخره خالص انه يعوي لكن كده مشوفتش بصراحه

ايه…..انت صحيح سايب الكلب بتاعم فين

عسال……بضحك ده اللي هامك الوقت

ايه……بضحك لا نسيت اسألك و عارفه ان الكلب بتاع ايمي و رشيد محمود خدوا لصاحبه

عسال…..انا كمان سايبه مع واحد صاحبي بس خلينا هنا الوقت في ايه

ايه….انت بتسألني و المصحف ما اعرف طيب بقولك ايه ما تيجي نجرب من بعيد نهشهم كده او نحدف عليهم طوبه

عسال…..اااااه خلبهم يجروا ورانا

ايه….ياعم من بعيد متخافش

امنيه…..يابت ما بلاش صحيح احسن بكونوا شايفين جن و يتحولوا علينا

ايه…..بضحك الجن لو شافك هيخاف جن ايه يا هبله استنوا بس خلينا نجرب

مسكت ايه طوبه صغيره

عسال……بابتسامه خدوا وضع الجري علي البيت

حدفت ايه الطوبه ناحيتهم و كأن مفيش حاجه اتحدفت

ايه…..بصدمه ضحكت ضحكة خوف لا في حاجه غلط

نسمه….ازاي ده صحيح

ايه….طيب بصوا خليكم هنا انا هقرب براحه

عسال….لا لا لا بطلي جنان خلينا نرجع

ايه…..ياعم متخافش استني بس

عسال…..مسك دراعها بطلي هبل يا ايه

ايه…..والله ما تخاف و بعدين انت شوفت بنفسك حدفت الطوبه متحركوش خليكم هنا هبص كده بس اقرب منهم و بعدين هرجع علي طول

عسال ….لا معلش خليكي هما هيتحركوا اكيد لو لمحوكي

ايه…..مش هقرب اوي متخافش

امنيه…..يا بت اتهدي انتي فكراهم زي الكلاب اللي بتتعاملي معاهم

تقي…..ايه صحيح بلاش جنان خليكي والنبي

ايه…..بصوا خليكوا انتوا قريبين من الباب هشوفهم بس والله و ارجع

نسمه……طيب انا عايزه افهم هما بطلوا يعملوا صوت ليه

ايه…..مش عارفه ده اللي هيجنني عندي فضول اعرف في ايه انا في حياتي ما شوفتش المنظر ده

عسال….طيب بصوا يا بنات هي ادام فضولها هيموتها كده مش هتسكت خصوصا لانها بتحب الكلاب انا هروح معاها بس انتوا خليكم قريبين من الباب عشان لو حصل حاجه و جرينا متعطلوناش

امنيه….والله شكل فضولك انت اللي هيموتك يا ميدو

عسال…..بضحك صراحه اه ما اللي بيحصل ده غريب بصي هنا وهناك وي وراء الڤيلا الموضوع غريب

تقي…..طيب متقربوش بس منهم اوي

ايه….متخافوش يلا يا ميدو

عسال….يلا اتحرك معاها كام خطوه و بصلها و هو مبتسم و بيهمس انتي عارفه لو حصل حاجه سلامه هينفخني بسببك

ايه…..بضحك يعني نادين اللي هتسمي عليا خلينا نشوف و نخلص بقي قبل ما يصحوا

عسال…..طيب براحه و متعمليش صوت

ايه….ماشي بقولك ايه لو اتحركوا اوعي تجري

عسال…..طيب خليكي قريبه بس

فضلوا يقربوا شويه بشويه و يقفوا عشان يشوفوا رد فعل الكلاب و يرجعوا يقربوا منهم اكتر لحد ما بقول جنبهم تقريباً والبنات عينهم عليهم من بعيد في حاله ترقب

وقف عسال بهدوء و بص لايه

ايه…..بصتلوا و اتكلمت بهمس هو ايه اللي حصلهم دول كأنهم مش شايفينا

عسال…..بتركيز عينهم مش بتتحرك في حاجه غلط بتحصل

ايه…..بهمس ميدو بص علي الڤيلا اللي بعدها

عسال…..اوووف طب ايه ده بجد في واحد من الامن ماشي هناك جنبهم عادي

ايه…..تيجي نروح نسألوا

عسال….اكيد مش عارف حاجه طبعاً المشكله انهم متحجرين زي ما قالت امنيه اللي يشوفهم يفكرهم متحنطين

ايه….طيب المس واحد فيهم

عسال….لا لا مش للدرجادي بلاش جنان

ايه…..ما احنا جنبهم و ساكتين اهو

عسال…..لا بردوا بلاش بص علي الامن كان بيقرب منهم

بس خاف يتكلم بصوت عالي متشجعش غير لما سمع صوت الامن.

الامن……صباح الخير انتوا في الڤيلا هنا

عسال…..لا اللي هناك هو في ايه

الامن…..بابتسامه والله ما اعرف علمي علمك انا بس بستأذنكم تدخلوا الڤيلا احسن عشان ميبقاش في خطر علي حياتكم

عسال…..من ايه هما بيتحركوا ده انا كنت خايف اعلي صوتي بس ده لا فارق معاهم صوت ولا حركه

الامن….معلش بردوا الاحتياط واجب و بعدين هما من امبارح علي نفس الوضع يظهروا يعوا شويه و بعدين يرجعوا يفكوا و يختفوا كأن مفيش حاجه حصلت و جالي تعليمات انا وباقي الامن نحذر الكل

عسال…..في رواء الڤيلا عندنا و في في الڤيلا اللي بعدنا بشويه

الامن…..بابتسامه لا هو عددهم كبير اوي قدام هناك خالص مكان ما كنت جاي تحت علي الشاطئ هو انت مش هتشوف من هنا بس كتير اوي بره البوابه في كتير علي الطريق

ايه….واقفين كده بردوا علي الطريق

الامن…..نفس الوقفه و نفس الثبات

ايه…..ايوه بس ده خطر اللي جاي علي الطريق لو مش شايفهم هيدوسهم و لو حاول يفاديهم ممكن هو اللي يعمل حادثه

الامن…..والله الامن بره عمال يحاول يبعد فيهم عن الطريق شويه

ايه…..يعني بتلمسوهم عادي مش بيعملوا حاجه

الامن…..خالص هما بيسحبوهم بعيد عن الطريق بس مش بيتحركوا معاهم بيجروهم و بيقفوا عادي مش بيعملوا اي حاجه بس هو الزضع بصراحه غريب و غالباً لازم يحذروا من الطرق

البنات قربوا شويه و سمعوهم

عسال……قرب بهدوء لمس الكلب ااا ده مش بيعمل اي رد فعل

الامن…..خالص بقول لحضرتك ان الكلاب كأنهم متخدرين

عسال…..طيب ده حصل هنا قبل كده

الامن….بضحكه هاديه هو الحقيقي محصلش اصلا قبل كده خالص يعني في حاجه غريبه هما من امبارح الصبح زي الوقت كده كانوا منتشرين شويه بس مش للدرجه كانوا بيعمطوا و بعدين يسكتوا و يختفوا من امبارح بليل بقي عددهم بقي اكبر و بيعملوا نفس الصوت و شويه و يثبتوا زي ما انتوا شايفين كده و يرجعوا يفكوا

امنيه….ايوه يعني مش هيفضلوا كده

الامن…..مش عارف بس هما من بعد الفجر و هما بيحصلهم كده في الاول كانوا بيعملوا الصوت بس الوقت بيثبتوا حوالي عشر دقايق و يفكو و تلاقيهم جريوا و اتفرقوا عن بعض و مش ظاهرين اصلا يعني حتي حاولنا اننا نسيطر عليهم و نخرجهم بره لاننا منعرفش ازاي دخلوا بس مش عارفين العدد الكبير و بعدين لما بيختفوا منعرفش بيروحوا فين او بيستخبوا فين انا سايبهم عند البوابه الرئيسيه مستغلين وضعهم ده و عمالين يجروا فيهم بره البوابه

تقي……ايوه بس حضرتك معندكش اي معلومه عن وضعهم ده

الامن……للاسف والله لا يعني زي ما حضراتكم شايفين دي حاله غريبه واول مره تحصل يعني في العموم بيقولوا ان الحيوانات بتحس مثلا بالزلازل بالرياح بس مفيش اي حاجه حصلت من امبارح الصبح مفيش اي زلزال حصل و حتي سرعه الرياح عاديه البحر نفسه هادي فا احنا مش فاهمين لحد الوقت

ايه….بضحكة سخريه لا احنا منطلعش سفريه تاني بقي مع بعض لاننا موعودين اول مره الثلج و المطر غرقوا الدنيا كذا يوم و المرادي الكلاب