لقاء كارثي

ليله…لا خالص حرام البنت والله يا عشري كانت منهاره في التويلت و عماله تتحايل عليا ومرعوبه انها تشيل سر زي ده من غير ما تتكلم و كل شويه تقولي طيب نشوف دكتور و مش هقول لحد خالص بس حد يطمنا عليكي عشري انا لولا العصير اللي كانت بتشربهولي بالعافيه وانا مضطره اسمع كلامها عشان متروحش تقول لحد كان زماني موت لان مكانش هيبقي في تعويض مع النزيف بس هي مقصرتش صدقني

عشري…مصدقك يا قلبي و مش زعلان منها خلاص و اكيد هي هتقدر عصبيتي عليها في الموقف ده و عصبيه البنات علي فكره انا طلبت منها تمشي بس هي صممت تفضل و تطمن عليكي اكيد لما اشوفها هتكلم معاها و هوضح موقفي و هتعذر ليها كمان انا مش فارق معايا اي حاجه الا انك معايا اي حاجه تانيه مش مهم و عشان كده هراضيها متقلقيش

بس زي ما قولتلك انتي كمان متزعليش من ايمي

ليله….بهدوء ايمي مين اللي ازعل منها يا عشري انا عارفه ان ايمي كانت هتتجنن عليا و عارفه انه غصب عنها انا سيبتها تقول كل اللي جواها عشان ترتاح هي مكانتش هتسكت الا لو سمعتني الكلمتين دول و انا لو مكانها هعمل اكتر من كده اللي بيني و بين ايمي يا عشري و بيني وبين البنات كبير اوي و يمكن ايمي حاله خاصه انا كنت واثقه ان ايمي اصلا كل اللي هيفرق معاها ان هي محستش بيا

و كنت واثقه مليون في الميه ان نعيمه هتحمل نفسها نفس الذنب اللي حملته في موت امها وابوها

كنت واثقه من رد فعل كل واحده فيهم هيبقي ازاي و الاهم اني كنت واثقه من رد فعلكم كلكم علي رحاب عشان كده اول ما فوقت سالت عليها و لما لاقيت ايمي بتبصلي بعصبيه و بتقولي بتسالي عليها ليه قولتلها عملتي ايه فيها

عشري….بابتسامه هاديه كانت هتاكلها هي وايه

ليله…. بابتسامه حزينه أيه مش نعيمه يعني

عشري…..لا نعيمه انا اتصدمت من هدوء اعصابها تجاه رحاب بصراحه يعني حتي عتابها ليها كان هادي شويه كل اللي قالتوا كان لازم تعرفينا انما أيمي و ايه داسوا زي القطر نادين انتي عارفه هي وسلمي اهدا في ردود افعالهم وزعلهم و عتابهم انما ايمي وايه و انا روقنا عليها بصراحه

ليله….بابتسامه هاديه ومسحت دموعها اتعملوا البلطجه منك

عشري….لا علي فكره ايمي بلطجيه هي اي أيه اللي اتعلمت و اتفاجئت بيها بصراحه بس هما كانوا خايفين عليكي اوي بجد