لقاء كارثي

بصي يا ايمي انتي حره مش مقتنعه بكلامي براحتك طبعا انا مش بجبرك تاخدي موقف رحاب بشكل تاني بس صدقيني لو انا عندي شك واخد فالميه ان رحاب شخص وحش هقولك حقك و اعملي ما بدالك بس والله البنت طيبه محترمه نيتها كانت خير ضغط ليله عليها مع الموقف خلاها مشيت وراء ليله بهدوء هي فكرت جايز بطريقه غلط لكن كانت بتحاول تعمل اللي يطلع في ايدها فهمتي

ايمي….نجود انا مقولتش انها وحشه و لو عندي شك انا كنان انها قصدت دن يحصل او تاذي ليله مكنتش سكتت و شيلي خالص من دماغك فكره اني اربط موقفها اللي حصل مع نعيمه وفضل بموقف ليله اكيد مفكرتش كده و لو يا ستي هفكر بالطريقه دي وقت الموقف بتاع ليله فا ده هيبقي من غضب الموقف نفسه انا بس اللي قولتوا مينفعش ابني صداقه او احاول اكسب ثقه حد علي حساب حياته انا لو مكانها في داهيه صحوبيه ليله و ثقتها بس انقذ البني ادمه دي

نجود….وزي ما قولتلك مش كلما بنفكر زي بعض انا وانتي تفكير هي تفكير ده تفكير دي تفكير يعني وقت ما بتتحطي في موقف كل واحد فينا هيفكر فيه بحسباته هو انا مش عيزاكي تزعلي منها ولا انت كمان يا عشري ولا البنات

عشري….نجود انا مش زعلان جايز وقت الموقف كنت متعصب و رد فعلي كان قوي بس ليله اتكلمت معايا و عذرتها لاني عارف ليله كويس زي ما قولتي عنيده و بتقنع و رحاب مكانتش هتقدر عليها

نادين…بهدوء ااا حصل خير اهم حاجه ان ليله كويسه و ربنا حافظ عليها لحد الوقت اللي عرفنا فيه لو عالغلط انا شايفه ان زي ما رحاب غلطت ليله كمان غلطت بس هرجع واقول زي ما انتي قولتي وقت الموقف جايز العقل يقف شويه و منفكرش صح يمكن هما الاتين لغوا عقلهم و فطروا بعاطفتهم اكتر لياه فكرت بعاطفتها تجاه الكل و رحاب فكرت بعاطفتها تجاه ليله و المواقف اللي كنا فيها

نجود….بالظبط يا نادين ده اللي حصل بالظبط رحاب خافت تبان انها خانت سر ليله خافت ان ليله تقلب عليها فا بالتالي ممكن ترجع تخسر ثقة نعيمه فضل عشري البنات فا سكتت

سلامه…..ايمي و حدي الله انتي والبنات الموضوع انتهي و الحمد لله انه انتهي بسلامة ليله و محصلش اي مضاعفات او اذي ليها فيما بعد ربنا كريم و وقف معاها و معانا لان محدش فينا كان متحمل يحصل حاجه تاني رحاب واضح انها بجد مكانتش تقصد جايز انتوا واخدين الموقف ده بسبب مواقف قديمه حصلت و بيتهيألي لو مكانش في موقف قديم مكانش ده هيبقي رد فعلكم