لقاء كارثي

ليله….ايمي طيب ممكن تسمعيني و تديني فرصه افهمك

ايمي….لا مش هسمعك و اي تبرير منك للي حصل مش مقبول انا مش طيقاكي انتي كمان خدي بالك كلامك بالنسبالي مش هيبقي ليه اي معني هتقولي خوفت عليكم الموقف و الظروف اللي كنا فيها مكانتش متحمله اوجعكم اكتر هقولك خوفتي علينا طيب خافي علي نفسك معانا معلش هنتعب سيداتك خايفه علي 100 بني ادم قدامك مجاش عليكي خليهم 101 الظروف و الموقف مش متحملين و كلنا منهارين علي فكره انتي كنتي في نفس الظروف معانا زعلتي عيطتي اتوجعتي انهارتي

مكنتيش بتضحكي مثلا او كان الموضوع عادي و متوجعتيش زينا او مفرقش معاكي لا فرق و يمكن فرق اكتر مننا انتي كنتي مع نعيمه من بدايه الحادثه يعني اللي حصل قدامكم اكبر و يوجع اكتر فا كان لازم تكوني رحيمه بنفسك اكتر من كده طيب انا اهو اتوجعت علي عادل ونجلاء و هموت عليهم بس ربنا رايد ان حملي لسه بخير تعبت اه تعبت اغم عليا و مكنتش قادره من الخبط اللي كان حاصل فيا من كتر العصبيه والتوتر بس ربنا رايد ان لحد اللحظه دي بخير أيه كانت تعبانه واهي كويسه الحمد لله حتي لو لسه تعبانه بس واقفه نعيمه نفسها ميته قدامك اهي بس لسه فيها روح يعني اعترافك انك تعبانه مكانش هيأذينا الا لو ربنا اراد و جهت كلامها لنعيمه والكلام ليكي انتي كمان ادام ربنا رايد يحصل حاجه معينه بيكي من غيرك انتي سبب مش سبب هتحصل يعني اللي حصل مينفعش تلومي نفسك عليه ده قضاء وقدر و اي حد فينا ميقدرش يمنعه بصت تاني لليله و حتي يا ستي بعد ما عرفنا الي حصل معاكي وجعنا زاد ااااه زاد و انتي عارفه ياليله اننا اتوجعنا بس لسه بخير قدامك خوفك بقي علينا عمل ايه غير انه آذاكي تفكيرك كان غلط وحتي لو هديكي عذر انك مكنتيش في وعيك انك تاخدي قرار صح هرجع لنفس النقطه رحاب مكانش ينفع ابدا تسكت وهي شيفاكي بالمنظر ده و خلينا نقول اقتنعت بكلامك شافت انه مش مناسب لنعيمه او لاي حد فينا تعب و وقع

تروح لحد تاني كبير قادر يتصرف تروح لجوزك لحماتك لاخوكي لاي حد شيفاه قادر يقف علي حيله حتي لو واحد في الميه تستنجد بأي حد لكن تسكت و تسيبك اربعه وعشرين ساعه تنزفي طب عالاقل بعد ما عرفنا الخبر من الدكتور كانت استنت ساعه اتنين مبلوعه وبعدها ترفض انها تسكت

نجود…..طيب بصي يا ايمي انتي والله العظيم معاكي حق مليون في الميه و كلامك مقدرش اقول انه غلط بالعكس وجهة نظرك صح بس ممكن تسمعيني