لقاء كارثي

ليله…..هاتيلها مايه بسرعه يا ايه

حط عشري ايده علي راسه و وقف علي جنب مكانش قادر يقف من الخضه و صوت صريخها اللي قومهم مفزوعين

نادين…..والنبي اهدي يا نعيمه ادعلهم طيب

نعيمه…..مش هشوفهم تاني خلاص مش هحضنهم والنبي اعملوا حاجه يا ناس بموت والله ياناس في نار جوايا مطلعش كابوس انا دفنت امي وابويا انا سيبتهم ومشيت

ايمي…..هاتي يا ايه نعيمه اشربي والنبي

نعيمه….بانهيار ابويا وامي راحوا مني يا ايمي مش هشوفهم تاني خلاص

سلمي…بدموع اهدي والنبي

ليله….مسكت بطنها جامد حست بغمص شديد قربت منها نعيمه بطلي صريخ عشان خارطهم ادعيلهم والنبي متعذبيهمش

نعيمه….بدموع امي وابويا يا ليله خلاص راحوا يا ليله طب كانوا استنوا شويه طب كان واحد فيهم مات والتاني استني معايا كام يوم اتعود عالوجع هموت والله هموت العربيه يا ليله العربيه طارت قدامي يا ليله

حنان…طيب اهدي و وحدي الله يا بنتي اشربي شويه مايه

فضلوا البنات اللي يغسلها وشها واللي يطبطب عليها و يمسح دموعها واللي عمال يدعك صدرها لان من كتر العياط كانوا حاسين ان نفسها بقي مخنوق و اللي يضمها ويحاول يهديها و حنان حاطه كفها علي راسها و عماله تقرا قران

نعيمه……امي و ابويا يا ناس هموت والله عقلي مش قادر يستوعب

ريهام…..بدموع وحدي الله يا نعيمه و اهدي يا حبيتي

نعيمه….والله ما حد حاسس بيا مش قادره والله مش قادره غصب عني والله

عشري….مسح علي وشه و قرب شويه نعيمه نعيمه اهدي يا ماما اهدي كده مش هينفع والله انا بقول عليكي قويه مينفعش كده هتتعبي

نعيمه….بدموع و وجع وهي ماسكه قلبها يا ناس غصب عني عشري امي و ابويا طاروا قدام عيني صوت العربيه وهي بتقع من فوق الكوبري و صوت التكسير مش قادره اسمع غيره ابويا يا عشري ابويا انت شوفته صح طيب قولي اهدا ازاي

العربيه اتطبقت يا عشري هما حصل فيهم ايه طيب حسوا بايه وهنا بيقعوا اتوجعوا ازاي كانوا بيفكروا في ايه طيب اتشاهدوا ولا لا يا عشري طيب اخواتي خافوا امي وابويا خافوا مليون سؤال في دماغي كل ما اهدا مش بقدر والله ما بقدر طب ليه حصل كده ليه الاتنين ليه الموته

ايمي…بدموع والنبي كفايه بقي كفايه

عشري….نعيمه ربنا احن عليهم مننا اكيد متوجعوش اكيد محصلش اي حاجه من اللي بتفكري فيها دي و اخواتك هيبقوا زي الفل و الله العظيم ادعيلهم يا نعيمه يقوموا بالسلامه و اهدي و اجمدي عشانهم انتي لسه قدامك مشوار طويل و لسه محتاجه تكوني اقوي من كده عشانهم