لقاء كارثي

الشباب…سلام عليكم

الجميع…عليكم السلام

قرب فضل باس راس نعيمه

فضل….ايه ياقلبي عامله ايه احسن شويه

نعيمه…الحمد لله

دخل سلامه بهدوء اطمن علي ايه وسلم علي نعيمه وليله واطمن عليهم

وعسال كمان ضم نادين بهدوء و اطمن علي البنات وقعدوا كلهم في صمت

نجود….ااا نرجع لكلامنا بصي يا ايمي لا طبعا اللي عارفني كويس عارف اني ست دوغري و عمري ما دافعت عن الغلط انا بقول للاعور انت اعور في عينه في الاول اضايقت و اتوترت والجو اصلا كله كان توتر و هاجمتها قدامكم بس الواحد وقت غضبه من اي موقف لما بيهدأ و يسمع بيشوف الموضوع بنظره تانيه

ليله….نجود انا من اول ما فوقت سألت عن رحاب و قولت انها ملهاش دعوه و فهمت عشري و اكيد فهمت البنات بس ايمي مهما تقولي الوقت مش هتفهم

ايمي…..هو ايه اللي ايمي مش هتفهم من امتي وانا بصمم علي موقف الا لو كان غلط فعلا من امتي بشوف الصح صح و بعمل نفسي مش واخده بالي اللي حصل غلط من اوله لاخره و الغلط عندك انتي من البدايه خدي بالك مش منها هي فا بلاش تعصبيني عليكي يا ليله خليني ساكته

عشري….بابتسامه هاديه ايمي اهدي كده وصلي علي النبي ليله متقصدش هي بس عارفه انك متعصبه من الموضوع و عارفه انك مش هتتقبليه الا لو هديتي

ايمي….مراتك مستفزه و هي اللي استفزتني من امبارح انا مكنتش هنطق بس تقولي عملتي ايه في رحاب يا ايمي لا انا معملتش لسه و اي حد يفكر في الموضوع صح هيلاقي ان معايا حق

نجود…طيب نتكلم بهدوء و نفهم و خدي كلامي للاخر من غير مقاطعه و ياستي لو مصممه علي موقفك انا هحترمه غلطانه انا كده يا جماعه ؟

حنان….لا طبعاً هي ايمي بس خافت علي ليله هي والبنات بس ايمي طيبه اوي واكيد هتفهم متنسيش ان امبارح واول امبارح التوتر و الظروف اللي كنا فيها تحرق اعصاب اي بني ادم وتعب ليله جه و كمل عليهم فا هما معذورين

ايمي….الموضوع مش طيبه يا حنون الموضوع ان ازاي اخد قرار يخص حياه او موت شخص و اقول ما هي اللي قالتلي معرفش حد ..

ازاي بجد؟! يعني ليله قالت لرحاب و مقالتش لاي حد فينا عشان الظروف والموقف اللي كنا فيه وعشان خافت علينا وده تفكيرها الغبي مقولناش حاجه هديها عذرها مع انه غلللط بس تمام انا بقي كا بني ادمه عاقله عرفت ان اللي قدامي في خطر و كل ثانيه بتعدي عليه حياته بتبقي في خطوره اكتر اسكت ؟! بجد اللي هو ازاي يعني انتي يا رحاب رايحه جايه معاها و شيفاها غرقانه في دمها و ميته من الوجع تسكتي يعني ايه اهتمت وشربتها عصير ادتها مسكن جابتلها غيار معقول يعني لما اقف معاها واجيبلها غيار و اخليها تلبس هدوم بدل اللي اتبهدلت هي كده بقت في امااان ليله بقت كويسه و بطلت تنزف؟ طيب مجاش في بالك انها ممكن تموت فيها طيب الغبيه دي مفكرتش صح وانتي شيفاها قدامك مش في حالتها الطبيعيه تسكتي انتي ؟ فين العقل في الموضوع يا جماعه ازاي اسكت و اشوف اللي قدامي بيعرض حياته للخطر و امشي معاه في الغلط