لقاء كارثي

نجود…هي عارفه ان انتي كمان تعبتي و قالت البنات مش هيسالوا في اكل اصلا

عشري….باستي ولو محدش عمل نجيب من بره

نجود….بره ايه وقرف ايه مراتك تعبانه وعايزه اكل بيت والبنات كمان ده كله مرض

ايمي…تسلم ايدها بس تعبت نفسها والله دي ملحقتش ترتاح

نجود….يلا ربنا يقويها يارب

سلمي…الحمد لله جوجو اعملك قهوه

نجود…كملي اكل انا زي الفل كده

سلمي…فطرت والله الحمد لله و هعمل لعشري كده كده

نجود…طيب اعملي معاه معلش هتعبك

سلمي…خالص والله تعبك راحه
حنون تشربي قهوه يا حبيتبي و لا شاي

حنان…..لا خليكي يا حبيتي انا كلت خلاص خلصي و هبقي اقوم اعمل شاي

سلمي…..طيب ما انا واقفه انتي غاويه تعب هعملك شاي انا

حنان….مش عابزه اتعبك والله

سلمي….انا واقفه و بعدين تعب ايه بس احنا اللي تعبناكي معانا

حنان….لا والله انتوا حبايبي

عشري…كملي اكل يا ليله

ليله….عشري انا باكل بسرعه وانت عارف و مش راضيه اقوم عشان متقوليش مكلتيش.والله شبعت

نعيمه….ليله كلي يا قلبي عشان الدواء

ليله…والله كلت يلا حبيبتي كملي انتي

خلصوا اكل و دقايق نادين و ريهام و حنان قاموا يشيلوا الاكل وقامت معاهم ايمي و عشري كمان ساعدهم

سلمي…ايمي اقعدي انتي وعشري انا جايه اساعدهم بس عشان القهوه متفورش

ايمي….انا كويسه والله و مغيش خلاص حاجه تاني

حنان….طيب روحي اقعدي يلا انتي وعشري

عشري…طيب اساعدكم في أي حاجه

حنان….لا يا حبيبي تسلم ايدك روح يلا اقعد مع عمتك

نجود…..عامله ايه يا ايمي الوقت شكلك كان تعبان امبارح اوي

ايمي….احسن كتير انا تعبت شويه كمان لما رجعنا كان عندي خبط و الم رهيب كنت حاسه اني هولد والله و رجلي كانت وارمه اوي و حساها هتنفجر من الكوتشي

نجود…..يا قلبي معلش هو الشهور الاخيره من الحمل بتبقي صعبه و بعدين المجهود اليومين اللي فاتوا كان كتير عليكي و تعب و توتر وشده اعصاب الحمد لله ان ربنا كملها بالستر

ايمي….الحمد لله

نجود….طيب رجلك احسن شيفاها وارمه برضوا

ايمي….لا دي خفت خالص امبارح كانت وارمه بجد و شكلها بشع

نجود….طيب خدي بالك في اكلات بتبقي غلط عالحمل زي البيض وكده

ايمي….عارفه بس انا مكنتش واكله اصلا هو غالبا من الوقفه و كده يعني

نجود…..طيب انتي محتاجه تريحي الفتره دي خالص انتي في الكام الوقت