لقاء كارثي

انا مش فاكره امته وازاي وصلنا وراهم المستشفي بس فاكره كل خبطه خدتها من نعيمه و هي بتزق و بتبعدني و منهاره فاكره الخبط اللي كان بيحصل من الناس عشان نوصلهم في قلب الحادثه و من هنا بدات احس بمغص فظيع بس مكنتش مركزن معاه اوي

لحد ما تامر وصل انا هنا بدات احس ان في ناس في حياتي انا ونعيمه المفروض نستنجد بيهم بصتلوا و عيطت بقهر انا نسيتكم يا عشري والله العظيم نسيتك و نسيت الكل و نسيت الموبايل نسيت كل حاجه

طول الوقت كنت حاسه ان في حاجه ضايعه مني او عقلي عايز يقولي اتصرف بطريقه معينه و انا مش قادره اركز معاه و ايه هي الطريقه دي

احد ما تامر وصل هنا بدات استوعب ان انتوا موجودين لما وصلنا كمان مشوفناش حد فيهم خدوهم وكانوا بيجروا بسرعه ملمحناش غير نسمه سكتت ثولني و هي صوتها مهزوزو و دموعها بتجري

كانت ضايعه يا عشري ضايعه بجد الدم مغرق وشها و جسمها مش متحكمه فيه كأنها ميته مش دريانه بالدنيا و كل ده و نعيمه في دنيا تانيه هيستريا مش بتقف كل ما احس اني بدات استوعب الكابوس اللي احنا فيه ادخل في التاني

لحد ما انتوا جيتوا و لحد ما الدكاتره خرجوا وقالوا انهم توفوا كل ده انا كنت حاسه بوجع مش طبيعي بس اول ما نعيمه صرخت و سمعت الخبر انا حسيت ان في روح جوايا اتنفضت و خرجت مني

حطت ايدها علي عينها وفضلت تعيط جامد قرب منها عشري وضمها جامد فضلت تعيط في حضنه

ليله…..والله العظيم يا عشري مكنتش اعرف و الله العظيم كنت شاكه بس كنت مستنيه أتأكد عشان افرحك بس ملحقتش لا افرحك ولا افرح مقصدتش اخبي عليكم و لا قصدت اجي علي نفسي بس عارف لما تحس ان ااا انك في كابوس مش بيخلص همال تاخد صدمه وراء التانيه وجع وراء التاني و فجاه اشوف اختي بتقع صوت حد مش فاكره مين بيقول لرشيد رشيد الحق مراتك و فجاه لقتها و هي واخده نعيمه في حضنها مغم عليها

امنيه اختها ماسكه بطنها وبتصرخ و ايه اغم عليها و مش قادره تقف و نغم كمان شوفتها وقعت الكل بيعيط الكل منهار انا مقدرتش يا عشري انطق مكنتش فاهمه او شايفه اني تعبانه فا محتاجه حد يلحقني انا وقتها كل اللي حسيت بيه وجع اه متعب بس قصاد كل اللي شيفاه بيحصل قدامي ده اقدر اتحمل عادي

انا عارفه انك زعلان مني و عارفه ان ايمي زعلانه مني اوي هي والبنات و اخواتي بس والله العظيم كان غصب عني و يمكن رغم الوجع والالم اللي حسيت بيه ده لاقيت ربنا بيديني قوه فظيعه اني اقف و اتخطي الالم اللي حاسه بيه ده