لقاء كارثي

نعيمه….ازااااي ازاي بس كتير اوي والله العظيم

نجود…..افتكري اخواتك يا نعيمه وقد ايه محتاجينك و قد ايه هيبقوا عايزين وقفتك جنبهم لما يفوقوا وقتها هتعرفي تسندي نفسك عشان تقدري تسنديهم

عشري….فكري فيها بطريقه تانيه يا نعيمه طول ما انتي حاسه ان في حد روحه متعلقه بروحك هتقدري اكيد من حقك تحزني و تحسي بكل اللي انتي حساه الوقت لان مفيش اغلي من الام والاب بس فكري انك لسه عايشه و اخواتك عايشين و محتاجينك يمكن نادر راجل الشغل و الدوشه بتاعت الايام هتلهيه و غير احساسه انه بقي راجلكم وانتوا مسؤولين منه كل ده هيديه دفعه قويه انه يجمد لكن نسمه لسه صغيره و بنت و حساسه عمرها ما هتقدر تقوم لوحدها وعيزاكي معاها يا نعيمه ولازم تكوني اقوي و علي فكره انتي مش مطلوب منك تكوني قويه الوقت ولا بكره ولا بعده و لا حتي بسرعه قبل ما اخواتك يفوقوا خالص بس حاولي تهدي عشانك انتي اول حاجه لو في حزن ليه طريقه معينه يا نعيمه ترجع اللي فارقناهم مكانش حد غلب و زي ما نجود قالتلك الدنيا بتكلم و مش بتستني حد واحنا لازم نسايرها لان لو وقفتي و بقيتي جامده و كملتي الدنل مكمله وقعتي قفلتي علي نفسك الحزن نهش في قلبك برضوا مكمله في الحالتين هي لا بتستني قوي او ضعيف بس القوي هيقدر يعيش الضعيف حتي لو عايش هيبقي ميت فا لازم تقوي عشانك و عشانهم

نعيمه….انا اصلا مرعوبه مش عارفه لما يفوقوا اقولهم ايه و ازاي و ايه الرطيقه الصح اصلا خايفه من صدمتهم خايفه يتعبوا اكتر خايفه انهم يزعلوا مني عشان محدش فيهم ودعهم

ايمي…..ودي مش بايدك يا نعيمه كنتي هتعملي ايه يعني اخواتك مش صغيرين و اكيد فاهمين ان في حجات خارجه عن ارادتنا

عشري….اكرام الميت دفنه يا نعيمه و مش هقولك بقي ليكي عذرك لان محدش فينا عارف هيفوقوا امته بس حتي يا ستي لو هيفوقوا علي طول في حجات متستناش و كان لازم ده يحصل اكراما ليهم يعني استبعدي من دماغك خالص فكره انهم يزعلوا

نجود….اكيد مش هيزعلوا طبعا هما لو في مكانك هيعملوا الصح و هو ده الصح زي ما عشري قال اكرام الميت دفنه يا حبيبتي وانتي عملتي الصح و عملتي اللي اخوكي كان هيعملوا العكس يمكن نادر هيبقي زعلان انك عيشتي ده لوحدك

قربت حنان منهم وقعدت

حنان…..متخافيش يا نعيمه محدش فيهم هيزعل يا ماما و ان شاء الله نطمن عليهم و يبقوا بخير