تعاهدنا

ليكي مش بريئه واني حاولت اقربلك

يومها هددتك اني هروح اقول لأدم علي كل حاجه من البدايه

كان مجرد تهديد عشان اخوفك مش اكتر لكن مكنتش هقدر

اعمل كده عشان اخويا مقدرش اوجعه..

لكن وقتها انتي هددتيني انك هتقولي ان من يوم جوازك منه

وانا بحاول اقرب منك وانتي ساكته عشان انا وهو منخسرش

بعض منكرش اني خوفت من تهديدك لان اللي في وساختك

يا ساره عنده أستعداد يعمل اي حاجه

مكنتش عارف وقتها اعمل ايه ولا افكر ازاي كل اللي كنت

بحاول أعمله اني ابعد يومها قررت اني اسيب الشغل مع بابا

الشغل اللي انا كنت شايله علي دماغي يمكن اكتر من ادم نفسه

خلتيني اتخليت عن ابويا في الوقت اللي كان محتاجني جمبه

انا واخويا عشان نقف معاه و نكبر الشركات بتاعتنا وقولت اني

حابب اشتغل شغل تاني وعايز اسافر عشان ابني نفسي

وأبدأ من الصفر في مجال تاني…خلتيني سبت اهلي والناس

اللي بحبها وشغلي اللي كنت بحبه وبلدي وسافرت وسبتلك

الدنيا قولت الحل اني ابعد فتره بعد كلام اخويا ليا لاني

اتوجعت من كلامه ومكنتش قادر ادافع عن نفسي

فكرت اني كل ما ابعد اكتر هتنسيني خالص وتعيشي بما يرضي

الله لكن للأسف غيابي مأثرش فيكي ومن اول يوم رجعت فيه

كأنك كنتي مستنياني ارجع عشان تدمري حياتي من جديد

انا كنت راجع عشان اتجوز عهد علي طول ومدكيش فرصه

حتي تحني لتفكيرك القذر لكن اللي فيه طبع مبيبطلهوش

جيتي ورايا انا وعهد و صورتينا ….ونفس اللي عملتيه معايا

لما شككتي ادم فيا شكتتي طنط سهام في عهد زي ما هددتيني

انك هتقولي لأدم اني بحبك هددتي طنط سهام انك هتفضحي

عهد وتركبي صورها علي صور راجل تاني لو وافقت علي

جوازي من عهد…..وللأسف زي ما انا زمان خوفت وبعدت

هي كمان خافت وبعدتها عني كنت مستغرب ليه بتعمل معانا

كده علاقه ايه اللي بيني وبين عهد تزعلها اوي كده. لكن مكنتش

اعرف ان شيطانك طالها و مرضك الخبيث صابها

انتي اقذر حد شوفته في حياتي يا ساره حتي لما حملتي كنت

فاكر ان ربنا هداكي و اخيرا قررتي تحني علي اخويا وتجبيله

الطفل اللي بيتمناه من الدنيا لكن للأسف كنت غلطان الشيطان

لا بيتوب ولا بيتغير ولا في حاجه بتمنع آذاه ..

اسمعيني كويس😡 ادهم اللي كان بيخاف ويبعد ويهرب و

يسيب الدنيا عشان يحمي نفسه من آذاكي اتغير ولحد عهد يا

ساره وبعدي عنها لأ وألف لأ انا المرادي لا هبعد ولا ههرب ولا