لقاء كـ،ـ،ـ،ـارثي
الوقت كان بيمر و الساعه بقت اتنين و محدش خالص عرف اي حاجه و مخرجش موضوع تعب عشري عن اخواته و ليله..
البنات بدأوا يشوفوا اللي وراهم نادين مأجله اي نزول او تسليم شغل عشان نعيمه تخف شويه واعتذرت عن تسليم اي اوردر مطلوب يومين.
كانت بتحاول تهتم بيها علي قد ما تقدر و قررت تعملها اكل من ايدها أتصلت علي حنان وهي مكسوفه عشان تسألها بس حنان رحبت جداً
و فرحت و ضيعت الكسوف ده في لحظه و فضلت معاها واحده واحده علي التليفون.
فضل صحي من النوم علي الساعه 12 وقرر قبل ما يبدأ شغل بروح لنعيمه ياخدها عشان تغير علي ايدها و فعلاً راح و خدها و ساب نادين قالها ترتاح هي عشان كده نادين قررت تفاجئها خصوصاً وهي نازله مرعوبه مع فضل و خايفه تتوجع تاني قررت تفرحها و تغير مودها اللي اكيد هترجع و هو مقلوب و متنكده بس في وسط ما هي واقفه بتنفذ كلام حنان بالحرف علي الوصفه عشان ترجع تتصل بيها تاني و تقولها وصلت لايه جات علي بالها ليله.
وافتكرت كلام ايمي انها اتصلت بيها و هزرت و رخمت عليها و حاول تنكشها و ان ليله تقبلت ده من ايمي كان نفسها تعمل زي ايمي بس الحقيقه ان نادين كانت خايفه او يمكن مكانش عندها الجرأه بتاعت ايمي خصوصاً انها حاسه ان الغلط الاكبر عليها هي.
مسكت موبايلها وحست انها عايزه تقول كلام كتير بس ملاقتش غير عشري و اللي مكانتش تعرف ان موبايله في ايدها هي ..
فتحت ليله الرساله لما سمعت الاشعار و شافت اسم نادين.
نادين…صباح الخير يا عشري اخبارك ايه انا محتاجه اطمن علي ليله انا عارفه ان ايمي كلمتها امبارح وحلاوت انها تنكشها و يمكن نفسي اعمل زيها بس بصراحه مش قادره عارفه اني زعلت ليله مني و يمكن اللي مزعلني اوي انها متوقعتش اني افكر بالطريقه دي و كمان ندمانه لاني فقدت ثقتها فيا انا مش هطلب منك تحاول تخليها تسامحني لان انت لحد الوقت بتحاول معاها عشانك بس لما تقدر تتكلم معاها في اي وقت و نحس انها قادره تسمعك قولها اني بحبها و اني والله العظيم عمري ما اتمنيت ليها غير كل خير ليله غاليه عندي هي امي و اختي و صحبتي قولها يا عشري اني لو فكرت بالطريقه دي كان عشان حجات كتير اوي اولهم اني حاولت كتير اوي اقدر اعمل زي ليله في يوم من الايام كتير اوي خدت قرار اني مكلمش ولا ماما ولا بابا و زي ما هما مش بيسألوا انا كمان مسألش كان نفسي يكون عندي نفس شخصيه ليله و ارمي وراء ضهري اي حد يتعبني نفسياً بس انا مكنتش بقدر كنت بحاول اتمسك بيهم بحاول يمكن في يوم يحسوا بيا كنت اقول هعمل زي ليله و اصحي الصبح عندي شعوى قوي اني بحنلهم و محتجاهم بس بعد اللي حصل ده معاكم اكتشفت ان انا اللي صح يا عشري مش ليله اوقات كتير لازم نستني و نصبر خصوصا لو الناس دي تفرق معانا من يوم كتب كتابي و تقريباً يوم بعد يوم بابا و ماما بيسألوا او حتي يبعتوا ڤويس او رساله و انا مكنتش اتمني اكتر من كده احتياجي لناس بحبها نفس احتياج ليله لناس بتحبها بس الفرق بينا اني حاولت اصبر ليله لما اتوجعت قررت متصبرش جايز هي صح و وجعها غالب علي تفكيرها بس الاحتياج لشخص بتحبه انا اكتر حد احس بيه و حسيت بليله ليله بتحب زي ما انت بتحبها و انا مستحيل اخليها تجرب وجع الاحتياج ده عشان هي عندها قلب لازم الناس تقدره و لازم هي تخف عليه شويه اسفه لو طولت عليك قول لليله انها اغلي انسانه علي قلبي بعد ربنا واني محتجالها اوي و بحبها اوي ..
مسحت ليله دموعها و ابتسمت و كتبتلها رساله …
متقلقيش يا نادين ليله بتحبك اوي هي كويسه جداً و بقت احسن كتير وانتي كنتي صح و اول حاجه حصلت انها خفت هي افضل كتير عن الاول و هديت و تقبلت الموضوع خلاص يمكن محتاجه وقت بس اللي انا متأكد منه انها مش زعلانه منك و لا من اي حد و بتحبك اوي و علي فكره تقدري تكلميها اي وقت زي ما ايمي كلمتها متخافيش مش هترفض ترد عليكي عشان انتي كمان غاليه عندها اوي و بتحبك اوي اوي.
ابتسمت نادين و هي بتقرأ الرساله ومسحت دموعها بهدوء و حست انها ارتاحت شويه..
كملت اللي كانت بتعملوا بطاقه عاليه اتصلت بحنان تاني كملت معاها باقي الوصفه و راحت ظبطت البيت و حطت الغسيل في الغساله و دخلت اوضه نعيمه رتبتها و خلصت كل حاجه و هي مبسوطه.
……………….
علي الساعه اتنين و نص كانت نعيمه مع فضل في العربيه تحت بيتها
فضل…..نوني يا قلبي يلا يا حبيبي وصلنا
فتحت عبنها بهدوء و هي باين علي وشها التكشيره و الزعل
فضل….بابتسامه القمر بتاعي هيفضل زعلان كده لسه بتوجعك
نعيمه….علي فكره انا مش هغير تاني انت ضحكت عليا و قولتلي مش هتوجعك
فضل….يا عمري الجرح لسه صاحي كله حقك عليا و الله ما كنت هعرف انها هتوجعك ولا هتعيطي العياط ده كله بس صدقيني انتي سمعتي الدكتور بنفسك قالك الغيارات الجايه اسهل
نعيمه….بدموع و هي بتفتكر شكل ايدها فضل انا ايدي باظت
فضل….لا والله ولا باظت ولاحاجه بس الجرح يخف و نفك كل ده هنبدأ نحط بقي في كريمات تجميل و تفتيح و هترجع زي ما كانت بطلي عياط بقي ويلا انزلي تعالي انا هطلعك لحد فوق.
مسحت دموعها و فتحلها هو الحزام و نزل بهدوء نزلها و بعدين قفل العربيه و مسك كفها طلعها علي فوق
فتحت نادين الباب و اول ما شافتها بصتلها فا رجعت عيطت تاني
نادين…..لا يا عمري متعيطيش
فضل…..بابتسامه عاجبك كده يا نودي شغل العيال ده
نادين….لا بس نوني قمر بتعيطي ليه وجعتك
نعيمه….بدموع اوي و الله وجعتني خالص
نادين….طيب خلاص عشان خاطري هتخف والله و تبقي جميله انتي فاكره يا نوني انا كنت عامله ازاي ده انا مكانش فيا حته سليمه و ضهري كان متخيط بس الوقت خلاص بقيت احسن امسحي يلا دموعك القمر دي ده انا عملالك حتت مفجأه تجنن توقعي كده عملالك ايه
فضل….و انا يا نودي
نادين….لا مفجأه لنوني بس يلا توقعي
نعيمه…..بابتسامه مش عارفه
نادين….بضحكه طفوليه انا اتصلت علي طنط حنان و خلتها توصفلي اكله و طبختلك بأيدي
نعيمه….بضحكه جميله مسحت دموعها بجد
نادين….والله العظيم و عملت كل اللي قالت عليه بالظبط
فضل….ايوه بقي نادبن مدلعاكي علي الاخر
نادين…..ورتبتلك الاوضه و غيرتلك الفرش و ظبطها كانت مزبله بس يلا عشان خاطرك
نعيمه…..بضحك ربنا يخليكي ليا
نادين…..ويخليكي ليا بطلي عياط بقب و بعدين انتي ناسيه ان في كب كيك و من غير ايه ده احنا هنجيب فيلم و نخربها
نعيمه….بضحك بس انا اللي هختار
فضل…..بضحك اه يا طفسه
نادين….بضحك مش مهم اختاري
فضل….نودي هسيبها بقي في امانتك ماشي
نادين….متقلقش عليها هغيرلك مودها و شويه كده هتكلمها تتخانق معاها علي ضحكتها اللي هتوصلك زايد
فضل…..بضحك ماشي يا ستي و مش هتخانق كمان المهم تضحك يلا يا حبيبي محتاجه مني اي حاجه
نعيمه…..لا سلامتك يا قلبي
باس راسها بحب و سلم علي نادين و نزل و سابهم.
نعيمه….بابتسامه عامله اكل ايه بقي انا حاسه اني شامه ريحة اكل حلو زي بتاع ماما
نادين….بفرحه طب احلفي
نعيمه….بضحح والله العظيم
نادين….طيب توقعي كده
نعيمه…امممم لا بلاش اطلع بسقف طموحاتي اكيد اللي شماه مش حقيقي
نادين….يا ستر طب قولي يمكن صح
نعيمه….بضحك يعني حاسه اني شامه ريحة باميه
نادين….بابتسامه صححح
نعيمه….عملتيها ازاي دي و جبتيها منين
نادين….طلبتها من السوبر ماركت و عملت ملوخيه كمان و رز
نعيمه….بضحك انتي بتتكلمي جد
نادين….والله العظبم انا عارفه انك بتحبيهم اتصلت بطنط حنان قولتلها اني عايزه اعملك الاكله دي و خلتها تقولي انا محتاجه ايه لاقيت حجات كتير موجوده بس كان في حجات ناقصه طلبتها بسرعه و عملت زي ما قالتلي بالظبط
نعيمه….يافرحة امك بيك يا ميظو بنتنا بقت طباخه
نادين….بس هتقولي بصراحه الاكل حلو ولا لا علي فمره انتي اول ما نزلتي انا بدأت يعني انا واخده ساعه ونص تقريباً وده انجاز
نعيمه….طبعاً انجاز و علي فكره من قبل ما ادوق والله العظيم الريحه تجنن حسستني كده بالبيت اوي
نادين….ان شاء الله الطعم يبقي زي الريحه يلا تعالي بقي اساعدك تغيري و شوفي هتاكلي امته
نعيمه….هو انا لسه مش جعانه اوي وبصراحه عايزه انام شويه
نادين….طيب خلاص تعالي غيري و نامي انا اصلا بردوا مش جعانه و ممكن اروح بسرعه وانتي نايمه كده اجيب كام غيار من البيت و حجات ليا
نعيمه….طيب هتروحي بأوبر و تيجي بعربيتك ولا تاخدي عربيتي
نادين….لا هاخد عربيتك انا مش محتاجه عربيتي و كمان هركنها فين
نعيمه….طيب تمام يا قلبي
نادين…..يلا تعالي معايا.
………………
ايمي و رشيد كانوا مقررين ان يومهم يكون استثنائي لقبته ايمي ((بكعب داير))
لان كان عندهم مشاوير كتير اوي هيعملوها قبل سفرهم لانهم كانوا مسافرين علي الفجر..
و اول مشوار قرروا يعملوا انهم يروحوا علي مدينتي يودوا ((كوبر)) الكلب عند أيه في المحل و يروحوا بعد كده يتغدوا مع ماريز و محمد و محمود و بعد كده يبصوا علي المطعم و بعدين يروحوا علي بيت اهل رشيد عشان والدته كانت جايبه حجات اخته طلباها منها و هياخدوها معاهم و هما مسافرين .
وصلوا عند ايه علي الساعه ثلاثه
كانت واقفه جوه شغاله و مركزه رافعه شعرها و لابسه السلوبيت بتاعها و بتحلق لكلبه صغيره شكلها قمر .
دخلت ايمي الاول و فتحت الباب بصت ايه و ابتسمت و اول ما شافت رشيد و رشيد شافها الاتنين ضحكوا.
رشيد….بضحك يا نهار ابيض علي المنظر
ايمي….بضحك اين رأيك في باربي و هي امرأه عامله
ايه….بضحك روحي منك لله ده منظر باربي ايه بقي ده انا بليه صبي الميكانيكي
رشيد….بضحك والله قمر في كل الاحوال
ايه…..روح ان شالله يسترك يارب
رشيد….بضحك ايه الحلاوه دي ماشاء الله انا اول مره اجي
ايه….انت مشوفتش المحل
رشيد….لا عارفه طبعاً بس مدخلتش و لا جيت
ايه…..طب بذمتك ايه رايك في الحلاوه
رشيد…والله قمر و السكر الصغنن اللي في ايدك دي قمر
ايمي…..يا لهوب با ناس علي التكشيره هي زعلانه ليه
ايه….بضحك ابداً خدتها فومين و حلقتلها و ظبطها بس بعد ما نشفتها قولت اظبطها لحاجه فا مقموصه كانت عايزه تجري تلعب
ايمي….ياروحي ارحمي امها بقي
رشيد…..بقولك ايه عايزك تروقي علي كوبر
ايه….عيب عليك هترجعوا تلاقوه عريس
ايمي….بضحك خد بالك هنرجع نلاقيها صبغاله شعره
رشيد…بضحك اوعي و المصحف اعلقك
ايه…لا والله انا مش بصبغ غير للصغيرين الابيض اللي هما الجريفون كده يعني متقلقش بصت لكوبر ايه يا قلبي عامل ايه
قرب منها و لحس وشها
ايمي….الحق ده فاكرها
رشيد….طبعاً الچيرمن ذكي بقولك ايه احطه فين ده انا خايف يعض اللي في ايدك
ايه….اه عامل فيها راجل الناقص بيهوهو عليها هاته هنا
ايمي….يعني هي ساكته احييييه يابت عالدوشه و الصداع
ايه….احيه عالدوشه والصداع !
امال لما يبقوا سبعه ثمانيه مع بعض انا بروح البيت مش شايفه من الصداع
رشيد….صراحه الله يكون في عونك ده كوبر بره في الجنينه و كل ما عربيه تعدي او حد يمشي قدام الباب يهوهو و يصدعني
ايه….بضحك انا بروح بليل لو شوفت سلمي ولا تامر و لا بابا بيتكلموا بحس اني شيفاهم بيهوهو والله
ايمي….بضحك والله لا اقولهم
ايه….بقولك ايه بقي غمزتلهم كلموني عن الشباكه و الاوت فيت
ايمي….ايه رأيك
ايه….قمرات طبعاً مسافرين انتوا بكره و هتقضوها
ايمي….احيييييه خلصنا من امنيه الكلب دخلنا في ايه
رشيد….بضحك لو الطياره وقعت هاجي اخنقك و هموت بعدها
ايه….بضحك بقولك ايه انت هتتفضح فضيحه بجلال من ايمي في الطياره
رشيد….بضحك بص لايمي هو ايه النظام انا عارف انك بتخافي بس قوليلي فيها فضايح
ايمي….بضحك والله ابداً دي كدابه اصلا الواطيه دي مسافرتش معايا غير مره واحده بس و كنا رايحين شرم اغلب الوقت بنسافر بالعربيات
ايه….بتعايريني يعني عشان مسافرتش طب بقولك ايه انا ناويه اللف العالم انا وسلومتي
ايمي….بضحك سلومتك اه
رشيد….ايه مسافرتيش قبل كده
ايه….بره مصر يعني؟
رشيد….اه
ايه….لا خالص بس هي مره خالتو الله يرحمها قالتلي اني سافرت مع بابا و ماما و انا صغيره كانوا بيعملوا عمره
ايمي….بضحك يقصد وانتي كبيره يا متخلفه
ايه…..لا كبيره لا الكل سافر الا انا يا رشيد يرضيك كده
رشيد….بجد والله بس البنات قالوا مره انكم روحتوا الامارات مع بعض
ايه….بضحك لا الصيع الاربعه راحوا مع بعض انا و سلمي لا
ايمي….بس سلمي مره راحت
ايه…..اه كان عندها مؤتمر طبي باين قال يعني شخصيه اوي
رشيد…..بضحك مصيبه مش عاجبها حد
ايمي…..لا دي كده علي طول مطلعه اللي عاجبها واللي مش عاجبها مسرح
رشيد…..خلاص تعالي معانا هحطك في الشنطه انتي كده كده صغيره مش هتباني
ايه…..باتسامه بصت لايمي طب خير جوزك عايز يطلع مسرح ولا ايه
ايمي….بضحك اه والنبي طلعيه
ايه…بضحك لا حرام رشيد حبيبي مقدرش
رشيد….قلبي والله اطلعي انتي منها بقي قوليلي بقي اجيبلك ايه معايا وانا جايه
ايه….بضحك ايه ده الله هدايا وكده طب هما بيبيعوا ايه هناك
رشيد….بضحك بيبيعوا سبح
ايه…..بضحك لا انت عايز تطلع مسرح فعلاً
ايمي…..احسن مش كان حبيبك اهو بيتريق عليكي
ايه….بضحك ياعم مش عايزه اهم حاجه تتبسطوا بس قولولي بقي تشربوا شاي و لا نسكافيه و لا عصير
ايمي….لا ولا حاجه
رشيد….احنا رايحين لزوزو هنتغدي معاها
ايه….ايه ده يعني هتمشوا و كده لا والله ابداً لازم تقعدوا شويه و بعدين انت اول مره تزورني حتي عندي عصير كلابي يجنن
ضحكت ايمي و رشيد
رشيد….الله يقرفك خليهولك او خليه لسلامه
ايه….بضحك انهي سلامه فيهم حدد
رشيد…بضحك نهار اسود هو انتي لسه بتقولي للكلب سلامه
ايه….والله يا رشيد قولت عيب اغيره بقي خطيبي و كرامتي من كرامته بس صاحبك واطي يا رشيد عايز يجيب بومه و يسميها ايه
رشيد…..بضحك هو و ايمي لا حلال فيه اوعي تغيري
ايه….اغير ايه ده انا ناويه اجوزه عشان تبقي عيلة سلامه الكلب
ايمي….بضحك والله سلامه جاب الكلب ده عشان يطلع نفسه مسرح
ايه….اخلصوا بقي تشربوا ايه
ايمي….انا والله ما قادره خلينا نمشي و انتي شوفي شغلك
ايه….انا مش فاضل عندي غير كلبين و صحابهم هياخدوهم علي ثمانيه لسه يعني فاضيه قول بقي يا رشيد و بعدين اقعدوا شويه مش هشوفكم كام يوم
رشيد….طيب انا شاي
ايمي….انا مايه والله ما قادره
ايه….يابت عندي عصير حلو والله
ايمي….لا خليهولك
ايه….بضحك خلاص مش كلابي والله
ايمي….بأبتسامه والله ما قادره
ايه….خلاص عنك ما شربتي انتي هتقرفيني ليه
ايمي….يلا يا جزمه
رشيد….بضحك قلابه اوي
شغلت ابه الكاتل و حطت الشاب و السكر في الكوبايه استنت ثواني و بعدين فضت المايه و قربت من رشيد
و قعدت معاهم .
ايه….مكلمتيش ليله انهارده؟
ايمي….بابتسامه لا قولت اكلمها لما اخلص المشاوير دي كلها وارجع و اتحجج بالحاجه اللي بعتها
رشيد…انا كلمت عشري بس مردتش قولت اكيد عامله صامت و مخبي الموبايل لما يشوفوا هيتصل
ايه…..انتوا عارفين اني نفسي اوي نسافر مع بعض زي ما سافرنا قبل كده
ايمي….والله ياريت كانت سفريه تجنن
رشيد….وياريت ليه لما نرجع ان شاء الله يمكن الوضع بين عشري و ليله يبقي اتحسن و نسافر.
ايمي….لا ماهو خد بالك المرادي مش هتبقي سهله بالذات لايه و سلمي ميتهيأليش ابوهم يوافق
رشيد….ليه ما هما بيسافروا عادي لوحدهم
ايمي…بابتسامه ايوه بس كنا بنات لوحدنا اكيد مش هيوافق
ايه…با ستي هنتحايل عليه او اقولك اجنا ناخد في ايدينا تامر و سلامه و ميدو يجيبوا ريهام و مصطفي و نعيمه تجيب اخواتها و انتي تقولي لمحمود و امنيه و خطيبها و كل اللي عنده حد يجيبه
ايمي….بضحك فرح العمده هو
رشيد….بضحك طب والله فكره و هتبقي سفريه تجنن بس ميدو و سلامه بيتهيألي مش هيرضوا يسيبوا حنون
ايه….بس كده تيجي معانا انا مش هروح من غير حماتي
ايمي….بصحك الوقت بقت حماتك يا واطيه ولا عشان ابوكي يوافق
ايه….بضحك اي حاجه بقي ماهو ممكن يعصلج فعلاً
رشيد….اصلاً الشباب كلهم بيجهزوا نفسهم خلاص لسه حسان بيقولي انه هيبدأ يبظط البيت اليومين الجايين دول هو و سلمي يعني داخلين علي جوازات كتير
ايه….لا انا لسه يا حبيبي و بعدين انا لو هتجوز هتجوز في الصيف مليش في الشتاء انا
ايمي….اه دي مس بتحب الشتاء
رشيد…في حد ميحبش الشتاء
ايمي….مبتفهمش
ايه….انا واحده مريضه جيوب انفيه طول الشتاء ببقي خانفه و هنكد علي سلامه نكد السنين
رشيد….بصحك علي اساس يعني الشتاء هتسيبوا بعض
ايه…لا بس هيبقي اتدبس بقي خلاص ولبس فيا
ايمي….شوف عارفه ان الغلبان هيلبس
ايه…اكدب يعني
ايمي…..علي فكره نعيمه كمان شكلها هي و فضل علي الصيف يعني ان ربنا لسه مهداش ليله يبقي اول واحده فيكم هنخلص منها سلمي
ايه…..نسيتي نودي و ميدو
ايمي….اه صح بس مش عارفه مش حساهم الايام دي بردوا
رشيد….لا ميدو هيبدأ هو كمان و الميزه في البيت عند ميدو انه فاضي يعني بس هيتعمل فيه الدهانت و الديكورات و الفرش يجي علي طول
ايه….السفريه باظت و ارتاحت يا رشيد
رشيد….بضحك لا مباظتش متخافيس احنا بس نرجع و نشوف هيعملوا ايه ولو لسه مطولين انا هنكشهم كلهم
ايمي…بس متنساش الافتتاح بتاع المعرض
رشيد….لا متقلقيش انا قولتلك هو مش افتتاح بمجرد ما العربيات توصل فيه هيتفتح عادي
ايه…..اهو اتشقلب انت بقي عايزين نسافر و خلاص بدل ما اكتئب و انكد عليكم و ماشاء الله الفتره اللي فاتت كلها نكد
ايمي….لا ان شاء الله مفيش نكد تاني خلاص يلا اشرب خلينا نمشي
ايه….ما برااااحه عالراجل الشاي سخن
رشيد….شوفتي عايزه تحرقني ازاي
ايه….لا كفايه عندها واحده محروقه مش قصه هي
ايمي…..بضحك يابت اسكتي حرام عليكي و الله صعبت عليا كلمتها كانت راجعه مع فضل معيطه
ايه….اه صح دي كانت هتغير عليها انهارده و جعتها
ايمي….اه فضل خد منها الموبايل و قالي بهدلته بقت تعيط و تصرخ يا قلبي ايدها بايظه خالص
ايه…انا مشوفتهاش انتي و سلمي اللي دخلتوا
ايمي…بجد
ايه….والله ما شوفتها بس سلمي بتقولي شكل كفها صعب
ايمي…..اه والله وجعت قلبي ربنا يشفيها يارب بس كلمتها تاني و انا جايه ردت عليا كانت نايمه قالتلي انها احسن كتير.
ايه…..هخلص شغل و اعدي عليهم ان شاء الله
ايمي….انا كنت عايزه اروحلها واقابلكم قبل ما اسافر مش هنلحق
ايه….انتي راحه الحج دول كلهم اربع خمس ايام و بعدين ما شوفناكي امبارح مش سيره بقي بلاش قرف
ايمي….بضحك قامت وقفت و حدفتها بلعبه صغيره علي المكتب يا شيخه ينعل ابو اللي رباكي
جريت ايه و هي بتضحك و ربنا حبيبتي
رشيد….بضحك جبتيه لنفسك
ايمي…..عيله مهزقه صحيح انا غلطانه اني بعبركم يا كلاب قوم يلا انت كمان دي مش اشكال نقعد معاها
ايه….بضحك يابت انتي الحته الشمال
ايمي…لا شمال و لا يمين مش عايزه اعرفك تاني
ايه…..بضحك طب والله هتوحشيني
ايمي….بابتسامه غيظ طب تعالي يا واطيه هاتي حضن خلينا نمشي
قربت ايه حضنتها
ايه….هتوحشيييني عايزه بقي صور كتير
ايمي….ماشي يا ستي
رشيد…..هتوحشيني يا مصيبه
ايه….وربنا وانت كمان بقولك ايه اي قلق في الطياره احدفها او قولهم معرفهاش
رشيد…بضحك ربنا يستر
سلموا عليها و بعدين مشيوا.
…………….
عند حسان و سلمي كانوا مع بعض قاعدين في كافيه قريب من العياده و بيتكلموا عن البيت و اللي هيعملوا فيه .
حسان….امممم طيب بصي تامر بكره عنده شغل
سلمي….وانا ايش عرفني انت بتسألني
حسان….امال هسأل مين هو اخويا وولا اخوكي لا صحصحي معايا
سلمي….بضحك و الله ما اعرف بس يعني هو كل يوم عنده شغل فا لو اعتمدت علي اجازه مش هنخلص تامر اوقات كتير بيشتغل يوم اجازته لو عنده ضغط
حسان….لا خلاص يبقي اتفق معاه و هو يظبط دنيته و بحاول يجي هي ساعة زمن بس مش هنأخره بس لازم تامر يجي
سلمي….طيب ما احنا نبدأ نختار بما اننا استقرينا علي الالوان
حسان….يابنتي مش فب مقاسات بتترفع و لازم نلتزم بيها واحنا بنختار افرضي عجبنا حاجه بس مقاسها مش مناسب
سلمي…طيب وافرض انت اللي عجبنا ده مش مناسب بس عاجبنا
حسان…..بضحك لا بصي ما انا مش ساحر احنا مضطرين نمشي علي المقاسات اللي تامر هيقول عليها انا وقفت معاه و هو بيظبط البيت عند رشيد و فهمت دماغه السم بيفرق معاهم عشان كده لازم يجي و نقرر تاني مع بعض و يبقي عملها فيا بجميله لو تعب شويه وجه معانا و احنا بنختار ما انتي بعد ما بدأتيها بموضوع المقاسات ده يبقي انا مش هعرف اتعامل معاكي
سلمي….بضحك انا مقصدش بس يعني اقصد افرض في حاجه عجبتني و ازيد حتي خمسه سم هيفرقوا معاكم في حاجه
حسان…ضحك و مسك راسه يابنتي انتي ليه بتتعاملي مع الخمسه سم علي انهم مجرد علبة كبريت
سلمي….ماهو هي علبه كبريت فعلا
حسان….تمام بس علبة الكبريت دي تفرق مع المهندس و اخوكي لو عمل ديكور معيبن بمقاس معين غصب عننا لازم نجيب علي نفس المقاسات عشان كده و جوده بقي هيفرق قبل ما ننزل ليه لان هو ممكن يدينا ليمت معين ممكن نطلع عنده او منروحش عنده فهماني
سلمي…..طيب انت عايز ايه الوقت
حسان….بضحك ولا حاجه اسكتي يا سلمي انا غلطان والله اني بتناقش معاكي في المقاسات ما برودا دي مش بتاعتك صحيح
سلمي….طيب احنا محيرين نفسنا ليه كلم تامر و اتفق معاه
حسان…..جبتي التايهه انتي ما انا هعمل كده اكيد يا سلمي مفيش حل
سلمي….بضحك مش ملاحظ انك عمال تتريق عليا
حسان….بابتسامه يا قلبي ما انتي بتتعاملي مع المقاسات علي انها بتاخد و تدي وزي الاسترتش
سلمي….بضحك انا هسكت خالص و مش هتدخل في حاجه تاني
حسان….صح انتي بس شوفي اللي عيزاه و المقاسات دي نشوفها انا و تامر انا عموما هكلموا و لو فاضي بكره في اي وقت يجي و تيجي معاه عشان لازم تكوني معاه في اليوم ده لان بعد كده مش هنعرف نغير
سلمي…..تمام ماشي اتفقوا وانا معاكم بس ابعدوا عن وقت شغلي يا بدري قبل ما انزل يا بليل
حسان…..تمام
سلمي….بس قولي هو انت لما تبدأ تظبط البيت انت هتقعد فين
حسان…..اممم و الله لسه مقررتش يا سلمي
سلمي….طيب ما تروح تقعد عند طنط
حسان….مش هينفع هبقي بعيد و لازم اكون جنب تامر و في نفس الوقت جنب الشغل انا بفكر اشوف اي شقه مفروشه اقعد فيها هي العقبه الوحيده هتبقي في لبسي و حاجتي
سلمي….طيب ما تاخدهم معاك
حسان…..حاجتي كتير اوي هفصل اشيل و احط فيها
سلمي… طيب في حل كويس انت ممكن تسيب اوضه من الاول للاخر يعني تنقل حاجتك دي في اوضه صغيره و تقفل عليها و هما يبدأوا في البيت و يبدأوا في اوضه النوم الاول و لما تخلص ترجع فيها حاجتك و يبدأوا في الاوضه حتي عشان لو احتاجت اي حاجه في الفتره دي تعرف تاخده بسهوله
حسان…..فكره ممكن احطهم في الاوضه الصغيره اللي تحت و لما يخلصوا يمكن تكون الاوضه وصلت اطلع فيها الحاجه علي طول
سلمي….ايوه بس كده عشان حتي لو روحت اي شقه مفروشه متروحش بكل ده..
حسان…..طيب تمام خلينا نشوف تامر كده هيعمل ايه الاول
سلمي….تمام
……………………..
عسال….ايه يا حبيبي خلصتي ولا لسه
نادين….اه خلصت خلاص هنزل الوقت
عسال….خدتي كل اللي محتاجاه
نادين….اه هما بس كام غيار كده
عسال…..طيب تمام هترجعي علي طول ولا راحه في مكان
نادين……لا راجعه علي طول مش عايزه اسيب نوني لوحدها
عسال….بابتسامه طب قوليلي اخبار الشيف بتاعتنا ايه سمعت كده انك خربتي الدنيا
نادين….بسعاده اه بس نوني لما تدوق بقي هي اللي تحكم
عسال….ماشي هبقي اشوف رأيها بس يارب متطبلش
نادين….نوني تطبل لا متقلقش دي مدب لو وحش هيبان علي طول علي وشها
عسال….لا ان شاء الله يبقي حلو و في كل الاحوال انا بنوتي قمر و شاطره
نادين….بابتسامه مش اوي كده
عسال….بابتسامه لا اوي كده
نادين…..انت هتعمل ايه الوقت
عسال….ولا حاجه في الشغل احتمال لو فضل جالكم بليل اجي معاه
نادين…..ماشي يا حبيبي
عسال….يلا يا عمري انزلي وواقفلي الباب كويس واول ما توصلي طمنيني
نادين….ميدو البيت خطوه بيني و بينها
عسال…سمعتيييي توصلي تكلميني
نادين….انت بتزعق
عسال…..اه عاجبك ولا لا
نادين….بابتسامه هو انا قولت حاجه انا بسأل بس
عسال….طب يلا امشي و بطلي لماضه
نادين…..اوك يا قلبي
عسال…..باي يا حبيبي
نادين….باي
عسال….نودي
نادين….نعم
عسال….حطيتي اكل للسمك
نادين….بزعل ميدووووو صحيح في سمكه ماتت
عسال…اكيد عشان مفيش اكل
نادين….ايوه انا نسيتهم خالص بس حطتلهم اكل زياده
عسال…..طيب يا قلبي اكدي علي كل حاجه قبل ما تنزلي
نادين….اكدت خلاص
عسال…..يلا يا حبيبي سلام
نادين….باي
……………….
وللحديث بقيه
