لقاء كـ،ـ،ـ،ـارثي
لقاء كارثي
أميره أسامه
صاحبة البطل الواحد
. البارت السادس والستين .
…………………….
وصلت ايمي هي و رشيد علي بيت ماريز كان المطر نازل بس هادي خالص نقط بسيطه غيوم هاديه في السماء و الجو برد بس يجنن..
ماريز و محمود و حماده كانوا قاعدين في الجنينه بره حماده لابس روب بني صوف علي البچامه و عمال يقطف في نعناع و ماريز حاطه الاكل علي النار و واقفه هي و محمود يرقصوا سلوا علي موسيقي اغنيه كلمات لماجده الرومي..
ركن رشيد العربيه و نزل هو وايمي شافوهم و وقفوا علي الباب ابتسموا
رشيد….يالهوي علي القمر
ايمي….بضحكه تجنن شوفت الجمال
شافهم محمود و حماده و ماريز و ابتسموا بس هما فضلوا مكملين رقص و ايمي فتحت الباب و دخلت
ايمي….بابتسامه اووووعي بقي خير يا حماده سايب المووزه ترقص من غيرك ليه
حماده….بأبتسامه مستني المووزه بترقص و مش فضيالي مخلباني اقطفلها النعناع بس خلاص المووزه بتاعتي وصلت حضنها و سلموا علي بعض بحب باست كفه بهدوء و بعدين سلم عليه رشيد و حضنوا و باس هو كمان كفه
رشيد….ايه الجو القمر ده
حماده…معلش بقي استأذنك يا رشيد اخد عروستي ارقص بيها
رشيد….بابتسامه يا سلام اتفضل انا هروح لعروستي انا بعد أذنك يا استاذ محمود
ضحك محمود و بعد عن ماريز سلم علي رشيد الاول
محمود….حبيبي جاي انت عالرقص علي طول
رشيد…لا مقدرش اسيب القمر ده مسك كف مارزيز و باسه تسمحيلي بالرقصه دي
ماريز….بابتسامه طبعاً
رقص معاها و ايمي رقصت مع حماده و هما بيضحكوا
محمود….اروح انا اكمل قطف نعناع بقي
رشيد…بضحك اه علي الاقل تلاقي حاجه تعملها و ميبقاش شكلك وحش..
محمود….بضحك بالظبط
ماريز…..لا روح شوف الاكل
رشيد….بضحك طب بالذمه ده وقته يا زوزو بتفكري في الاكل وانا برقص معاكي
ماريز….عملالك بقي حبه محشي هتاكل صوابعك وراهم
رشيد….ااااه وانا اقول ايه الريحه القمر دي يعني محشي و شتاء و رقص تحت المطر لا كده كتير عليا
محمود….راح جري علي حماده بعد اذنك يا كبير ارقص مع القمر شويه
حماده….اتفضل يا سيدي بتهرب انت من قطف النعناع
محمود….صراحه اه
ابتسم رشيد و قرب ماريز من حماده
رشيد….خد ياعم حماده القمر بتاعتك انا هقطف النعناع
رقصوا مع بعض و رقصتهم كانت تجنن كأنهم شباب
ابتسم رشيد ابتسامه تجنن.
محمود… بضحك متحاولش مش هديهالك
رشيد….بضحك ياعم حلال عليك انا هقطف نعناع ولا اروح اشوف الاكل
محمود….بضحك لا خليك في النعناع احسن بص لايمي ايه يا بت القمر ده
ايمي….بحب باسته من خده والنبي انت اللي قمر فينك يا امنيه انتي و عمرو
محمود….بابتسامه بيصيعوااااا و خاربينها في شهر العسل
ايمي….طب ايه مش ناوي بقي تفرح اختك بيك انت كمان
محمود….ما انتي عارفه اللي فيها بقي انا مليش في الجواز شكلي كده
ابمي….بضحك ياواد متقولش كده تتفهم غلط هي المكنه بعافيه و لا ايه؟
محمود….بضحك لا احنا جامدين اوي
ايمي….بضحك طب امال ايه يا عم الجامد اثبت حضور و فرجنا
محمود….لو عندك عروسه ايدي علي كتفك
ايمي….يا سلام جيت في جمل نشوفلك يا اخويا نفسي ابقي عمتو الحربايه
محمود….بضحك والله هتبقي عمتو القمر اللي هتبقي حربايه بصحيح هي امنيه
ايمي….بضحك حصل وانا اشهد علي راي ليله البت دي صفرا
محمود…بضحك لا والله غلبانه
ايمي….وحشتني الجزمه بس هي مبسوطه كلمتها و هي و عمرو مبسوطين اوي
محمود….ربنا يسعدهم يارب
ايمي….طب الاغنيه خلصت يا اهبل
محمود….اه صحيح الحقي الثلاثي المرح دول بيعملوا ايه
ايمي…بضحك زوزو لبست رشيد مريلة المطبخ
محمود…بضحك بتعمل ايه يا ابو نسب
رشيد…بضحك خليك في حالك انا بساعد زوزو و حماده في السلطه
ايمي…..طب اصورك صوره و ابعتها في الشات
رشيد….بضحك رفع السكينه يهددها طب اياك
محمود….بقول ايه يا ابو نسب قطع السلطه صغيره مش بحب الكبيره
رشيد….لا بقولك ايه متتشرطش عليا
حماده….كمل قطف النعناع انت و بطل رغي
محمود….هو احنا هنفضل نقطف في نعناع لحد بكره احنا في موسم حصاد ولا ايه
حماده….يا واد بطل لماضه و اخلص
ايمي….زوزو عملتي اللي قولتلك عليه ولا نسيتي
ماريز…عملت ايه؟
ايمي….احيييييه يبقي نسيتي
ماريز….اااااه لا عملتلك طبعاً استني اسخنهالك و لا اقولك لما تاكلي
ايمي….فاضل قد ايه علي الاكل
ماريز…..نص ساعه ممكن
ايمي….لا مليش دعوه سخنيها
رشيد…هي البت دي عايزه ايه يا زوزو؟
ايمي….ملكش دعوه يا حشري دي بتاعتي انا بس
ماريز…..بضحكه تجنن و بهمس طلبت مني بليله
رشيد…بليله الله انا عايز
ايمي….بضحك عاجبك كده اهو نط فيها
ماريز….عامله كتير و بعدين سبيه ياكل يا رخمه براحته بس خلوها بعد الاكل انا مش عيزاكم تشبعوا
ايمي….لا مش هنشبع يلا سخنيها
ماريز….طب روحي هاتيها من جوه في الثلاجه و هاتي اللبن
ايمي….لااااااا مش عيزاها بلبن سكر بس
ماريز….يابت دي بتبقي جميله باللبن
ايمي….يا ستي انا حره بقالي قرن بقولك مش بحبها بلبن
رشيد….انا عايزها بلبن
ايمي….بضحك انت حاشر نفسك في البليله بتاعتي ليه
حماده…..ايمي انا جايب لبن حلو اوي جبته الصبح وغليته و عمل قشطه قد كده
رشيد….انا عايز قشطه
ايمي و محمود فطسوا من الضحك علي رشيد.
محمود…..بضحك رشيد رايح جاي مع الزفه
ايمي….بضحك في مكسرات نجيبلك بالمره
ماريز….بضحك طب والله في بجد
رشيد….بضحك ماشي و مكسرات
حماده…مالكم بيه يا جوز عايز الضرب سيبوا ياكل بالف هنا
رشيد…شايف يا حماده المعامله انا ساكتلهم عشانك خد بالك
حماده….سيبك منهم هما الجوز دول لما بيتلموا علي بعض ربنا يكفيك شرهم
ايمي….طيب مين هياكل تاني عشان اجيب كوبايات
محمود….انا لا انا عايز اكل محشي
حماده….انا هاكل معاكم
ايمي….وانتي يا زوزو
ماريز….لا انا فطرت منها الصبح مش عايزه
ايمي…و مين سمحلك دي بتاعتي
ماريز….وانا اللي عملتها يا جزمه
ايمي….ذلينا بقي يا ست زوزو
رشيد….هي البت دي بتعاملك كده ليه يا زوزو
ماريز….مرات ابوها
محمود….بضحك ما انتي مرات ابوها فعلاً بص لحماده ما كفايه يا حاج نعناع
رشيد….بضحك انتوا هتعملوا ايه بكل ده صحيح
حماده….اصل زوزو بتقولي لازم يتقطف عشان كده طول اوي و هيبوظ فا بقطفه بتحفظ منه جزء في علبه و الباقي هتنشف منه شويه
رشيد….اه طلعتي دماغ يا زوزو في الزرع بجد
ماريز…..بطل رغي زيهم و قولي صحيح اخبار عشري و ليله ايه ؟
رشيد…لحد الوقت كويسين يعني ايمي كلمتها امبارح رخمت عليها شويه و بتقولي انها احسن
ماريز…..هي محتاجه شويه وقت بس و هتهدأ والله البت دي غلبانه و بنت حلال
رشيد….اه والله عارف ربنا يريح بالهم يارب و يسعدهم هي لو تيجي تاكل محشي هتنسي كل حاجه ده كفايه الريحه
حماده….خد بالك مش بتاكلوا غير من ايد زوزو
ماريز….حصل بس انا و اميمه اختها بصراحه علي طول كنت بعملوا ليها
رشيد….ان شاء الله تروق كده و تاكلوا من ايدك تاني
ماريز…..تروق بس و هعملها احلي اكلة محشي هي و عشري
رشيد….وانا كمان جاي
ماريز….بهمس مسموع لا انت بقيت تبعي خلاص
ايمي….وسسسسسع امسكي يا زوزو
ماريز…..هاتي ولع النار اللي وراء دي يا رشيد
رشيد….منين ؟
ماريز….اهو الزرار التاني
رشيد….ده
ماريز…..وسع كده بذمتك ده التاني
رشيد….بضحك وانا اقول ايمي خلقها ضيق لمين
ايمي….بضحك ما انت ماسك الثالث و بتقولها ده خد مني اللبن هروح اجيب باقي الحاجه تعالي معايا ياللي معندكش دم ساعدني
محمود….اتكلي علي الله يا ايمي سيبيني في موسم الحصاد ده كويس اننا مش عندنا عنب كان زماني متشعلق و بقطف من التكعيبه
حماده…..لا ما انت حضر نفسك عشان زوزو ناويه تزود الزرع
محمود….لا انا اتجوز اسهل و اخلص منكم حاسس اني عايش في مشتل
رشيد….طب والله راحه نفسيه
ماريز….هو ده بيفهم حاجه سيبك منه
محمود….طب بقولك ايه اعمليلي ليمون بالنعناع بقي
ماريز….ده عشان بتقطف يعني عايز رشوه
محمود…..يا ستي مش رشوه بس النعناع كتير اهو
ماريز….طب سد بوزك هعملك خلاص
محمود….هي ايه المعامله دي
رشيد….والله لو مش عاجبك شوفلك بيت تاني
محمود…بضحك احييييه هو انت انضميت لاحزب بتاعهم
ايمي….بضحك خرجت خد بالك رشيد قاعدتين تلاته مع زوزو و حماده و هيقول امته اخلص منكم انا بقول انت تيجي تعيش معايا و رشيد يجي هنا
رشيد…..احسن بردوا مش ناقصين صداع
ايمي….بابتسامه بقي كده طب تمام خلي زةزو بقي تسافر معاك شهر العسل انا هقعد هنا مع حماده واخويا
ماريز….بابتسامه و همس جبته لروحك حاول تصلح موقفك
رشيد….شايفه كده
ماريز….اسمع مني دي مفتريه
رشيد….بابتسامه ااا لا خلاص يا ايمي انا اسف
ايمي…بضحك ايوه كده و وسع شويه بالذمه ده تقطيع سلطه
محمود….اه والنبي ارحمينا من التقطيع الايطالي ده
رشيد….امشي امشي و انتوا ايش فهمكم بس
ماريز…..حماده خدت الحبايه اللي قبل الاكل
حماده….ساب من ايده الزرع والله نسيت يا زوزو
ماريز….و من امته و انت بتفتكر مغلبني علي طول معاك روح يا محمود هات الحبايه بتاعت حماده بسرعه
محمود….حاضر
ماريز….اغسل ايدك الاول من الطين ده
محمود….حاضر يا حنينه
رشيد….بهمس ايمي انا بموت فيهم بجد
ايمي…..بابتسامه واسعه يجننوا صح
رشيد…اوي والله ربنا يحفظهم و يديهم الصحه
ايمي…يارب اللهم امين
رفع رشيد رجله مره واحده
رشيد….الحقوا قطه جات منين دي
ايمي….بضحك سيبها دي صاحبة زوزو
ماريز….تعالي يا قلبي هأكلك
رشيد…دي بتكلمها و القطه بتروحلها
ماريز….دي صاحبتي خد بالك هي الوقت تروح تجيب صحابها كمان
رشيد….بضحك هو البيت ده سبيل
ايمي….بضحك اه ده بيت العيله ده
محمود….اتفضل يا حبيبي
حماده….تسلم ايدك
رشيد….محمود طب ليه متحيبش كلب زي ما جيبتلنا
محمود….زوزو مش هتوافق
ماريز…..لا كلاب لا
رشيد….بتخافي
ماريز….لا مش بخاف بس مزعجين و مش بيطلوا هوهوه و بعدين الشجر ديماً مليان عصافير و حماده بيهتم ببهم و يأكلهم و بيتهيألي لو جبنا كلب و فضل يهوهو هيخافوا و هيمشوا من هنا فا ليه خليهم علي الاقل صوت العصافير احلي من صوت الكلاب.
محمود…..ااااااه صحيح قولتي لامني علي النحل
ماريز…..بابتسامه نسييييت
ايمي…نحل ايه
ماريز…..تعالي اوريكي تعالي يا رشيد
راحوا علي الجنب فوق الشباك لقوا منحل صغير و عليه مجموعه نحل كتير
رشيد…..ماشاء الله ده منحل صغير
ايمي….يالهوي اتعمل امته ده ؟ دول لو طاروا و لا قربتوا منهم هيبهدلوكم
محمود….لا ما احنا بعيد عنه متخافيش و سألت ابو واحد صاحبي قالي سيبه الوقت خالص و لما يكبر اقولك تعمل ايه
رشيد…بابتسامه ده عايز عسال ده هو اللي بيفهم في الحوار
محمود…..يعني ايه عسال
ايمي….ياواد يقصد ميدو
محمود….ميدوووو ايه ده هو عسال ده ليه علاقه بالعسل يعني
رشيد….اه يا ابني جده الكبير دي مهنته اصلا و كان عنده مناحل و اشتغل ميدو فتره في العسل
محمود….انا والله فاكره اسم عادي
رشيد…لا لا مهنه و خد بالك ميدو شاطر فيها اوي بس قال انها عايزه اهتمام و وقت عشان كده سابها
محمود….طب كويس هبقي اسألوا
ايمي….ما هو ده اقل واجب يا زوزو حطالهم جميع انواع الزرع
ماريز ….طب بذمتك و حشين انا فرحت اوي لما شوفتهم
رشيد…ده خير ده و علي فكره ادام عملوها مره هتلاقي بعد كده كتير
محمود….و نتاجر في العسل بقي يا زوزو و هيبقي عسل بيور خدي بالك
ماريز…..يا لهويييي البليله
ايمي….اياك تتحرق يا زوزو
راحوا وراها بره و هما بيضحكوا
رشيد….حرقتيها يا زوزو و فرحتيها فيكي
ماريز….لا متحرقتش الحمد لله يلا تعالي هاي كوبايتك قبل ما احط اللبن
رشيد….انتي بتشربيها كده بجد
ايمي….اه مش بحب اللبن
حطتلها ايمي و خدت كوبايتها و راحت قعدت و هي بتاكل بأستمتاع
ايمي….اااااااه يا قلبي
ماريز…..بأبتسامه حلوه
ايمي….تجنن تسلم ايدك يا زوزو
قرب محمود خد منها المعلقه و داق منها
ايمي….ما قالتلك يا طفس كل قولت هاكل محشي
محمود….الله حلوه اوي
ايمي….احلي من ام لبن صح
محمود….هي ام لبن حلوه بس دي كمان حلوه اوي
خرج رشيد بكوبايته عليها علي الوش قشطه و مكسرات
رشيد….دوقوني كده
كل من نفس معلقتهم
ايمي….اشمعني يا ست زوزو مهتمه اوي بكوبايه رشيد و حماده
ماريز….مش انتي اللي قولتي عيزاها ساده
رشيد…بضحك سلكي نيتك بقي من ناحيتنا و امسكي معلقتكم دي بالذمه حد ياكلها كده
ايمي….بنظره غيظ طب دوقني كده
رشيد….بابتسامه خدي بس براحه عشان سخنه اوي
داقت ايمي بهدوء و عجبتها
رشيد….بضحك احلي صح
ايمي….بص هي تجنن بس دسمه كده اوي انا اصلا لا بحب اللبن ولا القشطه اوي يعني
رشيد….زالله ولا بتفهمي دوق يا عم محمود و قول مين اللي تكسب
داق محمود و بصلوا
محمود…بتاعتك طبعاً
ايمي…طب قزم من جنبي و بتقول علي رشيد جاي مع الزفه
محمود….بضحك لا والله بتاعتك حلوه و خفيفه بس الصراحه المتظبطه دي اجمد
ماريز…..كلوا يلا و خلصوا هحمر بس الفراخ و اكمل الملوخيه
حماده….تسلم ايدك البليله حلوه اوي
ماريز…..بألف هنا يارب انا محطتلكش كتير عشان تاكل
حماده….لا كده كويس اوي ابقي اعملي حساب احمد و تامر بيحبوها اوي
ماريز….متقلقش عامله حسابهم
ايمي….خير يا حماده انت كمان مال سايب هو دب بتاعتي
حماده….بضحك اللي يشوف كده يقول انك هتاكلي كل ده
ايمي…والله لولا مسافرين لا كنت خدتها كلها و انا ماشيه
رشيد…طيب لما انتي بتحبيها اوي كده مقولتليش ليه اجيبلك
ايمي….من الشارع يعني
رشيد…معرفش اي حاجه او حتي اجيبلك و تعمليها
ايمي….لا مستحيل اكلها من الشارع و بصراحه لما بعملها مش بتطلع مظبوطه كده زي زوزو احنا بنعملها في المطعم علي فكره و الشيف اللي هناك يجنن بس بردوا مش بحسها زي دي
ماريز…..هي محتاجه عمايل ده الحب بتاع البلياه بيتسلق و بس
رشيد….عامله فيها شيف علي الفاضي و مش عارفه تسلقي القمح
ايمي….والله مش سهله زي ما انت متخيل ماهي لا تطلع ناشفه شويه او مستويه زياده هي بتظبطها و بعدين الكوبايه اللي في ايدك دي لوحدها عايزه دماغ
رشيد…صراحه هي تحفه بجد تعرفي يا زوزو اني اخر مره كلت بليله و الله كنت في اعدادي تقريباً
محمود…بضحك يالهوي ليه كده
دي زوزو علي طول بتعملها
رشيد….والله مش عارف و اصلا كنت ناسيها خالص
حماده….لا دي الراعي الرسمي في الشتاء عند زوزو هي و السحلب و حمص الشام
رشيد….و الحمص ااااه انا بقول يا ايمي نمشي عشان لو قعدنا شويه مع زوزو هبقي راجل بكرش و العضلات دي هابقي في ذمه الله
ايمي….بضحك انت بتقول فيها بس اسمع جرب كده يطلعلك كرش و شوف مين هيقعد معاك
محمود…..بضحح و يقعدلك بقي بالفنله البيضه الحملات
ايمي….احيييييييه لا كده كتير هات اللي في ايدك دي كفايه اكل
رشيد….بضحك هاتي يا بت انا بحرق والله
ايمي….بضحك تحرق ايه انا هحرقك لو طلعلك كرش
ماريز…..بضحك طب ما اخوكي و حماده اهو متخنوش ليه و انتي و اختك
ايمي….بردوا كفايه كفايه عليه المحشي.
رشيد….طب معلقه كمان
ايمي….بابتسامه معلقه بس
رشيد…ماشي
ماريز….سيبيه يا رخمه ياكل
فضلوا يهزروا و يضحكوا و بعد شوبه اتغدوا الاكل كان يجنن و هما احوائهم تجنن و كلها ضحك و هزار وراحه نفسيه.
…………………….
عند نادين وصلت البيت عند نعيمه سابت من ايدها الحاجه و دخلت بهدوء بصت علي نعيمه كانت نايمه قفلت عليها الباب بهدوء و خرجت اتصلت علي ميدو.
عسال….الووو
نادين….انا وصلت يا حبيبي سكتت ثواني و انتبهت للصوت اللي جنبه
ميدو شوف دي كده و قولي رأيك لو عجبتك هنطلب منها عسان هنموت من الجوع
عسال…ااا طب ثواني عشان معايا تليفون اااا بقولك طيب اطلبوا حلوه
بعد شويه اااا تمام يا حبيبي انتي كويسه؟
فضلت نادين ساكته شويه ابتسم ميدو و حس انها غارت او فهمت حاجه غلط
عسال….ااا نودي معايا ؟
نادين….اااا معاك اه كويسه
عسال….نوني لسه نايمه
نادين….اه
عسال….طيب هتعملي ايه الوقت
نادين….مش هعمل
عسال….حبيبي انتي مالك
نادين….انا تمام
عسال….امممم طب بصي علي فكره يعني لو اضايقتي من صوت البنت دي فا دي المهندسه سما متجوزه و عندها ولاد و هي من التيم اللي ماسك المطعم بتشتغل معانا من فتره و هما بيجبوا غداء فا كانت بتسألني قبل ما تجيب
نادين….وانا مسألتكش يا ميدو
عسال….مش لازم تسأليني كفايه احس ان صوتك اضايق
نادين…..مضايقتش بس هي واخده عليك اوي كده لدرجه انها تقولك ميدو
عسال….ااا يعني شويه بقولك بتشتغل في حجات كتير تبعنا
نادين….ده بجد؟! يعني انا عادي اي حد يكون شغال معايا يقولي يا نودي
عادي ده حتي مفيش حد فيهم بيقولي نادين سواء شغاله معاهم من فتره و بينا علاقه قويه او حتي لو سنهم كبير
عسال…امممم طيب هو انا شايف انك خدتي موقف و الموضوع بسيط مش كبير اوي انتي بنت فا لازم تجبري الناس علي احترامك و يبقي في القاب بينكم لكن انا راجل و عادي يعني انهم ينادوني بأسمي
نادين….طيب تمام اما بحترم رأيك و وجهة نظرك
عسال….نودي انتي بتتريقي
نادين….خالص والله هتريق ليه انا بتكلم جد و بجد والله مش زعلانه ولا اضايقت و لا في اي حاجه هو بس انا استغربت و انت وضحتلي و خلاص فهمتك
عسال….بس صوتك و طريقتك بتقول انك بجد مضايقه
نادين….والله العظيم انا تمام و يلا روح كل بقي عشان اللي جعانين دول ميفضلوش مستنين
عسال…..ناااادين بلاش الطريقه دي انتي عارفه ان الاكل لسه هيتطلب
نادين….بهدوء ابتسمت طيب تمام يا حبيبي خلاص بس اكيد عندك شغل
عسال….انتي عيزاني اقفل يعني
نادين….لا مش كده بس انا لسه طالعه و كنت بس بعرفك اني طلعت زي ما طلبت مني و هروح اشيل حاجتي و بس
عسال…..امممم تمام يا نادين حاضر هقفل بس علي فكره انتي مضايقه و علي فكره كمان انا وضحتلك لما حسيت انك مضايقه
نادين….لا يا حبيبي انا مش مضايقه و بعدين هضايق عشان واحدن بتقولك ميدو خالص استغربت وانت وضحت الموضوع بسيط و خلص
عسال….بابتسامه طب هي ايه نبرة الجد في الكلام دي حاسسها جديده
نادين….بهدوء خرج منها نفس اكد لميدو انها بجد غيرانه ولا جد ولا حاجه انا تمام و بلاش انت تكبر الموضوع يا ميدو انا خلاص سكت
عسال…..تمام يا حبيبي اللي انتي شيفاه يا عمري
نادين…اوك عايز حاجه
عسال….سلامتك
نادين…..باي
عسال….باي
قفلت نادين و رمت الموبايل علي الكنبه بغضب و قعدت حطت ايدها الاتنين علي وشها و فضلت تهز في رجلها جامد..
………….
عند ايه كملت شغلها بعد ما ايمي و رشيد مشيوا.
اتصل عليها سلامه.
ايه….الووو
سلامه…..ايه يا عم في ايه بقي ؟
ابتسمت ايه بهدوء.
ايه….خير
سلامه….خير انت يا قمر حاسك كده قالب عليا من امبارح و واخد جنب و مش بتتصل تسأل و انا اللي كل شويه اتصل و لنا بكلمك يا قمر مش حاسك طبيعي كده بتاخد و تدي خير القمر بتاعي ماله
ايه….بضحكه جميله مالي ما انا كويسه اهو بشتغل بس
سلامه…..لا يا صاحبي ما انت بتشتغل علي طول و بتتصل ترخم و ترازي في اهلي
ايه…امممم صاحبك طب بص مبدأياً كده انا مش صاحبك و متقوليش صاحبي دي تاني ولا تكلمني علي اني ولد و لا انت شايفني بجد مش بنت و مش ماليه عين جنابك
سلامه….بضحك اوبااااا لا براحه عليا انا مش حملك يا قمر خير الانوثه الطاغيه اللي جواكي ظهرت ليه مره واحده
ايه….ليه هو انت يعني شايفني اني ولد
سلامه…..انا انا شايفك قمر برنسيس باربي شايفك احلي بنوته في الدنيا بس ميمنعش اني اشوفك صاحبي و صاحبتي كمان مالك يابت هي الهرمونات طافحه عليكي ولا ايه
ايه….بابتسامه اااا اه طافحه واوي كمان
سلامه…..بضحك طب ايه هرموناتك طافحه عليا ليه من امبارح مش هتقوليلي مالك و البنات قالولك ايه قلبك عليا كده
ايه….بابتسامه تجنن اااا هما مقلبونيش عليك
سلامه….بأبتسامه امال يلا اعترفي قلبتي لوحدك
ايه….اممم يعني
سلامه…..بضحك طب خير يا مصيبه قلبتي ليه؟؟ زعلانه مخدتكيش بالحضن زيهم و لا في حاجه تانيه
ايه….بضحك لا طبعاً
سلامه….هنصيع علي بعض ما انتي ادتيهالي في وشي لما دخلت
ايه…اممم لا عادي علي فكره
سلامه….طب خير يا تري ايه المغامرات اللي البنات اتكلموا فيها و طلعنا احنا مش بنعملها
فضلت ايه تضحك بكسوف و سكتت
سلامه…بضحك يلا يا فضيحه افضحيهم عايزه ايه
ايه….بضحك مش عايزه و يلا اقفل و اتكل علي الله خليني اخلص شغل
سلامه……بضحك لا والله ما هسيبك غير لما اعرف
ايه…..اخلص بدل ما اقفل في وشك
سلامه….طب اقفلي والله العظيم هتلاقيني قدامك في ثانيه الا ثانيه و هنشوف حواى المغامرات ده وش لوش
ايه….بضحك بطل قلة ادب
سلامه….اوباااااا طب انا مقولتش حاجه فيها قلة ادب و كده انتي اعترفتي ان المغامرات دي فيها قلة ادب كمل بضحك خير يا مصيبه
ايه….بضحك سلامه والنبي اقفل والله عندي شغل
سلامه….والله ما هقفل و كبرت في دناغي بقي اعرف في ايه
ايه….بضحك انت بتحلف عليا
سلامه…..بضحك والله ما هقفل غير لما اعرف
ايه….اممم طب بص هو انا ايه اقصي حاجه ممكن اقولها تقول عليا قليلة الادب
سلامه….بأبتسامه تجنن و حنيه فظيعه و لا اي حاجه انتي اي حاجه بتقوليها مهما كانت عمري ما هشوفها منك قلة ادب عشان انا بحس انك بريئه و عفويه و اللي بتقوليه بيخرج من قلبك علي طول و بعدين احنا صحاب اصلاً و المفروض ان مفيش بينا كسوف او ان حد يفهم التاني بطريقه غلط
ايه….بضحك اااا طيب تمام
سلامه….هو ايه اللي طيب تمام اخلصي يا بت وقولي
ايه….بصراحه بقي
سلامه…..بضحك اه بصراحه بقي
ايه…..بضحك انا عايزه اتباس يا سلامه
فطس سلامه علي نفسه من الضحك و مبقاش عارف يتكلم و هي كانت بتضحك بس مكسوفه و وشها احمر
ايه….بضحك بقولك ايه بطل ضحك والله هقفل في وشك
سلامه…بضحك لا لا استني كمل ضحك مكانش عارف يسكت
ايه….بابتسامه طب يلا اتكل علي الله انا غلطانه اني عبرتك اصلا
سلامه…..بضحك استني يا مجنونه اااااه و الله بطني و جعتني من الضحك عايزه تتباسي طب سيبك من اللي انتي عيزاه انتي عارفه يا مصيبه انك فضحتي البنات
ايه….انا مالي انت اللي سألت عن المغامرات
سلامه….بضحك هما اتباسوا اااااه طلعت انا الطيب في القصه دي كلها
ايه….بضحك بقولك ايه اقفل بجد عندي شغل
سلامه…..بضحك طب ايه مش عايزه البوسه
ايه….بضحك اتلم يا سافل
سلامه….الله مش قولتي عايزه اتباس انا مستعد يا ستي هاجي ارزعك بوسه قمر
ايه….بضحك ولاااا اتلم بص طب نتكلم من غير ضحك
سلامه…..بضحك قولي
ايه….هو الفكره يعني مش في اللي وصلك بس هتكلم معاك بصراحه
سلامه….قولي يا قلبي
ايه…..انا بحب علاقتي بيك جداً بشكل ميتوصفش مبسوطه اننا متفاهمين علاقتنا مفيهاش مشاكل الحمد لله بس يعني هو انا عندي تعقيب صغير و مش مضايقني علي فكره انا بس حابه افهمه منك مش اكتر
سلامه….بهدوء قولي يا عمري
ايه…هو يعني انت بجد بتشوفني صاحبك و ولد قدامك و كده يعني هزار جنان مش اكتر ولا يعني اقصد ااا
سلامه….حبيبي هو اني اشوفك كل دول في علاقتي بيكي دي مش حاجه وحشه علي فكره بالعمس انا شايفها ميزه و ميزه مش انا اللي بمنحهالك بالعكس الميزه دي انا اكتسبتها منك و من غير ما انتي تقصدي خلتيني احس اني شايفك بتسدي مكان ناس كتير يعني انا عادي جداً اتبسط اني استغني ليكي عن الصحاب عشان عارف اني هلاقي صاحب جدع و دمه خفيف و مجنون صاحب بحب قاعدته علي القهوه نضحك و صوتنا يبقي عالي صاحب ارقص واتجنن معاه و يبقي بيحب نفس اللي بحبه صاحبه هبله ابقي معاها اهبل منها فا دي حاجه تخلي علاقتنا مفيهاش ملل و الحمد لله بيتهيألي انك مشوفتيش مني ملل ولا انا عمري حسيت بملل معاكي بس انا بشوفك بنوته زي القمر تجنن بحبها بغير عليها بخاف عليها اوقات كتير بحس انك طفله و ده مش تقليل علي فكره بس يعني بحس انك بريئه و مش بتمثلي و يمكن انا مستغرب شويه انتي ازاي قبل ما اعرفك كنتي مرتبطه اصلاً
ايه…اااا لا بص هو طيب الاول انا لو اتكلمت عن علاقتي هتضايق
سلامه….بحب ابتسم لا يا عمري اصلا سؤالك ده يأكد.علي كلامي انك بجد تجنني
ايه….بص اولاً هو احنا اتخطبنا قبل جوازنا بفتره كبيره بس هو كان شغال بره و لما جه كتبنا الكتاب قبل جوازنا باسبوع بس مش قصدي والله اضايقك بس ده حقه عليا هو كان شخص محترم جداً طيب مؤدب اوي يمكن انا وهو اللب كان يشوفنا يقول مش هننفع مع بعض لان هو هادي و خجول و متدين جداً وانا مهيبره بس هو كمان كان بيشوف اني يعني الهيبره دي طاقه لكن كان عارف ان عقلي طفل شويه فا هو كان محترم وبيخاف اوي من انه يغلط و اخره خالص لما نخرج يبقي ماسك ايدي لكن متستغربش خالص انب كنت مرتبطه لان علاقتي بيه كانت نفس العلاقه بس يمكن يا سلامه انت تستغربني الوقت انا والله مش بفكر بقلة ادب بس انا حبيت علاقتي معاك اكتر بكتير
هو ربنا يرحمه يارب كان شخص مفيهوش غلطه و اوعي تزعل من اللي هقولوا انا كنت راضيه بعلاقتي بيه منت مبسوطه جداً. ااااااا ووو كاان يعني في حب
سكت سلامه و حس بغيره بس احترم صراحتها واحترم ان هي بتتاسف مع كل توضيح و بتحاول تراعي مشاعره
ايه….اااا بس انا اكيد لما شوفته كنت نسيته و تخطيت من بدري الموضوع ده فات عليه سنين زي ما البنات قالوا قبل كده انا اصغر واحده فيهم كنت هتجوز هو اتوفي داخل علي همس سنين يعني خلاص الموضوع خلص واللي بشرحه ده فات بس زي ما قولتلك علاقتي بيك مختلفه تماماً حبي ليك مختلف تماماً جداً اوي ااا انت شبهي يا سلتمه في كل حاجه و ده بجد اوقات بحس انك توأم لروحي نفس الدماغ الافكار الهزار الضحك الجنان مش بنحب المشاكل ولا النكد بنعرف نعمل جو من مفيش ااا لا عندنا عقد ولا مشاكل نفسيه و رغم ان كل واحد فينا اتعرض لمواقف كتير صعبه بس نسينا و رجعنا و عادي كلنا طاقه و حيويه حياتنا شبه بعض بسيطه مفيهاش كلكعه و دي حاجه نادراً لما بنت تلاقيها في شريك حياتها وانا حبيتك يا سلامه حبيتك لدرجه اني لا بخاف منك ولا بتكسف منك ولا بحس بالامان غير وانت معايا او حتي وانا سامعه صوتك طريقتك لما بتعاملني علي اني طفله توديني الملاهي تجيبلي حاجه حلوه تجري معايا تلعب معايا مش هنكر انها بتعجبني ولت هنكر اني ببقي مبسوطه لو اتعاملت معايا علي اني صاحبك بس يعني انا كنت بس خايفه تكون مش شايفني البنت اللي هتكون معاك علي طول
سلامه….ايه اسكتي انتي ماليه عيني وقلبي يا هبله انا لو مفكرتش اقرب منك باي طريقه فا ده خوف عليكي ايه انا لو كنت حسيت او شكبت واحد في الميه انك صايعه ولافه و كانت واحده مكتوب كتابها و وارد يكون حصل اي تلامس مكنتش همنع نفسي بس انا عارف ان ايه بجد زي ماهي و ده اللي عاجبني و خلاني مقربش بس وحياة امي و امك يا ايه الكلب لا هرزعك بوسك
ايه….بضحك لا خلاص خلاص صدقتك
سلامه….بضحك لا بعد ايه بقي انسي ده انا هاجي انفخك اويع يابت تفكريني محترم وكده هااا ده متربتش
ايه…بضحك لا ما انا متأكده خلاص انك متربتش بعد ما شوفتك بتتخانق مع الدكتور كمان حنون قالتها لما جيت انا و نادين انها مربتكوش
سلامه…بضحكه تجنن بحبك يا ايه و الله العظيم بحبك اوي
ايه….انا كمان بحبك اوي
سلامه….طب قوليلي القمر بتاعي بقي هيخلص امته
ايه…لا لسه بدري علي الساعه ثمانيه كده ايمي و رشيد اصلا كانوا عندي من شويه و مشيوا كانوا بيجبوا كوبر وانا قومت تلني اشوف اللي ورايا
سلامه….اه ماهو رشيد قالي طيب خلاص انتي راحه لنوني
ايه….اه لما أخلص هروح اقعد معاهم شويه و امشي
سلامه….طيب خلاص هعدي عليكي و لو فضل او ميدو رايحين ممكن اطلع معاكي
ايه….اوك تمام
سلامه….ماشي ياعمري يلا خلصي اللي وراكي و انا كمان هخلص اللي ورايا و استنيني بليل و حضري نفسك هاااا عشان عندنا مشهد بوسه يجنن
ايه….بضحك لا يا قليل الادب مش عايزه خلاص ويلا امشي الساعه اربعه و نص عايزه اخلص
سلامه…..ماشي يا قلبي يلا باي
ايه…بأبتسامه باي.
قفلت ايه و فضلت تضحك وكانت مكسوفه اوي
اما سلامه فاهو كمان قفل و فضل واقف مبتسم بحب..
……………..
عند ليله..
من وقت ما قررت انها خلاص لازم تهدأ و لازم الوضع بينهم يرجع زي ما كان واحسن و مهما حصل و اتوجعت لازم تركن ليله اللي اتوجعت علي جنب و ترجع ليله اللي عمرها ما اتخلت عن اي حد و خصوصا لو الحد ده روحها.
و من وقت ما خدت القرار ده
وهي واقفه في المطبخ من الساعه واحده لحد تلاته مكانتش عارفه تعمل ايه في الاكل غير المسلوق كان في فدماغها افكار كتير بس كمان اغلبها ممنوع عنه فا قررت انها تسلقها و بعدين تقطعها و تشيل منها العضم كله و تعملها سوتيه مع شويه خضار خفيف و بعدين تدخلها الفرن تاخد لون بسيط اوي تبلتها علي خفيف عشان التوابل غلط عليه.
عملت كمان ترمس فيه يانسون سابت الحاجه علي جنب و ظبطت المطبخ و رجعت كل حاجه مكانها
دخلت بهدوء علي جوه قربت ودنها من الاوضه مكانش في صوت سابته نايم تاني و دخل بهدوء علي اوضتها قفلت وراها و بعدين راحت خدت غيار نضيف و دخلت تاخد شاور لبست ترنج ابيض بس ملبستش السويت شيرت فضلت بالتيشرت بتاعه كان بنص كم.
خرجت بهدوء ظبطت شعرها و حطت برفيوم هادي خالص و بعدين خرجت بهدوء تاني علي بره
كان معاها لبس محتاج يتغسل دخلت علي غرفة الغسيل لقته سايب لبس هو كمان في الباسكت حطت اللي.ينفع منه و ابتسمت و بهدوء و هي لبسها مع لبسه خرجت منها تنهيده تجنن قامت حطت المسحوق و بعد كده بصت شويه علي الغساله و عرفت تشغلها خرجت بهدوء من غرفة الغسيل حطت الاكل بهدوء في الطبق فضلت الاول تبص علي الاطباق اختارت طبق خشب شكلو حلو حطت فيه الفراخ و الخضار بشكل جميل و حطتلوا مع الاكل اتنين توست و بعد كده حطتلوا في طبق تاني شوربه و راحت خدت العلاج اللي لازم ياخده بعد الاكل معاها مشيت بهدوء علي الاوضه خبطت خبطه بسيطه و بعدين فتحت الباب كان نايم نوم عميق
علي نفس الجنب و ايده علي الجرح
و مش متغطي كويس قربت بهدوء حطت الاكل علي التربيزه و سابت من ايدها العلاج و خرجت تاني براحه راحت جابتلوا الترمس اللي فيه يانسون و كوبايه و مايه ورجعت تاني حطتهم و راحت قربت منه كان نايم علي حرق السرير و ضهره ليها وقفت بهدوء و راء ضهره
خدت نفس طويل غمضت عينها ثواني و بعدين قربت كفه من كتفه براحه.
ليله…عششري عشري عشري قوم يلا
فتح عينه مره واحده و قام بفزع
عشري…ليللللله اااااه ااااه
ليله…براحه براحه في ايه انا هنا انا هنا اهدأ
عشري….حطت ابده علي الجرح و سند بكوعه التاني علي السرير ااااااه
مسكته براحه من ايده و مالت عليه
ليله…..عشري انت كويس في حد يقوم كده انا صحيتك براحه اصلا
عشري…ااااه
ليله….طب ايه انت كويس حصل حاجه شيل ايدك دي وريني لحظه
بصلها بهدوء و هو حاسس انه بيحلم. رفعت التيشرت حاجه بسيطه و بصت علي البلاستر خافت يكون في دم او حصل حاجه للجرح لانه قام بسرعه
ليله…..كويس الحمد لله قوم براحه يلا انا هساعدك مسكت كفه بهدوء و حاولت ترفعه مكانتش قادره و هو مكانش بيقوم معاها هو باصصلها بس و مش مستوعب انها موجوده كان شاكك اصلا انها تفضل و اتصدم من وجودها لدرجه انه مكانش مستوعب و فاكر نفسه بيحلم
ليله….عشري براحه معلش قوم معايا انا مش عارفه اشدك و خايفه احسن اوجعك
فضل باصصلها حست ليله انه نابم اصلا مفتح بس دماغه نايمه لسه
ليله….هشري قوم انت نايم علي نفسك ليه يلا قوم مالك باصصلي كده ليه.
عشري….ااااا في ايه
ليله….بهدوء مفيش قوم يلا معايا الساعه داخله علي اربعه و انت لازم تاكل عشان في علاج لازم تاخده نزل رجلك كده براحه و انا هقرب منك التربيزه
بصلها بصدمه قامت بهدوء جابت المايه و العلاج و الترمس جنبه علي الكومدينو و بعدين راحت جابت الاكل حطته علي حرف السرير و قربت منه تربيزه صغيره وحطت عليها الصنيه تاني و هو مش مستوعب اللي بيحصل جايز عشان فعلاً كان نايم جايز تأثير البنج و وجع الجرح جايز عشان كان واثق انه هيصحي مش هيلاقيها
ليله….يلا عشري قوم انت مالك عامل كده ليه انت كويس
عشري…ااا انتي هنا يا ليله
فهمت سبب نظراته و الصدمه اللي علي وشه بصتلوا بهدوء و ارتباك بسيط
ليله…ااا ايه يعني هسيبك وانت كده يلا قوم
حس عشري انها ممشيتش عشان تعبان اشفقت عليه من الاخر بان علي وشه انه اضايق بس كمان كان مبسوط المهم انها لسه موجوده.
ليله….يلا قوم عشان تاكل
عشري…ااا انا مش جعان هاتي طيب العلاج اللي لازم اخده
ليله…..لا هاقوم و هتاكل عشان انت مكلتش من امبارح و العلاج مينفعش تاخده من غير اكل يلا و بعدين انت لازم تتحرك علي فكره الدكتور كاتب في الورقه انك لازم تتمشي مينفعش تفضل نايم
نزل عشري رجله بألم فظيع و كل حركه يستني شويه قربت منه نزلت بهدوء رجل و مسكت دراعه لحد ما قعد كويس قدام الاكل.
ليله…اااا انا عارفه انك مش بتحب المسلوق اوي فا عملتلك الاكل بطريقه تانيه مش عارفه هيعجبك اوي ولا لا بس هو مش في توابل كتير عشان هي غلط عليك
ابتسم ابتيامه هاديه وهز راسه
عشري….تسلم ايدك تعبتك
ليله..اااا احممم اساعدك ولا هتعرف تاكل
عشري…لا هعرف انتي مش هتاكلي
ليله….ااا يعني شويه كده عشان شربت قهوه و كلت بسكوت يلا انت كل عشان تاخد الدواء علي فكره الترمس ده كان جديد خدته و عملتلك فيه يانسون انا لاقيت كذا وا في ريحتهم القهوه بتاعتك دي فا اليانسون كان هيبقي طعمه مش حلو
ابتسم بهدوء و هز راسه مسك الشوكه بهدوء و بدأ ياكل
بصتلوا بترقب و ابتسمت بهدوء.
ليله….ايه وحش يعني انت مضطر تاكل علي فكره علي الاقل انهارده من بكره ممكن نظبط الاكل اكتر يعني اول بوم لازم تبقي حاجه خفيفه
عشري….لا حلو اوي تسلم ايدك والله
ليله….بابتسامه بتجاملني هاا
عشري…بضحكه هاديه اااااه مسك الجرح
ليله….بابتسامه براحه متضحكش طيب
عشري….ااا انا مش بجاملك والله هو بجد حو اوي يعني هو محتاج ملح بسيط بس حلو
ليله….ماهو كاتبلك ليستت ممنوعات قد كده بقالي اكتر من ساعه باصه للفراخ و مش عارفه اعملها ازاي لا ملح ولا ليمون ولا توابل و لا اي حاجه سبايسي فا هي دي اللي طلعت معايا
عشري….لا تسلم ايدك والله حلو اوي انا اول مره اصلا اكل منك
ليله….لا يا شيخ
عشري…والله العظيم
ليله….الله يسامحك اةل مره تاكل من ايدي تاكل الاكل ده يلا مش مهم
متعوضه لما تخف شويه رفعت حاجبها بفكر اجيبلك فسيخ
بصلها بوش قرفان و ابتسم
ليله…اييييه هتطول لسانك علي الفسيخ هجيبه و هأكلهولك بالعافيه و بعدين انت مش قادر تتحرك يعني مش هتقدر تقاوم
عشري….لا وعلي ايه حلو الفسيخ
ليله….بابتسامه هاديه ايوه كده
قامت بهدوء من جنبه حطتلوا يانسون من الترمس عشان يبرد شويه و رجعت قعدت
ليله كانت صافيه و راضيه و سامحته بجد من قلبها حتي من قبل ما يتعب بس ابتسامتها كانت ناقصه مضايقه من وقت ما قفل عليها بس عشري كان فاكرها بتضغط علي نفسها عشان هو بس تعبان.
عشري…ااا هو انتي منمتيش شويه
ليله….لا منمتش كان في حجات بره محتاجه تتظبط و عملت الاكل و كان في غسيل كنت خايفه افشل في تشغيل الغساله بس نجحت الحمد لله الغساله هنا غير الغساله عندي
عشري….طلعتي ست بيت شاطره يعني
ليله….بابتسامه عندك شك ولا ايه لا مبغركش الاكل اللي من غير توابل ده
عشري….بابتسامه طيب انتي هتاكلي من الاكل ده
ليله….اييييه هو وحش للدرجادي
عشري….بضحكه بسيطه و الم اااه لا والله اقصد يعني كلي براحتك انتي ملكيش دعوه بيا
ليله…..لا متقلقش انا هاكل زيك و بعدين ده اكل صحي عشان اخس شويه
عشري…اكتر من كده انتي خاسه اوي علي فكره
بصتلوا و رفعت حاجبها و ابتسمت
ليله….البركه في واحد اعرفوا
ابتسم عشري و سكت و كمل اكله بهدوء و بعدين ساب الاكل
ليله….كمل اكلك.
عشري….مش قادر شبعت اوي والله والدكتور اصلا قال مينفعش اكل مره واحده كتير الافضل اكل كل شويه حاجه بسيطه
ليله….طيب تمام لحظه هروح اشيل الاكل و ارجعلك عشان تاخد العلاج
بص عليها وهي ماشيه و ابتسم بحب علي مشيتها اللي بيموت فيها
ثواني و رجعت قربت من العلاج فتحته بهدوء و مدت كفها بتلقائيه علي شفايفه
خد منها العلاج و بعدين قربت منه المايه و مسحت شفايفه بالمنديل كان باصصلها و شارد في ملامحها
ليله…..يلا بقي اشرب اليانسون و بعدين هتقوم معايا تتمشي شويه في الطرقه.
عشري….ااااااه
ليله….ايه في ايه ؟
عشري…ماقلقيش وجع عادي
ليله….في برشام من اللي خدته ده مسكن الوقت يسكنلك شويه و لازم تقوم بجد عشان غلط تفضل قاعد كده
عشري…انا اصلا عايز اقوم اخد شاور مش طايق نفسي حاسس ان ريحتي بنج
ليله….شاور ايه ده مكتوب مش قبل 24 ساعه مينفعش الجرح يجي عليه مايه و لو جه مايه لازم تشيل البلاستر و تغير
عشري….مش هقدر يا ليله بجد عايز افوق شويه محتاج شاور ريجتي مستشفي و بنج وقرفان اوي
ليله….ريحتك كويسه مفيش ولا بنج ولا اي حاجه انت بس عشان الريحه لسه ثابته معاك
عشري…لا لا مش هقدر مش هجيب علي الجرح مايه
ليله….مش هتقدر الوقت يا عشري اسمع الكلام
عشري…ااااه هقدر متخافيش
ليله…اااا خلاص لو مصمم هاجي معاك و متعترضش مش هبص عليك او متقلعش كل هدومك بس عشان انا مش هجيب علي الجرح مايه انت مش هتعرف
عشري….. بابتسامه هاديه هتدخلي معايا
ضحكت ليله غصب عنها و ايه الابتسامه دي بقي مالك فرحت كده ليه سلك نيتك ده انت بين الحياه و الموت
ضحك عشري و مسك الجرح اتوجع اوي
عشري…اااااه
ليله….بأبتسامه طب خلاص خلاص اسفه انت اللي ضحكتني
عشري…..طيب بجد انا عايز اخد شاور قرفان من نفسي يا ليله
ليله….حاضر والله اشرب بس اليانسون يلا و انا هقوم اجيبلك لبس اااااا و في حاجه كمان عايزه اقولهالك
عشري…..قولي
ليله….انت يعني طويل اوي و السرير يعني هنا صغير لو تحب يعني تروح الاوضه بتاعتك و تنام علي السرير جوه اريح انا كده كده مش بنام عليه و كمان يعني عشان لو قومت شوفتك كل شويه هبقي معاك في نفس الاوضه بس هنا بضطر افتح عليك و ممكن صوت الباب يصحيك براحتك طبعاً لو مرتاح هنا خليك
عشري….انا مش مرتاح هنا ولا عارف انام كويس هنا انا سيبت الاوضه عشانك يا ليله عشان تقعدي فيها براحتك ومبقاش مضايقك
ليله….بهدوء ااا مش هتضايقني كده كده انا بنام علي الكنبه تقدر تنام علي سريرك
بصلها بنظره حزن و هز راسه عايز يقولها هي لا اوضتي ولا سريري انا نفسي كلي ملكك بس سكت لان كل كلامها بيقول انه بمجرد ما يقوم علي رجله تاني هتمشي بس قرر انه يوقف تفكير و كلام ممكن يعمل مشاكل و يستمتع باهتمامها ده.
قامت ليله بهدوء قربت منه اليانسون و بعدين بصلتلوا
ليله…اااا الهدوم اللي هنا احطها جوه
عشري….بابتسامه اللي يريحك اعمليه يا ليله
ابتسمت ليله بهدوء و هزت راسها خدت الغيارات اللي كان واخدها دخلت علقتهم في الدريسنج و رجعت خدت باقي حاجته و فضلت رايحه جايه نحط في الحاجه و بعدين بصتلوا كان بيحاول يقوم.
قربت منه و مسكت كفه
ليله….براحه واحده واحده
قام و مشي خطوه و التانيه و مكانش قادر لما ريح الكام ساعه دول ورجع قام الجرح كان شادد عليه اوي سند علي الدريسنج براسه و هو مش قادر و عرقان جداً
ليله….عشري طيب خلاص تعالي اقعد
عشري….لا لا انا كويس
ليله….طيب اسند عليا طيب انت عرقت كده ليه اوعي يغم عليك يا عشري مش هعرف اتصرف
عشري…..بابتسامه ليه طب انا المرادي سايبلك المفتاح و الموبايل
ليله….ماهو انا مش هعرف اشيلك
عشري….بأبتسامه متقلقيش مش هيغم عليا .
فضلت تمشي معاه خطوه خطوه حاطه دراع علي وسطه و التاني ماسكه بيه كفه اللي علي كتفها كان موجوع اوي بس مبسوط
دخلت معاه بصعوبه علي الاوضه مش بعاد عن بعض الاوض بس مكانش قادر يمشي.
قعدته بهدوء علي حرف السرير
ليله….انا هروح اطلعلك غيار و هرجع تمام اطلعلك حاجه معينه
عشري….لا عادي مش هتفرق طلعي اللي يعجبك
ليله….طيب ثواني و راجعه دخل جوه جابتله ترنج و جابتله غيار داخلي و فوطه كبيره و رجعت كان مغمض عينه و باصص للسقف و باين عليه انه بيتألم خدت منديل و مسحت العرق اللي علي وشه
عشري متأكد انك هتقدر تاخد شاور و لا هتقع مني
عشري….حبيبي انا كويس والله مش دايخ ولا فيا حاجه انا بس عشان قومت مره واحده وكمان الجرح شادد عليا بس انا هفوق لو خدت شاور .
ليله….طيب ايه رايك تعمل بس وشك و ابدك بالوايبس و اغيرلك هدومك و تحط برفيوم و بكره ناخد شاور
عشري….ليله انا محبش الرقده دي خليني ادخل اخد شاور عشان خاطري.
ليله….طيب طيب خلاص هقفل الباب بس عشان متبردش
عشري….طيب اااااه
ساند بأيده بهدوء و قاام بالعافيه
ليله….تعالي يلا براحه بص انت هتقعد علي حرف الچاكوزي ده و انا هخلص بسرعه اوك
عشري…..ااااه طيب يا ليله اعملي اللي انتي عيزاه اااه
ليله….براحه براحه
دخلتوا علي الحمام و قعدتوا علي حرف الچاكوزي و شغلت المايه الدافيه عشان البخار يدفي الحمام شويه
ليله…..استني ثواني بس البخار يدفي التويلت عشان لو خدت برد لا هتتحمل تكح ولا تعطس ماشي
عشري….طيب ااااه
ليله….خليك قاعد انت بتقوم ليه
عشري…..بصلها بضعف هقعد جنب الحيطه عايز اسند راسي حاسس ان دماغي تقيله
قربت منه و هي بصاله بحزن غمضت عينيها وضمت راسه علي بطنها غمض عشري عينه و هو بياخد نفس طويل كله راحه كان حاطت ايد علي جنبه و الايد التانيه هيموت و يرفعها يضمها بس استكفي براسه و انها جنبه و خلاص كان تعبان بجد و كان باين عليه التعب.
ليله….يلا يا عشري
بعد راسه عنها بهدوء و بصلها
عشري….ليله انا مش عايز مايه سخنه
ليله….لا دافيه مش هحرقك متخافش
عشري….لا اقصد عايزها بارده
ليله….بارده ايه الجو تلج و المايه اصلا ساقعه
عشري….مبحبش المايه الدافيه و بقيت حران من البخار ده
ليله…..معلش مش هخليها سخنه اوي بس الجو سقعه والله و بعدين المايه الدافيه هتريحك اوي ماشي
عشري….بهدوء حاضر
ليله…..يلا
فتحت سوستة الترنج قلعتهولوا براحه و علقته و بعدين قلعتوا التيشرت بهدوء لما رفع ايده اليمين وجعته و الجرح و جعه
عشري…اااه
ليله….معلش معلش براحه اااااا بصتلوا بإرتباك بسيط ممكن تقوم تقف بهدوء عشان اساعدك
هز راسه بهدوء مسكت ايده قام وقف براحه جداً و هو مش قادر
بصتلوا بإرتباك علي صدره و رفعت وشها لعينه
كان واقف مسلمها نفسه و باصصلها وواول مره يشوفها مرتبكه بالشكل ده و مكسوفه.
يمكن هي مكانتش مكسوفه منه قد ما كانت خايفه يكون هو اللي مكسوف خايفه انه يكون حاسس بالضعف و حتي الشاور مش قادر ياخده لوحده
ليله….بهدوء اااا جاهز
عشري…..بابتسامه تجنن ليله اخرجي انا هكمل
ليله….انا مش هشيل غير البنطلون بس يعني احممم اعتبر نفسك في البحر بالشورت
عشري….بابتسامه اااه هو انتي فكراني مكسوف منك
ليله….امال ايه؟
عشري…..بابتسامه تجنن انا حاسس ان انتي اللي متوتره ومكسوفه
ليله…ااا لا اكيد يعني لا طبعاً انت تمام
عشري…..بنظره حب تمام
خرجت منها تنهيده بسيطه و قربت منه بهدوء سحبت البنطلون كان ساند علي الحيطه من وجع العمليه مش قادر يرفع ضهره و لا كان قادر يرفع رجله اليمين عشان ميضغطش علي العمليه ساعدته بهدوء و رجعت قعدته تاني علي حرف الچاكوزي
المفروض انه كان في بانيو في وسط الحمام مدور بس الدش بتاعه كان ثابت من السقف و مش هينفع لان المايه هتيجي عليه كله و هتنزل علي العمليه.
مسكت فوطه متعلقه طبقتها و حطتها علي جنب العمليه
ليله….حط ايدك علي الفوطه عشان لو المايه نزلت تنزل عليها
حط عشري كفه علي الفوطه
فتحت المايه بهدوء و ظبطتها و بدأت تجيب المايه علي الجزء الشمال بهدوء غمض عشري عينه خالص و كان مع نفسه في دنيا تانيه
حطت علي الليفه بتاعته شاور چيل و بدأت تمشي بالليفه بهدوء علي جسمه دراعه بكفه و صوابعه جسمه كله ضهره صدره و بعدين رجعت حطت بهدوء المايه علي جسمه تنزل الصابون
ليله…..بهدوء و توتر باين علي صوتها امسك الفوطه كويس
ضغط علي الفوطه من غير ولا كلمه كانت فاكره ان سكوته ده زعل او مضايق عشان تعبان بس هو كان مبسوط و مستمتع جداً و كان ساكت عشان هي اللي متوتره.
بعد ما خلصت الجنب الشمال قربت من الناحيه التانيه.
ليله….عشري انا هعمل الجزء ده لو حسيت الفوطه نزل عليها مايه كتير قولي بسرعه ماشي
هز راسه بهدوء و هي نزلت علي ركبها فضلت تمشي الليفه علي رجله و بعدين قامت هدوء نضفت دراعه بحذر فظيع عشان الجروح اللي كانت فيه من الزجاج اللي اتكسر
رفعت ايده بهدوء و بقت تمشي براحه تحت دراعه و علي صدره و حوالين العمليه و هي سانده بايدها التانيه الفوطه معاه
و بعدين سابت الليفه و مسكت الدش نزلت الصابون من علي رجله و بهدوء بقت تمشي المايه علي دراعه و بعد كده بقت تاخد بايدها المايه و تمسح بهدوء جنب العمليه و علي صدره تشيل الصابون و ترجع تمشي ايدها تاني بشويه مايه
بعدين قامت غسلت وشه براسه
ليله….عشري تقدر تقف ثواني بس
هز راسه وقام بهدوء بعدت الفوطه و مشيت بأيدها تبعد الصابون البسيط حوالين البلاستر و رجعت حطت الفوطه و حط هو كفه عليها بقت تلف حواليه تمشي المايه علي ضهره بجسمه تاني من قدام لحد ما الصابون كله نزل.
ليله…ااا هو يعني انا لو لفيت وشي تعرف بأيدك الشمال تكمل و لا مش هتقدر
كانت تقصد انه يقلع اخر قطعه من هدومه عشان يبقي خد شاور كامل
عشري….بهدوء ابتسم كفايه يا ليله انا مش هقدر ولا انتي هتقدري
ليله….اااا انا مش حكايه مش هقدر انا بس عيزاك تكون براحتك انت فاهمني
عشري….بهدوء فاهمك يا ليله لو هتقدري كملي
بصتلوا ليله و غصب عنها ضحكت بكسوف هي بجد مكانتش قادره
ليله….ااا اكمل ايه يا قليل الادب طيب انا مكسوفالك مش مكسوفه منك عادي كده سايب نفسك لله و للوطن
عشري….بابتسامه هاديه انا مش بتكسف منك بس انتي اللي مكسوفه مني مش عليا
ليله….بضحك ااا احممم ااا طيب
عشري….ليله هاتي فوطه خليني انشف و اخرج بكره يمكن اتحسن شويه و هبقي اخد شاور انا تاني
ليله….اااا بكره ايه ده انت مش اقل من اسبوع علي التعب ده طيب بص يعني احمم هو ايه رأيك نحط فوطه و نبقي كده تمام و هتعامل انا
عشري….بضحكه هاديه اللي انتي شيفاه صح اعمليه
ليله…بضحك يا ابني اعترض حتي عشان تبقي جات من عندك مكدبتش لما قولتلك بجح
عشري….بضحك ما قولتلك اخرجي انتي اللي مرضتيش
ليله….ااا لا خلاص استني احمم
جابت فوطه نشفت جسمه من فوق و ضهره و دراعه
ليله….انت بتستعمل مزيل اكيد صح
هز راسه بهدوء و شاورلها عليه راحت جابته و حطتلوا منه كانت مبتسمه كانها بتحمي ابنها و خو كان مبتسم لنفس الاحساس و لانه حاسس انه نضف
بعدين مسكت تيشرت عشان ميبردش دخلتها في راسه و بعدين ايده اليمين اللي جنب الجرح
عشري…..اااااه اااااه
ليله….ايه ايه جيت جنبك
عشري….لا لا انا لما برفع ايدي الجرح بيشد
ليله……طيب حقك عليا البس يلا الايد التانيه انا بس هلبسك من فوق عشان متبردش و بعدين هنكمل باقي الشاور دقيقه بالظبط و هلبسك علي طول اوك
خد نفسه بصعوبه و هز راسه حس ان روحه راحت من الوجع
ليله…اسفه والله معلش
بعد ما لبسته مسكت الفوطه لفتها علي وسطه و قفلتها كويس
كان بيراقبها بنظراته بكل هدوء و عايز يعرف هتعمل ايه و تتصرف ازاي
و يمكن دي كانت اصعب لحظه تمر علي ليله في عمرها كلها كان اهون عليها انه يتكلم يرخم عليها بس ميفضلش ساكت كده عمرها ما حست انها مكسوفه منه كانت ديماً جريئه معاه في الهزار و الكلام و الدلع و الرقص بس ده كان اخرها اه هو جوزها بس انها تعمل ده و في التوقيت اللي كان صعب بينهم ده كان موتر جداً و محرج بشكل بشع
بس ضعفه و تعبه و احساسه بانه مش حابب ريحة المستشفي خلوها تيجي علي نفسها و تحاول تخلص بسرعه خصوصاً ان عشري نضيف في نفسه بشكل بشع.
نزلت علي ركبها بهدوء مدت ايدها جوه الفوطه و نزلت بأيدها و هي مغمضه اخر قطعه في لبسه قلبها كان بيدق بطريقه بشعه و مش عارفه عملت كده ازاي بس خلاص هي مضطره.
قامت بهدوء من غير ما تبصلوا لانها لو كانت بصتلوا كانت هتموت فيها
نضفت الليفه تاني و حطت عليها شاور و نزلت بهدوء و هي راسها باصه علي الجنب و نزلت ايدها من تحت الفوطه كان حاسس ان صدرها من كتر ضربات قلبها هينفجر حاولت علي قد ما تقدر ان الليفه هي اللي تيجي علي رجله و جسمه من فوق كانت ماسكه الليفه بصوابعها عشان متلمسهوش و بعدين لفت بهدوء كملت ضهره و هو رخم مستمتع و سايبها بتعاني و هتموت تحت ايده.
قامت بسرعه سابت الليفه كانت بتترعش جداً مسكت الدش و قربته من الفوطه و فضلت مسيبه المايه عليه من قدام و من وراء من فوق الفوطه لحد ما الصابون نزل خالص
و بعدين قامت قفلت المايه و راحت تجيب فوطه متعلقه جنب الباب علي الشماعه قربت منه لفتها علي وسطه و قبل ما تقفلها فكت الفوطه اللي تحت فضلت تضغط بهدوء بالفوطه علي جسمه عشان تنشفه قبل ما يلبس البوكسر
كان هو في الوقت ده حس انه داخ من الوقفه و البخار
عشري….ليله افتحي الباب بسرعه
بصتلوا بقلق و نسيت كسوفها و راحت بسرعه فتحت الباب و قربت منه جسمه كان متلج
ليله….مسكت ايده تسنده انت جسمك ساقع كده ليه
عشري….البخار دوخني
ليله….طيب احظه هلبسك و نكمل بره مسكت البوكسر دخلت رجله بهدوء و قامت و هي بترفعه واحده واحده و بعدين اخيراً شالت الفوطه لبستوا الچاكت بتاع الترنج بسرعه و خرجتوا بهدوء علي بره
ساعدته انه يلبس البنطلون و سابته قاعد علي حرف السرير
راحت بسرعه الدريسنج فضلت تشم فب البرفانات بتاعته اختارت حاجه هاديه وراحت عليه حطت في ايده و بقت تمشي بهدوء علي الترنج من قدام و بعدين حطت تاني و قربت كفوفها من رقبته رفع ايده و مسك كفها باسه بحب بصلها بتعب
عشري…..شكراً
ابتسمت ليله بتوتر
ليله….اااا انت كويس الوقت
عشري….احسن
ليله….طيب هتيجي تمشي شويه ولا مش قادر
عشري…..مش قادر يا ليله مش قادر
ليله….طيب خلاص خليك الوقت انت عملت مجهود كبير خليها بليل تعالي بقي ارجع لوراء علي السرير و ريح شويه بس قولي انت في حاجه تاني بتستخدمها
عشري…..لا كويس كده اوي
ليله….طيب مرتاح و لا لسه حاسس بجو المستشفي
عشري….لا خلاص انا كده تمام اوي تعبتك يا ليله
ليله….مفيش تعب اااا يلا ارجع براحه معايا
رجعتوا بهدوء و نيمته علي المخده
عشري…ااااااه
ليله…..براحه واحده واحده متستعجلش بقولك ايه انت رجلك ساقعه اجيبلك شراب
عشري….لا لا مش عايز
ليله….طيب انا هغطيك
غطته بهدوء
ليله….انا هروح اغير هدومي عشان اتغرقت و رجعالك تاني اوك
عشري….ماشي بسرعه عشان متبرديش
ليله….تمام
دخلت ليله علي ااحمام الاول شالت كل هدومه علي جنب و نشفت التويلت و رجعت كل حاجه مكانها راحت غيرت و بعدين خدت هدومها و هدومه و راحت علي بره تحطهم في غرفة الغسيل و وقفت نضفت صنيه الاكل و رجعت بصت علي البار و هي بتركز في الادويه لقت في حاجه بعد الاكل بنص ساعه خدته معاها وراحتلوا
كان مغمض عينه و بينام
ليله….عشري معلش افتح بوئك
عشري…..ايه
ليله…في دواء لازم تاخده بعد الفطار بنص ساعه خدوا و لو عايز تنام نام
فتح بوئه بهدوء و رفعت راسه شربتوا و بعدين رجع سند راسه تاني
عشري….بهدوء ليله
ليله….نعم
عشري….ممكن تروحي تاكلي عشان خاطري
ليله….طيب ممكن الاول تقولي الهدوم اللي بتتغسل بتحطها فين
عشري….في منشر في الروف فوق
ليله….ايوه بس هو مقفول ينفع تقولي فين المفتاح و لا مش معاك
عشري…..مع محمود كل المفاتيح شويه و هقولوا يجيب المفاتيح كلها و علي فكره انا نسيت اقولك امبارح ايمي بعتتلك الحاجه اللي طلبتيها فضل اداها لمحمود بليل بس قولت لمحمود يحطهم جوه في المدخل و الصبح ناخدهم و تعبت و نسيت خالص هبقي اقول لمحمود يجيبهم و هو جاي يجيب المفاتيح
ليله….طيب تمام مفيش مشكله
عشري….ممكن تروحي تاكلي بقي
ليله….طيب ممكن الاول احطلك يانسون تاني و تشربه
عشري….ماشي
ليله….انا هفضيلك في الكوبايه سيبها تبرد شويه و انا هرجعلك علي طول
عشري….طيب
حطت اليانسون و سابته جنبه و خرجت علي بره ..
………………..
خلصت نعيمه غداء هي و نادين و قامت نادين نضفت المكان كله و رجعت تاني
نعيمه…نودي تسلم ايدك والله الاكل يجنن
نادين….بجد عجبك
نعيمه….والله العظيم مش مصدقه انك عملتيه حلو بشكل واصلا مش ناقص حاجه خالص و مظبوط طلعتي شاطره يابت
نادين…عشان تعرفي بس اني طلعت شيف
نعيمه…..لا والله تسلم ايدك يجي منك اوي عقبالي
نادين….بابتسامه لا انتي لازم تتعلمي الاكل خدي بالك انتي معاكي واحد بيعرف ياكل و هما بيهتموا بالتفاصيل جداً
نعيمه…..بصراحه اه و المشكله انه بيعرف يعمل اكل
نادين….علي فكره اغلب البدو الرجاله بيعرفوا فعلاً يعملوا اكل و اكلهم حلو اوي
نعيمه….لا ما انا اخف بس و ان شاء الله هتعلم واحده واحده كده بس بقولك ايه حماتك طلعت شاطره اوي
نادين….بصراحه اه يوم ما روحنا كانت عامله اكل كتير اوي و كله يجنن و المكرونه اللي عملتها ليكي حلوه و لما ساعدتني في الاكل فضلت معابا واحده واحده
نعيمه….اهو انا بقي عايزه حد باله طويل امي بتتخنق مني و زوزو هلقها ضيق زي ايمي شكلي كده هتعلم منها
نادين….انتي حماتك مش بتعرف ولا ايه
نعيمه….لا بتعرف و هتعلم منها هي كمان.
نادين…..ان شاء الله تتعلمب و تبقي اشطر شيف
نعيمه….طب قوليلي بقي هو انا ليه حاسه من ساعت ما صحيت انك مش مظبوطه
نادين….لا خالص بس حاسه اني محتاجه انام شويه
نعيمه…..طيب ما تدخلي تنامي شويه قبل ما ايه الرغايه تيجي
نادين….لا مش هسيبك لوحدك
نعيمه….انا نمت كتير و سيبتك و بعدين انا مش هعمل حاجه قومي ريحي شويه انا هتفرج علي فيلم او اي حاجه
نادين….يعني مش محتجاني
نعيمه….مستغناش عنك طبعاً بس انا غيرت و كلت و نمت والله مش محتاجه اب جاجه روحي نامي شويه
نادين….ماشي يا قلبي لو احتاجتي اي حاجه صحيني
نعيمه….حاضر
دخلت نادين علي الاوضه قفلت صوت الموبايل و نامت علي السرير و هي مفتحه عينها و مضايقه جداً
توقعت انه يكلمها تاني مكلمهاش توقعت انه لما يحس انها زعلت يجيلها زي ما بيعمل بس معملش كده ولا حتي بعت رساله فضلت قاعده جوه لوحدها و منامتش بس كانت هتموت من الغيره.
…………………
فضل….يعني يجي منها نجوزها خلاص
نعيمه….بضحك والله الاكل بجد يجنن قولي بقي انت كلت
فضل….والله لسه يا قلبي
نعيمه…..دي الساعه سته يا فضل
فضل…..لا مانا فطرت الصبح كده في السريع شويه و هبقي اتغدي
نعيمه…..طب يلا بقي عشان متتعبش
فضل…..المهم قوليلي عامله ايه الوقت
نعيمه….احسن كتير والله
فضل…..مش وجعاكي زي الصبح
نعيمه….متفكرنيش انا كنت هموت والله الصبح تاني من كتر الوجع بس احسن الحمد لله المشكله اني هموت و اهرش فبها و مش عارفه
فضل…..لا متجيش جنبها بقي و سيبيها معلش اتحملي ان شاء الله كام غيار كمان و تتحسن و تفكيها
نعيمه….يارب
فضل….انتي بتعملي ايه الوقت
نعيمه….ولا حاجه بقلب في التلفزيون زهقانه خالص
فضل…..بليل لو قدرت اجي هجيلك و لو عايزه تنزلي تتمشي شويه نخرج
نعيمه….لا يا حبيبي انت لا هتخرج ولا هتيجي ارتاح بقي انت كنت معايا الصبح
فضل….زهقتي مني ولا ايه
نعيمه….لا والله بس كفايه اني معطلاك بقالي يومين
فضل….لا با حبيبي انتي مس معطلاني ولا حاجه و بعدين انا عندي اغلي منك
نعيمه….بضحك لا مقدرش انا علي الكلام الحلو ده يا مغرور انا كده اتحرق كل يوم
فضل….بعد الشر يا هبله و انا يابت مستنيكي تتحرقي عشان اقولك كلام حلو
نعيمه….صراحه لا
فضل…..طب يلا روحي اتفرجي كده علي فيلم و انا شويه و هكلمك و نشوف هعمل ايه
نعيمه…..ماشي يا قلبي باي ابقي كل ها
فضل….حاضر يلا حبيبي باي.
………….
محمود….علي انت متصلتش.علي عشري تطمن عليه
علي….لا انت اتصلت
محمود….لا بردوا و بصراحه قلقان عليه مش عارف هو نايم و لا تعبان ولا بيتخانق مع ليله
علي….يارب ما يكون بيتخانق عشان الجرح ميتفتحش
محمود….بيني و بينك انا قلقان تكون ليله مشيت و سابته
علي….لا يا راجل متعملهاش دي بنت اصول و بتحب اخوك سيبك من عصبيتها دي هي اه معاها حق فيها بس كانت هتتجنن عليه
محمود….عارف بس محدش يعرف ممكن من عصبيتها تسيبه و سمعتها بودنك حلفت ما تعملوا اكل ولا تهتم بيه و هو خد المفتاح و قالنا منقفلش الباب تحت ماتتصل الله يخليك اطمن عليه
علي…..انت هتقلقني ليه استني.
اتصل علي علي موبايل عشري يطمن عليه .
الموبايل كان جنبها بره علي الكنبه كانت قاعده بتشرب سيجاره
شافت اسم علي فا ردت عليه
ليله….ايوه يا علي
بص علي لمحمود و هو مصدوم.
محمود…بهمس ايه
علي….كيفك يا ليله
ليله….بخير الحمد لله
علي…اااا محمد كيفه
ليله…..بخير نايم
علي….بابتسامه انا مستغرب انك بتردي و انا سايب الموبايل كمان
ليله…بابتسامه هاديه ليه يعني ماهو سايب المفتاح كمان ايه خايف ابلغ عنه
علي…بضحك انا عارف انك بت اصول و متعمليهاش مع انك حبستيه مره يعني
ليله….بضحكه هاديه و الله يا علي انا لو عليا عايزه احبسكم كلكم
علي….بضحك لبه يا بت الحلال بس احنا بنحبك
ليله….ماهي دي المشكله ياربتكم مش بتحبوني كنت عملتها
علي…..ليله بالله عليكي و الله ما رايد احملك فوق طاقتك بس محمد محتاجك جنبه عشان خاطري خدي بالك منه و اعملي اللي تريديه بس يقوم الاول علي رجله محمد بيحبك اوي صدقيني
ليله….اطمن يا علي انا جنبه و بعدين برد عليك اهو يعني ممشتش ولا حاجه
علي…..بضحك طيب رضيتي عنه و اكلتيه و لا لأ
ليله….بابتسامه متقلقش كل و شرب سوايل دافيه و خد علاجه و نايم
علي…..الله يرضي عنك و يسترك و يفرح قلبك و يبعد عنكم اي شر
ليله….حبيبي يا علي تسلم متخافش عليه
علي…..مش خايف عليه يا ليله محمد في ايد امينه شويه لما يصحي هبقي اطلع اطمن عليه لو مش هيضايقك يا غاليه
ليله….بابتسامه ده بيتك يا علي و بيت اخوك اطلع اي وقت
علي…..ده لابيتي ولا بيت اخوي ده بيت اختي
ليله….بابتسامه ماشي يا سيدي و اختك بتقولك اطلع اي وقت
علي….ماشي يا ستي لو احتاجتي اي شئ اتصلي عليا
ليله….اكيد
علي…بالسلامه
ليله….سلام.
محمود….ايه ده هي اللي بترد
علي….اه اخوك نايم
محمود….لا تكون بتضحك علينا يا علي
علي…..هتاكله يعني بتقولك نايم
محمود….خايف يكون تعبان يا علي
قرب فضل و عمر
فضل….هو مين اللي تعبان ؟
بصوا لبعض
عمر….في ايه يا علي مين اللي تعبان
علي….اممم طيب هقولكم بس انت ابوك و امك ميعرفوش و انت صحابك ميعرفوش عشان رشيد لو عرف بيأجل سفره
فضل…..في ايه يا علي ما تتكلم
وقف علي حكالهم الاتنين اتصدموا اتعصب فضل جامد عليه هو و محمود و قرب علي صوتهم باقي اخواته و اخوات فضل و الكل عرف
ولسوء حظهم كان عشري ابوهم جاي هو و فضل جوز اخته و عرفوا.
علي……عاجبك كده يا عم فضل انت و عمر
عشري الاب….انتوا كيف تخبوا علينا هاااا كيف يا علي
علب….يا باااه هو اللي طلب خاف يقلقكم عليه بس هو زين و في بيته و لسه قافل مع مرته الوقت الله يرضي عنكم امي متعرفش عشان متخافش
فضل…..والله انتوا ما عندكم دم و حساب عشري معايا
عمر……انت كيف ما تعرفنيش يا غبي سالتك الصبح رايح فين قولت هتنام شويه
سليم….مليش صالح هما اللي قالولي متقولش
عشري الاب…..بنظره غضب رعبتهم حسابكم معايا بعدين كلكم حد فيكم يجي معايا يفتحلي عشان اطلع اطمن علي ولدي
علي…..هو نايم الوقت يا اباااه
عشري الاب….سمعتني
سليمان….هو كيف خرج اصلاً انا عملت نفس العمليه و رقدت ثلثا ايام في المستشفي و في البيت اكتر من اسبوع مش قادر اتحرك
محمود….هو اللي صمم و مضي علي نفسه و رقه كمان
عشري الاب….بغضب خلصووووني
علي…..طيب طيب انا باجي معكم بس خلوني اخبر مرته عشان تعمل حسابها.
بصلوا عشري بغضب و سبقه
علي…..محمود دير بالك انت و سليم هطاعهم و برجعلكم
محمود….ابوك هيخلي يومنا اسود
علي…..ياعم اسكت مش وقتك
اتصل علي علي ليله و هو رايح وراهم بسرعه.
ليله….ايوه يا علي
علي…معلش يا غاليه بزعجك
ليله….لا خالص يا علي خير
علي…..فضل و عمر سمعوني ووانا بحكي انا و محمود و عرفوا ان عشري عمل عمليه و غضبوا و صوتعم علي و حتي ابويا عرف و الكل و ابويا مصمم هو واخواته يطلعوا يشوفوا
ليله….طيب تمام خليهم يجوا طبعاً
علي….انا جاي معاهم بطلعهم
ليله….ماشي يا علي يلا سلام.
علي….سلام يا غاليه.
قفلت ليله الباب و راحت فتحت باب المجلس الرجالي عشان تستقبلهم فيه قفلت سوسة الچاكت و ظبطت هدومها و حطت بخور علي الفخم عشان تضيع ريحة السجاير
البيت كان مترتب و شكلوا يجنن جابت قرآن علي التلفزيون و استنتهم .
دقايق بسيطه و سمعت صوت الاسانسير و بعدين سمعت رنة جرس بسيطه
راحت بهدوء فتحت الباب
عشري الاب….وقف و بصلها اا كيفك يا ليله
ليله….بابتسامه بخير اتفضل ادخل اتفضلوا
عمر….كيفك يا غاليه
ليله….بخير يا عمر اتفضل
بصلها فضل بإحراج كانت اول مره يشوفها من يوم ما وصلت البيت
فضل….ازيك يا ليله.
ليله….بهدوء بخير يا فضل قربت منه بهمس معلش دخلهم جوه معايا
فضل….براحه انها طلبت منه و كأنها بتستنجد بيه طيب طيب
سلموا عليها كلهم و دخلوا راحت بهدوء دخلتهم علي المجلس هي و فضل
علي….بهمس حقك عليا هما اللي سمعوني و الله
ليله….متشغلش بالك الوقت يطمنوا عليه و يهدوا
عشري الاب…..وين محمد يا بتي طمنيني عليه
ليله….اطمن متقلقش هو بخير والله انا هروح اصحيه و هقولكم عشان تدخلوا تشوفوا
عشري الاب….لاه ميصحش معلش لو قدر يخرج خليه يجي لو مقدرش بس احنا بنطمن عليه
ليله….لا لحظه هيقدر هو اصلا لازم يتحرك الاول طيب تشربوا ايه
عشري الاب….ولا اي حاجه نطمن بس علي محمد.
ليله….طيب لحظه
خرجت ليله بهدوء و راحت علي الاوضه دخلت و قفلت وراها و قربت منه.
ليله….عشري عشري
فتح عشري عينه و بصلها
ليله….عشري قوم بباك واخواتك و فضل عرفوا و هنا جاين يطمنوا عليك
رفع راسه بسرعه و بص علي لبسها
ليله….بهدوء اطمن انا لابسه يلا قوم تعالي شوفهم هتقدر و لا اخليهم يجوا يطمنوا عليك
عشري….يطمنوا عليه في اوضة نومك انا بروحلهم و غيري اللي انتي لبساه ده ماسك علي جسمك
ليله….بابتسامه انت في ايه و لا ايه قوم يلا ده ترنج عادي
عشري…لا مش عادي انتي اصلا ازاي فتحتلهم كده يلا روحي غيري
ليله….طيب اوصلك ليهم الاول
عشري…..اخلصي يلا روحي غيري انا بروح لحالي
ليله….طيب استني هغير بسرعه و اجيلك متتحركش
دخلت ليله بسرعه علي الاوضه طلعت سويت شيرت واسع شويه و بنطلون چينز غيرت بسرعه و خرجت كان قام و قف بصعوبه و هو ماسك الجرح.
ليله…قومت ليه قولتلك استني
بص علي لبسها بهدوء
ابتسمت غصب عنها علي غيرته
ليله….ايه كده كويس
هز راسه بهدوء و خرج في ايدها فتحت الباب و مشيت بيه لحد الباب بتاع المجلس.
وقفوا كلهم و قرب علي بسرعه مسك ايده
عشري….سلام عليكم جميعاً
عشري الاب…..سلامتك يا ولدي سلامتك يا حبيبي
فضل…..بغضب بسيط انت ازاي تقولهم متعرفوش حد هااا ليه معرفونيش هو انت لو كنت قولتلي متقولش لرشيد يا عشري كنت هقول
انا ابقي اخر من يعلم يا عشري
عشري….اهدااااا اني بخير
باس كف ابوه باحترام
سليمان….يا اخوي كيف تخرج من المستشفي انت مش فاكر لما عملتها رقدت قد ايه
عشري….انت عارف لا بحب المستشفي ولا بطيق ريحتها مقدرتش و ليله كانت لحالها
كانت واقفه علي جنب بكل هدوء و ساكته بس وقفتها كلها ثقه و نظرات الكل ليها بإحراج منها كانت كفيله ترجع كرامتها شويه.
علي…..طيب تعالي بس اقعد و ارتاح
عشري الاب…طيب انت حاسس باي سئ طمني عليك يا ولدي
عشري….انا زي الفل يا باااه متقلقش والله بخير
فضل الاب…..الله يتم شفاك علي خير يارب
عشري…..تسلم ياعمي بس الله يخليكم عمتي متعرفش عشان هتقول لامي
عشري الاب…..وهي امك ينفع تخبي عليها لازم تعرف عشان تطمن عليك انت ولدها و حقها عليك انها تعرف
فضل…..طبعاً حقها تعرف مينفعش تخبي لما تعرف بعدين هتزعل من الكل و حقها
بص عشري علي ليله اللي كانت واقفه علي الباب سمعاهم وساكته
سكتوا هما كمان و نظرات عشري ليها خلتهم بصولها و استوعبوا كلامهم و اتحرجوا جداً منها
ليله….بابتسامه هاديه هروح اعملكم حاجه تشربوها
خرجت ليله علي المطبخ و هي ساكته خالص و معلقتش علي اي كلام يكفي انهم شايفين ان في حجات مينفعش تستخبي و في ناس معينه من حقهم يعرفوا
عشري…..بهدوء بص لفضل بغضب مش قادر تحط لسانك في حلقك
فضل….مخدتش بالي و مركزتش انا مش طايقك
عشري الاب…..طمني يا ولدي هي كيفها
عشري…..معرفش يا ابااااه كيف ما انت شايفها ساكته مبتنطقش
علي…..هتروق يا محمد هي خايفه عليك من الصبح و بعدين لو كانت رايده تعمل كيف ما قالت مكانتش فضلت موجوده
عشري….هي موجوده يا علي عشان صعبان عليها مش اكتر
علي….لا هي موجوده بمزاجها و انت شوفتها كانت كيف في الصباح كانت بتچن
عشري الاب….وانت كيف تقفل عليها يا ولدي في ظرف زي ده ماهو حقها بصحيح خف عليها شويه
عشري بصلوا بتنهيده و سكت.
سليمان…..خلاص مش وقتها السالفه دي المهم نطمن عليه هو
عشري….انا زين يا سليمان زين
عمر…..طيب كلت و خدت علاجك
عشري….كلت و خدت العلاج و اتحممت كمان
علي…..كيف الدكتور قالك مش قبل نا يعدي 24 ساعه و انا قولتلك هاجي و اساعدك عشان مش هتقدر
عشري…..اطمن يا اخوي ليله ساعدتني في كل حاجه و الجرح مجاش عليه مايه
عشري الاب….بهدوء حطها في عينك يا ولدي و اكسبها مرتك كنز في يدك
عشري….عارف يا ابوي عارف
قربت ليله بهدوء كانت عامله شاي و حاطه السكر علي جنب
قام فضل بسرعه خد منها الصنيه
فضل….تسلم يدك
عشري الاب….تعالي يا بتي اقعدي متتعبيش حالك
ليله….بهدوء مفيش تعب ولا حاجه انا بره لو احتاجتوني بعد اذنكم.
بصلها عشري بحب
عشري الاب…..خليكم هنا انا رايد اسولف معها شويه
علي…..طيب انا هنزل انا اشوف الشغل يلا يا عدي
فضل الاب…..خدني معاك يا علي سلامتك يا غالي
عشري….الله يخليك يارب اشربوا الشاي طيب
فضل…..لا نشربوا وانت زين
عدي…..بتريد شي يا اخوي
عشري….سلامتك يا اخوي
سليمان…..طيب انا كمان بروح معهم و بطمن عليك
عشري….اشرب شايك الاول
سليمان….لاه مش قادر خليني اشوف الشغل وبرجع اتصل فيك
عشري….ماشي يا اخوي
خرجوا كلهم مع علي و عشري الاب و فضل مع عشري عمر و فضل اخوه
ليله كانت واقفه بره باصه من الشباك و مربعه ابدها و سرحانه اول ما سمعت صوتهم بصت وراها وراحت قربت منهم
علي…..احنا بنروح للشغل يا غاليه لو احتاجتي اي حاجه كلميني
ليله…..تمام يا علي
فضل الاب…..الف سلامه عليه يا بتي. الله يشفيه
ليله….الله يسلم حضرتك نورتوا
عدي….اي حاجه بتحتاجيها حاكيني
ليله….تمام يا عدي
سليمان….سلتم يا مرت اخوي
ليله….نورت يا سليمان
عشري الاب….تعالي يا ليله رايد احكي معك
ليله….طبعاً اتفضل اقعد هروح بس احيب لحضرتك الشاي
عشري الاب….لا تعالي اقعدي
قعدت ليله قدامه بهدوء
عشري الاب…..شوفي يا ليله انا عارف يا بنتي انك زعلان و مفيش حد في الدنيا يقدر يلومك علي زعلك لانه حقك حتي جوازكم بالطريقه هاذي مكانش صح بس مش هكدب عليكي انا اول واحد وافقت محمد علي الغلط ده و يمكن كنت عارف ان جوازكم بالطريقه هاذي ممكن يزود غضبك بس تدري انا ليش وافجت
بصتلوا ليله بهدوء ليه ؟
عشري الاب……عشان استجدعتك و استخسرتك في اي راجل تاني غير ولدي يمكن تكون انانيه مني بس الراجل اللي يلاقي لولده عروسه كيفك يا ليله و ميمسكش فيها بيده يبقي غبي انا طول عمري نفسي افرح بمحمد و هو كان يقول لسه النصيب مجاش لحد ما كبر قدام عيني سليمان اللي اصغر منه اتجوز و بقي معاه عيال محمود كمان بيحب و هيتجوز جيبتله مريم قولت دي بت صاحبي و عارف ربايتها زين و عارف اصلها من فصلها بس طلعت غلطان يا ليله يوم ما محمد رجع من السفر و قالي انه هيسيب مريم و انا حب بجد معترضتش و لاقولتله لا دي بت صاحبي و عارفها زين فرحت و الله فرحت من قلبي لاني حسيت انه فرحان بجد و انا كل اللي كان يفرق معايا اني افرح بيه و اشوفه في بيته كيف اخواته و اطمن عليه قبل اا اموت انا وامه و فعلاً استني كام يوم يعدي حزنهم علي عمها و بعدين فسخ الخطوبه و صدقيني لما شوفتك و شوفت عيلتك قولت ولدي عرف يختار و كل مره كنت بشوفك بتأكد ان نسبك يشرف مكنتش رايد انه يخبي عليكي و قولتله عادي ما هي كمان كانت مخطوبه بس هو خاف يخسرك لانه حبك من قلبه كان في نيته يقولك و وعدني و كل مره كنت اعرف انه هيقولك و اساله يقولي معرفتش
لحد ما حصل اللي حصل و عرفت حقيقه مريم اللي ابوها وامها نفسهم اتفاجئوا بيها و عرفت ان ولدي كان شايل فوق طاجته بس عشان يستر عليها خسرت صاحب عمري و رغم اني غضبت من عشري في الاول انه فضح مريم بس لما عرفت اللي كانت رايده تسويه في ولدي قولت خلاص ربنا كشف ستره عنها كان صعب عليا اشوف وليه بتنفضح و عارف زين انه كان صعب علي محمد بس هو حبك و حبه ليكي عماه عن سترها
جوازكم يا ليله كان لازم يتم عشان بعد كل اللي حصل ده مكانش في حاجه هترجعك تاني لولدي غير الجواز رفضك ليه رغم حبك خلاني اعرف قد ايه كرامتك غاليه عندك و الغلط اللي مريم غلطته في امك و ابوكي متحملتيهوش و رغم ان في مشاكل بينك و بين والدك الله يرحمه الا انك مقبلتيش الغلط عليه و جيتي رميتي دهبك و مفرقش معاكي غير كرامتك و كرامة اهلك و دي اللي فرقت معاي قولت مستحيل نسيبها حتي لو غصب عنها هي دي اللي تشيل اسم عيلة ابو راشد هي دي اللي تنفع مع ولدي كرامتها و عزة نفسها اقوي من حبها و من اي حاجه في الدنيا فا رايده تزعلي و تاخدي علي خاطرك حقك بس انا بقولهالك كيف ما جيتي لومتيني انا و امينه و قولتي كيف تعملوا فيا كده انا اعتبرتكم زي ابويا و امي اتوجعت و بقولهالك يا ليله انا اعتبرتك زي بنتي اللي مخلفتهاش و غلاوتك عندي كبيره اوي و مش هنفرط فيكي مهما حصل بمزاجك بقي غصب عنك بس طلوع من العيله دي مش هيحصل
ابتسمت ليله بهدوء و سكتت
عشري الاب…..بابتسامه كلنا بنحبك انا ربنا كرم ولادي بستات زينه يتسالوا علي الراس و كل واحده فيهم ليها غلاوة و يعلم ربنا من اول ما شوفتك و غلاوتك محفوزه و زادت اكتر و لو قولتلك بقيتي اغلاهم جايز تفكري اني بكدب بس انا طول عمري احب الست القويه الست اللي كرامتها تنجح عليها و خشمها في السماء و عزة نفسها اهم شئ عندها و انتي فيكي كل ده يا بت الناس و نسبك يشرفني قبل ما يشرف ولدي فكري زين في كلامي يا ليله و عشان خاطري يا بت الاصول هديي هديي و طولي بالك انا عارف ان زعلك مننا كلنا هيتنسي مع الوقت لانك هتعرفي ان الكل بيحبك و شاريكي بس انا رايد افرح بيكم بقي يا ليله رايد اشوفك عروسه بالفستان يا احلي عروسه.
ابتسمت ليله بهدوء و مسحت دمعه نزلت تجري علي خدها.
عشري الاب….دموعك غاليه يا غاليه حقك علي راسي من فوق و اي غلطه ولدي عملها و انا عارف انه ميقصدهاش امسحيها فيا انا و حقك عندي
ليله….بهدوء مسحت دموعها انا مش زعلانه من حضرتك و متقولش كده حضرتك غالي عندي و اسفه بجد علي الطريقه اللي اتكلمت بيها معاكم يوم ما جيت بس كان غصب عني
عشري الاب….بالعكس انتي مقولتيش كلمه غلط احنا حقيقي كدبنا عليكي بس اكيد بنحبك اوي روقي و نصيحه مني لبنتي الغاليه اللي تشرف الف راجل اوعي تفرطي في حد بيحبك و سامحي لو قدرتي و اللي يستاهل فرصه تانيه متبخليش عليه بيها و اوعي تفرحي فيكي حد من جواه كل شر ليكي انا عرفتك قويه و قد حالك و لازم تفضلي كده حاربي و اوعاكي تفرطي في حاجه هي بتاعتك و مكتوبالك من يوم ما اتولدي ماشي يا ليله
ابتسمت ليله بهدوء و هزت راسها
عشري الاب….قام وقف بابتسامه يلا تعالي في حضن ابوكي
ابتسمت ليله و قربت منه ضمته و هي دموعها نازله بهدوء
عشري الاب….مسحلخا دموعها معايزش اشوف دموعك بعد كده بت عشري متنزلش دموعها ولا حتي علي الفرح ماشي
ليله…بضحكه جميله تمام
عشري الاب…..يلا خلي بالك من حبيبك و حطيه في عينك يا جدعه يا بت الاصول انا بروح اطمن عليه و همشي و سايبه في امانتك
ليله…. متخافش عليه
عشري الاب….مش خايف و عارف انك هتخافي عليه اكتر مننا كمان
طبطب علي كتفها و سابها ودخل بهدوء علي المجلس.
عشري الاب…بابتسامه هاديه سلامتك يا ولدي يلا يا ولاد خلوه يرتاح
عشري….الله يسلمك يا باااه خليك شويه
عشري الاب….لاه ارتاح ياولدي انت و مرتك حطها في عينك يا محمد مش هوصيك عليها يلا يا عمر يلا يا فضل.
فضل….ابقي رد لما اطمن عليك
عشري….متقولش لاي حد غير لما رسيد يسافر
فضل….اطمن مش هقول حاضر
عمر…..بتريد شي يا اخوي
عشري….سلامتك يا غالي
عمر…..يلا بالاذن الله الشافي
خرجوا بره و سلموا علي ليله
فضل….ليله هبقي اتصل و اطنن عليه
ليله….اتصل اي وقت يا فضل وياريت متعرفش رشيد زي ما عشري قالك خلبهم يسافروا
فضل….حاضر
عمر…..بتريدي شي يا ليله
ليله….سلامتك يا عمر
عمر…..بالاذن يا غاليه.
خرجوا و قفات ليله وراهم و بعدين راحت بهدوء علي المجلس تشوف عشري كان قاعد و مرجع راسه لوراء
ليله….بهدوء ااا ممكن يلا تقوم تتمشي شويه بقي
عشري…..حاضر
راحت قربت منه و مسكت ايده سندته و خرجوا بهدوء و فضلت راحه جايه معاه لحد ما حست انه تعب
ليله….تعالي يلا روح ارتاح شويه كفايه عليك كده
دخلته الاوضه تاني وراحت عدلت المخده
راح هو ناحيه الحمام ومسك في الحيطه و هو مش قادر
ليله….براحه انت رايح فين ؟ قولي محتاج ايه
عشري….ااااااه مش محتاج انا بس عايز ادخل الحمام
ليله….طيب استني هساعدك
فضل ساند راسه علي الحيطه و ماسك الجرح بأيده و مش قادر يمشي
ليله…..يلا يا حبيبي براحه انا معاك
كلمة حبيبي اللي طلعت من جواها من غير ما تحس دخلت جوه قلبه
ليله….يلا واحده واحده انا معاك
عشري…..مش قادر يا ليله
ليله….لا هتقدر يلا متقولش مش قادر دي و بعدين فين الچيم و العضلات طلعوا نفخ ولا ايه يا راعي الغنم
ابتسم و رفع راسه بهدوء وبصلها بغيظ
ليله….بابتسامه تجنن ايه بتبصلي كده ليه نا انا قولت ده خدش بسيط و مستحيل ياثر في الجسم الجامد ده و العضلات طلعت توتو خالص وخدش رقدك
ضحك و مسك الجرح بوجع فظيع
ليله….بضحكه تجنن طب خلاص خلاص متضحكش و النبي
عشري….ااااه مين ده اللي توتو
ليله….بضحك ده حد كده كان معدي
يلا اسند عليا بدل ما تفضحنا و متلحقش نفسك
عشري…..بابتسامه ايه هتيجي معايا
