لقاء كـ،ـ،ـ،ـارثي

ليله….بابتسامه تجنن اه ما خلاص بقي شيلنا الحواجز و حميتك و الدنيا خربت و بوظت اخلاقي و خلتني اشوف حجات مينفعش اشوفها

عشري….بضحك لا مشوفتيش يا كدابه

ليله….ااا ماشي مشوفتش بس يعني سايبها سبيل للخلق كده ومكانش عندك مانع اشوف طب راعي الصدمه اللي انا فيها و الموقف بس نقول ايه معرفتش اربيك

عشري….. بابتسامه تجنن اه صح انتي معرفتيش تربيني ده غلطم بقي مش غلطي

ليله….طب يلا قدامي قبل ما تفضحنا

عشري…ايه هتيجي بردوا

ليله…..اه خلاص بقي خدشت حيائي اللي حصل حصل

عشري….بضحك ااااه متكدبيش و قولي ان الموضوع عجبك

ليله…بضحكه تجنن بصت عليه بجرأه و هي بتغمزله بلا نيله ده واخد اجازه اليومين دول

ضحك عشري و اتألم بجد من قلبه

ليله….بضحك طيب خلاص هسكت بس متنكشنيش انا لساني مش بيسكت يلا اخلصي

عشري….ااااه

مسكت دراعه حطته علي كتفها و دخلت بيه التويلت و وقف وراه سانده ضهره

عشري….حب ينكشها هو انتي جايه معايا تسندي ضهري لا كملي مهمتك للاخر

ليله….بضحك لا بص انت خدت عليا اوي

عشرب….بضحك مش عامله فيها جريئه و مش بتتكسفي و هايفه اكون انا اللي بتكسف يلا انا بقولك مش مكسوف

ليله…بضحك وشها احمر و ترضهالي الصدمه دي اخلص عشان مزعلكش

ابتسم عشري و فضلت هي مسكاه من ضهره و مستخبيه فيه استنيته لحد ما خلص و غسل ايده و نشفها و بعدين خرجوا بهدوء و هي ماشيه تضحك

عشري….بابتسامه بتضحكي علي ايه

ليله….بضحك يعني مكنتش اعرف اني هتدبس فيك لدرجة اني ادخل معاك التويلت خدت عليا اوي علي فكره

عشري….بضحك ايوه صح انا خدت عليكي بزياده

قربته منه السرير و قبل ما تقعده مسكها من كفها و شدها ليه مره واحده و ضمها بكل قوته بايده الاتنين ساب الجرح و كان واجعه اوي بس مكانش قادر كان محتاج يحضنها خرجت منها تنهيده طويله بعد صدمتها في سحبه ليها و بهدوء رفعت ايديها ضمتوا

بعد عنها بهدوء و باس كفها

عشري…..بحبك يا ليله بحبك اكتر ما بحب نفسي شكراً علي كل حاجه حلوه ربنا يخليكي ليا

ابتسمت ليله بهدوء و مردتش عليه بس قلبها كان بيدق جامد و باين عليها التوتر

قعد بهدوء علي السرير ساعدته بسرعه و ظبطت المخده

ليله….هروح اجيبلك حاجه تاملها و اجيبلك العلاج و هاجي

مسك كفها و رجعها تاني

ليله….اااا ايه

عشري….ليله هو انتي هتسبيني لما اخف و اقدر اقوم ؟

بصتلوا ليله بهدوء و متكلمتش كانت مركزه علي صدق الخوف اللي جوه عينه و مبسوطه من حبه ليها اللي فاضحه

عشري….انا بسألك عشان لو هتعملي كده يبقي بلاش يا ليله خليني اعمل كل حاجه بنفسي خلي الوجع يبقي اهون شويه

ابتسمت لياه بحزن و طبطبت علي كفه

ليله….ارتاح يا عشري و بطل تفكير كتير ارتاح هرجعلك تاني

هز راسه بحزن كان نفسه تقولوا لا مش هسيبك.

…………………

عند ايه خلصت شغلها كله و دخلت غيرت هدومها و ظبطت نفسها مسكت المشط تتسرح و فضلت تظبط فيه و من غبائها مسكت خصله تعملها كيرلي فا اتشبك في شعرها حاولت تفكه بقت كل ما تفكه تدخل فيه شعر اكتر و مكانتش شايفه كويس هي بتلفه صح ولا غلط

ايه….يا نهار اسود و منيل افكه ازاي ده

فضلت تحاول لحد ما الشعر لفت و مبقتش شايفه المشط كويس في المرايه و لا عارفه تفكه من التعقيدات اللي حصلت فيه و بقي مستحيل تعرف تفكه الا لو قصته

ودي اكتر حاجه كانت رعباها انها تقصه.

وصل سلامه في الوقت ده و هو مبسوط و مشكح علي الاخر

دخل و اول ما دخل موبر فضل يهوهو جامد بس كان مربوط خرجت ايه من جوه تبص لاقته سلامه

ايه…..سلامه الحقني والنبي

سلامه…في ايه

ايه….المشط دخل جوه شعري و مش عارفه افكه

سلامه….يعني ايه دخل جوه شعرك مستخبي يعني

ايه….انت هتستظرف مش وقتك تعالي اعمل حاجه

سلامه….بضحك يا نهار اسود انتي ايه اللي هببتيه ده

ايه….ايه شعري باظ صح

سلامه…..هو انتي ازاي دخلتيه كده

ايه….معرفش انا كنت بعملوا كيرلي عادي بس هو بيتعمل بالفرشه

سلامه….طيب عملتيه ليه بالمشط في حد يعمل كيرلي بمشك

ايه….انا معرفش بقي ماهو اللي معايا

سلامه….بضحك ده هيتفك ازاي ده

ايه….بقولك ايه بطل ضحك والنبي فكه يا سلامه انا مش عيزاه يتقص

سلامه….لا يتقص ايه استني حط السيجاره في بوئه و حاول بهدوء يسحب الشعر كان قافش و بوظت الدنيا خالص انتي لافيته كده ازاي ده عشان يتقص اصلا.شعرك كله من وراء هيتقص

ايه….بدموع لا مش هقصه

سلامه….بضحك طب بس يا هبله هحاول والله استني بس ارمي السيجاره دي .

ايه…..هو بايظ خالص انا مش شيفاه في المرايه

سلامه…..مش بايظ يا قلبي بس انتي دخلتي الشعر فيه مش راضي حتي يتلف معايا و خايف اسحب الشعر اوجعك

ايه….طيب اسحب براحه انا هتحمل بس اوعي تقطعه

سلامه….بضحك وانا اللي كنت جاي اديكي بوسه

ايه…..بغضب و هي بتعيط لفت ضربته و زقته بوسه ايه و نيلة ايه اصلاً ربنا عمل فيا كده عشان قولتلك كده انا عارفه حظي طين ما كلهم اتباسو و محصلش.حاجه

سلامه…..بضحك شوفتي اني معايا حق لما قولتلك هجيب بومه و اسميها ايه

ابه….بضحك من بين دموعها ليك حق تتريق ما انا نحس فعلاً

سلامه….بضحك لا يا قلبي مش نحس استني هحاول والله بس تعالب اقعدي هنا علي الكرسي.

راحت معاه و فضل سلامه يسحب الشعر شعرايه شعرايه عشان ميتقطعش خد و قت طويل و كانت بتتوجع و هو بيحاول يخرجه من شعرها براحه.

ايه…..هينفع ولا لا

سلامه….استني انا خرجت كتير فاضل شويه هخرجهم متقلقيش

ايه….طب براحه والنبي شعري واجعني

سلامه….معلش ما انتي مش شايفه عملتي ايه في نفسك يا غبيه

كمل سحب شعرها و بدأ المشط يلف اول لفه من شعرها اخيراً فضل يخرج بهدوء شعرها لحد ما اخيراً فكه خالص

سلامه….اخيراً انا لو شوفتك ماسكه مشط تاني هقطعك

ايه….بدموع ابتسمت ارميه خلاص مش عيزاه

سلامه….بصحك طب بطلي عياط يا هبله

راحت غسلت و شها و فضلت تظبط في شعىها بالمايه مرضيتش تتسرح تاني بالمشط بقت تعملوا بصوابعها

سلامه….نشفي شعرك ده بقي عشان هتبردي

ايه….ماشي انت ايه اللي جابك انت جاي معايا

سلامه….بضحك انا كنت جاي اخد بوسه والله

ايه….يبقي انت السبب عشان نيتك كانت مش مظبوطه

سلامه….بضحك مش انتي اللي عايزه تتباسي يا بومه

فضلت تضحك و تمسح في دموعها قرب منها و هو ميت من الضحك ضمها بحب

سلامه….انا قولت بحب طفله حد في الدنيا يعمل كيرلي بمشط

ايه….عشان حظي مهبب

سلامه….لا يا قلبي انتي حظك قمر

ايه…بابتسامه طب بجد انت جاي معايا و لا جاي ترخم عليا

سلامه….بضحك والله كنت جاي ابوسك

ايه….بابتسامه طب وسع كده

سلامه….مسكها من دراعها و رجعها تاني اوسع ايه ده انا بعد المعجزه اللي عملتها في شعرك دي استحق اتباس والله

ايه….بضحك خليك مؤدب وابعد تتباس ايه وسع كده

سلامه….بضحك والله ما هوسع خلاص كبرت في دماغي

ايه…..بضحك سندت راسها علي كتفه و هو ماسكها يا ابني ابعد عني هضربك والله انا مش حاسه براسي

سلامه….مليش دعوه

وقفت علي طراطيف صوابعها و باسته من خده

ايه…..كفايه عليك دي

سلامه….بحب قفشها و مسك راسها بكفوفه بهدوء و قرب منها باسها

غمضت عينها بصدمه وسابت ايديها

بعد عنها و ابتسم و بعدين ضحك و ضمها كانت هتقع في ايده

سلامه….بضحك اجمد يا وحش دي بوسه

مسكت في هدومه و خبت وشها وهي بتضحك

بعدها عنه وبصلها وشها كان شبه الفراوله من الكسوف.

سلامه….بضحك مرضي يا عم الحج

ابتسمت وضربته علي صدره

سلامه….بضحك لا ما انت ترد عليا انا مش حمل زعلك يا صاحبي مرضي ولا نعيد تاني

ايه….بضحك لا مرضي يا قليل الادب

سلامه….ماشي ياعم عموماً انا في الخدمه وقت ما تحس انك مش مرضي قول سلامه بس

ايه….بضحك و توتر طب ابعد يلا من هنا وسع كده الجو حر

سلامه….بضحك لا هو الجو مش حر انت بس اللي حران

ايه….وسع ياللي متربتش ده المحل هيولع بينا الوقت

ضحك سلامه و خرج وراها كان مبسوط و هي كانت مبسوطه جداً
بس مكشوفه منه اوي و مش قادره تبص في عينه و كل شويه تضحك و تبعد وشها عنه

سلمت اخر كلب و قفلوا المحل و خدها يتمشي بيها شويه لحد ما فضل و عسال يوصلوا.

سلامه…..طب ايه هنفضل وشنا بعيد كده مش كنتي عايزه تعيشي مغامره مكسوفه ليه الوقت

ايه….بابتسامه هو انت متعرفش تسكت شويه

سلامه….بضحك لا مسك كفها باسه

ايه….بابتسامه اااا احممم هو احنا مش هنروح بقي و لا هنفضل نلف كده

سلامه…..هنروح فضل و عسال قربوا خلاص

ايه….ماشي

سلامه….بحبك يا ايه

ايه…بابتسامه و انا بحبك اوي

سلامه….طب ايه حلوه

ايه…بضحك يا ابني اسكت بقي بطل قلة ادب شويه

سلامه….بابتسامه طيب خلاص سكت اهو.

فضلوا يضحكوا و بعدين راحوا علي الببت عند نعيمه فضل كان و صل و لسه عسال.

دخلت نادين و قفت شويه في البلكونه كانت محنوقه اوي و مش عايزه تبين ده قدامهم و هما الاربعه كانوا قاعدين بيضحكوا جوه و بيهزروا لمحت من بعيد شويه عربيه ميدو دخلت بهدوء

نادين….نوني انا هاخد عربيتك هوصل للبيت اجيب حاجه وراجعه علي طول

نعيمه…..طيب ماشي متتأخريش

سلامه….اجي معاكي انا وايه

نادبن….لا لا مش هتاخر علي طول متقلقش

سلامه….تمام ميدو جاي خلاص متتأخريش

نادين….طيب اوك

خرجت بهدوء و قفلت وراها و فضلت وواقفه باصه للاسانسير اول ما امحتوا اتسحب نزلت علي السلم لحد تحت و ركبت العربيه و اتحركت.

خبط ميدو و فتحولوا كان جاي عشان يشوفها عارف انها قالبه عليه و مكلمتهوش خالص و هو مرضيش يكلمها عشان ميحسسهاش ان الموضوع كبير و يتعامل عادي بس مكانس يعرف انها بجد مضايقه و محبتش تفضل قاعده لحد ما يوصل عشان اكيد هيبان عليها و الكل هيعرف انها زعلانه و الموضوع يكبر .

بعد ما دخل و سلم عينه كانت رايحه جايه يدور عليها.

سلامه….انت قابلت نودي انا قولت لو شوفتها هتروح معاها

بصلوا عسال بسرعه

عسال….قابلتها فين ؟ هي فين اصلا

سلامه…..دي لسه نازله وانت طالع تقريباً

نعيمه…..قالت انها هتجيب حاجه من البيت وتييجي

عسال….بهدوء ابتسم اااه اكيد راحت تأكل السمك بسرعه عشان لقت في واحده ميته

نعيمه….اه صح انا نسيت السمك بتاعها خالص

عسال….طيب انا هقوم اروحلها و هنرجع تاني

بصلوا سلامه و طبعاً فهموا من عينه و اصلا كان شاكك ان في بينهم حاجه من ملامح نادين

نزل عسال و اتصل عليها كان متعصب و عمال يضغط علي سنانه.

نادين….بهدوء الو

عسال…..بغضب انتي فييييين

نادين…احمم انا لسه طالعه البيت

عسال…..انا جاي خليكي

سكتت و مردتش عليه و هو قفل مستناش انها ترد اصلاً

مفيش خمس دقايق كانت هي قاعده علي الكرسي جوه سمعت صوت الاسانسير قامت وقفت عشان تروح تفتحلوا بس هو كان محضر في ايده المفتاح لما سمعته بيفتح وقفت مكانها فتح ميدو الباب و بصلها بنظره حاده دخل و رزع الباب وراه بغضب رفعت كتفها و غمضت عينها من صوت الباب واتوترت من شكلوا

عسال…..انتي نزلتي ليه من غير ما تقوليلي

نادين….بهدوء بس توترها باين انا اصلا مش في بيتي يا ميدو و اكيد مش هستأذن لو راجعه البيت او لو جايه اجيب حاجه هستأذن وانا نازله من البيت مش وانا رجعاه

عسال…..بنبره عصبيه حاده لااااا تنزلي من هناك او تنزلي من هنا اعرف و تتصلي تعرفيني مبقاش بسلم علي الناس و فاكرك في الاوضه وانتي مش موجوده اصلا

نادين….هو انت ممكن توطي صوتك يا ميدو وتهدأ شويه او انزل و لت ما تهدأ تعالي مش كنت بتقولي لو متعصب هسيبك ولما اهدأ هرجع

عسال….قرب منها و مسك دراعها بغضب اوعي تلعبي معايا اللعبه دي مفهوم متضغطيش عليا لدرجه انك تعصبيني و تخلبني اعمل حاجه مش شبههي و ترجعي تفكريني باللي قولتلك عليه سلامه قالي ازاي مشوفتهاش دي حالاً نازله و صح ازاي مشوفتكيش و لا انتي شوفتيني و نزلتي علي السلم

نادين…..اه يا ميدو شوفتك وانا جاي و نزلت اول ما سحبت الاسانسير

عسال….صح يبقي عصبيتي ده انا معايا حق فيها

بصت بعيد و هو بيتكلم

عسال…..انتي مالك انهارده هااااااا؟؟ فيكي ايه؟ مكلمتنيش ولا مره ليه؟ طب انا مكلمتكيش عشان عارف اللي في دماغك و محبتش اتصل عشان واثق اني لو كنت اتصلت دماغك كانت هتسوحك و تفكري اني بتصل عليكي عشان اداري علي حاجه عملتها او بجس نبضك و بشوفك لسه واخده موقف ولا لا انتي بقي متصلتيش ليه نزلتي من غير ما تعرفيني ليه بصيلي وانا بكلمممممك

بصتلوا بتوتر و اترعبت من صوته و بسرعه عينها دمعت

عسال…..فيكي ايه انتي بتشكي فيا انا يا نادين علي فكره انا لما حسيت ان صوتك اتغير و سألتك قولتي مفيش فهمت و بسرعه قولتلك دي مين و ايه علاقتي بيها يعني المفروض متشكيش اصلا لان انا اللي عرفتك بصلها بغضب خدي بالك لو دموعك دي نزلت هتعصبيني اكتر

بعدت ايده عنها بهدوء و ادتلوا ضهرها و نزلت دموعها غصب عنها

غمض ميدو عينه بغضب و حط ايده علي راسه

عسال…..نادين بصيلي

مسحت دموعها و فضلت واقفه

عسال…..انتي سمعاني صحححح

لفت بهدوء و فضلت باصه لتحت

عسال…..لما انتي زعلانه و لسه واخده موقف متصلتيش ليه بيا تعاتبيني تاني تقوليلي مصدقتكش قوليلي انا لسه مضايقه.

نادين….هو المفروض ان انا اللي اتصل واعرفك اني لسه مضايقه و واخده موقف يعني ايه مكلمكش كل ده و انت تسيبني انا مفرقتش معاك يا ميدو

عسال….بعصبيه ناديييييييين مفرقتيش مع مين انتي عبيطه

نادين….اه مفرقتش عشان انا توقعت انك تكلمني تاني او تبعتيلي مسدچ او الاقيك فجأه قدامي زي ما ديماً بتعمل علي فكره انا مقولتش اني مصدقاك انا مضايقه عشان انت شايف ان الموضوع عادي ميدو هو انا لو انا شيلت الالقاب ما بيني و بين اي حد بشتغل معاه هتبقي عادي انا في ناس كتير اعرفهم و بينا شغل وعلاقتنا كويسه جداً و محدش فيهم يقدر يقولي نادين مش نودي هاااااا مش نودي بس انت شايف ان عادي واحده تربط بيها علاقه شغل و في مكان شغاك وتيجي تقولك هتختار ايه يا ميدو عشان جعانين خلاااااص اختيارك للاكل قد كده واقف عليك مستنيه تشوف رأيك عشان تطلب طب كويس اوي ليها حق بردوا ما انت ذوقك حلو في كل حاجه و كويس انك عرفتني عشان بعد كده اقولك يا محمد و خلي ميدو ده للناس القريبن منك و بيشتغلوا معاك و مستنين اختيارك للاكل عشان ياكلوا

عسال…..يا نادين انتي بجد بتعصبيني انتي ازاي بتفكري بالطريقه دي طب ما الكل بيقولي ميدو و البنات بيقولولي ميدو مش بتضايقي ليه

نادين….عشان دول اصحااابي اخواتي اعرفهم اعرف علاقتك بيهم كويس لكن مين دي عشان تقولك ميدو هااا مين دي بجد و ازاي مضايق قدامي كده عشان انا رافضه ان حد غريب يشيل الالقاب بينك و بينه

عسال…بهدوء يا حبيبي افهمي هي علاقتي بيها كويسه زي البنات اعرفها من سنين و بعدين بقولك متجوزه ومخلفه و جوزها مهندس زيها علي فكره و كل فتره بيجي و بيعدي عليها و نقعد مع بعض

نادين….طيب كويس اوي علاقتك بيها زي البنات تمام انت صح يا ميدو

عسال…..يا نادين بلاش طريقتك دي ارجوكي

نادين….هو في ايه انا سكت خلاص اعملك ايه طيب بس يكون في علمك انا من انهارده اي حد علاقتي بيه هتكون كويسه وبقالها سنين هقوله لا تقولي استاذه نادين ولا انسه نادين و هطلب منهم بحكم العشره يقولولي نادين او نودي و يرفعوا الالقاب

عسال…بنظره غضب انتي شايفه كده يعني

نادين….ايه مش انت شوفتها كده يبقي انا لازم اشوف كل حاجه بعينك يا ميدو و انت عارف انا بعمل كل حاجه انت بتعملها عشان بعتبرك قدوتي .

بصلها ثواني بغضب و معرفش يرد عليها و راح فتح الباب و خرج و رزعه وراه.

قعدت علي الكرسي و فضلت تعيط

وقف عسال بره يضغط علي الزرار بتاع الاسانسير بغضب و اول ما طلع دخل و قبل ما الباب يتقفل مد دراعه فتحه بسرعه و خرج منه و طلع المفتاح فتح تاني عليها كانت هي بتعيك اكتر لما سمعت صوت الاسانسير فكرته نزل.

فتح عليها رفعت راسها لمحته دخل و قفل وراح عليها من غير ولا كلمه شدها من ايدها و حضنها

فضلت تعيط في حضنه حط كفه علي راسها بهدوء

عسال….بهمس انا اسف حقك عليا مقصدتش اني اتعصب بس اضايقت عشان حسيت انك مش واثقه فيا بس انتي صح و معاكي حق تضايقي و اوعدك مش هيحصل ده تاني يا عمري

بعد وشها و مسح دموعها و رجع شعرها لوراء

عسال…..والله العظيم بحبك و مفيش ولا هيبقي فيه حد في حياتي غيرك مين دي عشان تغيري منها اصلاً هاا و بعدين يا مجنونه بتشكي فيا انا انا ميدو يا نودي

مسحت دموعها و بصتلوا بزعل

عسال…بابتسامه تجنن لا اووووعي اوعي تبصيلي البصه دي ده انتي بنتي يا عبيطه

ضمها تاني بحب و فضل يطبطب علي ضهرها بحب

عسال….انا اسف و الله اسف مش هتتكرر تاني بس انا اضايقت لما نزلتي و معرفتش ولا ختي شوفتك و مكنتش فاهم وقتها انتي فهمتي ايه بالظبط عشان خاطري بطلي عياط و متزعليش ممكن

هزت راسها بهدوء و مسحت دموعها

عسال….روحي اغسلي وشك يلا و خلينا ننزل ايه رايك نسيبهم ونروح نتمشي شويه كده

نادين…مش عايزه

عسال…..بس انا عايز ولا ايه رايك ابات مع القمر

ابتسمت بهدوء

نادين…لت مش عيزاك تبات معايا

عسال…اوباااااا انا بتطرد شوفتي قولتلك عندي احساس اني هتطرد في يوم انا راجل سالك و بركه اللي بحس بيه بتعمل

ضحكت غصب عنها

نادين….اه بطردك يا ميدو ومش عيزاك تقعد كمان معايا

عسال……بقي كدددده لا معلش اركني انتي علي جنب بقي ونادي علي بنتي

نادين….ولا بنتك و لا حبيتك ولا مراتك ولا اي كلهم زعلانين

عسال….قلبتيهم عليا

نادين….اه

عسال…..طب اعمل ايه عشان يرضوا عني

نادين….بنظره سخرين من بين دموعها ولا حاجه روح اختار العشاء يلا عشان حرام اللي جعانه و مستنيه ذوقك في الاكل

ضحك غصب عنه و مسك وشها بأيده و فضل يبوس فيها لحد ما سلمت خالص

بعد عنها و ابتسم بحب

عسال……يتحرق الشغل علي اللي فيه و حيات غلاوتك عندي من انهارده لحد ما العربيات توصل المعرض ما هعتبه طول ما هي فيه خلصت يا احلي و اغلي و اجمل بنوته في الدنيا حلو كده

ابتسمت من قلبها و ضمته بحب

عسال….ااااااه بموت فيكي و علي فكره بقي انا مبسوط اوي اوي اوي بنوتي طلعت بتغير عليا

نادين….بحبك يا رخم

عسال….طب ايه مطرود ولا ابات في حضن مراتي

نادين….هتبات و انت مؤدب

عسال….بضحك اااا مش عارف ممكن

نادين….بابتسامه كسوف لا روح احسن

عسال….انا بقول كده بردوا و بيتهيألي ننزل الوقت افضل كمان

نادين….بضحك ماشي يلا

و للحديث بقيه………