لقاء كـ،ـ،ـ،ـارثي
عند ليله و عشري
تعب عشري من كتر ما فضل يتمشي و كان متغاظ من ليله عشان عماله تستفزه و يمكن هي مكانتش بتستفزه بس هو اللي كان مضايق من الفكره اللي مسيطره علي راسه و حابب يثبتلها انه قادر يعمل كل حاجه لوحده و عايز يعرف لما تلاقيه مش محتاجها هتسيبه و تطمن كده عليه ولا هتفضل معاه بجد..
محمود جه اداها المفتاح من علي الباب و سلم علي عشري واطمن عليه و مشي .
خدت هي الغسيل و طلعت بهدوء فتحت الروف واول ما فتحت الباب الجو كان تلج و الهواء كان فظيع بس كانت مبسوطه سابت الغسيل علي جنب و راحت و قفت علي السور بصت علي الطريق و غمضت عينها بسعاده و الهواء بيخبط في وشها كانت حاسه انها حره اخيراً
يمكن وجودها مع عشري و حبستها مكانوش مسببين ليها ضيق بس كل التراكمات اللي حصل و المواقف في الفتره الاخيره اللي مروا بيها خلوها تحس بالاحساس ده.
وقفت وقت طويل متعرفش قد ايه بس كانت مبسوطه جداً راحت بهدوء علقت الهدوم علي المنشر الداخلي عشان تنشف و بعدين رجعت وقفت شويه كمان بس حست انها بردت فا نزلت علي تحت و قفلت بالمفتاح كان هو في الاوضه.
افتكرت ليله الشنط بتاعتها و قررت تنزل تجيبهم عشان تلاقي حاجه تضيع و قتها فيها و تتسلي شويه
فتحت المفتاح و خدته معاها و قفلت عليه من بره و نزلت علي تحت
كانت عارفه انه لو مش نايم هيقوم علي صوت الباب فا حبت تقفل عليه وتلاعبه شويه و الموبايل بتاعه كان في جيبها.
سمع عشري صوت الباب بيتقفل قام بسرعه و هو ماسك الجرح بأيده و خرج علي بره يشوفها فتحت الباب ليه بس ملقهاش وقف مصدوم و هو بينادي عليها بس مردتش راح علي الباب يفتحه لقاه مقفول اتجنن
عشري….ليله ليله فضل يدور بعينه علي الموبايل و يروح و يجي و هو بيسند علي كل حاجه و رتح علي الشباك بسرعه يبص عليها يشوفها خرجت ولا راحت فين بس مكانش ليها اثر دخل تاني علي جوه في الاوضه يدور علي الموبايل يمكن جوه.
اما عند ليله نزلت وهي مبسوطه
ركبت الاسانسير و نزلت علي تحت لمحت الشنط جنب مدخل البيت و توقعت ان محمود اكيد نسي يطلعهم و مخدش باله منهم قربت بهدوء علي الباب كان في وقت وصول فضل اول ما لمحها بالعربيه ركن بسرعه و اتوتر نزل و قرب منها
وقفت و بصتلوا بأبتسامه و هي رافعه حاجبها.
فضل…..اااا ليله بتعملي ايه
ليله….بابتسامه الناس بتقول ازيك
فضل….بابتسامه هاديه طيب يا ستي ازيك بتعملي ايه بقي الوقت
تحت كده
شاورتلوا بعينها علي الشنط و بصتلوا
ليله….باخد الشنط ايه فاكرني همشي
ابتسم فضل و بص لبعيد و بعدين بصلها
ليله….بابتسامه متقلقش يا فضل انا لو عايزه امشي حالاً محدش هيمنعني ولا انت نزلت بسرعه من العربيه و فتكر انك ممكن توقفني لو انا ناويه امشي
فضل….ليله بلاش هبل محدش فينا يقدر يوقفك ولا حتي عشري بس مش هنكر اني يعني فكرتك ماشيه بجد
ليله…امممم والله كويس انك معترف ان محدش يقدر يوقفني
فضل…..بضحكه تجنن طيب بقولك ايه ما تيجي نتفق اتفاق حلو يريح الكل
ليله….اشجيني
فضل….بضحك يعني انا بقول عفي الله عما سلف و نفتح صفحه جديده و بيضا زي الفل و نبدأ من جديد و نردم علي اللي فات
ليله…امممم فكره بردوا قولي يا فضل انت اتضايقت انهارظه ليه لما اتفاجئت انك معرفتش بتعب عشري اتحمقت ليه اوي لما عشري قال محدش يقول لامي و قولت انه حقها تعرف
فضل…امممم انا عارف انتي عايزه تقولي ايه و بصتك ليا وقتها سكتتني و انا معترف يا ليله ان معاكي حق في كل حاجه و مش انا بس كلنا حتي خالي و مرات خالي و اخوات عشري و عشري نفسه و كل اللي عرف يا ليله عارف كويس ان ليكي الحق في كل حاجه و خدي بالك لما كنتي بره و عرفت انه قفل عليكي عاتبته ليله انا مش جاي عليكي لا انا ولا اي حد احنا بنحبك اوي و وجودك مع عشري مكمل فرحتنا انا مستحيل اتخيل عشري من غيرك او انتي من غير عشري محدش فينا يا ليله وقف مع عشري عشان هو صح احنا وقفنا مع عشري عشان مش متخيلين ان اللي بينكم يخلص كده حرام حبكم ده يروح علي الفاضي يشهد ربنا يا بنت الناس انك غاليه عندي فوق ما انتي تتخيلي انتي اختي يا ليله و دي مش مجرد كلمه بحدد علاقتي بيها معاكي بس انتي اختي بجد يا ليله و كنت اتمني اني لو ليا اخت بنت تكون زيك في كل حاجه انا بحبك اوي و محبش ابداً اشوفك زعلانه او موجوعه يمكن حقك تزعلي بس حقي علي اختي اني اقولها زعلك حاجه و شعورك بان عشري مش بيحبك او خدعك حاجه تانيه انا مش عايز افتح في المواضيع تاني بيتهيألي انتي خلاص عرفتي كل حاجه بس والله يا ليله والله العظيم هشري بيحبك حب جنون و اوعي تزعلي منه في اي قرار خده اذا كان احنا اللي بره الحكايه من حبنا فيكي و في عشري عملنا زيه متوقعه منه هو ايه احنا لو بنحبك قيراط هو بيحبك اربعه و عشرين قيراط مكانتك عند عشري و عندنا كبيره اوي و انا عارف انك مصدقاني
ليله….بهدوء ابتسمت ماشي يا سي فضل
فضل….بضحك ماشي ايه انا هموت واعرف اللي في دماغك
ليله….هو انتوا خليتوا في حاجه في دماغي اصلا ده انا بدأت اشك اني مجنونه و انتوا اللي عاقلين يا راجل
فضل…..بضحك عيب عليكي متقوليش كده هو ان جيتي للحق في نثل بيقول ما جمع الا لما وفق و احنا كلنا مجانين اتجمعوا مع بعض قوليلي بقي ناويه تحبسينا امته
ليله….بضحك مستعجل ليه ده الجو حتي اليومين دول برد علي البورش وصاحبك تعبان مش حمل عطسه تفتحلوا الجرح
فضل….بضحك يالهوي علي الحنيه
حتي وانتي مش طيقانا جدعه بقولك ايه تعالي ادخلك الشنط دي
وسعتلوا و راح معاها سحبلها الشنط علي جوه حطهم في الاسانسير
ليله…..نعيمه ايدها عامله ايه يا فضل؟
فضل….يعني لسه طبعاً محتاجه وقت انهارده كان اول غيار ليها و فرجت عليا المستشفي الصبح و بجد والله هي تعبانه اوي و نفسياً مش تمام و علي فكره محتجالك
ليله….بابتسامه هاديه خليك جنبها اليومين دول يا فضل هي امها عرفت
فضل….لا قالت مش عايزه تعرفها الوقت عشان لو عرفت هتاخدها تقعد معاها و انتي عارفه بقي ان نعيمه مش هترضي
ليله….طيب هي قاعده لوحدها
فضل….بابتسامه لا متقلقيش نادين معاها
ليله…امممم الراس المدبره لا كويس طمنتني
فضل….بضحك فك ياعم بقي وحشتينا يا ليله انتي و عشري و وحشنا قعدتنا مع بعض و الله العظيم بعيد عن شعور الكل انا مفتقدكم اوي بس كمان عارف ان قريب ان شاء الله هنتجمع تاني
ليله….بهدوء احمم ااا طيب طمني ايمي سافرت ولا هتسافر الصبح ولا ايه
فضل…..حسان بيوصلهم علي المطار الوقت يمكن يكونوا وصلوا كمان متقلقيش محدش قالهم حاجه
ليله…..طيب كويس
فضل…طيب يا ستي يلا اطلعي انتي عشان الجو برد عليكي بس قوليلي عشري كويس
ليله….اه بخير متقلقش
فضل….مش قلقان يا ليله عارف انه معاكي بخير المهم لو احتاجتي اي حاجه في اي وقت اخوكي جنبك و حني عليا بقي شويه و خدي بالك بدأت اغير من علي و محمود بقوا هما اللي معاكي علي طول
ليله….بابتسامه احسن عشان تتربي انت و هما
فضل….بضحك ما خلاص بقي والله اطلع اضربلك عشري اللي عمل فينا كده
ليله….لا خليها عليا انا دي
فضل….بضحك لا بقولك ايه براحه عالواد اللي حيلتي ده اخويا بردوا
ليله…..عليك وعليه و فكك مني انا لسه مرضتش عنك اوي
فضل….بضحك اطلعي اضربي فيه يلا هو ابن حلال و يستاهل
ضحكت ليله ضحكه هاديه
فضل….بقولك ايه مش محتاجين اي حاجه اجيبهالكم اكل شرب اي حاجه
ليله….لا لا تسلم يا فضل كل حاجه موجوده و بعدين ما انت كنت معاه يا اخويا و هو عمال يخزن في البيت و قلبها سوبر ماركت عشان نتعزل عن العالم
فضل….بضحك طيب انا بقول امشي بقي
ليله….بضحك اه احسن بردوا بدل ما تفتحني تاني خليني ساكته
فضل….بابتسامه ماشي يا ستي يلا اطلعي و اي وقت تحتاجيني كلميني
ليله….ماشي يا فضل يلا باي
فضل….باي
قفلت الاسانسير و عينه كانت علي الشاشه و هي بتطلع و بعدين خرج بهدوء ركب عربيته و اتحرك
طلعت ليله علي فوق سحبت الشنط بره الاسانسير و قربت من الباب فتحته لاقته واقف جنب البار ماسك جنبه و علي وشه غضب فظيع بيحاول يخفيه بصتلوا بإبتسامه هاديه لكن كلها استفزاز
ليله….خير
عشري….انتي كنتي فين ؟
ليله….بلعب
عشري…..كنتي فين يا ليله و ازاي تقفلي عليا هااا و فين الموبايل ايه كنتي ناويه تمشي و صعبت عليكي قولتي ارجع يومين كمان لحد ما يخف انا تمام يا ليله و اياك اصعب عليكي
بصتلوا بابتسامه سخريه و هدوء و مردتش عليه ت خطوه لوراء سحبت الشنط و دخلتهم قفلت الباب و علقت المفتاح و بصتلوا
ليله…..اهدي علي نفسك شويه هااا انا مبيصعبش عليا حد يا عشري و لازم تعرف اني لو قاعده هنا و فاكر انه غصب عني فا انا مفيش حاجه تغصبني تمام اه كنت محبوسه بس الباب قدامي بقي مفتوح و انا كنت تحت الوقت و موبايلك في جيبي كان ممكن امشي عادي بس انا نزلت اجيب شنطي يا عشري لان غالباً محمود نسبها او مخدش باله انها لسه تحت..
مشيت خطوه بالشنط و بعدين وقفت قدامه و ابتسمت
ليله….. ااااااه انا نزلت علي تحت كانت الساعه واحده ونص و الوقت الساعه اتنين الا عشره يعني تلت ساعه عشرين دقيقه بالظبط جربت احساس العجز يا عشري قولتلك الدنيا دواره امبارح قولتلك زهقانه و انت انهارده قولتلي نفس الكلام انهارده الصبح سيبتني هموت عليك و انا الوقت سيبتك تموت عليا بس الفرق انك سيبتني سبع ساعات معرفش فيك ايه لانك كنت تعبان انا سيبتك عشرين دقيقه بس مش تعبانه يا عشري ولا فيا اي حاجه و مع ذلك جربت نفس الشعور الفقد يا عشري عرفت قد ايه هو احساس مميت انك تبقي قاعد هتتجنن و محبوس و مقفول عليك و مش معاك اي وسيلة اتصال جربت يا سيد الناس
بصلها بنظره غضب و مسكها من دراعها وهو اصلا مش قادر يقف
عشري…..متلعبيش معايا اللعبه دي يا ليله بلاش انا
قربت منه ليله بجرأه و مشت كفها علي صدره و هي بصاله و مبتسمه.
ليله…..طب ما تجرب نلعب سوا ده اللعب معايا هيكيفك اوي
ابتسم غصب عنه وغمض عينه ثواني لمستها ليه مكانتش بريئه وكانت قاصده و هو كان ماسك نفسه بالعافيه
مسك كفها بسرعه و بصلها و هو عروق رقبته كلها بارزه و ودنه حمراء و ابتسم بهدوء.
عشري….ايدك
ليله….مالها
عشري…..ليييييله
ليله….بضحكه تجنن عيون ليله انا بقول تخف بسرعه عشان نبدأ لعبتها اصل انا بحب اللعب علي نضيف تصعب عليا وانت تعبان كده اني العب معاك
عشري….ليه ما تلعبي و لا فاكره ان تعبي ده هيخليني مقدرش العب معاكي
ليله….بالعكس بس انت مش حمل اللعب معايا يا عشري هتسلم بسرعه و جايز متتحملش و ترجع تقولي استغليتي تعبي انا عيزاك فايق و بخير عايزه اشوف عشري اللي اعرفه و هو قوي و جامد هيسد مع لعب ليله و لا لا
عشري…..لا متقلقيش سواء تعبان او كويس هسد يا ليله
ليله….متأكد يا سيد الناس انك هتفضل علي وضعك متأكد انك هتقدر تقاومني
بصلها بابتسامه غيظ و هو بيعض علي شفايفه
ابتسمت و حطت كفها علي رقبته و قربت منه
ليله…..هتقدر يا عشري تلتزم باتفاقك و لا هتسلم في ايدي بسرعه
عشري….وهو مغمض عينه ليله شيلي ايدك
ليله….بابتسامه تجنن و همس ليه تعبت
عشري….لييييييله بلاش يا بنت الناس
ليله….بضحكه تجنن يبقي تعبت طيب بالذمه ده منظر واحد هيقدر ثابت علي موقفه كتير بصت بجرأه علي جسمه و غمزتلوا حالتك مبقتش تمام يا بلطجي
ابتسم غصب عنه و مسك كفها بعده و بعد عنها خطوتين
ضحكت ليله و دخلت علي الاوضه و سابته.
عشري….بهمس ربنا يصبرني علي اختك يا وليد و اطلع قد كلمتي معاك بدل ما اجيب منها عيلين يحضروا معانا الفرخ
ابتسم و بعدين ضحك بهدوء .
دخلت ليله علي جوه و هي مبسوطه اوي من حالته اللي باظت في ثانيه من كلمتين و لمسه و راحت علي الدريسنج حطت الشنط في الارض
و فتحتهم و كان عندها فضول تعرف ايمي حطتلها ايه طلعت جدعه معاها و فهمتها و لا لا
و في اللحظه دي كأن ايمي حست بيها اتصلت علي موبايل عشري ڤديو كول كان في وقت دخول عشري الاوضه و هو باصصلها و مش طايقها.
ليله…..دي ايمي خد بالك عشان هما في المطار
عشري…تمام.
فتحت ليله الڤديو بهدوء.
ايمي….بابتسامه تجنن هاي لولي انا قولت يعني ميصحش اسافر قبل ما اتصل بيكي و اعرفك اني مسافره و اقولك اني راحه اقضي شهر العسل
ليله….بابتسامه رفعت حاجبها روحي يا قلبي اتبسطي عشان لما ترجعي اعرف اروق عليكي
رشيد….بابتسامه هاي لولي
ايمي….بضحك باركي للعريس
ليله….بابتسامه غيظ اهلا بالعريس اهلا بالعاقلين انا عيزاكم تتبسطوا علي قد ما تقدروا عشان ترجعوا كده بنفسيه عاليه و تقدروا تتحملوا اللي هعملوا فيكم
ايمي….بضحك علي الله بس مرجعش الاقيكي رافعه الرايه البيضا اصل انا واثقه في عشري اخويا حبيبي
بصت ليله لعشري بغيظ لاقته بيضحك بثقه
ليله…..امممم اخوكي حبيبك طب هنشوف مين فينا اللي هيرفع الرايه البيضا
رشيد…..بضحك بقولك ايه انا مليش علاقه بيهم انا معاكي
ليله….بابتسامه بعد ايه بقي يا عريس مش خدت صف صاحبك و الواطيه اللي جنبك
رشيد….بضحك يا بنتي انا راجل غلبان و في حالي طلعوني بره الليله دي.
ايمي….خايف منها و لا ايه دي بوء تصدق بالله هتموت و تشوفني عشان تاخدني في حضنها اصل انا عارفه اني و حشتها زي ما وحشتني
بصتلها بأبتسامه غيظ و سكتت
ايمي…..شوفت سكتت ازاي عشان تعرف اني معايا حق
ليله….هموت واعرف الثقه اللي عندكم دي جايبنها منين بس يلا حلوه الثقه بردوا بتطمن شويه
ايمي…..لولي
ليله….خير
ايمي…..اللبس عجبك
ليله….بابتسامه لسه مشوفتوش هشوفوا و اقولك
ايمي….بابتسامه هيعجبك اطمني و بعيداً عن اللبس بقي هتوحشيني و كان نفسي يعني اشوفك بس خوفت تجيبي مني عيال زي ما قولتي
ابتسمت ليله و سكتت
ايمي…..بقولك ايه ما تخليكي جدعه بقي و قولي انك مسمحاني انا طالعه الوقت في الطياره و بعدين انتي عارفه اني بخاف يمكن اموت يا جزمه
ليله…..بنظره خوف اقفلي يا بت اقفلي يا خايبه
ايمي…..طب قولي انك مسمحاني
ليله…بقولك ايه انتي هتعصبيني ليه امشي يلا بكلامك العبيط ده خلاص حساسه اوي و حاسه انك هتموتي لا متخافيش مش هتموتي غير علي ايدي يا ايمي
ايمي….وافرضي موت هتسامحيني
ليله…..انتي جرالك ايه اااا بقولك ايه امشي يلا اقفلي
ايمي….ليله استني
ليله….خير
ايمي…..انا بحبك اوي
ليله…..بخوف واضح ابتسمت بتوتر هو في ايه انتي بتودعيني بجد بت انتي خايفه من الطياره
ايمي….بابتسامه شايف خايفه عليا ازاي بتحبني والله متقدرش تعيش من غيري
ابتسمت ليله غصب عنها
ليله….خد مراتك و امشي يا رشيد عشان شكلها اتهبلت و ربنا يعينك عليها في الطياره.
رشيد….بابتسامه ماشي يا ستي طيب هو فين عشري عايز اسلم عليه قبل ما اسافر معرفتش اكلموا طول اليوم كان عندنا مشاوير كتير
بصتلوا ليله بهدوء هزلها راسه.
قعد كويس و ابتسم بهدوء راحت عليه.
ليله….وماله اتفضل معاك اهو
عشري…..بابتسامه توصلوا بالسلامه يا عرسان
رشيد….بابتسامه صاحبيييي و حشتني والله اخبارك ايه
عشري…احممم تمام زي الفل ايه فاصل كتير علي طيارتكم
رشيد….يعني لسه شويه هنطلع علي اربعه ونص كده
عشري….توصلوا بالف خير يارب
ايمي….بضحك عقبالك يا عشري انت و لولي
عشري…..بضحكه هاديه بص لليله قريب ان شاء الله
ليله…..هموت من الثقه
ضحك عشري و ايمي و رشيد
ايمي…..بضحك بقولك ايه يا لولي اوضه النوم شكلها يجنن
ليله….بابتسامه غيظ هات الموبايل ده يلا يا ايمي اتكلي علي الله حرقتي دمي خلاص اقفلي بقي
ايمي….بضحك طب استني بحبك
ليله….شكراً لما توصلي طمنيني عليكم
ايمي….طب هوحشك
ليله….بابتسامه لاااااا يلا امشي
ايمي….حاضر اشوفك علي خير
يا عشرة عمري
ليله….بابتسامه هاديه لا إلا الا الله
ايمي…..بحب محمد رسول الله باؤ يا عمري
ليله….بنظره حزينه باي
قفلت و فضلت باصه للموبايل و سرحانه
عشري…..بهدوء قفلت خلاص لما انتي هتتجنني عليها كده كنتي قولتيلها طيب
ليله….بغيظ خليك في حالك يا عشري ماشي
عشري….بابتسامه و ماله
دخلت علي الدريسنج فضلت تتفرج علي الهدوم و تبتسم و تعلقها و تطبقها كانت مبسوطه باختيارات ايمي اوي بعد وقت طويل قضته جوه خرجت لاقت عشري نايم و الغطاء مش عليه
غطته كويس و فضلت بصاله شويه بحب و بعدين راحت نامت علي الكنبه .
و للحديث بقيه…….
