لقاء كـ،ـ،ـ،ـارثي
لقاء كارثي
أميره أسامه
صاحبة البطل الواحد
. البارت السابع والستين .
…………………….
دخلت نادين هي و ميدو .
ايه….اكلتي السمك ؟
ضغط ميدو علي كف نادين
نادين….بابتسامه اا اه كان الصبح في واحده ماتت انا فضلت يومين نسياه خالص
فضل…..نادين هو انتي بتحطلهم سخان في الشتاء
نادين…..اممم لا هو اللي اعرفوا ان في ناس بتعمل كده يادوب بيكسروا بس حراره المايه بس هو في العادي السمك بيعيش في مايه ساقعه عادي
فضل….اممم معرفش اصل سمعت ان في ناس بتدفي المايه في السقعه
نادين….في بس انا مش بعمل كده انا بخليهم يعيشوا في جو المايه عموماً سواء صيف او شتاء هما بيتأقلموا
كانت واقفه بتكلموا و هي بتحاول تفك شنطتها
ميدو فكهلها من وسطها جات تفم السوسته بتاعت الچاكت دخلتها في القماش و قف عملها و قلعهولها
نعيمه….ايه ما تخلي عندك دم و قومي اعملي حاجه نشربها
ايه…..والله كنت هعمل نسكافيه تشربوا
سلامه….انا هشرب
فضل…..وانا كمان
نعيمه….كلنا انتي لسه هتسألي
ايه…..ميدو نسكافيه
عسال…..تمام يا ايه
ايه….وانتي الجو برد مفيش ايس كوفي اشربي نسكافيه
نادين…..طيب ماشي .
دخلت ايه تعمل النسكافيه.
و هما قعدوا يتكلموا ميدو كان حاطت ايده وراء ضهر نادين و هي نايمه علي كتفه
و عمالين يتكلموا عن خطواتهم الجايه و بيرتبوا.
عسال…..طيب سؤال انت ليه عايز صيف يعني في سبب معين في التجهيزات وكده و لا ده قرار
فضل…..لا نوني اللي عايزه كده
ايه….من بعيد جدعه يا بت يا نوني في حد يتجوز في الشتاء الكئيبه دي
نعيمه….لا مسمحلكيش هي الشتاء جميله بس معرفش حاسه ان الفرح في الصيف احلي
عسال….ايوه بس ليه تقعدوا كل ده
نعيمه….بابتسامه ميدو انت عايز تخلص مننا
عسال….صراحه اه والله مش انتوا بس كلكم يعني بعد الحوارات اللي حصلت الفتره اللي فاتت دي بقيت متوتر جداً يحصل اي مشكله تأثر علي اي حد فيكم
فضل….بصلها ايه المشاكل هتأثر و لا ايه
نعيمه….بضحك عيب عليك مش واثق فيا
فضل….لا ما انتوا صف مجانين بصراحه
عسال….بجد والله فكروا في الموضوع ده لو القصه في الفرح اتكلوا علي الله و بلاش هبل
فضل….هو في كل الاحوال هنبدأ الفتره الجايه دي في الشقه و وقت ما نخلص هنحدد المعاد و متنساش ان احنا لازم نظبطها مع بعض يعني حسان اللي اعرفوا ان اليومين دول هيبدأ خلاص و طبعاً ليله و عشري الدنيا تهدا بينهم مش محتاجين اي حاجه غير انهم يحددوا مش اكتر
و انت و نادين ايه قصتكم هتخلص امتي.
عسال…..انا كمان مستني اخد نادين
عشان تشوف البيت و تقرر هتعمل في ايه بس طبعاً هي حالياً مش هتقدر تسيب نعيمه.
نعيمه….لا ملكوش دعوه بيا طبعاً لو فاضي بكره خدها و انا كده كده مش هعمل اي حاجه ممكن ابقي اروح اعدي شوبه علي البت الرخمه دي و بعدين اروح شويه اقعد مع زوزو ه كده انا زهقانه اوي و عايزه اغير جو.
فضل…..روحوا بكره اه و خلونا نخلص بقي
عسال….ايه يا حبيبي نروح بكره
سلامه….بضحك دي بتنام
نادين…بابتسامه لا مش بنام ااا عادي لو فاضي اوك
بص سلامه لايه و قام بهدوء قعد علي البار
سلامه….بهمس ايه ايه
ايه….ايه ؟
سلامه….اعملي مقلب في نادين خليها تفوق شويه
ايه….بضحك بس يا عم بقي بص اهو انت اللي بتحرضني خلي ميدو يقوم يجيبني من شعري
سلامه….بضحك لا لا يلا بس اي كوبايه و لا اي حاجه روقي عليهم
ايه…..والله لو اتضربت لا هطلعوا عليك.
سلامه…..متخافيش انا في ضهرك
ايه….بضحك اول واحد هيجري
امسك كوبايتك يلا
سلامه….طب اوعي تخرجي بالصنيه سيبيها احسن تقع علي حد بجد
ايه….استني عشان نظبطها اكتر
خدت كوبايتين في صنيه صغيره
وخرجت بهدوء
ايه….فضل خد دول بتوعك انت و نوني حطهم علي التربيزه اللي جنبكم
نعيمه….ما تجيبي مره واحده هتفضلي رايحه جايه
ايه…..خليكي في حالك بأيدك دي.
نعيمه….بضحك اه يا متنمره يا جزمه
اتريقي اتريقي عشان ربنا يعلقك من قفاكي
فضل….بهمس ابتسم علي ايه ؟
بصتلوا ولما فهمت يقصد ايه ضحكت ضحكه كلهم بصولها فجأه و ضحكوا و هو بسرعه قام علي ركبه حط ايده علي بوئها
سلامه….بضحك الللللعب
فضل…..اه يا وااااطي عاجبك كده
نعيمه فضلت تضحك
فضل بضحك يابت اسكتي يخربيت سنينك دي كلمه
عسال….بضحك انت قولتلها ايه
فضل…بضحك خليك فا حالك يا عم هتضحك تاني
نادين….بضحك فضيحه
ايه….اهو انا مبحبش اخرج معاها لوحدنا اه والله انا مبسكتش و هي مبتدنيش فرصه اقولها اني مقصدش اضحك و ان ده موقف عادي
فضل…..بضحك هشيل ايدي اياك تضحكي
نعيمه….بضحك خلاص والله
بصلها وهو بيبرقلها بغيظ بس وشه مبتسم
نعيمه….بضحك قولتلك هسكت خلاص
سلامه….الوقت فضل يقعد تروح نعيمه فاكره اللي فضل قاله تروح هههاااااااي
بصتلوا نعيمه و رجعت ضحكت تاني
فضل…..يا عم يا نعمل ابو شكلك مقت سكتت و ربنا هنكد عليكي
نادين….بضحك ضحكتها مصيبه والله
خرجت ايه بصنيه تانيه عليها كوبايتين بس اللي هما التيك اواي و حطت في كل واحد معلقه
نعيمه…بابتسامه واسعه من اثار الضحك انتي ليه عملالهم في الكوبايات مافي كوبايات قد كده جوه.
نادين….ايه ده انا مش بحب الكوبايات دي
ايه….انتوا هتقرفوني ليه هحدفك بيه
نادين…..روحي غيريها مش هشرب فيها
ايه…. طب بصي بقي انا مش شغاله عندك و يلا بقي
حدفت الكوبايات علي نادين و بسرعه بديهه من ميدو لما شافها هتحدف خد نادين في صدره و قام بضهره للكوبايات وخباها بجسمه
عسال….لا لا لا
جريت ايه و هي بتضحك علي سلامه استخبت وراه
كلهم ضحكوا بصلها عسال بصدمه و استوعب اخيراً انه مقلب
عسال…..بابتسامه غيظ والله انتي ما عندك دم انتي و هو
نادين…..يا مجنووونه في حاجه جات عليك
عسال….بضحك لا فاضين متخافيش و الله العظيم قوات اتجننتي و لا ايه
سلامه…..اخويا راجل جدع و الله شايفه يا ست نودي كان هيتحرق بدالك
نادين ابتمست بحب ليه
نادين….معلش اقعد دي مجنونه و معاها شهادة معاملة اطفال
نعيمه…..بضحك ميدو يا عيني وشه ابيض
فضل……بضحك لا لا لا
عسال….والله سيبت اعصابي
ايه…..بضحك طب خد بالك الكوبايتين دول فيهم
عسال….ابعدي يا مجنونه مش عايزين منك حاجه خلاص
ايه…..خلاص والله علي فكره بقي سلتمه والمصحف اللي قالي نادين بتنام فوقيها بمقلب
عسال…..ماهو واطي.
ايه….لا بس يعتمد عليه كان هيتحرق بدالك
عسال….بغيظ لا اسيبهالكم تحرقوهالي
ايه…..بضحك ايه خايف تتحرق و تلبس فيها
عسال….بعد الشر ما تيجي يا عم تاخد المجنونه بتاعتك دي من قدامي
نادين…..رخمه انتي و هو
فضل…..بقولكم ايه اسكتوا شويه عشان اقولكم حاجه و انت اعقل حبه انت وهي و اقعدوا
ايه…..خير يا معالي الوزير
فضل….بضحك يا بت اقعدي زوري وجعني والله ما قادر اتكلم
ايه….بضحح خلاص والله هسكت وانت قهد يا شيطان انت اللي بتشغلني
سلامه…..بضحك خلاص والله هسكت قعدوا و سندت ايه راسها علي كتفه رفع دراعه و ضمها
فضل….بص انت وهو هقولكم علي حاجه و مش عايز لا قلة ادب و لا عصبيه انا مكنتش اعرف اي حاجه غير قبل ما اجي علي طول
عسال….في ايه؟
فضل….امممم عشري عمل عمليه
البنات في نفس واحد…..ايييييييه
قامت نادين و ايه من حضن عسال و سلامه و في نفس اللحظه عسال و سلامه قعدوا علي حرف الكنب
عسال…..عمليه ايه ؟
سلامه….يعني ايه عمل عمليه و امته؟
فضل…..بالهداوه كده هو زي الفل متقلقوش
عسال….عمليه ايه يا فضل ما تخلص
فضل….الزايده كان تعبان امبارح اوي من الساعه.12 لحد خمسه الصبح و هو بيحاول يستحمل شغال مسكنات و كل ما ال جع يروح يفكر نفسه خف بس بعد كده المسكن معملش حاجه و كان خلاص مش قادر يتحمل اتصل علي محمود و قاله الحقني انا بموت جري محمود عليه و قابل علي وطاروا علي البيت خدوا و راحوا دخل عمليات علي سبعه او سبعه ونص الدكتور قالهم كانت خلاص هتنفجر
سلامه….مره واحده كده
فضل….بيقولي كنت كويس و محمود قالي الساعه عشره روحت ودتلوا عشاء و كان تمام مرضيش يعرف حد مننا و خاف يقول اقول قدامكم و رشيد وايمي يعرفوا فا يأجلوا سفرهم تاني عشان كده بقولكم محدش بقول انا مرضتش اقول لحسان عشان هو اللي هيوصلهم و ممكن يغلط قدامهم فا ركزوا بقي لحد ما يسافروا حرام كفايه عليهم مره
عسال….طيب هو في انهي مستشفي؟
فضل….لا في البيت المجنون روح بعد ما فاق علي طول روح علي 12 الضهر
عسال….انت بتهرج روح ايه وازاي اصلا رضيوا يخرجوا
نعيمه….ايوه صح خرج ازاي نادر احويا عملها و مخرجش غير بعد يومين
فضل….مرضيش خالص و بعدين كان قافل علي ليله
نادين….هي كانت نايمه معرفتش بعني غير لما روح
فضل…..لا اللي فهمتوا انها خرجت بعد ما هو اتصل بمحمود ولما شافته تعبان جريت عشان تلبس بسرعه بس محمود وعلي وصلوا فا خرج معاهم عشري و قفل عليها
نادين….بصدمه انت بتهرج سابها من الصبح لحد ما رجع و مخدهاش
فضل…..خاف تمشي و تسيبه
عسال…..خد بالك عشري دماغه فوتت خلاص اللي بيعملوا ده بيزود غضب ليله منه اكتر ازاي يسيبها كده دي اكيد كانت هتتجنن
فضل…..اه طبعاً هي كانت بره خالي بيتكلم معاها قالي انها بهدلت الدنيا لما رجعوا و علي كمان قالي لما نزلت انها كانت هتتجن و حقها بصراحه من خمسه ل12 متعرفش عنه حاجه و لا عارفه حصل فيه ايه و مش معاها موبايل و مقفول عليها علي بيقولي كانت منهاره وقالتله سايبني هموت وافتكرت جرالك حاجه
نعيمه…..حرام عليه ده وقف قلبها بجد ازاي تخيل انها تسيبه تعبان و تمشي مستحيل طبعاً هي اكيد مش طيقاه الوقت و هتطلعه علي عينه
فضل….بالعكس كانت هاديه خالص و هي اللي راحت صحته و خرجته ضحك بهدوء عشري بيقولي كانت حالفه ما هتعملوا اكل و قالت لعلي و محمود تعالوا بقي اهتموا انتوا باخوكم بس عملتلوا اكل و اهتمت بيه هديت تاني
عسال…..بصراحه انا مشفق علي ليله و دي حقيقه الفتره دي هي اعصابها باظت بما فيه الكفايه
فضل…..عشري قالي انها لو فكرت طول الفتره دي تمشي او تلاقي طريقه تمشي بيها مش هيزعل بس المرادي لو كانت مشيت كان ممكن الموضوع بجد يبوظ هو خاف تسيبه في عز احتياجه ليها خاف ان غضبها يخليها تمشي و تلاقي انها فرصه قالي كنت هتوجع منها اوي و احتمال مقدرش اديها نفس العذر فا هو خاف من رد فعله هو لو عملت كده عشان كده قفل عليها
سلامه….طيب هو عامل ايه ؟ هو بجد مكانش ينفع يخرج علي الاقل حتي كان استني يوم واحد
فضل….مرضيش والله بس هو اكيد تعبتن و باين عليه اوي بس كمان هيبقي افضل يومين تلاته و يبدأ يتحسن شويه و علي فكره بعد انهيارها ده خد المفتاح من محمود و اداهولها في ايدها و انا شايف انه لحد الوقت الدنيا تمام يمكن ليله زعلانه و اوي بس كمان انهارده لما شوفتها حسيت بخوفها علي عشري ليله جدعه و مستحيل تسيبه
نادين….الخوف يا فضل من انها تستني لحد ما يقف علي رجله و تعمل اللي عليها وتمشي
فضل….يمكن بس كلام خالص طمني هو اتكلم معاها كتير بره و قال يعني انها سمعته ومعلقتش خالص علي كلامه بس كانت هاديه و سمعته و حس انها اقتنعت.
عسال…..ربنا يستر بقي و ميحصلش زي ما قالت نادين لان بردوا السكوت ده ميطمنش
سلامه…..مستحيل تبعد يا عسال ليله لو كرهت عشري او حتي بلاش كرهته لو شايله منه لدرجه انها مش عايزه تتعامل معاه مش هتستني لحظه وزي ما الحرق بتاع نعيمه خلاها هاديه معانا احتمال كبير تعب عشري و احتياجه ليها يخليها تنسي الوجع و قلبها يحن في النهايه اي شخص فينا لما بيحب بيبقي ضعيف قدام تعب او وجع اللي بيحبه مهما كان زعلان منه.
ايه….علي فكره سلامه بيتكلم صح هي كانت مضايقه جداً من نعيمه.و سمعتخا بهدوء كلام يوجع بس مننكرش ان كلنا كنا متوقعين اكتر من كده بكتير كمان طلب ليله من ايمي انها تجيبلها حجات تانيه معناه انها هديت شويه
نادين….وليه متكونش مثلاً بتحاول توصلنا انها فعلاً هديت و بتثبتنا انها يعني بتنقل باقي حاجتها
سلامه….لا يا نادين ليله مش مضطره تعمل كده انا بعترف اني لو حصل مواقف شبه دي معايا و مصمم اني مش عايز اعرفكم او زعلان منكم اوي مش هتنازل عن قراري و وليد قالها تعبه اللي خلي ليله ترجع تكلموا تاني لو كانت رجعت تكلموا عشان اخوها وتعبان و دي الاصول كان لما خف بعدت عنه تانب او عملت مسافه اكبر بينهم لكن لا هما رجعوا تاني عادي و بردوا هي بتعيش نفس الموقف مع عشري هي مقعدتش عشان تعمل اللي عليها
هي قعدت عشان خافت عليه و جايز تعبه ده بجد يقربهم تاني من بعض
فضل….صح و ده اللي انا شايفه
نعيمه….كمان احتياج عشري ليها في تعبه يعني انه ياكل ياخد علتج يقوم يقعد كل دي حجات هتخلي المسافه اللي ليله حطتها تختفي شويه شويه
عسال…..طيب سيبونا الوقت من كل ده انا عايز اطمن علي عشري علي الاقل اتصل بيه
فضل….اتصل علي فكره انا قولتلها هبقي اطمن و اتصل و لو حد من اخواته طلع هطلع معاه قالتلي ده بيتك وتعالي اي وقت كانت هاديه خالص يمكن نظرتها ليا اول ما دخلت كان فيها عتاب بس بعد كده حسيت انها احسن
سلامه….طيب ما تكلموا كده و شوفوا
عسال….ماشي استني.
اتصل عسال علي ليله كانت نايمه بره علي الكنبه و راحه في النوم اول ما سمعت جرس الموبايل قامت بسرعه بصت حواليها وبعدين ركزت انه الموبايل و لمحت اسم عسال مكانتش عارفه ترد ولا لا بيتصل عادي و لا عرف و قررت ترد و تشوف الاول هيقول ايه.
ليله…احممم الووو
عسال…اااا ليله ازيك يا ليله
ليله….تمام يا ميدو انت اخبارك ايه
عسال….انا تمام انا اسف هو انا صحيتك صح
ليله….لا ولا يهمك
عسال…فضل قالي ان عشري عمل عمليه احنا لسه عارفين الوقت
ليله….ايمي و رشيد عرفوا
عسال…..لا لا متقلقيش معرفوش انا هنا عند نعيمه و معايا سلتمه و ايه و نادين و فضل نبه علينا متقلقيش المهم طمنيني هو كويس
ليله….احسن هو نايم بس شويه يبقي كويس و لما المسكن بيروح الجرح بيشد عليه
عسال….بس يعني الجرح بخير و هو كويس
ليله….اه اطمنوا هو بخير لو كان صاحي كنت خليتك تكلموا اااا بقولك ايه استني هو كده كده في معاد دواء لازم ياخدوا الساعه عشره خليك معايا هروح اصحيه و كلموا.
عسال….طيب معاكي
قامت ليله بهدوء مشيت في الطرقه و فتحت بهدوء الباب و قربت منه بصوت هادي
ليله….عشري عشري
عشري…اممم
ليله….قوم يلا عشان في دواء لازم تاخده و خد كلم عسال عايز يطمن عليك
عشري….مين
ليله….عسال يا عشري ميدو
عشري….رشيد عرف
ليله…لا لا متخافش خد هو معاك اهو
عشري…بصوت باين عليه التعب الوووووو
عسال…..ايه يا حبيبي الف سلامه عليك
عشري….الله يسلمك يا ميدو..
عسال….طمني عليك احسن
عشري….زي الفل متقلقش مين عرف غيرك
عسال…..سلامه و نعيمه و نادين وايه احنا هنا مع فضل بنطمن علي نعيمه و متقلقش رشيد وايمي معرفوش حتي حسان معرفش لانه هيوصلهم المطار هنبقي نعرفوا لما يوصلهم
عشري….طيب تمام اكد بس علي البنات محدش يقول
عسال….طيب تمام متقلقش انت المهم مش محتاج اي حاجه
عشري….لا يا حبيبي انا زي الفل و مش عايز غير سلامتك
عسال…..طيب يا حبيبي انا مش هطول عليك عشان متتعبش الكل هنا بيسلم عليك
عشري…..سلم عليهم كتير
عسال….طيب يا حبيبي يلا روح ارتاح انت
عشري…..سلام يا ميدو
عسال….سلام.
قفل عشري الموبايل و سابه جنبه علي السرير دخلت ليله تاني عليه
ليله….يلا قوم عشان تاخد العلاج
عشري…..اااااه
ليله….واحده واحده عشري هو المفروض الجرح يتغير عليه امته
عشري….مش عارف
ليله….مسمعتش الدكتور
عشري…..مكنتش مركز معاه كنت عايز اخرج بأي طريقه خو بس قال لو جات عليها مايه لحد قبل ما اروح تتغير عادي يعني هي هتفضل موجوده لحد ما اروح و يبص علي الجرح
ليله….طيب هو علي جايب في شنطه العلاج غيار و حجات كده ممكن اشوف الجرح انا بصراحه خايفه يكون جه عليه مايه و بعدين انت قعدت و قومت كتير انهارده خايفه يكون الجرح فيه حاجه.
عشري…..مفيش مايه جات متقلقيش
ليله….طيب هشوفوا بردوا هتخسر ايه مش هوجعك متقلقش
عشري…..عارف والله بس بلاش انهارده احسن يكون اتفتح ولا حاجه
ليله…..ليه انت حاسس انه اتفتح طب خليني اشوف
عشري…..ليله بكره بالله عليكي
ليله….عشري هو انت خايف الجرح يكون في حاجه و تضطر تروح المستشفي
عشري….اه يا ليله خليه زي ما هو كده بقي لحد ما اروح بعد اسبوع اشوفوا
ليله….لا انت اتجننت رسمي يا عشري يعني عادي تقعد بجرح مفتوح او في مشكله المهم متروحش المستشفي انت صغير يا عشري
عشري….ليله انا مش هروح في مكان و اسيبك ماشي سبيني في حالي بقي
ليله…اااااه يعني مشكلتك مطلعتش في المستشفي زي ما قولت انت مشكلتك فيا انا
عشري….اه يا ليله ارتاحتي مشكلتي فيكي انتي. لو اليومين اللي انتي قعداهم معايا دول لحد ما اخف اخر يومين مش هتنقل من هنا و اسيبك تمام كده
ليله….انت جرالك ايه ياعشري انت بجد اتجننت خوفك من اني اسيبك خلاك مبتفكرش خالص في نفسك لا هامك انك تعبان و لا هامك صحتك وسع ايدك كده و خليني اشوف الجرح و متقلقش لو في حاجه هاجي معاك المستشفي ده لو حضرتك يعني مقفلتش عليا
رفعت التيشرت و قامت بهدوء قعدت جنبه و بدأت تشيل البلاستر
عشري….ااااه براحه
ليله…انا لسه مجتش جنبك اصلاً
عشري….انتي بتزعقي ليه
ليله…..مش بزعق
عشري….لا بتزعقي و متعصبه عليا كمان
ليله….عشان تعبت منك انا لو بتعامل مع ولاد قمر الصغيرين كانوا سمعوا الكلام اكتر منك
عشري…..انا اعيل منهم ارتاحتي
ليله….ابعد ايدك
عشري….لا
ليله…..هشدها مره واحده
عشري…..والله بتوجيعيني يا ليله
ليله….بهدوء بصتلوا طب خلاص شيل ايدك و هشيلها براحه
شال ايده هو لا كان موجوع ولا هي بتوجعه هو كان خايف يكون الجرح فيه حاجه.
سحبته بهدوء و شالت الغيار كله بصت علي الجرح كان في خط بسيط لكن الجرح كان كويس
ليله….الحمد لله الجرح كويس
بصلها بهدوء و سكت بس كان فرحان
نضفت حواليه بهدوء و عقمت المكان و رجعت حطت غيار جديد و نزلت التيشرت.
عشري……خلاص كده ارتاحتي
ليله…..اه عندك مشكله
عشري…..لا و وسعي كده
ليله….رايح فين
عشري…..اييه رايح الحمام
ليله….طب قوم براحه تعالي يلا
عشري….لا هعرف اروح لوحدي
ليله…والله طب كويس اوي يلا وريني شطارتك.
عشري….طب وسعي كده و شيلي العلاج ده
ليله…..تمام ادب العلاج اهو يلا وريني شطارتك بقي.
بعدت عنه و وسعت المكان و بصتلوا
قام بصعوبه و هو بيسند و فضل يمشي بهدوء و قفت و قربت شويه منه
سند علي الحيطه ثواني
ليله…..هات ايدك يا عشري
عشري…بصلها بعند لا مش هجيب ايدي متخافيش هعرف اتحرك و اعمل كل حاجه لنفسي
ليله….بجد طب كويس والله
فضل يمشي بهدوء لحد ما دخل الحمام.
ابتسمت ليله بهدوء و كانت عارفه انه بيحاول يثبت لنفسه انه قادر يتحرك من غيرها كان عايز يعرف لما يبطل يحتاجلها هتمشي و تسيبه زلا لا و هب كانت فاهمه دماغه سابته يحاول مع نفسه و في نفس الوقت كانت هتتجنن عليه و مراقبه حركاته و هو بيمشي عشان تسنده لو حست انه محتاجها.
خرج بهدوء و بصلها
ليله…..بابتسامه براڤو يلا بقي و ريني شطارتك و انت بتتمشي لوحدك
عشري….بنظره غيظ و غضب بسيط ااه هوريكي و سعي من قدامي
مشي من جنبها و سابها ضحكت بهدوء و فضلت باصه عليه خرج في الطرقه و هو بيتسند و هي واقفه قدام الباب مربعه ايدها و ساندها كتفها علي الباب و مبتسمه و رافعه حاجبها كل ما يلف و يبصلها نظراتها ليه تخليه يعند و يتحرك اكتر .
ليله…..شكلك تعبت اقعد ارتاح شويه
عشري….خليكي في حالك متعبتش
ليله….بابتسامه طب والله شاطر كمل.
مشيت من جنبه و خرجت علي بره راحت علي المطبخ تعمل قهوه و بعدين رجعت وقفت في اول الطرقه
ليله…..فين مفتاح الروف عشان اطلع احط اللبس ولا لسه مش مسموح
بصلها و سكت ثواني
ليله….ايه محمود مجابوش
عشري…..لا اتصلي عليه و خليه يجيبه
ليله….بأبتسامه و ماله
دخلت تاني جابت قهوتها و راحت قعدت علي الكنبه اللي قدام التلفزيون حطت قهوتها و مسكت علبه السجاير و لعت سيجاره و اتصلت علي محمود قالتله علي المفاتيح وقفلت بصت عليه لاقيته بيتمشي في الطرقه وهو عينه عليها
و بعدين خرج من الطرقه فضل يتمشي في الريسيبشن بهدوء وقف سند علي كرسي الباب و بصلها
نفخت الدخان بهدوء و ابتسمت كان في بينهم مسافه كبيره يعني الدخان مش واصل ليه .
اول ما لمحته مسك علبة السجاير بتاعته قامت بسرعه و قربت منه و خدتها من ايده بصلها
عشري….بتعملي ايه ؟
ليله….انت اللي بتعمل ايه؟
عشري….هاتي السجاير يا ليله
ليله…..لا انت عبيط سجاير ايه و انت تعبان كده
عشري….انا مش تعبان
ليله….لا تعبان و لو حضرتك نسيت تعليمات الدكتور الورقه انا لزقاها علي الثلاجه روح شوفها يمكن تفتكر من ضمن الممنوعات التدخين و القهوه و الشاي و الصودا بكل انواعها
عشري…..امممم طيب هاتي السجاير و اسمعي الكلام
ليله….بعدت كام خطوه لوراء و ان مسمعتش الكلام هتعملي ايه فامر انك هتقدر تيجي و تاخدها مني وكده
عشري….ليله متبقيش رخمه انا مشربتش من امبارح
ليله….ومش هتشرب غير لما تخف
عشري….طب انا زهقان
ليله….ليه بس زهقان قولي زهقان من ايه ما انت بتتحرك اهو و قومت من علي السرير و الدنيا حلوه
عشري…..ليله انا بجد زهقان و مش واخد علي كده انا قاعد بقالي كام يوم مش بتحرك و شغلي مش بنزله و انا عمري ما قعدت في البيت الوقت ده كله و زاد عليا التعب انا حاسس انب محبوس
ليله….بضحكه عاليه هزت راسها و هي بتشرب السيجاره يا اخي بيعجبني الدنيا و هي بتدور كده ده امبارح كنت لسه بقول نفس الكلام زهقت و اتخنقت و حاسه اني محلوسه و مش متعوده اقعد من شغلي و انت رفضت اني اشوف شغلي حتي لو بالموبايل ده ربك ده عادل والله جرب بقي يا حلو
ابتسم بغيظ و بصلها
عشري….بترديهالي يعني
ليله….هو انا عملت حاجه انت اللي قولت زهقت و قولت نفس اللي كان مزهقني بالظبط انا بس برد عليك
عشري…..ايوه بس انتي في ايام بتيجي عليكي مش بتنزلي عادي انما انا يومياً في الشارع و بشوف شغلي مش بقعد
ليله….معلش ريح بقي شويه و جرب
عشري….انتي شمتانه فيا يا ليله صح؟
ليله….بابتسامه انا تعرف عني كده ده انت صعبان عليا والله
عشري…..بنظره غضب لا ميصعبش عليكي غالي و بعدين صعبان عليكي ليه مش عارف امشي انا قدامك اهو كويس يعني متشيليش همي و لا اصعب عليكي انا زي الفل
ليله….بأبتسامه طب دي حاجه تفرحني علي فكره
عشري….طب هاتي السجاير يا مستفزه
ليله….بضحك لا و بطل ترغي كتير عشان مش هتاخدها
عشري…..اوووووف طب انا زهقان
ليله…بضحك بسيطه تعالي اقعد اتكلم معايا تعالي اتفرج علي التلفزيون او اقولك تعالي نلعب ولا لا انت مش هتقدر اممممم اشغلك فيلم في السينما
مسك علبه دواء من جنبه و حدفها عليها بغيظ بعدت وشها و فضلت تضحك
ليله…..ايه ضابقتك كل الحلول دي مع انها طلعت منك امبارح ليا بس هو البني ادم كده يا اخي بيحب يرضي علي غيره اللي ميرضهوش علي نفسه يلا ربنا يهدي.
عشري….انا هخف يا لياه ماشي و ديني ما هسيبك
ليله….بضحك ماشي مستنياك وكل مشي يلا بطل دلع
بصلها بغيظ و فضل يتحرك بهدوء
وهي بتضحك في صمت .
…………………..
في منزل ايمي و رشيد علي الساعه 12 كانوا واقفين قدام السرير بيقفلوا في الشنط و معاهم الحاجه اللي خدوها من والدته لاخته بيحطوها في الشنطه
رشيد….ايمي انا كده كله تمام ناقصك حاجه
ايمي….هو انا خلصت بس مش عارفه ليه حاسه اني ناسيه حاجه
رشيد….طيب براحه كده شيكيي علي حاجتك و لفي لفه في الاوضه
ايمي….ااا بقولك ايه انا حاسه اني مش هقدر البس الچاكت ده و هبقي حرانه الجو مش برد للدرجه
رشيد….الحو بره فظيع ده اولاً ثانياً لما نوصل هناك درجة الحراره تحت الصفر يعني هتبردي
ايمي….اممم طيب بقولك ايه اكدت علي التذاكر و الباسبورات و كل حاجه
رشيد….متقلقيش في الشنطه الصغيره بتاعتي كله تمام
ايمي….هو حسان جاي امته
رشيد….علي واحده هيكون هنا طيارتنا اربعه و نص
ايمي….طب واحنا هنروح بدري كده ليه الجو رايق و هنوصل المطار علي طول
رشيد…معلش كده احسن و بعدين علي ما نوصل و نخلص كل الاجراءات براحتنا هنلاقي الوقت جري
ايمي….طيب
رشيد….لحد ما تشوفي كده لو ناقصك.حاجه انا هروح ابص علي كل حاجه واقفل الشبابيك و الابواب كلها و الغاز والمايه عشان مننساش حاجه
ايمي…..اوك تمام.
عدي الوقت بسرعه و وصل حسان علي الساعه واحده و ربع.
نزل رشيد فتحلوا وسلم عليه.
حسان…..ايه جاهزين
رشيد….اه تمام
حسان….طيب فين الشنط ؟
رشيد….انا نزلتها كلها تحت استني هروح اجيبها و انادي علي ايمي
حسان….طيب يلا اديني بس الشنط الاول احطها في العربيه.
رشيد….اوك ثواني .
دخل رشيد جوه جاب الشنط و خرجها في الجنينه و فضل حسان رايح جاي حطهم في الشنطه بتاعت العربيه كان معاهم ثلاث شنط
طلع رشيد علي فوق
رشيد….حبيبي حسان وصل و خد الشنط فاضل كتير
ايمي….بصتلوا وهي راحه جابه و متوتره انا خلصت خلاص اهو
رشيد….انتي مالك ملخومه كده ليه
ايمي….حاسه اني ناسيه حاجه
رشيد….انتي حطيتي كل حاجه خلاص يلا و حتي لو نسيتي اي حاجه هنجيبها من هناك خلينا نمشي بقي عشان منتأخرش
ايمي….طيب اوك يلا
قفلوا الاوضه كويس و بعدين نزلوا
كانت لابسه بنطلون چينز غانق و عليه چاكت بامب و كوتشي و شكلها كان يجنن صغنونه خالص جنبه
نزلوا علي تحت قفل رشيد الباب الداخلي و اتحركوا في الجنينه حسان كان واقف بره.
ايمي…..يا حساااان
حسان….بابتسامه اهلا بالعروسه اللي اخيراً رايحه شهر العسل
ايمي….بضحك شوفت بقي النحس اتفك
حسان….لا يا ستي لا في نحس ولا حاجه هتسافري و هتتبسطي و كله تمام
ايمي….حسان بالله عليك ركز مع المجانين دول كلهم و لو حصل اي حاجه اوعي تخبي عليا
حسان…..متقلقيش و عموماً ان شاء الله مش هيحصل اي حاجه انتي بس اتبسطي و ركزي مع نفسك و مع رشيد
رشيد….بابتسامه وهو بيقفل الباب بره قولها و وصيها عليا يا حسان
ايمي….بضحكه تجنن لا وصيه عليا انا يا حسان
حسان…..هو مش محتاج توصيه اصلاً المهم ناسين اي حاجه
ايمي….هو لحد الوقت لا بس عموما حاسه اني ناسيه حاجه
رشيد….ياعم كله تمام هي اللي موتره نفسها يلا خلينا نمشي و امسك كده مفتاح البيت خليه معاك عشان لو حصل اي حاجه
حسان…..تمام يا صاحبي كوبر خلاص عند ايه صح
رشيد….اه روحنا الصبح و خدته خلاص فتح الباب اللي وراء يلا حبيبي اركبي
ركبت ايمي و قفل عليها و طلع هو قدام و ركب حسان و اتحركوا.
رشيد….ها قولي عملت ايه انت و سلمي اتفقتوا
حسان….بكره ان شاء الله تامر هيجي و يبص علي البيت و هنشوف سلمي هتعمل ايه و بعد كده هشوف تامر هيبدأ امته
رشيد….علي فكره تامر نشيط في شغله و معاه تيم ماشاء الله يعني مش هياخد وقت
حسان….المهم بس سلمي تستقر لان هي لحد الوقت متردده و عندها مشكلها كارثيه في موضوع المقاسات جننتني انهارده
ايمي….لا ربنا معاك سلمي و نعيمه متعبين جداً في قراراتهم خد بالك انا بكره نفسي لو نزلت اشتريت حاجه معاهم
حسان….اه ما انا عرفت انهارده تقولي مش مهم يعني كام سم لو زودناهم او نقصناهم
رشيد….لا انت سيبها بقي منها لتامر في النهايه لازم تمشوا علي مقاساته هو عشان الشغل بتاعه ميبوظش
ايمي….احنا يوم ما نزلنا نختار بعد ما خد هو المقاسات و استقربنا علي الالوان كان هو عنده شغل و معرفش يجي معانا بس بعتنا علي ممان تبعه بصراحه كان يجنن خدنا ورقه المقاسات و التزمنا بيها و كلمناه وقتها ڤديو كول يختار معانا ويدينا رأيه
حسان…..ما انا هعمل كده لان لو مشيت وراء سلمي هنبوظ الدنيا
رشيد…ان شاء الله تخلصوا بكره و تستقروا علي كل حاجه و تبدأوا علي طول و نفرح بيكم و نفرح بعشري و ليله كمان
حسان….صحيح انت كلمت عشري انهارده
رشيد….لا طول اليوم كنا مشغولين بصراحه و قولت كفايه رخامة ايمي علي ليله نسيبهم لوحدهم شويه بقي
ايمي….بابتسامه لا ما احنا نوصل بس المطار و نخلص هتصل ارخم عليها
رشيد….بضحك با بنتي سبيها في حالها بقي
ايمي….هسلم عليها هتوحشني هي و البنات
حسان….ان شاء الله تروحوا و ترجعوا بالسلامه و علي ما تيجوا كده يمكن يكون الاوضاع بينهم هديت اكتر ونفرح بيهم هما الاول
ايمي…..يارب يا حسان.
………………
في منزل ايه
وصلها سلامه علي الساعه 11 ونص و مشي طلعت ايه كان كلهم فوق
و تامر كان متعصب جداً عشان في حاجه في الشغل بتاعه مش لاقيها ورقه مقاسات فكان علي اخره
طلعت ايه و فتحت الباب و دخلت علي صوت احمد.
احمد…..يا ابني محدش لعب في اوضتك دور عليها كويس هتلاقيك شايلها في اي مكان
سلمي…..انا والله ما شوفتها طيب بص عليها كده في محفظتك يمكن تكون طبقتها و شيلتها و نسيت
تامر….يا بنتي بقولك كانت في الشنطه بتاعتي
ايه….مساء الخير ؟
احمد….مساء النور يا حبيبتي طمنيني نعيمه كويسه
ايه….اه أحسن الحمد لله
سلمي…..عامله ايه يا قلبي
ايه….بخير في ايه مالكم
سلمي….في ورقه شغل ضايعه من تامر بيدور عليها
احمد….مشوفتيش اي وقه مكتوب فيها مقاسات يا ايه
ايه….و هي بتقلع الچاكت لا والله انا اصلا مش بدخل اوضه تامر خالص
خرج تامر و هو باين علي وشه العصبيه دور في درج في مكتبه التلفزيون ملقهاش
ايه…..طيب شوفها في دولابك
تامر….انتي مش كنتي بتدوري علي السويت شيرت بتاعك الاسود عندي
ايه….ايوه بس مجتش جنب حاجه بصيت و لما ملاقتش خرجت و مكانش في اي ورق
تامر….انا شايفها الصبح قبل ما انزل و انتي اللي دورتي بعدي علي السويت شيرت
ايه….هو انت مش لاقي حاجه تلبسها فيا بقولك مشوفتش ورق دور كويس انت اصلا علي طول اوضتك مليانه ورق و كشاكيل في كل مكان و عمري ما لمست حاجه منهم
تامر…..بغضب لا بتلمسي و علي طول راحه جايه في كل الاوض و بتنكشي فيها زي العيال الصغيره و الف مره اقولك بطلي تلعبي في حاجتي و انتي ولا هنا و بعدين هو انتي كنتي فين كل ده يا ايه هاااا الساعه داخله علي 12
ايه….بضحكة سخريه اه خرجنا من الورق هندخل في حاجه تانيه
تامر…..بغضب علي فكره انا مبهزرش الوقت اتأخر كلنا في البيت وانتي بره
بصتلوا ايه بخوف بسيط
ايه….انت بتزعق كده ليه انا كنت عند نعيمه
احمد…..انت في ايه ولا ايه و بعدين انت مالك هي كانت فين انا عارف
تامر….يعني ايه حضرتك عارف وانا مليش لازمه يعني ابقي انا في البيت و هي لسه بره في الجو ده
سلمي….في ايه يا تامر انت هتطلع عصبيتك عليها و بعدين ما انت بتتأخر اوقات كتير انت راجع بدري بس عشان مش لاقي ورقتك
تامر….ارجع بدري ارجع متأخر انا في شغلي و مش بلعب وراجل انما الهانم فين كل ده
احمد….تاااامر الدنيا ليل وطي صوتك و ملكش دعوه بأيه
تامر….يعني انا اللي غلط الوقت
ايه….هو في ايه يا تامر انا مش اول مره اتأخر و بعدين ما احنا بنسافر كمان لوحدنا وانت مبتبقاش معانا و عمرك ما اعترضت و بعدين سلامه وصلني لحد الباب تحت
تامر….اااااه يعني سلامه كمان كان معاكي طب كويس طمنتيني بقولك ايه انهارده اخر مره تتأخري بره مفهوم
احمد…..خد بالك هتعصب عليك انا ساكت عشان عارف انك مضايق
تامر…..الساعه 12 يا بابا و الهانم لسه راجعه وكل ده كانت مع سلامه ده خطيبها مش جوزها
ايه….وانت ايه اللي مضايقك ابقي مع سلامه ولا مع نفسي بابا عارف اصلاً و كل شويه يتصل بيا او اتصل بيه انت مالك بتدخل ليه
تامر….نعم يا اختي انتي عبيطه يابت انا مالي ؟ طب بصي بقي من انهارده مفيش تأخير تخلصي شغلك و ترجعي و مفيش سلامه تاني لما تبقي مراته ابقي اخرجي براحتك معاه غير كده اياك اشوفك معاه و ترجعي في وقت متأخر زي ده و الا والله حتي شغلك هتقعدي منه
احمد…..تااااااامر انت ايه اللي جرالك اتفضل غور من وشي و حسك عينك طول ما انا عايش اشوفك تتكلم بالطريقه دي مع حد من اخواتك انت اتجننت شكلك.
تامر….يعني ايه يا بابا مش من حقي احكم عليهم
احمد….لا مش من حقك لما اموت و حتي لما اموت ليهم عندك نصيحه نش اكتر و تبقي سند ليهم انما اكتر من كده لا اخواتك مش صغيرين
بصتلوا ايه بزعل و دخلت علي اوضتها.
سلمي….علي فكره انت معندكش دم يا تامر عشان دي مش طريقه تتكلم بيها اختك و متطلعش غضب اهمالك فيها انا لما كلمتك انهارده قولتلي ان ايه كلمتك و سألت عليك و عرفتك انها هتروح لنعيمه و سلامه و فضل و عسال هيكونوا هناك يعني انت عارف اختك كانت فين كويس
تامر….خلاص بقيت انا اللي غلطان الوقت
بصتلوا سلمي بغضب و سابته وراحت وراء ايه.
احمد….انت ايه اللي جرالك يا تامر
تامر…..يا بابا هي اللي بتدخل اوضتي و دي ورقه شغل مهمه لازم الاقيها
احمد….اختك ملهاش دعوه هي لو شافتها مش هتلمسها ولو شافتها او لمستها هتقولك فين بس اللي انت عملتوا ده غلط انت بتقلل مني قبل ما تطلع غضبك عليها وايه اللي دخل خروجها او رجوعها في ورقه شغلك اخواتك مبيتحركوش خطوه غير لما ببقي علي علم بيها و هما عشان بيحترموك بيعرفوك انت كمان يعني لازم تحترم ده كويس و تقدره احترامهم ليك حاجه مينفعش تخسرها واوعي تفكر اني من الابهات اللي بيحددوا معاد لولادهم هما عارفين كويس حدودهم و خد بالك انا اتصلت بيها وهي هناك و سلمت علي نعيمه و كلمت فضل وسلامه و سلمت عليهم كلهم و كانوا قاعدين مع بعض عادي اختك شويه و هتبقي مراته والتانيه انت بكره رايح معاها شقتها عشان تجهزها و الشباب محترمين وعارف انهم بيحترموني و بيحبوا اخواتك و بيخافوا عليهم و سلامه اللي ضايقك اوي كده بقي صاحبك و قريب منك و بيتهيألي انك شاب زيه و الشباب بيفهموا دماغ بعض ولو انا كبرت و خرفت انت تفهم اكتر مني اذا كان هو محترم و لا لا أمين علي اختك ولا لا روح يلا دور علي ورقتك و لما تلاقيها تروح تعتذر لاختك الصغيره
بصلوا تامر بهدوء و سابه و دخل تاني علي اوضته.
…………
سلمي…..والنبي ما تعيطي ده جزمه ده هو بس متعصب بسبب الورقه والله
فضلت ايه تعيط و مردتش عليها
خبط احمد ودخل لقاها بتعيط اتعصب من تامر اكتر
قرب منها بهدوء و خدها في حضنه
احمد…..باس يا حبيبة قلب ابوكي ده انا هطلع عينه بس يلاقي الورقه بتاعته و انا هربيه متعيطيش
سلمي….خلاص بقي يا يويو والنبي حمودي جاي يصالحك بنفسه
احمد….اقوم اضربه و اكسر عضمه و لا اقولك تعالي انا و انتي ندخل نقطعلوا باقي الورق بتاعه ويلا خليه بقي بدل ما بيدور علي ورقه يقعد يلطم علي ورق شغلوا كله
ضحكت ايه من بين دموعها
احمد….خلاص بقي عشان خاطري انا متزعليش منه هو بس متعصب عشان دي ورقه مهمه و بعدين انتي عارفه كويس انه بيثق فيكم و عمره ما رخم علي اي حد منكم هو بس مضايق من الورقه اللي ضاعت
ايه….خلاص مفيش حاجه والله
احمد…ماشي يا حبيبتي يلا انا هقوم ادور علي الورقه دي بره هو اكيد حطها في اي مكان
سلمي….روح يا حبيبي وانا هاجي الوقت ادور معاك
احمد…..ماشي
خرج احمد و سابهم
سلمي….متزعليش يا قلبي عشان خاطري انا
ايه….خلاص والله مفيش حاجه
سلمي…..طب موبايلك بيرن
طلعت ايه موبايلها من الشنطه
ايه….ده سلامه
سلمي….طيب اخرج و تردي عليه
ايه…لا لا مش هرد عليه الوقت
قفل و اتصل تاني
سلمي….ردي طيب يمكن في حاجه ولا روح و عايز يقولك
ايه….لا ملحقش يروح و بعدين هياخد باله من صوتي سبيه شويه و هكلموا او ردي عليه انتي قوليله شويه و هكلموا.
سلمي….طب هاتي الووو
سلامه….اااا الوووو اا سلمي
سلمي….بابتسامه ايوه يا سيدي سلمي اخبارك ايه يا سلامه
سلامه….بابتسامه زي الفل انتي ايه اخبارك
سلمي…..كله تمام والله
سلامه….فين المجنونه مش فاضيه ولا ايه
سلمي….لا بس شويه كده وهتكلمك
سلامه….خير في حاجه ولا ايه
سلمي….بابتسامه لا مفيش بس مبوزه شويه شدت هي وتامر
سلامه…..ليه في حاجه حصلت و لا عشان اتأخرت
سلمي….لا لا هو بس متعصب عشان في ورقه بتاعت الشغل بتاعه ضايعه و طلع غضبه فيها متقلقش بسيطه
سلامه….طب اديهالي يا سلمي قوليلها هقولها حاجه
سلمي….بضحك مش هترضي يويو سلامه عايزك ضروري
ايه….شويه و هكلموا والله
سلامه….بابتسامه ايه ده دي بتعيط لا اديهالي
سلمي….بضحكه هاديه امسكي عايزك ضروري انا هروح ادور مع بابا و تامر و ارجعلك
خدت منها الموبايل و استنت اول ما قفلت عليها
ايه….الوو
سلامه…..قلبي يا ناس في ايه بس؟
ايه….بدموع مفيش
سلامه….حبيبي اهدي طيب حصل ايه لكل ده
فضلت تعيط زي الاطفال و مش عارفه ترد
سلامه….طب اهدي وحياتي كل ده عشان الورقه ولا في حاجه تاني
ايه…..بدموع انا معرفش طلعت علي صوتهم و هو متعصب و بيدور علي الورق كل اللي قولته دور كويس اكيد انت ناسي هي فين فضل يزعق و يقولي انتي اللي كنتي بتدوري علي السويت شيرت بتاعك الصبح اكيد ضيعتيها و بعدين فضل يزعق اني اتأخرت كل ده و قالي اياك تتاخري تاني و لو اتأخرتي مفيش شغل
سلامه….يعني هو مضايق انك كنتي معايا طيب
ايه….هو متعصب عموماً يا سلامه و اصلاً هو عمره ما اتكلم في خروجي او تأخيري و بنسافر ديماً لوحدنا هو بس حب يتعصب وخلاص و بابا اصلا زعقلوا قالوا انت مالك انا عارف هي فين
سلامه…..طيب اهدي خلاص انا بكره لما يهدأ هتكلم معاه
ايه…..بغضب طفولي والله العظيم لا هبوظلوا كل ورق شغلوا و هتصل بكل البنات اللي بيكلمهم و هقولهم انه خاطب
سلامه….بضحك بس يا عبيطه بطلي هبل
ايه….هتشوف والله لا اضايقه زي ما ضايقني
سلامه….طب حقك عليا انا معلش هو يمكن في حاجه تانيه خالص مضيقاه تامر طيب اوي و يمكن الورقه دي مهمه
ايه….ميطلعوش عليا بقي انا مالي هو اللي مهمل و اوضته علي بعضها من ورق شغله
سلامه….معلش يا حبيبي اخوكي و لازم تتحمليه هو ان شاء الله يلاقيها و هتلاقيه جاي يصالحك اهدي بقي ولا اجي اضربه
ايه….تضرب اخويا واسكتلك يعني
سلامه….بضحك ما انا هضربه عشانك يا جزمه الحق عليا يعني
ايه….ملكش دعوه احنا اخوات
سلامه….بحب طيب يا ستي انا هخرج منها بطلي عياط بقي وقومي اغسلي وشك و معلش اهدي كده و هو الوقت يصالحك و بعدين تيمو طيب و غلبان والله
ايه….انت كنت عايز ايه صحيح؟ انت وصلت
سلامه….لا لسه بس معرفش والله كلمتك ليه بس حسيت ان عايز اكلمك عشان تعرفي بس اني بحس بيكي
ايه….ماشي يا عم الحساس
سلامه….انا عارف ايه اللي هيظبط مودك هي بوسه تخلص كل حاجه
ايه….بضحك بقولك ايه مش وقتك انت و بوستك يا قليل الادب
سلامه….بضحك ماشي يا صاحبي انا غلطان يلا روحي يا قلبي روقي كده ولما اوصل هكلمك
ايه….اوك ماشي
سلامه….باي يا قلبي
ايه….باي.
…………………
وصل حسان المطار ركن و نزلوا كلهم نزل هو ورشيد الشنط وحطوهم في عربيه
حسان…..يلا توصلوا بالف سلامه يارب
قرب منه رشيد و سلمه عليه و حضنوا
رشيد….حبيبي يا حسان عقبال ما اوصلك بتفسي كده انت و سلمي
حسان….حبيبي يا غالي ان شاء الله اجازه سعيده و توصلوا بالسلامه يارب
رشيد….ياري يا حبيبي
حسان….بايتسامه توصلوا بالسلامه يا احلي ايمي
ايمي….حبيبي يا حسان تعبناك معانا والله
حسان….تعب ايه بس بلاش هبل ده انا ما صدقت خلصت منكم
ايمي…بضحك ماشي يا عم شكراً لما نبقي نقعد بقي هناك متبقوش تقولوا اننا وحشناكم
حسان…..بضحك لا مش للدرجه اخركم كام يوم و ترجعوا انتوا و حشتونا من الوقت اصلاً
ايمي…لا ان شاء الله مش هنتأخر عليكم البنات في امانتك يا حسان
حسان…..ماشي يا ستي متقلقيش خدوا بالكم من بعض و طمنوني لما توصلوا
رشيد….اول ما اوصل هكلمك بامر الله و انت طمن الباقي ماشي
حسان….ماشي يا حبيبي يلا لا إله الا الله
رشيد….محمد رسول الله
ايمي….محمد رسول الله نشوفك علي خير و دعواتك ليا في الطياره اللي هركبها دي
حسان….بضحك لا متخافيش الوحش معاكي
رشيد…بضحك حبيبي الله يسترك
ايمي….علي مهلك
حسان….ربنا يستر يلا اشوفكم علي خير سلام
ايمي….باي
رشيد….سلام يا صاحبي
مشي حسان و مسك رشيد العربيه بتاعت الشنط و دخل هو و ايمي علي جوه
رشيد…..بقولك ايه احنا لسه قدامنا وقت بس خلينا نخلص من الشنط و نخلص كل الاجراءات و نشوف بقي هنعمل ايه لحد ما الطياره تطلع
ايمي…..طيب تمام يلا.
