لقاء كارثي
لقاء كارثي
ليله….يويو اطلعي يا قلبي اتبسطي واهدي متفكريش في اي حاجه مفيش حاجه اصلا المفروض تتعمل الاول شوفي البيت بعد ما اتفرش اتبسطي بيه بعدين خدي شاور غيري هدومك ظبطي الميك اب حطي برفيوم حلو هو كمان هيبقي خلص هتصلوا مع بعض ركعتين كده شوفي لو هتاكلوا اقعدي اتكلمي معاه شويه وهو اكيد هيتكلم معاكي وبس هتهدي وهتاخدي علي الوضع و انا واثقه ان سلامه مش هيخليكي تخافي
ايمي….بت انشفي كده ده انتي صاحبت ايمي
نادين….يويو انتي خايفه ليه المفروض انك بتحبي سلامه
ايمي….بضحك هتشلني مش بالحب يا اختي الحب ملهوش علاقه
ايه…..بطريقه مضحكه من وسط دموعها اهي الخبره قالتلك
نعيمه….بضحك بتقولها الخبره قالتلك بت والله ما تخافي انا عن نفسي هستني الباب يتقفل وانا اللي هخوفه
ايمي…. بضحك مش بقولك تربيتي
عيني عليك يا شيخ العرب
ليله….بضحك تربيه وسخه زي اللي ربتها يويو اهدي كده و سمي الله و متخافيش يا قلبي و لو احتاجتي اي حاجه اي وقت اتصلي عليا
ايمي……و انا كمان و متخافيش كده و انشفي و ياريت تبقي تطمنيني انا ممكن معرفش انام عشان رشيد هيروح الصبح للعمليه يعني كلها كام ساعه ماشي
ايه…..بخوف ماشي
البنات باسوها وحضنوها و حاولوا يمتصوا خوفها شويه اذا كان بضحك او هدوء او جد
شويه و بدأ الشباب تمشي و يسلموا علي سلامه قرب احمد من ايه ضمها اوي و هو قلبه هيموت عليها
احمد…..مبروك يا بنت قلبي ربنا يسعدك انتي وسلامه
ايه……الله يبارك فيك يا بابا
احمد….خدي بالك من نفسك و متقلقيش علي ميلو خالص
ايه….ماشي
الشباب كانوا بيسلموا علي سلامه و عمالين ينمروا فيه و يقلوا ادبهم هما كمان و يضحكوا و بعدين تامر قرب سلم علي ايه و نغم كمان سلمت عليها والكل بقي يسلم وهي عينها رايحه جايه علي سلامه كأنه شبح بيطاردها كانت مرعوبه بجد منه
احمد……مبروك يا حبيبي
سلامه…..الله يبارك فيك يا حبيب قلبي
احمد…..بتأثر خد بالك منها يا سلامه انت واخد روحي مني حافظ عليها عشان خاطري
سلامه…..متخافش عليها والله و بعدين المفروض توصيها هي عليا انا غلبان
احمد…بابتسامه متقلقش موصيها والله بس عشان خاطري حطها في عينك
سلامه…..متقلقش يا غالي والله في عيني وقلبي اضحك بقي يا حمودي بالله عليك يا عم ده انا مريحك من زنها و جنانها المفروض تشكورني
