لقاء كارثي
لقاء كارثي
عشري….بهمس انت كويس
حسان….قرب من ودن عشري كويس بس حاسس اني دايخ شويه
عشري…..بص لسلمي ابتسم لووومي هسرقوا منك خمس دقايق
سلمي….بابتسامه ماشي
حسان….ابتسم راجعلك بسرعه
سلمي…..ماشي يا قلبي
خرج عشري بره الدايره و حسان قدامه و خدوا و بعدوا شويه راحوا ناحية البوفيه
عشري…..اقلع الچاكت بتاع البدله ده
قلع حسان الچاكت خد عشري ازازه مايه
عشري…..امسك تغسل وشك كده و اشرب يا صاااحبي عايز عصير
ابتسم الشاب و هز راسه
عشري….امسك مناديل نشف وشك و فك الكرافته دي لو مضيقاك
حسان…لا لا انا بس حسيت اني اتخنقت انت عارف مش بحب الزحمه والدوشه دي
عشري….طيب فكها شويه و فك الزرار خد نفسك لحد ما تظبط و هنظبطها تاني
حسان…..انا تمام والله متقلقش
قرب عشري خد العصير و اداه لحسان
عشري….اشرب بقي هتبقي كويس انت مكلتش عدل اصلا
حسان….كلت والله انا مش جعان اصلا بس الشباب كلهم والبنات مقربين حسيت اني دوخت و اتخنقت
عشري….طيب فك بس الكرافته اللي خنقاك دي شويه
قرب حسان ايده فكها شويه وفتح الزرار
لمحهم رشيد من بعيد وراح عليهم
رشيد….في ايه
حسان….ولا حاجه يا صاحبي
عشري….داخ شويه بعدته عن الزحمه بس يروق كده
رشيد…. فيك ايه يالااا
حسان….ياعم ولا حاجه اتخنقت من الزحمه بس و خرجنا في الهواء
رشيد….طيب تعالي اقعد علي الكرسي
حسان…..مش عايز والله انا تمام
قرب رشيد من الكراسي خد كرسي و جابه لحسان
رشيد…اقعد
قعد حسان
عشري….اشرب العصير يلا
رشيد……هاتلوا حاجه ياكلها تكون حادقه يمكن ضغطه وطي
عشري…..انت ضغطك بيوطي ولا بيعلي يا حسان
حسان….بيوطي اغلب الوقت
رشيد….يبقي حادق زي ما قولتلك بلاش عصير بقي
عشري….طيب استني امسك الجاكت بتاعه يا رشيد
راح عشري بسرعه علي البوفيه يجبلوا حاجه حادقه ياكلها.
رشيد…..حاسس بايه
حسان….انا احسن والله الوقت الدوخه بدات تروح لما طلعت في الهواء
رشيد…..طيب تغسل وشك
حسان….غسلته الوقت
قرب عشري منه
عشري….امسك جيبتلك شويه زتون مفيش زيهم
حسان….بضحك انت اتصاحبت علي بتوع البوفيه
عشري….بضحك يعني بمشي حالي كده كل يلا
رشيد……شد حيلك كده يا عريس
عشري…. بضحك عريس ايه ده شكله هيفضحنا انهارده
حسان….بضحك اتلم يا وسخ منك ليه كله تحت السيطره
رشيد… بضحك سيطره ايه ونيله ايه الله يفضحك
