لقاء كارثي

مسكها من أيدها ونزل بيها علي تحت هو كمان كان حابب يطمنها و يخرجها من الاوضه و ينزلوا عشان تاخد راحتها شويه وتفك

نزلوا كانت ماسكه في ايده راحوا علي البار بتاع المطبخ

حسان….قوليلي بقي تاكلي ولا تشربي حاجه

سلمي….بس انا مش جعانه خالص

حسان….بس انتي مكلتيش كويس في الفرح

سلمي…..بس مش عايزه والله الوقت اصلا معدتي بتوجعني

قرب حسان باس خدها فا حس ان هي اترعشت

حسان….معدتك بتوجعك عشان انتي موتره نفسك و مفيش حاجه توتر و لا حتي في حاجه تكسف شكلك زي القمر و تجنني و الاهم انه مينفعش تتكسفي مني عشان انا بقيت جوزك قوليلي بقي القمر يشرب ايه

سلمي…. بابتسامه هاديه لا خليك انا هعمل شوف انت عايز تشرب ايه

حسان…..والله انا متحمس اكتر منك اشوفك وانتي واقفه في المطبخ بتعملي اكل بتعملي قهوه بتعملي اي حاجه بس انهارده خليها عليا انتي عروسه و العروسه مبتعملش حاجه بتقعد و تدلع و بس

سلمي….. بابتسامه ماشي اللي تشوفوا

حسان…طيب انا هشرب قهوه تشربي ايه تشربي عصير

سلمي…..ااا لا مش عايزه عصير ممكن نسكافيه

حسان….بس كده عيوني

سابها قاعده علي البار ولف هو دخل المطبخ يطلع الحاجه

حسان…قوليلي بقي الفرح عجبك

سلمي….اوي يجنن

حسان….اممم طيب ايه اكتر حاجه عجبتك فيه

سلمي….كله والله كان حلو اوي بس هو انت بجد مكنتش تعرف ان رضا البحراوي جاي

حسان….بصلها وابتسم لا والله العظيم ما كنت عارف ولا حتي سلامه كان يعرف احنا اتفاجئنا زيكم و بصراحه مفجأه مكانتش متوقعه

سلمي….هو مين صاحب المفجأه بقي

حسان….عشري و فضل ورشيد هما اللي خططوا مع بعض يعني تقريبا عشري صاحب الفكره بس هنا نفذوها سوا

سلمي…. بابتسامه بس كانت مفجأه حلوه بجد هما بيحبوكم جدا

حسان…..واحنا بنحبهم اكتر ديماً بيفاجئونا بحجات مش متوقعه و اوقات بحس اني مهما حاولت اردلهم ولو جزء بسيط مش هعرف اوفيهم حقهم

سلمي….ربنا يخليكم لبعض بصراحه هما كلهم يجننوا انهارده كنت حاسه انهم فرحانين اوي كان باين عليهم اصلا حتي رشيد يا حرام مكانش قادر يقف بس بيحاول علي قد ما يقدر

حسان…..اه رجلوا تعباه و منكده عليه و بصراحه منكده عليا انا كمان لان هي شدت عليه في وقت رخم جدا و كنت اتمني ابقي مش مشغول كده عشان افضل معاه و اجاول اريحوا سواء في الشغل او اروح معاه بكره بس مش عارف