لقاء كارثي

مدلها كفه مسكت فيه ودخلت علي جوه

قفل الباب بهدوء وقفت تبص علي البيت كانت مبسوطه اوي البيت شكله متغير تغيير جذري شكله يجنن و مبهر و في راحه و هدوء و شياكه متتوصفش

كان واقف جمبها باصص عليها مبتسم وساكت كان عايش نفس المشاعر اللي هي عايشه فيها في اللحظه دي مبسوط قلبه طاير من الفرحه متوتر توتر بسيط مش حابب يوترها عايزها تكون براحتها حاسس انها متاخده و مخطوفه و كمان متأثره لسه انها فارق عيلتها فكان عامل حساب كل ده و حابب يكون ضيف خفيف علي قلبها..

فضلت تبص بعينها بهدوء و بعدين بصتلوا وابتسمت

حسان…..بأبتسامه حلو

سلمي…..بتأثر اوووي

حسان…..بضحكه هاديه و حنينه تحبي تتفرجي عليه

سلمي…..براحتك

حسان….بضحك لت براحتي ايه براحتك انتي انا هنا مجرد ضيف و اتمني اكون ضيف خفيف لو حابه تعالي يلا عشان حتي تاخدي عليه

سلمي….اااا اوك ماشي

حسان….طيب تسيبي البوكيه

سلمي…ااا اه اه

خدوا منها وسابه علي تربيزه

حسان…..مدلها كفه طيب تعالي يلا

مسكت ايده و مشيت معاه الريسيبشن كان كبير متقسم اربع قطع و المطبخ مفتوح علي الريسيبشن من الجنب اللي قدام السفره راحوا الاول شافت السفره طبعا هي اختارت معاه كل حاجه بس اول مره تشوفها مفروشه في مكانها و مكانتش متوقعه ان الفرش هيخلي الحاجه شكلها يجنن و تظهر بالشكل ده السفره كانت كبيره 12 كرسي كانوا عاملين حسابهم لان عددهم كبير

المطبخ قدامها كان وهم والوانه ماشيه مع كل تفصيله تخص السفره

كان في تويلت علي جنب خاص بالضيوف و باقي الريسيبشن كان في ثلاث قطع كمان غير السفره قطعه منهم كان فيها ثلاث كنبات كبار و وراهم شباك كبير بيتفتح علي ضهر الجنينه و قطعه تانيه كنبتين كبار و كراسي بتاعتهم و الركن الاخير قاعده رايقه و هاديه

وكان في غرفه تحت منفصله ممكن تبقي اوضه بتاعت ناني او مساعده لو حبوا يجيبوا و ممكن تبقي اوضه للضيوف كانت شيك وهاديه سرير و كوميدنو شيك صغير و دولاب وتربيزه في النص و كنبه صغيره و شاشه تلفزيون

حسان….ايه رايك

سلمي…..حلوه اوي يا حسان

حسان….كنتي متخيلاها كده

سلمي….لا خالص البيت نفسه شكلوا متغير و حتي الفرش مكنتش متخيله انه هيبقي حلو كده

حسان… بابتسامه طيب تحبي نطلع نشوف الغرف فوق

سلمي….طيب

طلعوا مع بعض علي الدور اللي فوق كان في اربع غرف تاني غير اللي تحت