لقاء كارثي

سلامه… متقلقش

تامر ركب العربيه و مقالش لنغم تركب سابها و كان حابب يرخم عليها و يشوف هتعمل ايه

احمد ركب مع عربيته و زوزو وحماده ركبوا معاه

بصت نغم شايفه الكل بيركب و هو مندهش عليها و راكب عربيته و باصصلها بلا مبالاه و في ايده السيجاره الكل بيركب خلاص و هي واقفه فا قررت تروح هي بنفسها

قربت منه و فتحت العربيه بغضب بسيط و ركبت مبصش عليها وكمل سبجارته وهو عمال يقلب في الاغاني

نغم….اااا هو انت ليه مش قولتلي اركب معاك علي فكره يعمي لو مش عايزني اركب انا ممكن اركب مع بابا

تامر….بهدوء براحتك لو حابه تركبي معاه اركبي بس انتي عرفه انك جايه معايا يعني مش لازم انادي عليكي

نغم….اااا ايوه بس يعني انت ركبت وخلاص مدور العربيه و هتطلع معناها مش عايزني اركب

تامر…..والله لو مش عايزك هقولك انزلي بس انتي مش شويه قولتيلي ملكش دعوه بيا و مضايقه منك فا انا سايبك براحتك احسن تقولي عايز احبسك في العربيه كمان

بصتلوا نغم بغضب بسيط وبعدين بصت قدامها

ابتسم بهدوء و دور العربيه بكل برود و طلع وراهم ..

ركبوا كلهم بسرعه العربيات بتاعتهم ايه كانت مبسوطه انها مش هتروح علي طول الكل كان فاكر ان هي فارق معاها الوقت بس هي مكانتش عايزه تروح بجد و بدأت تخاف و تتوتر و حابه تضيع الوقت

اتحركوا كلهم وراء بعض منظر العربيات باصحاب الشباب و اخوات الشباب كان وهم زفة عربيات تجنن اسطول حقيقي ليه هيبه

ايمي كانت مرهقه ومصدعه و رشيد كمان مرهق اليوم متعب بشكل ميتوصفش شغلوا اغنيه هاديه خالص و فصلوا شويه عن الصداع

ليله وعشري كمان سابوا الكل يتجنن و يشغلوا اغانيهم براحتهم بس ليله كانت مصدعه جدا و وسطها و بطنها تاعبينها جدا من الوقفه والهيلز فا كان باين عليها الارهاق سندت راسها علي الكرسي و مكانتش قادره

اتجننوا علي الطريق كالعاده صوت الكلاكسات مش بيقف و عمالين رايحين جايين بالعربيات عدي و سليم و مصطفي و تامر و نادر ومحمود كلهم متجننين علي الاخر

سلامه و ميدو كمان معاهم وفضل كانوا خاربين الدنيا

و فضلوا علي الحال ده لحد ما وصلوا اخيراً عند بيت حسان و سلمي

بدأت سلمي تتوتر طول الطريق اصلا وهي متوتره و مخطوفه بس لما وصلت قلبها فضل يدق جامد مكانتش قادره

فضلوا الشباب الكلاكسات شغالين و صوت الاغاني اللي طالع من عربياتهم مسمع الكل نزلوا كلهم