لقاء كارثي

سلمي….بضحك ماهو في حالات بالاخص لو اطفال بتكون السنان والضروس لبنيه يعني لسه مبدلش فا وارد تكون مثلا مهزوزه بتتحرك او خلاص علي تكه بسيطه و تقع فا بيفضلوا يتخلع من غير بنج لان ممكن الحقنه تكون مزعجه اكتر للطفل من الخلع نفسه

حسان…مزعجه ايه بس انا حسيت بخلعه لو قولتلك اني فاكر الوجع لحد الوقت هتقولي عليا كداب الضرس مكانش مهزوز والله ده كان جامد هو بس كان مسوس ده حتي مدانيش بنج موضعي معرفش بقي يمكن زمان برضوا كان الموضوع مختلف عن الوقت

سلمي….هو اكيد مختلف طبعا كتير بس علي فكره انا اغلب الوقت مش بشتغل في بنج للاطفال يادوب بس بنج موضعي بس لو الضرس او السنان ماسكه وقويه لا بضطر طبعا ادي بنج

حسان……برضوا مش بحبكم

سلمي…..بضحك طيب بذمتك حسيت لما اشتغلت معاك

حسان….بصراحه لا والله العظيم ايدك خفيفه جدا و زي ما قولتلك كنت واثق فيكي و عموما انا بقيت زبون خلاص محدش هيجي جنب سناني غيرك

سلمي….بضحكه جميله شكرا علي الثقه دي بس خد بالك يعني لو صادفت و زعلتني في وقت سنانك بتوجعك فيه روح لدكتور غيري ده لمصلحتك

حسان….بضحك اوبااااااا فينا من العنف وتخليص الحقوق هتستقوي عليا وانا تعبان

سلمي….بضحك والله ده في حالة لو زعلتني

حسان….لا وعلي ايه مش هزعلك ابدا و انا سناني وجعاني

سلمي…ايوه كده اشتري عمرك

حسان….بضحك طب ليه الشر ده بس

سلمي….هو كده قولي صحيح هو انت سيبتني وروحت فين انت و عشري

ابتسم حسان ورفع حاجبه

حسان…..بصراحه ؟

سلمي….اه بصراحه

حسان….اممم يعني تعبت شويه

سلمي….تعبت ازاي انت روحت معاه عادي

حسان….لا ماهو هو كان جنبي وانا حسيت اني دايخ و مخنوق فا قالي مالك قولتلوا بس فا خدني و بعدنا شويه في الهواء غالبا ضغطي نزل اناي عارفه انا لا بحب الدوشه ولا الزحمه حسيت اني هقع

سلمي…طيب ليه معرفتنيش

حسان….محبتش اقلقك او اقلق اي حد انا بس كنت محتاج اخرج شويه في الهواء و لما حسيت اني كويس رجعت

سلمي….طيب تعبان تحب اقيسلك الضغط

حسان…..لا خالص انا تمام الوقت الحمد لله عشري جابلي زتون و اتصاحب علي الشاب اللي واقف علي البوفيه و ظبط الحمد لله

سلمي…. بابتسامه سلامتك

حسان….بحب باس كفها الله يسلمك ياعمري اشربي بقي وقوليلي حلو ولا لا

سلمي….. شربت براحه ااا لا حلو تسلم ايدك