لقاء كارثي

ايه…..ااا طيب خليك قدامي وانا همشي وراك

سلامه….ماشي يا ستي

هنا سلامه حس ان الليله دي مش هتنتهي بهدوء ابدا و عرف انه هيتعب معاها جدا بس كان مضطر يطول باله عليها لانها كانت عامله زي المخطوفه و الرعب والخوف واضحين عليها جدا..

راحت معاه و بدأ يفرجها علي البيت و يحاول يضحك و بهزر و يغير المود عشان تهدا شويه

……………….

عند حسان و سلمي خلص حسان شاور و ظبط نفسه و بعدين خرج بره يستناها ولع سيجاره قعد شربها و خلصها و فضل مستنيها شويه و كل ده هي مخرجتش

قام بهدوء و طلع علي فوق خبط علي الباب

حسان…..سلمي انتي كويسه؟

سلمي كانت جاهزه و قاعده مستنياه يجي مكسوفه هي تخرج كده و متوتره من اللانچيري اللي هي لبساه جدا كانت زي القمر

سلمي….ااااا اه يا حسان كويسه

حسان…طيب انا قلقت عليكي حاسس بس انك اتأخرتي فا قولت اشوفك خلصتي ولا لا

سلمي…..اااا اه اه انا خلصت و كويسه متقلقش

حسان……طيب هو انا بنفع ادخل ولا لا

سلمي بتوتر بصت علي نفسها و رجعت بصت علي الباب

حسان….سمعاني انتي كويسه

سلمي…ااا انا كويسه اه

حسان…..طيب ادخل ولا ايه؟

سلمي……لالا اااا طيب ولا بص معرفش ااا لا متدخلش خلاص

حسان….بابتسامه اه ولا لا

سلمي…..لا لا متدخلش هو انت لو محتاج حاجه من الاوضه هجيبهالك

حسان…..انا مش محتاج حاجه يا عمري انا عايز بس ادخل اشوفك عايز اطمن عليكي حاسس ان في حاجه

سلمي…..مفيش بس انا مش عارفه اخرج باللبس ده يا حسان

حسان….بابتسامه طيب انا هفتح اوك

وقفت بضهرها بسرعه وهي ماسكه كفوفها في بعض و باصه للارض و نفسها عمال بطلع و ينزل و قلبها عمال يدق

فتح حسان الباب وابتسم اول ما شافها واقفه بضهرها اللانچير يمكانش ظاهر كله بس واضح انها كانت زي القمر قرب منها بهدوء و لف وقف قدامها

رفع دقنها بايده و بصلها وابتسم و هو رافع حاجبه

ابتسمت بتوتر و احراج فظيع

حسان……انا هقتلك علي فكره

سلمي…..ليه

حسان….مكسوفه مني انا

سلمي….بضحكه هاديه لا بس يعني مش عارفه بصراحه مكسوفه من اللبس ده

حسان….بضحكه جميله ماله بس اللبس ماهو قمر اهو و شكلك يجنن

سلمي….بابتسامه هو انا ينفع البس حاجه تانيه

حسان….بضحكه جميله لا هتفضلي كده عشان شكلك قمر بجد وهاتي ايدك كده يلا خلينا ننزل نشرب او ناكل حاجه