لقاء كارثي
لقاء كارثي
احمد…الله يسعدك يارب
ماريز….متوصيهاش يا احمد حنون مفيش زيها
احمد….عارف والله بص لحماده البيت بيفضي علينا خلاص
حماده….بابتسامه لا هيفضي ولا حاجه هيرجعواك هيروحوا فين يعني
حنان….بكره يملوا عليك البيت عيال وتحب ولادهم اكتر منهم
احمد….بابتسامه هو صحيح اعز من الولد ولد الولد بس معقول احبهم اكتر
حماده….بضحك والله انا مستني اجرب الشعور ده بس مكدبش عليك من اول ما عرفت حمل أمنيه وايمي و انا عندي احساس كده اني هحبهم اكتر
عادل….دول هيبقوا حته من الحته اللي منك يعني غلاوتهم هتبقي الضعف
احمد…بابتسامه ربنا يسعدهم يارب و عقبالك يا عادل لما افرح فيك و انت بتجوز البنات
ماريز…. بضحك اه و عمال تعيط و منكد علينا
عادل….بابتسامه والله هو مش نكد.يا زوزو بس بيصعب عليكي فراقهم و الاب مهما حب جوز بنته بس بيبقي جواه غيره كده بسيطه ان راجل تاني هياخدها منه
حماده….بس صدقني لو بيحبوا بناتك هتحبهم زي عيالك بالظبط
صراحه ربنا انا ربنا رزقني برشيد وعمرو بعتبرهم ولادي و بجد هما ولاد حلال ميتخيروش عن سلامه و حسان وفضل وسليم
احمد…..بصراحه حسان وسلامه ولاد اصول و انا بحبهم
عادل…. الشباب كلهم ربنا يحميهم يارب بصراحه جدعان
نجلاء….بابتسامه مستنيه اشوفك وانت واقف تعيط زيهم حماده و احمد الاتنين مقصروش
عادل….بضحك ياستي هبقي اعيط حاضر
حماده….بضحك طيب وانتي و زوزو مش ناويين تعيطوا بقي
احمد….بصحك زوزو مصدقت خلصت منهم بس رجعولك تاني
ماريز …بضحك اه حاولت اجوزهم عشان تطفشهم رجعوا
حنان….بضحك ربنا يخليهملك ومايحرمكم من لمتهم ابدا
نجلاء….اهي اللي بتقولك كده دي بتعشق عيالها شوفي بتقعد تنكش فيهم وينكشوا فيها قد ايه بس روحها فيهم
حنان….الله مش ولادها يعني انا الاربعه لما بيتجمعوا بيجننوني طول عمرهم كده ويمكن لما كبروا بقوا اكتر بس علي قلبي زي العسل
ماريز…..بابتسامه دول حبايبي والله مقدرش استغني عنهم ابدا بس بحب انكشهم و ينكشوني كده
نغم كانت قاعده بتسمعهم وزهقت بصت لقت البنات واقفين مع بعض كلهم جنب ليله وايمي و نادين و نعيمه و باقي البنات
نغم….بابا
احمد…ايه يا حبيبتي
نغم….بص انا هروح للبنات هما واقفين مع بعض هنا جنبك
احمد….روحي يا حبيبتي قومي
ابتسمت وقامت بهدوء مشيت كام خطوه لقت تامر معرفتش طلعلها منين قدامها
