لقاء كارثي

عدي…..اه انا روحت خلاص طيب روحي غيري كده و ظبطي نفسك و ابقي كلميني

تقي….طيب شويه و هدخل بس قولي انت كنت عايز ايه

عدي….ماشي هكلمك تاني

تقي….لا مليش دعوه ارحم الفضول حسيتك من صوتك مكنتش كويس

عدي….طيب بصي يا قلبي انا حابب اتكلم بهدوء ومن غير عصبيه عشان الموضوع بسيط و مش حابب اننا كل مره نشد في حاجه ممكن نتكلم فيها بهدوء

تقي…..في ايه يا عدي قلقتني

عدي…لا يا قلبي مفيش قلق كل الحكايه ان في حاجه حصلت ضايقتني شويه و عايز اقولهالك عشان مش حابب انها تتكرر تاني

تقي…..بقلق طيب قول سمعاك

عدي…..من فتره لو تفتكري اتصورتي مع صحابك و في الصوره حدوته كان حاطت ايده عليكي و وقتها قولتلك المنظر مش حلو وانا مش عايز حد يتجرأ عليكي و يلمسك حتي لو مفيش بينكم حاجه بتعتبريه اخوكي او واخدين علي بعض انتي عارفه انه بيتعامل معاكي كا اخت عرفتك ان كل ده علي عيني وعلي راسي بس انا رافضه حصل؟

تقي…..اه حصل و انا متصورتش تاني و اصلا من وقت ما اتخطبنا حدوته حاطت حدود و انا خاطه حدود

عدي….عارف يا تقي و انا مش بتكلم علي حدوته الوقت هو موضوعه خلص واتكلمنا فيه بس انهارده يا تقي نفس الموقف اتكرر بس مع نادر اتصورتوا كلكم مع بعض و نادر كان حاطت ايده عليكي انتي و نسمه طبعا نسمه اخته هو حر فيها بس انتي

تقي…..ايوه يا عدي بس نادر بجد زي اخويا واحنا نعرف بعض من سنين يعني متربين سوا تقريبا

عدي….وانا لسه قايلك كل ده علي عيني وراسي بس مرفوض يا تقي انك تعتبري نادر او غيره اخ حاجه خاصه بمشاعرك الداخليه وضع و ان انا ابقي رافض حاجه زي دي وضع تاني بصي يا تقي نادر حبيب يو صاحبي و علاقتنا بقت قويه سواء هو او مصطفي او محمود و طبعا انتي عارفه ان تامر صاحبي انا وسليم من الاول بس ده مش معناه اني اوافق حد يحط ايده عليكي او يلمسك انا واثق فيهم و واثق فيكي بس حقي ارفض اي خاجه متعجبنيش ولا انتي شايفه اني مش معايا حق

تقي…..بهدوء لا طبعا مقولتش كده بس انا عايزه اوصلك ان نادر بالاخص قريب مني و واخده عليه بحكم ان انا و نسمه اصحاب و في بينا عشره من زمان و بجد هو بيتعامل معايا زي ما بيتعامل مع نسمه مش هيبصلي يعني هو بيعتبرني اخته

عدي…..تقي انتي سمعتي كلتمي و فهمتيه انا قولت عارف نواياهم كلهم تجاهك و عارف نيتك من ناحيتهم و اكيد انا مش يتكلم علي انهم يبصولك او يشوفوكي بنظره تانيه دي وضع تاني خالص لاني لو حاسس بكده انا مش هسكت اكيد انا بتكلم عن لمس او ان حد يحط ايده عليكي هو بيتعامل عادي و صوره جات تلقائي وسريعه ماشي بس انتي المفروض عشان نتفادي كل ده منقفش جنبهم انا يا تقي مش عايز حد يلمسك و ده حقي