لقاء كارثي

تامر….انتي راحه فين

نغم….اااا انا قولت لبابا

تامر….هو انا مش قولتلك متقوميش

نغم….انا هقف مع البنات هنا و بعدين زهقت كلهم كبار و بيتكلموا و انا قاعده ساكته بعدين يعني هو انت حابسني ممنوع اقوم

تامر….انا مش حابسك بس قولتلك كلنا مشغولين ومحدش فينا مركز مين ممكن يضايقك انتي او البنات

نغم….طيب بس البنات رايحين جايين عادي اهم انا بس اللي قاعده
هما هيضايقوني انا و يسيبوا كل البنات انا هقف معاهم و بعدين يعني مين هيضايقني مش المفروض الناس دي كلها انتوا عارفينها

تامر…..في شباب صحاب سلامه و مصطفي وميدو و في شباب غريبه انا معرفش تبع مين واصحابي موجودين و محدش فيهم عارفك و لا عارف انتي تبع مين

نغم….وفين المشكله ما انا بشوف شباب غريبه في الشارع و لو حد ضايقني اكيد مش هسكتلوا

تامر…ااه واحنا جايين نعمل مشاكل هنا

نغم….وهو انا بعمل مشاكل اصلا

تامر…..لا بس انا هعمل مشاكل لو شوفت حد بيضايقك اااااا او بيضايق البنات يعني

نغم…..تمام يا تامر هرجع التربيزه خلاص

تامر….استني هنا ااااا طيب خلاص روحي اقفي معاهم

نغم…طيب ما كان من الاول

تامر….خير مش عاجبك والله ارجعك و ما تقومي تاني

نغم….اه مش عاجبني بقي علي فكره

تامر….رفع حاجبه لا والله و مش عاجبك ليه يا ست نغم

نغم…..عشان انت بتضايقني

تامر….انا بضايقك ؟

نغم….اه بتضايقني و ملكش دعوه بيا انا مش صغيره لو حد ضايقني هتصرف و اكيد يعني مش اي معاكسه محتاجه خناق هعمل نفسي مسمعتش بس ملكش دعوه بيا بقي لو سمحت

تامر…..اممم تمام يا ستي حقك عليا اتفضلي روحي اقفي في المكان اللي يريحك و مع اللي يريحك و لو حد ضايقك ابقي اتصرفي يا ست الجامده انا مش هتدخل تاني ولا هضايقك انتي صح انا مليش دعوه

سابها ومشي ابتسمت نغم بهدوء و بعدين راحت وقفت مع البنات وهي عماله تبصلوا من بعيد

…………….

رجعوا تاني بعد وقت مش طويل اوي العرايس والعرسان و رجعوا تلني لاجواء الجنان و الرقص ميدو كان مشغول بسلامه طول الوقت واقف جنبه يرقصوا يمسح عرقوا بالمنديل يجيبلوا مايه مهتم بكل تفاصيل يومه و لكن مع كل ده مكانش سايب نادين من ايده الا لو هي اللي سابته وراحت وقفت مع البنات

البنات كمان كلهم مكانوش سايبين ايه وسلمي لحظه و الفرحه و السعاده كانت واضحه علبهم انها من قلبهم بجد اتنين كمان فيهم بيودعوا العذوبيه فا فرحتهم مكانتش سيعاهم