لقاء كارثي

ليله….يارب بس الفرح كان جميل اوي

عشري…اه يجنن والله كان يوم تحفه

ليله…..مقولتليش يعني علي حوار البحراوي بقي في بينا اسرار يا بلطجي

عشري….بضحك والله مش حوار اسرار بس هو الموضوع جه كده صدفه فكرت فيه قولت للشباب خدنا اكشن و نفذنا و بعدين اتفقنا ان الكل يتفاجئ

ليله….بقيت متعهد افراح انت و ليك علاقه بالفنانين

عشري….بضحك خالص والله مش كده بصي كنت بسمع الاغنيه اللي هو دخل عليها دي فا جات في دماغي الفكره و حسيت اني عايز افرح سلامه و حسان و بصراحه كنت هنفذ علي طول من غير ما اعرف اي حد من الشباب بس رجعت قولت فضل و رشيد لو عرفوا هيزعلوا و كمان بصراحه قولت حسان وسلامه هيفرحوا لما يعرفوا ان احنا الثلاثه حبينا نفرحهم قولتلهم عادي انا بفكر اعمل كذا كذا فقالولي احنا معاك بس عرفنا ميدو بس عشان هو اللي راح معاهم وقت ما حجزوا و قولنا هو يبلغ المكان و يعرفهم هيحصل ايه بالظبط و دي كل الحكايه

سابت الفنجان من ايدها و قامت وقفت قدامه و لفت ايدها علي رقبته

ليله….بحبك يا بلطجي

عشري…..بصلها وابتسم و لف ايده علي وسطها و انا بعشق امك

ليله….بضحكه جميله هتنزل الساعه كام لرشيد

عشري….وليد قالي عشره الصبح نكون هناك يعني علي ثمانيه ونص كده هنزل هروح اخد رشيد و بعدين اطلع علي المستشفي

ليله….طيب وليه بدري كده

عشري…..ما الدكتور ليه عياده بيشتغل فيها بليل و الصبح بيشتغل في مستشفي خاصه بس

ليله….هو مش بيعمل العمليات دي في العياده

عشري….لا هي المستشفي تبعه برضوا او شريك فيها العياده كشف بس

ليله…ايوه فهمت طيب مش هتقوم بقي تريح حبه الساعه اتنين

عشري…هقوم الوقت يا قلبي كنتي زي القمر

ليله….بضحك لا يا شيخ بعد ايه بقي

عشري….والله كنتي قمر بس يكون في علمك دي اخر مره والله العظيم هكبر دماغي منك كده انا عديت الحوار عشان مش عايز انكد عليكي واضايقك بس بعد كده هكسر دماغك ولو ايه حصل مش هخليكي تلبسي كده

ليله….بابتسامه باسته من خده بتغير يا بلطجي

عشري….اكيد بغير يا ليله حقي ولا ايه

ليله….اممم بس يعني المفروض تكون اتعودت انت عارف ان دي طريقه لبسي و خد بالك انا غيرت حجات كتير عشانك المايوه بقي ممنوع اللبس الضيق ممنوع القصير ممنوع العريان ممنوع

عشري….وحياة امك و انتي عايزه تلبسي مايوه و بعدين ضيف ايه اللي ممنوع هتصيعي عليا ما انتي اخر مره لابسه فستان اسود و نازله بيه مع البنات كان قصير مفيش حاجه اسمها اتعودت انا بعدي عشان بحبك بس ماقلقيش كل ده قريب هيتمنع اخرك هيبقي نص كم