لقاء كارثي

ولا عايزك انتي كمان تبذلي مجهود طول الوقت عشان تبقي ست مثاليه او كامله انا في كل الاحوال شايفك ست كامله بس انا عايز سلمي مراتي و حبيبتي تكون طبيعيه و واخده راحتها و بتظهر مشاعرها مجنونه هاديه متعصبه ست بيرفكت و ست عشوائيه و ست مرهقه محتاجه تقعد علي الكنبه و هي منكوشه باختصار انا عايز اشوفك في كل حالاتك كأنك في بيتكم لان انا مش الراجل اللي عايز طول الوقت الست شاغله نفسها ازاي تكون مثاليه انا عايز اعيش معاكي و متقبلك في كل احوالك

ابتسمت سلمي وهزت راسها بهدوء

ضحك وهو يبصلها بحنان

حسان…بس في المقابل متخليش الدنيا تدخل بينا.

أي مشكلة تخصنا تفضل جوانا وأي قرار ناخده نبقى إحنا الاتنين فيه فريق واحد أنا عايز بيتنا يبقى مليان رحمه قبل الحب يا سلمي

لأن الحب ساعات بيضعف إنما الرحمه هي اللي بتخلي الاتنين يكملوا عمر كامل وهم لسه ماسكين في بعض و لو في رحمه الحب عمره ما هيضعف لان لا انا ههون عليكي و لا انتي هتهوني عليا طول ما في بينا رحمه

ولو الأيام ضغطت علينا أو اتخانقنا أو الحياة بقت تقيله أوعديني إننا منسبش إيد بعض وقت الزعل.

الناس اللي بتقدر تفتح بيت كتير إنما اللي يعرف يحتوي شريك عمره وقت ضعفه دول مش كتير

سكت لحظه و بصلها
وأنا من النهارده مش عايز منك غير حاجه واحده ودي اهم حاجه

خلي قلبك في صفي يا سلمي وأنا أوعدك هفضل طول عمري في صفك.

سلمي….بأبتسامه هاديه وجميله حاضر متقلقش انا مش هقولك عمري ما هزعلك بس اوعدك اني مش هسيب الزعل يطول بينا و لا هخليك تنام وانت زعلان مني

حسان….بابتسامه تجنن وانا عمري ما هسمح لنفسي انيمك زعلانه

ابتسمت بحب و فضلت بصالوا شويه

سلمي…ااا طيب برضوا مش عايز تاكل

حسان….لا والله انا شبعان بس لو هتاكلي هاكل تيجي ناكل

سلمي….لا هو انا مش جعانه بس عايزه اخليك تاكل

حسان…..مش جعان يا قلبي تيجي يلا نقوم نصلي

بصتلوا بتوتر بسيط وهزت راسها
و قاموا مع بعض.

حسان كان بيحاول يشيل توترها و كسوفها دخلها في الفرح و موضوع دكاتره الاسنان و رغي معاها كتير في كذا حاجه لحد ما قدر يفكها شويه.

………….
روحت تقي و دخلت اوضتها واول ما دخلت كلمت عدي كان عندها فضول تعرف هو عايز ايه

تقي….الووو

عدي…..ايه يا حبيبي روحتي

تقي….اه لسه مروحين و لسه داخله اوضتي انت روحت