لقاء كارثي

الكل بقي يوسع حتي حسان ابتسم بسعاده و وسعلهم المكان وساب سلامه بس في النص هو وايه

بدأت الاغنيه و ابتسم سلامه بسعاده و تأثر و هو ميدو بيقرب منه و بيغني هو ومصطفي و بيرقصوه

ايه راحت وقفت مع البنات و سابتهم مع بعض

الشباب كانوا واقفين كلهم حواليهم

الكل مبتسم و متأثر بكلمات الاغنيه

و تأثر سلامه و هو باصصلهم و مبتسم بكل حب عينه كانت علي ميدو اللي كان بيغنيلوا و هو طاير من الفرحه

شد مصطفي ريهام وامه قربوا من سلامه و هما الخمسه بقوا في النص.

دمع سلامه و فضل واقف ساكت و مبتسم وهو بيسمع الاغنيه و شايف فرحه ميدو وشقاوته

انا اتربيت على كتفاك ولحم كتافي من خيرك

انا لو عيشت خدامك ده حقك اه وتقديرك

لو فضلت ابوس راسك واوطي وابوس على ايدك

دي حاجه تعلي من قيمتي ومتقللش من هيبتي

اقله يقولو عني اصيل اقله يقولو عني اصيل

وطمرت فيا تربيتك

الى ملوهش كبير مبيشتريلو كبير وانت بقى كبيري

الى ملوهش كبير مبيشتريلو كبير وانت بقى كبيري

يابن دمي يا ابن امي يالي يامه شيلت همي

انت ابويا وانت اخويا وانت عم الناس وعمي

قرب منه عسال و حضنوا حضن مكانش ليه وصف الاتنين كانوا مدمعين خلوا البنات للمره اللي مش عارفين عددها يدمعوا تاني معاهم

فضل عسال مخبي وشه في سلامه و سلامه مخبي وشه في عسال

الشباب قربوا منهم و هما مبسوطين طبطبوا علي ضهرهم و وقفوا مخبينهم خالص و بعدين بعدوهم عن بعض مسح سلامه دموعه وهو مبتسم و مسح ميدو كمان دموعه وباس راس سلامه و قرب مصطفي ضم سلامه بكل حب

هو وريهام دموع حنان مكانتش واققه وهي بصالهم بكل فخر وحب وسعاده وانتصار كبير انها قدرت تربي رجاله بجد بيحبوا بعض من قلبهم..

رجعوا تاني للاجواء رقصوا مع بعض و بعد وقت بسيط دخلوا شباب بالتورته عشان يقطعوها كان في اتنين تورته مربعين كبار و معاهم اطباق فاكهه و صوصات

كل واحد حطوا قدامه تورته يزينها بالشكل اللي عايزه البنات و الشباب اتجمعوا حواليهم و بقوا يساعدوهم

و قسموا نفسهم بين ايه و سلمي و كل واحده فيهم عملت توترتها بشكل مختلف كلوا كلهم حسان وسلامه بقوا يأكلوا الشباب و سلمي وايه اكلوا البنات و هما اكلوا بعض و اتبسطوا جدا

و بعدين البوفيه بدأ خدوا سلامه وايه و حسان وسلمي بعيد عنهم

و بدأ الاكل ينزل للكل..

قرب تامر من نغم كانت واققه مع رهف ونسمه وتقي و الشباب و عماله تضحك معاهم و مع مصطفي و نادر بالاخص و بعدين شافها ماشيه لوحدها