لقاء كارثي

حسان….بضحكه جميله لا هو انا بصراحه من وقت البنات ما فرشوا منمتش هنا اصلا مكنتش حابب انام في الاوضه الا لما تيجي يعني بقالي فتره طويله بنام تحت مجاتش علي الكام يوم دول

و بصراحه كنت بنام علي الكنبه مش عايز بقي اوبظلك الفرش و تقتليني

سلمي….بضحك لا خالص كنت نمت عشان متتعبش

حسان….انا حبيت نفرح بكل جاجه مع بعض

سلمي….بابتسامه ماشي طيب يلا ادخل خد شاور

حسان…..ادخلي انتي و خدي راحتك انا بس عايز غيار و هروح اغير في التويلت اللي بره

سلمي…..طيب اطلعلك غيار

حسان….بابتسامه والله يبقي كتر خيرك

ضحكت سلمي طيب ممكن تيجي معايا يعني عشان تعرفي هتلبس ايه

حسان…ماشي يلا بينا

…………….

الشباب عالطريق خربوا الدنيا و اتجننوا كل اللي ماشي في الشارع كان عمال يبص عليهم الكل كان مبسوط الا احمد اللي كان علي قدر فرحته بس جواه شعور ميتوصفش ساب حته من قلبه و لسه هيسيب حته تانيه من روحه كان عامل زي اللي بيتاخد منه حته غصب عنه

و من جواه مش قادر يصدق انه وافق او حتي قادر يرضي بالامر الواقع و رغم كل ده مكانش حتي ليه الحق يوقف كل ده لان في النهايه دي سنه الحياه عايزهم يفرحوا ويتبسطوا و يعيشوا حياتهم و يعملوا بيت و عيله قا كل المشاعر اللي كانت جواه كانت مشاعر متلغبطه و متخبطه

كملوا طريقهم و فرحتهم و سعادتهم
لحد ما وصلوا مدينة نصر تحت البيت و اللي اتعمل هناك من عسال و مصطفي و اصحابهم و اصحاب سلامه كان غير متوقع

العاب ناريه و شماريخ و اغاني عاليه
و رقص و طلوع فوق العربيات الكل كان فرحان بجد فرحه كبيره واضحه من قلبهم بجد.

لان سلامه شخص اجتماعي و محبوب هو واخواته والكل كان بيجامل بأي طريقه..

صحابه طبعا كانوا واقفين معاه و جنبه أيه نزلت و وقفت مع البنات جنب مدخل البيت

كانت مرعوبه حرفياً و في رعشه في جسمها وايدها غير طبيعيه كأنها جات علي مكان يقبض روحها

أيه…..بتوتر ايمي هو انا المفروض اطلع اعمل ايه

بصولها وضحكوا

ايمي…..بضحك غمزتلها ولا حاجه هو اللي هيعمل

ايه…..لا مش وقتك انتي خالص انا ناقصه رعب وقلة ادب ليله والنبي قوليلي انتي

ليله…بضحك في ايه يا بت مالك

ايه…..ليله انا مرعوبه ولله العظيم حاسه اني قلبي هيقف حالا

ليله….ما باين علي وشك المخطوف في ايه يا بت ما تنشفي كده هو هيموتك متخافيش واهدي شويه