لقاء كارثي
لقاء كارثي
تامر…..نغم نغم
وقفت نغم وبصتلوا وابتسمت
نغم….ايوه
تامر…..هو انتي رايحه جايه كده ليه؟
نغم….رايحه جايه فين انا كنت مع البنات
تامر…..وراحه فين ؟
نغم….مش راحه عادي يعني ماشيه
تامر…..طيب تعالي كده هتروحي علي التربيزه عند بابا و تقعدي خمسه بقي
نغم….بصتلوا هو في ايه؟
تامر……مفيش في ايه
نغم….معرفش انا بسألك
تامر….بقولك روحي اقعدي قولت ايه غريب عماله راحه جايه وانتي شايفه الشباب قد ايه
نغم…..انا مالي و مال الشباب يا تامر
تامر…..هو ايه اللي مالك ومالهم عمالين يبصوا عليكي و انتي واقفه تضحكي و تهزري و راحه جايه و بعدين انتي مش شايفه فستانك
نغم…..انا واقفه مع البنات علي فكره
تامر…..طب تعالي معايا يلا امشيي بصالي كده ليه
بصتلوا و مشيت قدامه بس طبعا خطوه منه بقي جنبها راح بيها علي التربيزه بتاعت ابوه
قربت بهدوء و قعدت جنب احمد
تامر…..قرب من ابوه وهي سمعاه بابا نغم متقومش من جنبك
بصلوا احمد
احمد…في حاجه ولا ايه؟
تامر….لا مفيش بس خليها جنبك
احمد…في ايه يا نغم
نغم…معرفش والله
تامر…..الشباب كتير يا بابا عشان محدش يضايقها واحنا مش مركزين و انا وميدو ومصطفي والشباب مركزين مع الناس والبوفيه خليها جنبك
سابهم تامر و مشي
احمد…..بهدوء معلش يا حبيبتي هو بس خايف حد يضايقك و هو مش مركز كده و بعدين هو بيعمل كده مع ايه وسلمي لو في مكان في شباب
نغم….انا والله معملتش حاجه انا كنت واقفه مع البنات واصلا كنت جايه اشوفك لاقيته متعصب كده
احمد….لا هو مش متعصب ولا حاجه هو بس بيطمن ان الناس مش محتاجه اي حاجه و مش حابب بس حد يضايقك لان في ناس متعرفكيش فهماني مش عايزك تزعلي
نغم….بهدوء فهماك يا حبيبي و عادي محصلش حاجه انا مش زعلانه
ابتسم احمد وطبطب علي كفها
زوزو و حماده و حنان و عادل ونجلاء كانوا معاهم علي نفس التربيزه
ماريز…..عقبالك يا نغومه
نغم….بابتسامه حبيبتي يا زوزو
حنان….عامله ايه يا نغم
نغم…..الحمد لله يا طنط
حنان….عقبال ما نفرح بيكي يارب
نغم….ميرسي
حنان….مبروك يا ابو البنات
احمد….بابتسامه مبروك ليكي انتي يا ست الكل عقبال ما تفرحي بباقي الولاد
حنان….في حياتك يارب ربنا يسعدهم
احمد…..ايه امانتك مش هوصيكي عليها
حنان…بابتسامه وهي محتاجه توصيه دي بنتي و هتنور حياتنا
