لقاء كارثي

حسان…. بابتسامه يجي مني يعني

سلمي…..بضحك اه يجي منك بصت في الموبايل

حسان…ايه مالك بتبصي علي ايه

سلمي…ااا لا بشوف الساعه

حسان…ايه وراكي حاجه ولا اتأخرتي علي الرجوع و حمودي هيعلقك و يعلقني

سلمي…بضحك لا خلاص بقي مبقاش فيها تعليق بس قولت لايه تطمني عليها لما توصل و لا عبرتني اكيد وصلوا صح

حسان…..اه وصلوا انا اطمنت عليهم وانتي في الاوضه كلمت رشيد وقالي وصلوا خلاص اكيد اتشغلت بقي

سلمي….المهم انهم كويسين

حسان….اه كلوا تمام متقلقيش

سلمي…. بصراحه انا قلقانه اكتر كمان علي بابا الصبح كان تعبان اوي وطول اليوم اصلا زعلان

حسان…..هو مش زعلان هو بس صعبان عليه انكم مره واحده مبقتوش معاه و مش انتي بس انتي وايه و بصراحه انا مشفق عليه يعني فجأه كده بناتي يجي رجاله تاخدهم حقه بس هو يومين كده وهتلاقيه فك و بقي تمام هيتعود

سلمي….المهم ميتعبش بس

حسان….متقلقيش هيبقي زي الفل

سلمي….يارب

حسان….ولع سيجاره و خد نفس و بصلها بحب طيب بصي بقي يا ست البنات انا محتاج اقولك كلمتين ممكن

سلمي….بأبتسامه اكيد اتفضل

حسان……بصي يا حبيبي احنا صحيح اتكتب كتابنا من كام يوم و بقيتي مراتي و علي اسمي بس
إحنا النهارده بنبدأ حياة المتجوزين دي مع بعض احنا مش بس اتجوزنا إحنا ابتدينا عمر كامل مع بعض.

وأنا من أول يوم عايز بيتنا يبقى هادي مفيهوش خوف ولا تمثيل ولا حد شايل من التاني كلام جواه

ابتسم و مسك إيدها بهدوء وكمل

عايزك تقوليلي زعلك وقت ما تزعلي مني متسبيش حاجه تكبر بينا

ولو حاجه ضايقتك مني قوليها علي طول انا مش كامل و وارد اغلط من غير قصد وعايزك تعرفي حاجه مهمه جدا يا سلمي

أنا مش مستني منك تبقي كامله ولا عايزك تكوني ست مثاليه طول الوقت انا عايزك تكوني عاديه وتتعاملي معايا علي طبيعتك
اتعبي انهاري اتدلعي قولي مش قادره أنا جوزك قبل ما أكون أي حاجه تاني ممكن تقولي ليه بقولك كده هقولك عشان زي ما قولت من شويه انا بني ادم و مش ملاك مينفعش كول الوقت احاول اكون بيرفكت في كل حاجه و قتها بقي مصطنع و انا بشوف ان الحياه بتبقي اجمل لو احنا الاتنين اتعاملنا علي طبيعتنا مش عايزك مثاليه عشان انا مش مثالي و يمكن انتي قولتيلي كتير انك بتشوفيني مثالي بس دي مش حقيقه انا شخص عادي
كل الحكايه اني بتعامل بهدوء بحاول اتعامل شويه بحكمه بحاول مجيش علي حد بس وارد يبقي ليا غلطات و مش حابب انك تتفاجئي و تفكري اني كنت بمثل عليكي المثاليه