لقاء كارثي
لقاء كارثي
وفاء…روحي يا حبيبتي
رشيد….بابتسامه مسك كفها استني هقولك
سحبت ايدها منه و مشيت
وفاء…..يا ابني ما تسمع الكلام بجد روح اعملها واخلص ايمي خايفه عليك و مضايقه عشانك بطل لعب العيال ده البنت مش ناقصه هي الله يكون في عونها تعبانه من الحمل و متستهونش بتعب الحمل ابدا
رشيد….يا امي انا قولت هشوف انتي عارفه كويس ان الجو ده بيقبضني انا اخري ازور حد في مستشفي انما اروحها برجلي مبحبش
وفاء….بس انت مضطر يا حبيبي عين السمكه دي فعلا ملهاش مسكنات ولا ليها علاج الا انك تشيلها من جذورها و بعدين افرض لا قدر الله ايمي تعبت او حتي تعبت تعب بسيط و محتجاك تشيل عنها هتتصرف ازاي وانت مش قادر تحط رجلك علي الارض يا حبيبي
متزعلهاش و راضيها و ريحها مزاج الست في الحمل بيبقي صعب و تعب الحمل لوحده مجهود كبير متخليهاش بالها مشغول بيك كده اعملها واخلص لا هتحس بحاجه ولا هتطول والله
رشيد…ماشي يا امي حاضر هعملها والله
وفاء….بكره يا حبيبي عشان تلحق تخف و زي ما قالتلك لو حسيت انك لسه مش قادر او تعبان ومش هتعرف تسوق ليها مليون حل ماشاء الله الشباب كلهم بعربياتهم و انا وابوك مع بعض و محمود اخوها و عمرو جوز اختها يعني الموضوع بسيط هنشيل بعض
رشيد….ماشي يا ست الكل سيبها علي الله خلاص هروح مع الشباب بكره انا هروح اشوف المجنونه دي
وفاء….بضحكه جميله ريحها بقي ومتزعلهاش
رشيد….حاضر يا حبيبتي
قام رشيد و راح علي الشباب كانوا واقفين يرقصوا لمح ايمي واقفه جنب نادين بيتكلموا
قرب منها بهدوء وقف في ضهرها ولف ايده علي رقبتهاضمها لصدرها وباسها من خدها وقرب منها بهمس
رشيد…. بقينا بنتقمص و نتعصب بسرعه اوي
سكتت ايمي و مردتش ولا بصتلوا
رشيد…..هروح خلاص
رفعت وشها وبصتلوا
رشيد…بضحكه جميله ما خلاص بقي قولنا هروح بلاش البصه دي و بعدين بتتعصبي عليا انا و بتسيبيني و تمشي
ايمي….اه عشان ضايقتني
رشيد….طيب خلاص متزعليش
ايمي….طيب هتروح ولا بتاخدني علي قد عقلي
رشيد….وغلاوة ايمي هروح
ايمي…..بابتسامه ماشي لما نشوف
……………
كلهم كانوا واقفين بيرقصوا مبسوطين و اول ما الاغنيه خلصت اشتغلت واحده تانيه بس بدايتها كانت زي صوت ضرب نار كتير و فجأه لمحوا عسال و مصطفي بيقربوا و في ايدهم شماريخ وسعولهم كلهم و بصلهم سلامه و ابتسم و اشتغلت اغنيه يا ابن دمي
