لقاء كارثي
لقاء كارثي
فرحتي بيك كبيره اوي انت وايه مبروك يا حبايبي ربنا يسعدكم و يفرحكم و اشوفكم اسعد الناس
سلامه….بتأثرحبيب قلبي انت
عسال…..بابتسامه طيب ندخل في المهم بقي عيطناكم كتير انهارده و قولنا نفرحكم بطريقتنا
طبعا كلكم عارفين رضا البحراوي صح
الجميع….بأبتسامه طبعاااااااااً
عسال….طيب البحراوي بيقول ايه بقي
قرب مصطفي المايك منه اكتر كان هو ماسك الطبله
البنات كلهم كانوا واقفين جنب بعض و باصين علي ميدو نادين واقفه بتضحك زي الاطفال و ماسكه ايد ليله
عسال بص لسلامه و حسان و التيم بشقاوع و بدأ يقول جزء بسيط من اغنيه البحراوي
عسال….يلا جاهزين
الجميع….جاهزييييين
عسال…..انا واخويا و ابن عمي و الغررررررب اخوات منجيييييش علي الغلبان اصحااااب و جدعان ولينا عالطريق حكاياااااااااااات
الشباب كلهم في صوت واحد اااااااااااايه
ابتسم عسال و كمل بس الكل بدا يبص لبعضه و حسوا ان الصوت اختلف شويه
عسال….صاحبك ده من بختك في المصلحه ياخدك وان جات عليك دنيتك تلقاه واقف جنبك الرزق مش قرشين الجدعنه رزقين يا ما عملنا فلوس والاخره راحت فين
وقف وبصلهم و ضحك علي نظراتهم و همسهم لبعض.
عسال…..خلاص افتكرتوا الاغنيه نغنيها مع بعض بقي علي الطبله
سمع صوت لبله ونادين و اصوات الشباب و البنات بيقولوا حاجه
عسال….بضحك بتقولوا ايه
ليله…. بابتسامه بنقول مش صوتك
عسال….بضحك يعني ايه مش صوتي صوتي ولا لا يا نودي
نادين….بضحكه تجنن لا مش صوتك
نعيمه…..الاول صوتك ده لا
عسال…..يعني ايه ما انا بغني معاكم اهو طيب نعيد تاني ايه رأيكم
الجميع……نعيييييد
عسال….طيب نعيد خلينا نشوف اخرتها نغني مع بعض بقي و خليكم باصين هناك كده لحظه
شاورلهم علي مكان بيدخل ويخرج منه الفرقه و فجأه سمعوا تاني صوت بيغني… انا واخويا و ابن عمي و الغررررررب اخوات منجيييييش علي الغلبان اصحااااب و جدعان ولينا عالطريق حكاياااااااااااات
صاحبك ده من بختك في المصلحه ياخدك وان جات عليك دنيتك تلقاه واقف جنبك الرزق مش قرشين الجدعنه رزقين يا ما عملنا فلوس والاخره راحت فين لمحوا عشري و فضل ورشيد داخلين و معاهم رضا البحراوي بنفسه
الكل اول ما شافهم صوتوا وصفروا و كان في صياح و صدمه مش طبيعيه
سلامه وحسان بصوا بصدمه و هما بيضحكوا و شايفين شقاوه عشري وفضل ورشيد وهما داخلين معاه بيغنوا و بيرقصوا كتفهم بشكل يخطف
